සිවිල් ක්රියාකාරිනියක සහ ප්රහසන ශිපිනියක වන නතාෂා එදිරිසූරිය සිවිල් හා දේශපාලන අයිතිවාසිකම් පිළිබඳ සම්මුති පනත යටතේ අත්අඩංගුවට ගෙන රිමාන්ඩ්කරවීම සම්බන්ධයෙන් අපරාධ පරීක්ෂණ දෙපාර්තමේන්තුවේ සයිබර් අපරාධ සහ බුද්ධි විශ්ලේෂණ ඒකකයේ හිටපු ස්ථානාධිපති එම් එම් යූ සුබසිංහ මහතා අද ශ්රේෂ්ඨාධිකරණයේ දී නතාශා එදිරිසූරිය මෙනවියට ලිඛිතවම කණගාටුව පළකර තිබේ.
එසේම මෙම පනත යටතේ මින් ඉදිරියට නීති විරෝධී අත්අඩංගුවට ගැනීම් වැලැක්වීම සඳහා පොලිස්පතිවරයා විසින් සියලුම පොලිස් නිලධාරීන්ට චක්රලේඛයකින් උපදෙස් මාලාවක් නිකුත් කිරීමට ද කටයුතු කරන බව වගඋත්තරකරුවන් වෙනුවෙන් පෙනී සිටි නීතිපති දෙපාර්තමේන්තුව අධිකරණයට දැනුම් දී ඇත.
එම චක්රලේඛය සති දෙකක් තුළ නිකුත් කරන බවත්, පෙත්සම්කාර නතාෂා එදිරිසූරිය එම මාර්ගෝපදේශ පරීක්ෂා කර බලා ඊට එකඟත්වය පල කළ බවත් නීතිපතිපදෙපාර්තම්න්තුව දැනුම් දී ඇත.
“අත්අඩංගුවට ගත් නිලධාරියා ලෙස, සමස්ත තත්ත්වයන් සැලකිල්ලට ගනිමින්, 2023 මැයි මස 27 වන දින සිදු කරන ලද අත්අඩංගුවට ගැනීම සහ ඒ හේතුවෙන් 2023 ජූලි මස 5 වන දින දක්වා ඔබ රක්ෂිත බන්ධනාගාරගතව සිටීම සම්බන්ධයෙන් මම මගේ බලවත් කනගාටුව ප්රකාශ කරමි. එමෙන්ම මෙම අත්අඩංගුවට ගැනීම සහ රක්ෂිත බන්ධනාගාරගත කිරීම හේතුවෙන් ඔබගේ කීර්තිනාමයට සහ ගෞරවයට සිදුවූ හානිය මෙන්ම ඔබට ඇති වූ මානසික හා චිත්තවේගීය පීඩාවන් සම්බන්ධයෙන් ද මම මගේ බලවත් කනගාටුව ප්රකාශ කර සිටිමි.” යනුවෙන් කණගාටුව පල කිරීමේ ලිපියේ ඉංග්රීසි බසින් සඳහන් විය.
මෙම කණගාටුන පල කිරීම සහ චක්රලේඛ යොමු කිරීම සිදුවූයේ පෙත්සම්කාර නතාශා ඉදිරිපත් කළ කොන්දේසි අනුවය.
