ඊයෙ ඉතාලියේ මිලානෝ කොන්සල් ජෙනරල් කාර්යාලය ඉදිරිපිට උද්ඝෝෂණයක් පැවැත් විය. එම උද්ඝෝෂණය සංවිධානය කරලා තිබුණේ ඉතාලියෙ ජීවත්වෙන ශ්‍රී ලාංකිකයන් එකතු වෙලා. පාට පක්ෂ ජාති භේදයකින් තොරව එකතු වෙච්ච ශ්‍රී ලාංකිකයෝ ලංකා රජයට බලපෑම් කළේ කොරෝනා වසංගතය හේතුවෙන් ලංකාවට යන්නට නොහැකිව මැදපෙරදිග කලාපයේ සහ අනෙකුත් රටවල්වල සිට ලංකාවට යන්න බලාපොරොත්තුවෙන් ඉන්න අයට අදාල ගුවන් පහසුකම් ලබා දෙන්නට කටයුතු කරන්න කියා රජයට බලපෑම් කිරීමටයි .
විරු නාමකරණ යටතේ රට විරුවා ලෙස හඳුන්වන මේ විදෙස්ගත ලාංකිකයින් ,විශේෂයෙන්ම මැදපෙරදිග කලාපයේ ශ්‍රී ලාංකිකයින් අන්ත අසරණ තත්ත්වයට පත්වෙලා ඉන්නවා . ඔවුන්ව මව් රටට ගෙන්වා ගැනීමට අවශ්‍ය කරන වැඩපිලිවෙලක් නිර්මාණය කරන්නට මේ පාලකයන්ට නොහැකිවී තිබෙනවා .අප කල්පනා කරනවා ඒ සඳහා වූ බලපෑම විදෙස් ගත ශ්‍රී ලාංකිකයන් ලෙස අප සියලු දෙනා එකතුව කළයුතු වැඩක් කියලා .
