උදේට පාන් ගේන්න කඩේ යන
ඊට පස්සේ
මුළු පවුලම තැන් තැන්වලට වීසීකරන
හවසට ආයෙත් එක්කාසු කරන් එන
කැරට් ලීක්ස් වට්ටක්ක සිලිබෑග් එක්ක
ඉඳහිට දවසක මිතුරි හිටියා
උඩ සාක්කුවෙ හැංගීගෙන
ඒත් හුඟක් දවසට ඔයා කිව්වේ
” මහන්සියි අනේ හෙට උදෙත්
නැගිටින්න ඕන හතරට ”
ඔයත් ඔය හපුටු නයිටිය අස්සෙ
වකුටු වෙලා හිටියට
කෙල්ල කාලේ හරි වෙනස්
මොකද මට අමතක
කුෂ්වාන්ත් සිංට ආදරෙ කළ
පිස්සු කෙල්ලෙක්
නන්නත්තාරේ ජීවිතේ වින්ද
කළුවරේ සිගරට් බිව්වට
දුම් රැළි රටාවල ලස්සන
පේන්නේ නෑ කැරළි ගැස්සුන
ඔයාටත් පුළුවන් කැමතිනම් ඉඳහිට
සයිවර් කඩේකින් තෝසේ එකක් එක්ක
කන්න වඩයක් ටිකක් සැරට!!
