නිදහස් වෙළඳ කලාපයේ සේවිකාවන් නිරෝධායනයට යොමුකිරීමේදී හමුදාව විසින් අසාධාරණ ලෙස සැලකූ බව චෝදනා කරමින් මානව හිමිකම් කොමිසමට පැමිණිල්ලක් ඉදිරිපත් කර තිබේ. මෙම පැමිණිල්ල යොමුකර ඇත්තේ සේවිකාවන් 98 දෙනෙකු වෙනුවෙන් නිදහස් වෙළඳ කලාපයේ සේවිකාවන් සමඟ කටයුතු කරන සංවිධාන කිහිපයක් විසිනි.
නිදහස් වෙළද කලාප සේවිකාවන් 98 දෙනෙකුගෙන් යුතු පිරිසක් හමුදාව විසින් හමුදාව විසින් බලහත්කාරයෙන් නිරෝධායනය සඳහා යොමුකිරිම , ඔවුන්ට අමානුෂික ලෙස සැලකීම, ඔවුන්ව සෞඛ්‍යාරක්ෂිත නොවන තැන්වල රඳවා තැබීම සහ අනාරක්ෂිත ලෙස ප්‍රවාහනය කිරීමට එරෙහිව ශ්‍රී ලංකා මානව හිමිකම් කොමිසමට පැමිණිල්ලක් ඉදිරිවත් කර තිබේ. මේ පැමිණිල්ල ඉදිරිපත්කර ඇත්තේ කොවිඩ් -19 අවම කිරීම සඳහා වූ ජාතික ක්‍රියාන්විත මධ්‍යස්ථානයේ (NOCPCO) ප්‍රධානී ආරක්ෂක මාණ්ඩලික ප්‍රධානී සහ යුද හමුදාපති, ලුතිනන් ජෙනරාල් ශවේන්ද්‍ර සිල්වාට සහ මෙම සේවිකාවන් වටලෑමට යවන ලද ශ්‍රී ලංකා හමුදා නිලධාරීන්ට එරෙහිව ය. මෙම පැමිණිල්ල ඉදිරිපත් කර ඇති සංවිධාන වන්නේ ස්ටෑන්ඩ් අප් මූව්මන්ට් ලංකා, දාබිඳු සාමූහිකය , මානව සංවර්ධනය සඳහා විප්ලවීය පැවැත්ම (RED), ශ්‍රම අභිමානී කේන්ද්‍රය යන සංවිධානයි.
