කුමන විවේචන එල්ල වුවද තමන් වැඩ කරන්නේ තමන්ගේ ක්‍රමයට බව ජනාධිපති ගෝඨාභය රාජපක්ෂ පවසා තිබේ.
ඒ අද (06) කෑගල්ල දිස්ත්‍රික්කයේ දැරණියගල ආසනයේ දික්වැල්ල ග්‍රාම නිලධාරී වසම කේන්ද්‍රකරගෙන පැවති ගම සමඟ පිළිසඳර වැඩසටහනට සහභාගී වෙමිනි.
තමන් මේ සිදුකරන්නේ දේශපාලන නාට්‍යයක් හෝ සංදර්ශනයක් නොවන බවද එහිදී ජනාධිපතිවරයා පවසා තිබේ.
“සාමාන්‍යයෙන් ජනාධිපතිවරයෙක් දුෂ්කර ගම්මානවලට යන්නේ නෑ. අපි එන්නේ ගම්වල ජනතාවගේ අදහස් සාකච්ඡා කරලා තියෙන ප්‍රශ්නවලට විසඳුම් දෙන්න. මම දැක්කා සමහර සමාජ මාධ්‍යවල කියනවා මේවා දේශපාලන නාට්‍ය, මාධ්‍ය සංදර්ශන කියලා. මේවා එහෙම ඒවා නෙමෙයි. මාධ්‍ය සංදර්ශන දාන්නේ ඡන්දෙ කිට්ටු වෙලානේ. ඒකට තව අවුරුදු 4ක් තියෙනවා. අපි බලයේ ඉන්නකොට මේ ජනතාව අතරට යනවා. පරිසරය සමග සංවර්ධනය කරන්නේ කොහොමද කියලා මම පෙන්වලා දීලා තියෙනවා. මම මාධ්‍ය සංදර්ශන දාලා නෙමෙයි ජනාධිපති වුණේ. වැඩකරලා. කවුරු වුණත් විවේචනය කරන්න පුළුවන්. නමුත් මම මගේ ක්‍රමයට තමයි වැඩ කරන්නේ.”
