වතු කම්කරු වැටුප් වැඩිකිරීමට අදාළව වාද බේද අමතක වීමට හේතුව

මෙහිදී එක්සත් ජාතික පක්ෂය නියෝජනය කරන ජීවන් තොණ්ඩමන් සහ සමගි ජන බලවේගය නියෝජනය කරන මනෝ ගනේෂන්, රාධා ක්‍රිෂ්ණන්, පලනි දිගම්බරන් යන මන්ත්‍රීවරුන් අයවැයට පක්ෂව ඡන්දය ප්‍රකාශ කර තිබේ.

අයවැයෙන් වතු කම්කරුවන්ගේ වැටුප් වැඩිකර ඇති හෙයින් තමන් අයවැයට පක්ෂව ඡන්ද භාවිතා කළ බවයි ඔවුන් සඳහන් කර තිබේ.

2026 අයවැය දෙවන වර කියවීම වැඩි ඡන්දයෙන් ඊයේ (14) පස්වරුවේ සම්මත විය. එහිදී අයවැයට පක්ෂව ඡන්ද 160ක් සහ විරුද්ධව ඡන්ද 42ක් හිමිවූ අතර 8 දෙනෙකු ඡන්දය ලබාදීමෙන් වැළකී තිබේ.

ඒ අනුව ඒ අනුව වැඩි ඡන්ද 118කින් අයවැය දෙවන වර කියවීම සම්මත විණි.

වතු කම්කරු වැටුප් වැඩිකිරීමේදී රුපියල් 200ක පැමිණීමේ දීමනාව රජය මගින් ගෙවීම සම්බන්ධයෙන් විපක්ෂය සිය විරෝධය පළකර තිබුණි. ඔවුන් පවසන්නේ ජනතාවගේ බදු මුදල් යොදවා එවැනි වැටුප් වැඩිවීමක් සිදු නොකළ යුතු බවයි.

ආණ්ඩුව පවසන්නේ වතු කම්කරුවන් වෙනුවෙන් එවැනි කැපකිරීමක් සිදුකල යුතු බවත් ඔවුන් මේ රට වෙනුවෙන් විශාල දායකත්වයක් සපයනබවයි.

කෙසේවෙතත් මෙම ආණ්ඩුව සහ විපක්ෂය මතු කරන කාරණා හරහා සඟවන කාරණයක් තිබේ. එනම් වතු සමාගම් සහ තේ වෙන්දේසි සමාගම් කොතරම් ලාභ ලබන්නේද යන්නයි. එම ලාභයෙන් කොටසක් එය හිම්විය යුතු වතු කම්කරු ලබා නොදී ඒ බරත් ජනතාව පිට පටවා තිබේ. ඒ හරහා සමාගම්වලට තව තවත් ඔවුන්ගේ ලාභ තර කරගැනීමට අවස්ථාව සැලසේ.

සමාගම්වලට වාසි සැලසෙන එවැනි තත්ත්වයක් තුළ තොන්ඩමන්ලා දිගම්බරම්ලාගේ සහයෝගය ආණ්ඩුවට ලැබීම පුදුමවීමට කාරණයක් නොවේ. ආණ්ඩුව සහ විපක්ෂය ඇතුළු ඔවුන් සියලු දෙනා සිටින්නේ එක පත්තකයි. ඒ වතු කම්කරු ජනතාවගේ පැත්ත නොව සමාගම්වල පැත්තේයි.

Share post:

Popular

වෙනත් පුවත්

මුදාහළ ස්ත්‍රී ආත්මයක සංවේදනය

ධම්මිකා විජේසිරිගේ 'ඉහිල් මුහුලස්' උනා දැමීමීට පෙර ඇය 'මේඝමාලාගේ...

ආණ්ඩුවේ ආර්ථික ‘මැජික් එක’

මාලිමා ආණ්ඩුව වසර දෙකක් ඇතුලත රටේ ආර්ථිකය ස්ථාවර කරගත්...

අසෝක රන්වල ජපන් භාෂාවෙන් ඉල්ලුවේ මොනවද?

හිටපු කතානායක පාර්ලිමේන්තු මන්ත්‍රී අසෝක රන්වල ජපන් භාෂාවෙන් උත්සව...

රෝහල්වල වෛදවරු 7000ක හිඟයක්

දිවයින පුරා පිහිටි රජයේ රෝහල්වල වෛද්‍ය නිලධාරීන් 7,000ක හිඟයක්...