එක්ස්ප්‍රස් පර්ල් ඛේදවාචකයෙන් පසු කුඩා මසුන් රැසක් වඳ වෙලා

X-Press Pearl නෞකාවේ ඛේදවාචකයෙන් පසු අපේ මුහුදු ප්‍රදේශවලට ආවේණික සාගරයේ ජීවත්වූ විසිතුරු මත්ස්‍ය විශේෂ රැසක් වඳ වී ගොස් ඇති අතර කුඩා මත්ස්‍ය විශේෂ රැසක් ක්ෂය වී ඇති බවත් ශ්‍රී ලංකාවේ විසිතුරු මත්ස්‍ය අපනයනකරුවන් පවසා තිබේ.

පරිසරය, ස්වභාවික සම්පත් සහ තිරසර සංවර්ධනය පිළිබඳ පාර්ලිමේන්තු ආංශික අධීක්ෂණ කාරක සභාවේදී මේ පිළිබඳ තොරතුරු අනාවරණයවී ඇතැයි එම කාරක සභාවේ සභාපති අජිත් මාන්නප්පෙරුම පවසා තිබේ. විසිතුරු මත්ස්‍ය අපනයනකරුවන්ට පෙර මෙන් මෙම මත්ස්‍ය විශේෂ පහසුවෙන් සොයා ගැනීමට නොහැකි වී ඇතැයි ඔහු පවසයි.

එපමණක් නොව, හාල්මැස්සන් වැනි බොහෝ ආහාර මත්ස්‍ය ප්‍රභේද ක්ෂය වී ඇති අතර විශාල මත්ස්‍ය විශේෂවල සහ කැස්බෑවන්ගේ මළකඳන් වෙරළට ගසාගෙන ගොස් ඇති බව ඔහු පැවසීය.

X-Press Pearl නෞකාවේ ඛේදවාචකයෙන් පසු තවත් කුඩා මත්ස්‍ය විශේෂ ක්ෂය වී ඇති බවත්, එම බලපෑම තවමත් මුහුදේ දක්නට ලැබෙන බවත් මෙහිදී හෙළිව ඇත. මුහුදු ජලයේ තත්ත්වය තවමත් සාමාන්‍ය තත්ත්වයට පත්ව නැති බවද පැවසේ.

නෞකාවේ ඇති විෂ සහිත අපද්‍රව්‍ය හේතුවෙන් විසිතුරු මසුන්ගේ වර්ණ විවිධත්වයට දැඩි හානි සිදුව ඇත.

සමුද්‍ර පරිසර ආරක්ෂණ අධිකාරිය (MEPA) ප්‍රකාශ කළේ X-Press Pearl නෞකාවේ ඉන්ධන ඉවත් කළ බවත් එහි නොමැති බවත්ය. නමුත් මුහුදු මතුපිට ඉන්ධන පැල්ලම් දක්නට ලැබෙන බව ද මෙම කමිටුවේදී හෙළිව ඇත.

 

Share post:

Popular

වෙනත් පුවත්

ගෑස් වැඩිකළ ‘කුමන්ත්‍රණකරුවන්ට’ එරෙහි පියවරක් නැද්ද?

අයවැය ඉදිරිපත් වූ වහාම කිලෝග්‍රෑම් 12.5 ලාෆ්ස් (LAUGFS) ගෑස්...

අනුරගේ පරිවර්තනීය අයවැය ජේ ආර්ගේ පරිවර්තනයේ ඉදිරි කොටසක් – රවීන්ද්‍ර මුදලිගේ

2027 වසරට අදාළ අයවැය ඉදිරිපත් කරමින් ජනාධිපතිවරයා මෙය පරිවර්තනිය...

දරුවෝ ගැන කිසිම කම්පනයක් නැති ‘පෝල්රාජ් අම්මලාගේ’ අයවැය

නකල්ස් ප්‍රදේශයේ ගල් ගුහාවකින් 15 හැවිරිදි දැරියක් අනාරක්ෂිත දරු...

ඉල්මහ විරුවන් වෙනුවෙන් අපට කළ හැක්කේ ඔවුන්ගේ අරමුණ වූ සමාජාවාදය කරා රට ගෙනයාමයි .

පෙරටුගාමී සමාජවාදී පක්ෂයේ ඉතාලි කමිටුව විසින් සංවිධානය කළ 37...