රනිල් වික්‍රමසිංහ කළ ප්‍රකාශය ඔහු මේ රටේ දේශපාලනය කොහෙටද ගෙනියන්න හදන්නේ කියන එක සහ ආර්ථිකය සම්බන්ධ දරුණු ඛේදවාචකයක් අපි ඉස්සරහ තිබෙන බවට ඉඟි කිරීමක් බව පෙරටුගාමී සමාජවාදී පක්ෂය පවසයි.
අද පැවති මාධ්‍ය හමුවකදී අදහස් දක්වමින් එම පක්ෂයේ ප්‍රචාරක ලේකම් දුමින්ද නාගමුව පැවසුවේ,
“පැහැදිලිවම ජනතාවට එරෙහිව යුද්ධයක් කැඳවලා තියෙන්නේ. ඊයේ ජනාධිපතිවරයාගේ ප්‍රකාශයේ හරය ඒක. බොරුවට තව ටිකක් අමාරුයි කියාගෙන එන්නේ ක්‍රියාත්මක කරගන්න බැරිවුණු නව ලිබරල් ආර්ථික වැඩපිළිවෙල මාස 06න් ක්‍රියාත්මක කරන්න මේ එන්නේ.
මේ ප්‍රශ්නයෙන් ගලවගන්න එකම ශක්‍යතාවය තියෙන්නේ ජූලි 09 ජනතාවට. අපි ඔවුන්ගෙන් ඉල්ලා සිටිනවා මේ මොහොතේ මේ ප්‍රශ්නය හොදින්ම තේරුම් ගන්න. නිර්වින්දයන වෙන්න එපා. මේ සමාජ අපරාධයට එරෙහිවන්න.”
