53 වැනි වියේ පසුවූ ඉර්ෆාන් මුම්බායි නගරයේ රෝහලකදී මියගොස් ඇති බව වාර්තා වේ. 2018 වසරේදී තමන්ට මොළයේ පිළිකාවක් තිබෙන බව නිවේදනය කර තිබුණි. ඉන්දීය මාධ්ය වාර්තා කර ඇති පරිදි ඔහු රෝහලට ඇතුලත් කර තිබුණේ මහ බඩවැලේ ඇතිවූ ආසාදනයක් හේතුවෙනුයි.
ඔහු මුලින්ම ප්රසිද්ධ රංගනයට එක්වන්නේ 1988 වසරේ තිරගත වූ Salaam Bombay චිත්රපටය හරහායි. පසුව ඔහු වසර ගණනාවක් රූපවාහිනී නාට්යවලට පමණක් කොටුවීමට සිදුව තිබෙනවා. ඉර්ෆාන් ඛාන් එය හඳුන්වා ඇත්තේ එකතැන සිරවීමක් ලෙසයි. එහෙත් The Warrior චිත්රපටයේ රඟපෑමත් සමඟ ඔහු වෙතට නැවතත් හොලිවුඩයේ මෙන්ම බොලිවුඩ් ප්රේක්ෂකයන්ගේ අවධානයය යොමු වෙනවා. ටික කාලයකින්ම ඉර්ෆාන් ඛාන් බොලිවුඩ් තුළ වගේම හොලිවුඩය තුළත් ජය කෙහෙළි නංවන්න සමත් වෙනවා. මේ අනුව Life of Pi, Slumdog Millionaire, The Mighty Heart සහ Jurassic World යන චිත්රපටි හරහා මුළු ලෝකයේම අවධානය දිනා ගන්නවා.
ඔහු රඟපෑ අවසන් චිත්රපටය වන්නේ Angrezi Medium චිත්රපටියයි.
ඊට අමතරව සම්මාන සඳහා පාත්රවූ චිත්රපට රැසක් සඳහා ඔහු රංගනයෙන් දායක වී ඇත. Maqbool (2004), Paan Singh Tomar (2011), The Lunchbox (2013), Haider (2014), Gunday (2014), Piku (2015) and Talvar (2015) and Hindi Medium (2017) කිහිපයකි.
