කලාන්තයි ආනන්ද
කොන්ද රිදෙනවා ආනන්ද
මේ දවස්වල මං වැඩ වසන්නේ
V.P.ගෙ කාරෙකේ ඩෑෂ් ⁣බෝඩය මත

මල් අඞ අඞා පරවෙනවා
පස්සෙ ෂීට් එක මත
ඇහැක් උස්සන්නෙ කොහොමද
බෙල්ල කකියන කොට

වැටෙන හැම වළක් ගානෙම
කොන්ද වදිනවා වින්ස්ක්‍රිනය මත

” ආරෝග්‍යා පරමා ලාභා”
බෝඩි එක
ඡීවකගෙ චැනල් සෙන්ටරේ
දොර උඩ

සල්ලි බෑගය දානකොට ඩිකියට
ගැස්සෙනවා තෙවළා දහම් බණ පද

ක්ලාන්තයි ආනන්ද
කොන්ද රිදෙනවා ආනන්ද

ඍධියෙන් වුව වඩින්නේ කොහොමද
ගමි ගා අලවා අැත පස්ස පැත්තම
හෙළවෙන රිදී බෝ කොළේ
වදිනවා නළලට
හැම බ්රේක් පාරටම

සුනීත සෝපාකලා
බේත් අරගෙන
ඔහේ යනවා
කාරෙක දිහා බලාගෙන

හම්බ වුනොත්
යසෝදරාවට කියනවද
කිරිපිඩු ටිකක්
පැන් සුමුගක්
කාටත් හොරෙන්
වඩම්මන ලෙස කාර් එකටම