වැස්සට පුළුවන් අපේ හදවත ඇහැරවන්න. අහසෙ ඉදන් දුවගෙන පොළව ඉඹින්න එන වැහි බිංදු අපිව හිත් වලින් කොච්චර දුර අරන් යනවද?ඇස් දෙක පියාගෙන අහන්න.ඒ හඩට පුළුවන් ඔයාගෙ ජීවිතේ දුක්බරම කතාව කියවන්න. අපි වැස්සට ආදරේ ඇයි?……. මං වැස්සට ආදරෙයි, ජීවිතේ කියන දරාගන්න අමාරැ හීනෙන් මාව ඈත් කරන්න පුළුවන්තාක්කල්…… ආයෙත් වහින්න. මට ඕන ඒ වැස්සෙ මාව දකින්න ………….❤

කළු ගැහුණු වළාකුළු හඬ හඬා ඉකි ගසා
තරු පිරුණු නිල් අහස ඝන කළුවරෙන් වසා
බිම වැටුණු වැහි පොදක් කොහේ යන්නද අසා
ගලා යනු සැටි පෙනේ මග හැරී යන දිශා..

පොද වැස්ස සේ මමත් ගලා යානම් ඇදී
රළු පොළව තෙමාලමි දැවෙන තැන් වල වැදී
උණුහුමට ඔය හුස්මෙ තබා වියළෙනු නොදී
යළි වැස්ස වහිනකල් ඉන්න දෙනවද රැඳී ..