ඇතැම් විද්‍යුත් මාධ්‍ය ද යොදාගනිමින් ක්‍රිකට් ක්‍රීඩාවට විනාශකාරී ලෙස පහර ගසන සමාජ මාධ්‍ය කල්ලිවලට එරෙහිව නෛතික පියවර ගැනීම අරඹා ඇති බව ක්‍රීඩා අමාත්‍ය හරීන් ප්‍රනාන්දු පවසනවා.
ඔහු මේ බව පැවසුවේ ශ්‍රී ලංකාවේ ප්‍රථම ගොල්ෆ් ඇකඩමිය විවෘත කිරීමේ උත්සවයකට සහභාගී වෙමින්.
ඇමති එහිදී වැඩිදුරටත් පැවුසවේ සමාජ මාධ්‍ය නියාමන පනත හරහා නෛතික පියවර ගන්නා බවයි.
හරීන් ප්‍රනාන්දු ,
“සමාජ මාධ්‍ය කිහිපයක් ආයෙත් සූදානම් වෙලා ක්‍රිකට්වලට මඩ ගහන්න. ගොඩක් අය අද නොදන්න දේ මේ දඹුල්ල සිද්ධිය නිසා මටත් සනත් ජයසූරියටත් චෝදනා කරනවා. ක්‍රීඩා වැරදි වැළැක්වීමේ ඒකකය 2019 දී පිහිටුවූයේ මමයි. ලෝකේ නැති නීතියක් ලංකාවේ තිබීමම අපිට ශක්තියක්. අලුතෙන් ගෙනාපු Online පනත හරහා මඩ ගහන සියලුදෙනාට නඩු පවරනවා. සියලුදෙනාගේ සමාජ මාධ්‍ය තහනමකට ලක්වෙනවා. එකම චෝදනා කරන කට්ටියක් එකම නාලිකාවක් අල්ලගෙන අපිට මඩ ගහනවා.”
සමාජ මාධ්‍ය නියාමන පනත ගෙන ඒමේදී ආණ්ඩුව නගන ලද ප්‍රධාන තර්කයක් වූවේ සමාජ මාධ්‍ය ජාල හරහා කාන්තාවන් දරුවන් විශාල වශයෙන් අපයෝජනයට ගොදුරුවන බවත් ඒවා වැලැක්වීම සඳහා මෙවැනි නීති අවශ්‍ය බවත්ය. නමුත් ආණ්ඩුවේ සැබෑ වුමනාව වුවේ තමන්ට විරුද්ධ මත මර්දනය කිරීමයි. ආණ්ඩුවේ ඇත්ත වුමනාව කුමක්ද යන්න දැන් ජනතාව ඉදිරියේ හෙළිදරව් වෙමින් පවතියි.
