තරංගා රණසිංහ ලාංකික සාහිත්යය තුළ සුවිශේෂී අන්යන්යතාව ක් සනිටුහන් කළ අපූර්ව නිර්මාණශීලී පරිකල්පනයකින් හා ස්ත්රීත්වය දෙස ගැඹුරු මානවහිතවාදී දෘෂ්ටියක් හෙලන්නියක් ලෙස හදුන්වමි.
2000 දශකයේදී කොළඹ සරසවියේ අධ්යාපනය ලබමින් සිටියදීම චින්තක රණසිංහ සමග ඇය සිය මුල්ම කාව්ය නිර්මාණ එකතුව “කටුස්සකුගේ මළගම” නමින් එළි දක්වමින් කාව්ය ක්ෂේත්රයේ නැවුම් සනිටුහනක් තැබුවාය.
2002 දී තරංගා “වෙරෝනිකා මටත් දැන් පිස්සු” කෙටි කතා එකතුව ලාංකික පාඨකයාට අභිමුඛ කරනුයේ සම්ප්රදායික කෙටි කතා කළාවෙහි දෘෂ්ටිමය හා ආඛ්යාන ව්යුහය සපුරා ඛණ්ඩනය කරමින් තරංගාට ආවේණික සුවිශේෂී නැවුම් ශෛලයක් හඳුන්වා දෙමිනි.
පශ්චාත් නූතනවාදී ස්ත්රීවාදී දෘෂ්ටිකෝණයකින් නිමවන “වෙරෝනිකා මටත් දැන් පිස්සු” කෙටි කතා එකතුව හා 2008 ඇය නිර්මාණය කරන “මෙමා හැර ලියෝ” කෙටි කතා සංග්රහය දශක දෙකකට පසුවද ලාංකික සාහිත්යයෙහි ස්ත්රී දායකවත්වයෙහි සුවිශේෂි අගයක් අත් කර ගන්නා නිර්මාණ ලෙස අපට හැදින්විය හැකිය.
“මෙමා හැර ලියෝ” ලාංකික ස්ත්රීත්වයේ පීඩනය පිළිබද ඉස්මතු කළ සියුම් කතිකාව නිසාම එය ඉංග්රීසි බසට පරිවර්තනය වී පොදුරාජ්ය මංඩලීය කෙටි කතා අතරට එක් කරනු ලැබ ඇත.
වසර 14 කට පසු” නිදි නැති නිම්නය “කෙටි කතා නිර්මාණ සමග තරංගා අප වෙත පිවිසෙනුයේ වෙනස් ආකෘතික රටාවකිනි.ඇගේ නිර්මාණශීලී ප්රකාශනය පළකරවා ගැනීමේ දුෂ්කර ක්රියාවක නිරත වීමට සිදුවූ බවට ඉගියක්ද සමග ස්ත්රී චරිත 5ක් කේන්ද්ර කර ගනිමින් ලාංකික සමාජ සංස්කෘතික හා ආර්ථික ව්යුහය තුළ ස්ත්රිය මුහුණ දෙන පීඩනයෙ එක් පැති කඩක් සියුම්ව විවරණය කරමින් සංවාදයට ගැනීමට තරංගා” නිදි නැති නිම්නය “හරහා වෑයම් කරයි.
“නිදි නැති නිම්නය “ඇගේ මුල් ප්රවේශයෙන් වෙනස් ආකෘතිමය අත් හදා බැලීමකට දිශානත වුවද එහිදී තරංගාගේ ස්ත්රීවාදී මානවීය දෘෂ්ටිය හා අපූර්ව ගවේෂණාත්මක නිර්මාණශීලිත්වය මනා සුසංයෝගයකින් පවත්වා ගනිමින් අපූර්ව සාහිත්ය සංවාදයක් ගොඩ නංවයි.එම සංවාදය හුදු සාහිත්යය රසාලිප්ත බව ඉක්මවා අපගේ දේශපාලන සමාජ සංස්කෘතික ව්යුහයන්ගේ ස්ත්රීත්වයට එරෙහිව පවතින පීඩනය සියුම්ව ප්රශ්න කරන සංවාදයක් ගොඩ නංවයි. එසේම ලොව පුරා කාන්තාවන්ගේ ගෘහස්ත ආර්ථික පීඩනයෙහි සැබෑ ස්වරූපය අතරට ලාංකික මුහුණුවර විදහාලීමට “නිදි නැති නිම්නය “සමත්ව ඇත.
අතිශය මානව හිතවාදී වූද අපූර්ව නිර්මාණශීලී චින්තනයක් හා නිර්මාණශීලී කෞශල්යයන් ගෙන් පරිපූර්ණ වූද තරංගා රණසිංහ ලාංකික සාහිත්යයෙන් ඔබ්බෙ විශ්වීය නිර්මාණකාරිනියක් ලෙස ඇගේ නිර්මාණකරණය වඩා පෘථුලව ලොවට දායාද කරනු ඇතැයි අපි අපේක්ෂා සහගතව තරංගාට සුභාශිංසනය කරමු.
තිලිනා වීරසිංහ
