අරගලකරුවන් මර්දනය කිරීමට එරෙහිව ගත හැකි සියලු ක්‍රියාමාර්ග ගන්නා බව විශ්ව විද්‍යාල ආචාර්යවරුන්ගේ සමිති සම්මේලනය අද අවධාරණය කළා. ගෝඨාගෝගම පරිශ්‍රයේ එම සංගමය විසින් පැවැත්වූ මාධ්‍ය හමුවකදී විශ්ව විද්‍යාල ආචාර්යවරුන් පැවසුවේ මහජන ධනය කොල්ල කෑ පිරිස් නිදැල්ලේ සිටියදී අරගලයට විවිධාකාරයෙන් සම්බන්ධ වූ පිරිස් මර්දනය කරමින් සිටින බවයි.
මෙම අරගලය ජනතාව තුළින් පැන නැගුනක් නිසා මර්දනය කර යටපත් කළ නොහැකි බවත් ආණ්ඩුව ලෙස කළ යුත්තේ අරගල කරුවන්ගේ හඬට සවන්දී අවශ්‍ය ක්‍රියාමර්ග ගැනීම බවත් විශ්ව විද්‍යාල ආචාර්යවරුන් මෙහිදී අවධාරණය කළා.
