Tag: luxury vehicles

  • ‘වාහනවල තාක්ෂණික තොරතුරු දීම ප්‍රතික්ෂේප කර තිබියදීත්’ BYD වාහන නිදහස් කරන්න රේගුව එකඟ වෙයි

    ‘වාහනවල තාක්ෂණික තොරතුරු දීම ප්‍රතික්ෂේප කර තිබියදීත්’ BYD වාහන නිදහස් කරන්න රේගුව එකඟ වෙයි

    ශ්‍රී ලංකා රේගුව මගින් රඳවාගෙන සිටින BYD විද්‍යුත් වාහන 506ක් අමතර බැංකු ඇපකරයක් ඉදිරිපත් කිරීමෙන් අනතුරුව මුදාහැරීමට ශ්‍රී ලංකා රේගුව අද (සැප්: 03) අභියාචනාධිකරණය හමුවේ එකඟ විය.

    ආනයනය කරන ලද විද්‍යුත් වාහන තොගයක් මුදා හැරීමකින් තොරව රඳවා ගැනීමට එරෙහිව ජෝන් කීල්ස් ඔටෝ ප්‍රයිවට් ලිමිටඩ් සමාගම ගොනු කර තිබූ පෙත්සමක් අභියාචනාධිකරණය හමුවේ කැඳවූ අවස්ථාවේදී මෙම එකඟතාව පළ කෙරිණි.

    සමාගමෙන් රේගුව ගැන චෝදනා
    අභියාචනාධිකරණයේ සභාපති විනිසුරු රොහාන්ත අබේසූරිය සහ ප්‍රියන්ත ප්‍රනාන්දුගෙන් සමන්විත අභියාචනාධිකරණ විනිසුරු මඩුල්ල ඉදිරියේ මෙම පෙත්සම කැඳවනු ලැබී ය.

    එහිදී, පෙත්සම්කාර සමාගම වෙනුවෙන් පෙනී සිටි ජනාධිපති නීතිඥ ෆර්සානා ජමිල් අධිකරණය හමුවේ කරුණු දක්වමින් මීට පෙර අධිකරණය හමුවේ ඇති කර ගත් එකඟතාව මත බැංකු ඇපකරයක් මත රේගුව විසින් රඳවා ගනු ලැබ සිටි විද්‍යුත් වාහන 991ක් මුදා හැර තිබූ බව සඳහන් කළා ය.

    ඉන්පසුව, එම කාණ්ඩයට ම අයත් වාහන 506ක් සිය සේවාදායකයා ආනයනය කර තිබෙන අතර, එම වාහන මුදා හැරීම රේගුව විසින් ප්‍රතික්ෂේප කරනු ලැබ තිබෙන බවටත් ජනාධිපති නීතිඥවරිය චෝදනා කළා ය.

    රේගුවේ මෙම ක්‍රියා කලාපය නිසා තම සේවාදායකයාට ව්‍යාපාරික කටයුතු කරගෙන යාමට නොහැකි තත්ත්වයක් උද්ගතව ඇති බවත් ඇය සඳහන් කළා ය.

    ‘වාහනවල තාක්ෂණික තොරතුරු දෙන ලෙස කළ ඉල්ලීම ප්‍රතික්ෂේප කළා’
    ශ්‍රී ලංකා රේගුව වෙනුවෙන් පෙනී සිටි අතිරේක සොලිසිටර් ජනරාල් සුමති ධර්මවර්ධන අධිකරණය හමුවේ කරුණු දක්වමින් පසුගිය නඩු දිනයේ වාහන 901ක් බැංකු ඇපකරයක් මත නිදහස් කිරීමේ එකඟතාව ඇති වූ අවස්ථාවේදී පෙත්සම්කාර සමාගම අදාළ වාහන පිළිබඳ විමර්ශන කටයුතුවලට සහය දක්වන බවට අධිකරණය හමුවේ එකඟ වූ බව කියා සිටියේ ය.

    එහෙත්, මෙම වාහනවලට අදාළ තාක්ෂණික තොරතුරු ලබා දෙන ලෙස රේගුව පෙත්සම්කාර සමාගමෙන් ඉල්ලා සිටිය ද, ඒවා ලබා දීම ප්‍රතික්ෂේප කර තිබෙන බවත් අතිරේක සොලිසිටර් ජනරාල්වරයා චෝදනා කළේ ය.

    මෙහිදී අභියාචනාධිකරණයේ සභාපති විනිසුරුවරයා විමසා සිටියේ අතිරේක බැංකු ඇපකරයක් මත දැනට ආනයනය කර තිබෙන වාහන මුදාහැරීම හැකියාවක් තිබේ ද? යන්න ය.

    බැංකු ඇපකරයක් මත වාහන මුදා හැරීම

    ඒ අවස්ථාවේදී ශ්‍රී ලංකා රේගුව වෙනුවෙන් පෙනී සිටි නිලධාරීන්ගෙන් උපදෙස් ලබාගෙන අධිකරණය හමුවේ කරුණු දැක්වූ අතිරේක සොලිසිටර් ජනරාල්වරයා පෙත්සම්කාර පාර්ශවය විසින් අතිරේක බැඳුම්කරයක් ඉදිරිපත් කරන්නේ නම් පෙර ඇති කර ගත් එකඟතාවයේ කොන්දේසි මත අදාළ වාහන මුදාහැරීමට හැකියාවක් තිබෙන බව පැවසීය.

    බැංකු ඇපකරය වශයෙන් ගෙවිය යුතු මුදල් වටිනාකම ගණනය කර පෙත්සම්කාර පාර්ශවයට දැනුම් දෙන බවත් ඔහු සඳහන් කළේ ය.

    එම වටිනාකම දැනුම් දුන් පසුව බැංකු ඇපකරය ඉදිරිපත් කිරීමට කටයුතු කරන බවත්, පෙත්සම්කාර පාර්ශවය වෙනුවෙන් පෙනී සිටි ජනාධිපති නීතිඥවරිය සඳහන් කළා ය.

    ඒ අනුව, අදාළ ඇපකරය මත වාහන මුදා හැරීමට කටයුතු කරන ලෙස අභියාචනාධිකරණය ශ්‍රී ලංකා රේගුවට දැනුම් දුන්නේ ය.

    මේ අතර, අතිරේක සොලිසිටර් ජනරාල්වරයා වැඩිදුරටත් අධිකරණය හමුවේ කරුණු දක්වමින් මෙම වාහන සම්බන්ධයෙන් සිදුකරන විමර්ශනවලට අදාළව තාක්ෂණික කාරණා කීපයක් පෙත්සම්කාර පාර්ශවය වෙතින් ලබා ගැනීමට අවශ්‍යව තිබෙන බවත් ඒවා මොනවා ද? යන්න දැක්වෙන මෝසමක් ඉදිරිපත් කිරීමට කටයුතු කරන බවත් සඳහන් කළේ ය.

    ඒ අනුව, අදාළ මෝසම ඉදිරිපත් කරන ලෙස සොලිසිටර් ජනරාල්වරයාට දැනුම් දුන් අධිකරණය පෙත්සම යළි සැප්තැම්බර් මස 15 වන දා කැඳවන ලෙස නියම කළේ ය.

    උපුටා ගැනීම – BBC සිංහල

    මෙම වාහනවල මෝටරයේ ධාරිතාවය සම්බන්ධව ඇතිවූ ගැටළුවක් මත මෙම වාහන රේගුව විසින් රඳවාගෙන තිබුණි. රේගුවේ චෝදනාව වූවේ ධාරිතාව අඩුවෙන් පෙන්වීම හරහා මෙම වාහන ආනයනික සමාගම බදු වංචාවක් සිදුකර ඇති බවයි.

    ඒ අනුව අදාළ වාහනවල බදු අතර පවතින පරතරය ලෙස ගණනය කර තිබෙන රුපියල් 3,552,909,200/- (රුපියල් බිලියන 3.6 කට ආසන්න) මුදල රාජ්‍ය බැංකුවක ඇපකරයක් වශයෙන් පෙත්සම්කාර සමාගම ඉදිරිපත් කළ යුතු අතර එම ඇපකරය සඳහා අදාළ වන පොලිය පෙත්සම්කාර සමාගම ගෙවීමට එකඟ විය යුතු බව අධිකරණයේදී එකඟතාවකට පැමිණෙන ලදී.

    ඊට අමතරව අදාළ වාහනවල මෝටරයේ ධාරිතාව කිලෝ වොට් 100 ද නැතිනම් 150 ද යන්න නිගමනය කිරීම සඳහා පේරාදෙණිය හා මොරටුව විශ්ව විද්‍යාලවල තාක්ෂණික විශේෂඥයින් දෙදෙනෙකු, රජයේ රස පරීක්ෂක දෙපාර්තමේන්තුවේ විශේෂඥයෙකු , මෝටර් රථ ප්‍රවාහන දෙපාර්තමේන්තුවේ විශේෂඥ නිලධාරියකු ඇතුළත් කමිටුවක් පත් කිරීම ද ඊට ඇතුළත් කොන්දේසියකි.

    මේ අනුව ඉහත පුවතේ සඳහන් ආකාරයට පරීක්ෂණ සඳහා අවශ්‍ය තාක්ෂණික තොරතුරු සමාගම විසින් ලබා නොදෙන්නේ නම් රජයට අහිමිව තිබූ බදු මුදල් නැවත ලැබුනද වංචාවක් සිදුවී තිබෙන්නේ නම් ඊට අදාළව පියවර ගැනීම අපහසු වෙනු ඇත.

  • ආණ්ඩුවේ අලුත් සෙල්ලම

    ආණ්ඩුවේ අලුත් සෙල්ලම

    ආණ්ඩුව දිගින් දිගටම අමුතු සෙල්ලමක් කිරීමට පටන් ගෙන තිබේ. එනම් ආණ්ඩුවට අසත්‍ය චෝදනා එල්ල කරන බව පවසන්නන් අපරාධ පරීක්ෂණ දෙපාර්තමේන්තුවට ගෙන යන බවට තර්ජනය කිරීමයි.

    ජනාධිපති කාර්යාලය සතු වාහන ඉතා ටෙන්ඩර් ක්‍රමයට විකිණීම සම්බන්ධව සමාජ මාධ්‍ය ඔස්සේ පළවන වාර්තා සම්බන්ධවද ආණ්ඩුව එම සෙල්ලම කරමින් සිටියි. ජනාධිපති මාධ්‍ය අංශය නිවේදනයක් නිකුත් කරමින් පවසන්නේ සමාජ මාධ්‍ය ඔස්සේ පළවන පුවත් සත්‍යතාවයෙන් තොර අසත්‍ය පුවත් වන බවත් එම පුවත්වලට එරෙහිව මේ වන විට අපරාධ පරීක්ෂණ දෙපාර්ත්තමේන්තුවට පැමිණිලි කරනු ලැබ ඇති බවයි.

    එසේම මෙලෙස ටෙන්ඩර් ක්‍රමයට විකිණීමේදී රජයේ විවෘත ටෙන්ඩර් පටිපාටිය අනුගමනය කර ඇති අතර 2025-04-23 වන දින නියමිත පටිපාටියට අනුව පුවත්පත් නිවේදන මගින් ටෙන්ඩර් කැඳවීම ප්‍රසිද්ධියට පත් කරනු ලැබ තිබූ බවද එම නිවේදනයේ දැක්වේ.

    කෙසේවෙතත් ජනතාව ප්‍රශ්න කර සිටින්නේ සුඛෝපභෝගී වාහන විකිණීමෙන් පසු රට සුඛිත මුදිත කළ හැකි බව පැවසුවද දැන් ලැබී ඇත්තේ කෝටි 200ක මුදලක් පමණි.

    මෙම වෙන්දේසිය සඳහා ව්‍යාපාරිකයින් 108 දෙනෙකු පමණ එක්ව සිටි අතර, ඉන් වාහන 17 ක් පෙරේදා දිනයේ අලෙවි වූ බව ජනාධිපති මාධ්‍ය අංශය නිවේදනය කර තිබේ.

    සමාජ මාධ්‍ය ජාල හරහා බොහෝ දෙනෙක් ප්‍රශ්න කර සිටින්නේ වාහන මිල ගණන් ඉතා වැඩි මෙවැනි අවස්ථාවක අඩු මුදලට මෙම සුඛෝපභෝගී වාහන විකිනීමට හේතුව කුමක්ද යන්නයි. මෙය මිල ගණන් තීරණය කිරීමේදීම මිලදී ගන්නා පාර්ශවයට වාසිවන ආකාරයට තීරණය කර ඇති බවට චෝදනා නැගේ.

    මිල ගණන් තීරණය කිරීම ගැන වූ ක්‍රියාවලිය ගැන පැහැදිලි කිරීමක් නොකර ආණ්ඩුව චෝදනා කරන්නන් අපරාධ පරීක්ෂණ දෙපාර්තමේන්තුවට දැක්කීමට සිතීම එක්තර ආකාරයක ප්‍රජත්නත්‍රවිරෝධී වැඩකි.

  • රජයේ වාහන 4000ට විතර වෙච්චි දෙයක් නැහැලු

    රජයේ වාහන 4000ට විතර වෙච්චි දෙයක් නැහැලු

    සෞඛ්‍ය, අධ්‍යාපන, තැපැල් , වාරිමාර්ග ජනාධිපති ලේකම් කාර්යාලය ඇතුළු රාජ්‍ය ආයතන රැසක වාහන 4000ක පමණ ප්‍රමාණයක් පසුගිය කාලයේදී අතුරුදන්ව හෝ අස්ථානගතවී ඇති බවට තොරතුරු අනාවරණයවී ඇති බැවින් ජාතික විගණන කාර්යාලය සියලුම රජයේ ආයතන ආවරණය වන පරිදි විශේෂ විගණනයක් ඊයේ(27) ආරම්භ කර තිබෙන බව ලංකාදීප පුවත්පත වාර්තා කරනවා.

    මෙම විගණනයෙන් පසු අතුරුදන් හෝ අස්ථානගත රජයේ වාහන සම්බන්ධයෙන් සම්පූර්ණ වාර්තාවක් පාර්ලිමේන්තුවට ඉදිරිපත් කිරීමට කටයුතු කරන බව රජයේ විගණකාධිපති ඩබ්ලිව්.පී.සී වික්‍රමරත්න මහතා පවසා තිබෙනවා.

    කොළඹ ගාලු මුවදොර පිටියේ දමා ගොස් තිබූ සුඛෝපභෝගී වාහන 110 සම්බන්ධයෙන් තොරතුරු සොයා බැලීම සඳහාද විශේෂ විගණන කණ්ඩායමක් එහි පිටත් කර යැවූ බවද ඔහු සඳහන් කර තිබෙන බව පැවසෙනවා.

    මෝටර් රථ ප්‍රවාහන කොමසාරිස් දෙපාර්තමේන්තුව සමග එක්ව එම විමර්ශනය පවත්වාගෙන යන බව පවසන විගණකාධිපතිවරයා එම වාහන සත්‍ය වශයෙන් පාවිච්චි කළේ කවුදැයි සොයා ගැනීමට අදාල තොරතුරු පරීක්ෂාවද ආරම්භ කළ බව ප්‍රකාශ කළා.

    සෞඛ්‍ය අමාත්‍යාංශයට අයත් වාහන 1794ක් අතුරුදන්ව හෝ අස්ථානගතව ඇතැයි තොරතුරු හෙළිවී තිබෙන අතර ඊට මෝටර් රථ 679ක් සහ යතුරුපැදි 1115ක් ඇතුළත්.

    මීට අමතරව අධ්‍යාපන අමාත්‍යාංශයට අයත් වාහන 212ක්ද වාරිමාර්ග දෙපාර්තමේන්තුවට අයත් වාහන 880ක්ද තැපැල් දෙපාර්තමේන්තුවට අයත් වාහන 45 ක්ද අතුරුදන්ව හෝ අස්ථානගතව හෝ ඇති බව විගණන විමර්ශන වලදී හෙළි වී තිබෙනවා.

    ඇතැම් රජයේ වාහන වලට අදාල ලිය කියවිලි පවා අස්ථානගතව ඇති හෙයින් එම වාහන පිළිබඳව තොරතුරු සොයා ගැනීම ලොකු අභියෝගයක් වී ඇතැයි විගණන නිලධාරීන් පෙන්වා දෙනවා.

    මේ අතර රට විරුවන්ට වාහන පර්මිට් 1077ක් ලබාදීමේදීද අක්‍රමිකතා රැසක් සිදුව ඇතැයි තොරතුරු අනාවරණය වූ බව ජාතික විගණන කාර්යාලය පවසනවා.

    ඒ සම්බන්ධයෙන්ද සම්පූර්ණ වාර්තාවක් පාර්ලිමේන්තුවට භාර දුන් බව විගණකාධිපතිවරයා පවසා තිබෙනවා.

  • රජයේ සැප වාහනවලට මොනවා වෙයිද?

    රජයේ සැප වාහනවලට මොනවා වෙයිද?

    ආණ්ඩුවේ හිටපු ප්‍රධාන නිලධාරීන් විසින් භාවිත කරන ලද වාහන රැසක් නැවත බාරදී තිබීම සම්බන්ධයෙන් මේවනවිට සමාජ මාධ්‍ය ජාලවල කතා බහක් ඇතිව තිබේ.

    හිටපු ජනාධිපතිවරයාගේ ලේකම්, ජේ‍ශ්ඨ ජනාධිපති උපදෙශකවරුන්, අධ්‍යක්ෂ ජනරාල්වරුන්, විධායක අධ්‍යක්ෂකවරුන් ඇතුළු බොහොමයකගේ සුපිරි වාහන මේ අතර තිබෙන බව වාර්තා වේ.

    මේ වාහන සඳහා යන වියදම සම්බන්ධයෙන් පහත ආකාරයේ අදහස් සමාජ මාධ්‍ය හරහා ප්‍රචාරය වෙමින් පවතියි.

    මේ වගේ V8 වාහනම 60 කට වඩා භාර දීලා. ලේකම්ලට වාහන දෙන්න උවමනයි. හැබැයි ඉන්ධන කාර්යක්ෂමතාව ඉතා අඩු මේ වගේ luxury වාහන දෙන්න ඕනිද? නිකන් හිතමු. V8 හෝ ඒ වගේ වාහනයක් තෙල් ලීටර් එකකින් 5km දුවනවා කියලා. සතියට 200 km දිව්වොත් අවරුදු 4 කදි?
    සතියට තෙල් ලීටර් 200/5 = 40
    මාසෙට තෙල් ලීටර 40 x 4 = 160
    ඩීසල් රුපියල් 300 යි කියල හිතුවොත් මාසෙට වියදම = 160 * 300 = 48000
    අවුරුද්දට වියදම = 48000 x 12 = 576000
    අවුරුදු 4 ට විදයම = 576000 x 4 = 2304000
    ආසන්න වශායන් ලක්ෂ 23 ක්.
    වාහන 60 ක් කියලා ගාන හැදුවොත් = ලක්ෂ 23 x 60 = ලක්ෂ 1380 ක්.
    රුපියල් කෝටි 13 ක්.

    ඇත්තටම වාහන 60 ද තියෙන්නෙ එහෙම? නෑ ඊට වඩා වැඩි. අනික කිලෝමීටර් 200 ද සතියට දුවන්නේ? මේ තෙල් වියදම විතරක්. තව නඩත්තු වියදම්? ඒවා බැලුවම කොච්චර වෙයිද? ඉතින් මෙච්චර සල්ලි නාස්ති කරාම අපි මේ ගාන හරි ඉන්න එක ගාන සතුටු වෙන්න ඕනි. අපිට මේ සාමාන්‍ය පොඩි කාර් එකක් හැමදාම පැදගන්න බෑ වියදම් වැඩි! මේ අපි දැකපු එක දෙයක් විතරක්. තව කොච්චර මෙහෙම දේවල් ඇතිද?

    නමුත් ඇතැම් පිරිස් පවසන්නේ මෙම වාහන බාවිත නොකිරීමෙන් කෝටි 13ක් ඉතිරිකර ගත හැකි වුවද මේ මොහොතේ රටේ පවතින අර්බුදයට එය ප්‍රමාණවත් නොවන බවයි.

    එසේම ඇතැම් පිරිස් පවසන්නේ අලුතෙන් පත්වූ ආණ්ඩුව මෙවැනි වියදම් අවම කිරීමට මෙන්ම මහා පරිමාණ ව්‍යාපාරිකයන් නොගෙවූ බදු අයකර ගැනීම කෙරෙහිද උනන්දු විය යුතු බවයි.

    එසේම ජන අරගල සන්ධානය නියෝජනයේ විධායක සභික ආර්ථික විශ්ලේෂක ධනූෂ පතිරණ පවසන්නේ මෙම වාහන නැවත අපනයන කිරීම හරහා විශාල ඩොලර් ප්‍රමාණයක් රටට ලබාගත හැකි බවයි.

    කෙසේවෙතත් මේ සම්බන්ධ ආණ්ඩුවේ අදහස තවම පළකර නැත.

  • සාගලගේ ප්‍රභූ රථ පෙළ වීඩියෝ කළ තරුණයෙක් අත්අඩංගුවට

    සාගලගේ ප්‍රභූ රථ පෙළ වීඩියෝ කළ තරුණයෙක් අත්අඩංගුවට

    ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩලය ප්‍රධානි සාගල රත්නායක  ගමන් ගත් රථ පෙළ ජංගම දුරකථනයෙන් වීඩියෝ ගත කළ 21 හැවිරිදි සිසුවෙකු කොල්ලුපිටිය පොලිසිය අත්අඩංගුවට ගෙන තිබෙන බව ලංකාදීප පුවත්පත වාර්තා කර තිබේ.

    මෙලෙස අත්අඩංගුවට ගෙන ඇත්තේ පොතුවිල් අල් නජාත් මාවත, පොතුවිල් පදිංචි පුද්ගලයෙක්.

    කොල්ලුපිටිය අර්නස්ට් ද සිල්වා මාවතේ 28 වන පටුමග හන්දිය අසලදී සැකකාර සිසුවා අත්අඩංගුවට ගෙන ජංගම දුරකථනය පොලිස් බාරයට ගෙන තිබේ.

    සැකකාර සිසුවා පොතුවිල් අල් නජාත් පාරේ පදිංචි 44 හැවිරිදි පුද්ගලයෙකු සමඟ ඩුබායි තානාපති කාර්ය වෙත පැමිණ ඇති බවත් එම අවස්ථාවේදී මීට පෙර පොලිස් ආරක්ෂාව මත ගමන් ගන්නා වි.අයි.පි රථ පෙළක් සියැසින් දැක නොමැති බැවින් වීඩියෝ ගත කල බවට ප්‍රශ්න කිරීමේදී ප්‍රකාශ කර ඇති බව පොලිස් ආරංචි මාර්ග සඳහන් කරනවා.

    කෙසේවෙතත් මෙම සිදුවීමත් සමඟ ජනාධිපති ජේෂ්ඨ උපදේශක සහ කාර්ය මණ්ඩල ප්‍රධානී සාගල රත්නායකට සුවිශේෂී ජංගම රථ ආරක්ෂාවක් ලබා දී තිබීම ගැනද සමාජයේ කතා බහක් ඇතිව තිබේ.

     

  • තීරු බදු රහිත වාහන පර්මිට් නැතුව මන්ත්‍රීවරු ඉතා අපහසුවෙන්ලු !

    තීරු බදු රහිත වාහන පර්මිට් නැතුව මන්ත්‍රීවරු ඉතා අපහසුවෙන්ලු !

    වාහන නොමැතිකම හේතුවෙන් මතුවී ඇති ගැටලු සම්බන්ධයෙන් මන්ත්‍රීවරුන් රැසක් තමාට පැමිණිලි කර ඇති බවත් වාහනයක් නොමැති නැගෙනහිර පළාතේ මන්ත්‍රීවරයකු බොහෝ අවස්ථාවල කොළඹට පැමිණෙන්නේ ගිලන් රථයක නැගී බවත් කථානායක මහින්ද යාපා අබේවර්ධන පවසයි.

    මන්ත්‍රීවරයා රෝහල් බලධාරීන්ට කතාකර කොළඹට එන ගිලන් රථයක නැගී පැමිණෙන බව පවසන කථානායක මහින්ද යාපා තවත් මන්ත්‍රීවරු පොදු ප්‍රවාහන සේවයෙන් කොළඹට පැමිණෙන බවද ප්‍රකාශ කරයි.

    මේ අතර තීරු බදු රහිත වාහන බලපත්‍රයක් ලබා දෙන ලෙසටවූ මන්ත්‍රීවරුන්ගේ ඉල්ලීම ජනාධිපතිවරයාට මේ සතියේ බාර දෙන බවද ඔහු සඳහන් කරයි.

    තමන්ට තීරු බදු රහිත වාහන බලපත්‍රයක් ලබා දෙන ලෙසට ආණ්ඩු පක්ෂයේ සහ විපක්ෂයේ මන්ත්‍රීවරු 116 දෙනෙකු සංදේශයක් බාරදෙමින් කතානායකගෙන් පසුගියදා ඉල්ලීමක් කර තිබිණි.

    එම ඉල්ලීමට පාර්ලිමේන්තු ගෘහ කාරක සභාවේ අනුමැතිය දැනටමත් හිමි වී ඇතැයිද වාර්තා වේ.

  • මන්ත්‍රීවරුන්ට වාහන පර්මිට් දෙන්න අනුමැතිය

    මන්ත්‍රීවරුන්ට වාහන පර්මිට් දෙන්න අනුමැතිය

    පාර්ලිමේන්තුවේ මන්ත්‍රීවරුන් සඳහා තීරු බදු රහිත වාහන ආනයන බලපත්‍ර ලබාදීම සඳහා පාර්ලිමේන්තුවේ ගෘහ කාරක සභාව විසින් අනුමැතිය ලබා දී ඇති බව වාර්තා වෙයි.

    මන්ත්‍රීවරුන් එකසිය දාසය දෙනෙකුගේ අත්සනිනුත් ලිපියක් කතා නායකවරයා වෙත භාරදෙමින් ඉල්ලා තිබුණේ රාජ්‍ය සේවයේ ඉහළ විධායක නිලධාරීන්ට ලබා දෙන පහසුකම් වලට සමාන වන ලෙස තමන්ටද බදු රහිත වාහන බලපත්‍ර ලබා දෙන ලෙසයි.

    ගෘහ කාරක සභාවේ අනුමැතිය ලැබීමත් සමගම එය එය ක්‍රියාත්මක කිරීම සඳහා මුදල් අමාත්‍ය ජනාධිපති රනිල් වික්‍රමසිංහවෙත කතානායකවරයා විසින් ලිපියක් මගින් දැනුම් දීමට නියමිතව තිබේ.

    කෙසේවෙතත් තමන්ගේ පාර්ශවයට මන්ත්‍රීවරුන් බිලී බා ගැනීම සඳහා වාහන පර්මිට් ලබාදීමේ පොරොන්දුව රනිල් විසින්ද ලබාදෙන ලද්දකි.

  • මන්ත්‍රීවරුන්ට කලින් විධායක නිලධාරීන්ට වාහන පර්මිට්

    මන්ත්‍රීවරුන්ට කලින් විධායක නිලධාරීන්ට වාහන පර්මිට්

    තීරු බදු රහිත වාහන බලපත්‍ර ලබාදීමේදී පාර්ලිමේන්තු මන්ත්‍රීවරුන්ට පෙර රජයේ විධායක ශ්‍රේණියේ නිලධාරීන්ට එම බලපත්‍රය ලබාදීමට ආණ්ඩුව සූදානම්අව සිටියි.

    මන්ත්‍රීවරුන්ට මුලින්ම වාහන බලපත්‍රය ලබා දුනහොත් වැරදි මතයක් සමාජගත විය හැකි හෙයින් මුලින්ම රජයේ විධායක ශ්‍රේණියේ නිලධාරීන්ට ලබාදීමෙන් පසු මන්ත්‍රීවරුන්ට බලපත්‍රය ලබාදීම සුදුසු බවට විවිධ පාර්ශ්ව රජයට යෝජනා කර ඇතැයි ‘ලංකාදීප’ වාර්තා කර තිබේ.

    එසේම රජයේ සේවකයන්ට ලබා දෙන වාහන බලපත්‍රයට සමාන වාහන බලපත්‍රයක් හෝ තමන්ට ලබා දෙන ලෙස මන්ත්‍රීවරුන් පිරිසක් රජයෙන් ඉල්ලීමක් කර ඇතැයි පැවසේ.

    රජයේ විධායක ශ්‍රේණියේ නිලධාරියකුට ලැබෙන තීරු බදු රහිත වාහන බලපත්‍රයේ වටිනාකම ලක්ෂ විසිපහකට ආසන්නය. එසේනම් මන්ත්‍රීවරයෙකුගේ වාහන බලපත්‍රය මීට වඩා වැඩිවිය යුතුය.

    වාහන බලපත්‍ර හිමිවන පිරිස අතර වෛද්‍යවරු ඉංජිනේරුවරු ඇතුළු වෘත්තිකයෝ දහස් ගණනක් සිටියි.

    මෙවැනි මොහොතක මන්ත්‍රීවරුන්ට පමණක් වාහන බලපත්‍ර ලබාදීමෙන් සමාජය තුළ ඇතිවිය හැකි බව ආණ්ඩුව දනියි. එය වැළක්වීම සඳහා රජයේ විධායක නිලධාරීන්ටත් බලපත්‍ර ලබාදීමට ආණ්ඩුව කටයුතු කරනු ඇත.

  • මන්ත්‍රීවරු ඡන්දෙට කලින් වාහන පර්මිට් ඉල්ලයි

    මන්ත්‍රීවරු ඡන්දෙට කලින් වාහන පර්මිට් ඉල්ලයි

    මුලින් නිකුත් කෙරුණු තීරු බදු රහිත වාහන බලපත්‍රය ලබාදිය නොහැකිනම් ඊට වඩා අඩු වාහනයක් හෝ මිලදී ගැනීමට වාහන බලපත්‍රයක් ඉදිරි
    ජනාධිපතිවරණයට පෙර දෙන්නැයි ආණ්ඩු පක්ෂයේ සහ විපක්ෂයේ මන්ත්‍රීවරු පිරිසක් කතානායකවරයාගෙන් සහ රජයේ ප්‍රධානීන්ගෙන් පසුගියදා නැවත වරක් ඉල්ලීමක් කර තිබේ.

    මේ අනුව මෙම කාරණය පාර්ලිමේන්තු ගෘහ කාරක සභාවේදී ඉදිරි දිනවලදී සාකච්ඡා කිරීමට මන්ත්‍රීවරු පිරිසක් බලාපොරොත්තු වෙන බව ‘ලංකාදීප’ වාර්තා කර තිබේ.

    ඉදිරි මැතිවරණවලදී දේශපාලන කටයුතු කිරීමට වාහනයක් නොමැතිවීම ලොකු ගැටළුවක් බව ආණ්ඩු පක්ෂයේ සහ විපක්ෂයේ මන්ත්‍රීවරුන් රැසක් පාර්ලිමේන්තු ප්‍රධානීන්ට දැනුම්දී ඇත.

    පාර්ලිමේන්තුවේ එකම වාහනයක් හෝ නැති නවක මන්ත්‍රීවරුන් කිහිපදෙනෙකුම සිටින බවද මෙහිදී මන්ත්‍රීවරුන් පෙන්වාදී ඇත

    සෑම පාර්ලිමේන්තු මන්ත්‍රීවරයකුටම රුපියල් කෝටි දෙකකට ආසන්න වටිනා වාහනයක් මිලදී ගැනීමට හැකි තීරු බදු රහිත වාහන බලපත්‍රයක් කාලයක් තිස්සේ ලැබිණ. එහෙත් රටේ පවතින ආර්ථික තත්වය මත එම වාහන බලපත්‍රය නිකුත් කිරීම මීට වසර නවයකට පමණ පෙර සිට නතර කෙරිණ. අවසන් වරට බලපත්‍රය නිකුත්කර ඇත්තේ 2015 වර්ෂයේදීය.

    මන්ත්‍රීවරුන් තීරු බදු රහිත වාහන බලපත්‍රය ලබාදෙන්නැයි පසුගිය කාලය පුරා වරින් වර ඉල්ලීම් කළද රටේ ආර්ථික තත්ත්වය සැලකිල්ලට ගෙන රජය ඒ සම්බන්ධයෙන් කිසිදු තීරණයක් නොගත්තේය.

    මේ අතර මන්ත්‍රීවරුන්ගේ ප්‍රශ්න ඉල්ලීම් කතා කෙරෙන පාර්ලිමේන්තු ගෘහ කාරක සභාවද මාස ගණනාවකින්ම රැස්වී නැතැයි පාර්ලිමේන්තු ආරංචි මාර්ගවලින් පැවසේ.

    එසේම පාර්ලිමේන්තුවේ මන්ත්‍රීවරුන්ගෙන් සියයට තිහකට ආසන්න පිරිසක් විවිධ ආර්ථික ගැටලු හේතුවෙන් ඉදිරි මැතිවරණවලදී තරග නොවැදීමට තීරණය කර ඇතැයි පාර්ලිමේන්තු ආරංචි මාර්ගවලින් පැවසේ.

    මන්ත්‍රීවරුන් බහුතරයක් පාර්ලිමේන්තුවට තේරී පත්ව ඇත්තේ විශාල මුදලක් වැයකරමින් බවත්, බොහෝ අය මෙම වියදම් වූ මුදල ආවරණය කර ගත්තේ මන්ත්‍රීවරයකු ලෙස පත්වීමෙන් පසු ලැබෙන වාහන බලපත්‍රයෙන් බවත් පැවසේ.

    වාහන බලපත්‍රය නිකුත් කිරීම තාවකාලිකව නතර කිරීම නිසා ඡන්ද වියදම් සඳහා මුදල් සොයාගැනීම දුෂ්කරවී ඇතැයි මන්ත්‍රීවරු පෙන්වාදෙති. ඡන්දෙට කලින් වාහන බලපත්‍රය නොලැබුණහොත් මැතිවරණවලට තමන් ඉදිරිපත් නොවන බව මන්ත්‍රීවරු කිහිප දෙනෙකු දැනටමත් ප්‍රකාශ කර ඇත.

    රටේ ආර්ථික තත්ත්වය හේතුවෙන් මන්ත්‍රීවරුන්ට වාහන බලපත්‍රය ලබාදීම සඳහා මුදල් වෙන්කිරීම මුදල් අමාත්‍යංශය තාවකාලික අත්හිටුවා ඇත.

    මේ සම්බන්ධයෙන් පාර්ලිමේන්තු ප්‍රධානියකුගෙන් කළ විමසුමකදී ඔහු පැවසුවේ, මන්ත්‍රීවරුන්ට වාහන බලපත්‍රය ලබාදීමට තවමත් තීරණයක් ගෙන නොමැති බවයි.

    මන්ත්‍රීවරුන් පාර්ලිමේන්තුවේ මන්ත්‍රී සේවා අංශයට නිතර පැමිණ වාහන බලපත්‍රය සම්බන්ධයෙන් විමසීම් කරන බවද ඔහු සඳහන් කළේය

    මේ අතර, අධික ඉන්ධන මිල හේතුවෙන් බොහෝ මන්ත්‍රීවරුන් පාර්ලිමේන්තුවට සහ විවිධ උත්සවවලට සහභාගීවීමද සීමාකර ඇතැයි වාර්තා වේ.

  • දයාසිරිගේ ‘තක්කඩි’ කතාව

    දයාසිරිගේ ‘තක්කඩි’ කතාව

    අපේ රට මුහුණ දීලා ඉන්න ඉන්ධන අර්බුදය නිසා මගීන් තුන් හතරදෙනෙක් ගමන් කරන වාහන වලට පමණක් ගමන් කිරීමට අවසර ලබාදිය යුතුයි කියලා ආණ්ඩුවේ ඇමතිවරයෙක් ප්‍රකාශයක් කරලා නේද, මේක ඇහුවම හැමෝටම තරහක් එන්න ඇති. ඒ තරහා සාධාරණයි.

    ඒකට හේතුව, තමන්ගෙම කියලා සුඛෝපභෝගී මෝටර් රථයක් හිමිකරගන්න එක, අපේ රටේ සෑම පුද්ගලයෙකුගෙම ජීවිතයේ ප්‍රධාන ටාගට් එකක් බවට පත් කරලයි තිබුණෙ. සමහර අය තමන් ආදරය කරන අයත් එක්ක විවාහ වෙන එක පවා කල්දානවා වාහනයක් අයිතිකරගැනීමේ අරමුණ වෙනුවෙන්. පෞද්ගලික සුඛෝපභෝගී මෝටර් රථයක් හිමිකරගත්ත අය ජීවිතය ජයගත් අය විදිහට උත්කර්ෂයට නංවන එක සමාජ මාධ්‍ය තුළ පවා දකින්න පුළුවන් කරුණක්. ඉතිං රටේ සමාජ ආර්ථික ක්‍රමය ඇතුළෙ අපට හදන හීනයි, රටේ ආර්ථික තත්වයයි අතර නොගැළපීමක් ඇතිවුණාම ලංකාව දැන් මුහුණදීලා තියෙනවා වගේ අර්බුද වලට මුහුණ දෙන්න සිද්ධ වෙනවා.

    ආණ්ඩුවේ ඇමතිවරු කරන මේ වගේ ප්‍රකාශ තක්කඩි ප්‍රකාශ වෙන්නෙ ඒ නිසා. නමුත් තරුණ පරම්පරාව විදිහට අපි අපේ රටේ සැබෑ සමාජ ආර්ථික වෙනසක් ගැන කල්පනා කරනවනම් අපිට මෙන්න මේ කාරණා ගැන මීට වඩා සංකීර්ණව හිතන්න වෙනවා. ඒ තමයි සෑම පුද්ගලයෙක්ම පුද්ගලික මෝටර් රථයකින් රැකියාවට යනවට වඩා පොදු ප්‍රවහන ක්‍රමයක් මඟින් රැකියාවට යන එක ආර්ථික වශයෙන් කාර්‍යක්ෂම නැද්ද ? අපේ ආර්ථිකය දියුණු වෙන්න ඕන. සෑම කෙනෙක්ගෙම ආදායම් මට්ටම පවුලේ වාහනයක් ලබාගත හැකි මට්ටමට දියූණු වෙන්න ඕන. නමුත් ඔය කියන දියුණුව අපි ළඟාකරගෙන සෑම පුද්ගලයෙකුම තමන්ගෙ වාහනය පාරට දැම්මම ඊළඟට පරිසර දූෂණය, තදබදය, බලශක්ති නාස්තිය වගේ අර්බුද රැසක් ආරම්භ වෙනවා. ඒ නිසා අපේ රටේ ඉදිරියේදී ආර්ථික ක්‍රමයේ වෙනසක් කරන්න බලාපොරොත්තු වෙන තරුණ පරම්පරාවට ඒක සැබෑ වෙනසක් බවට පත්කරගන්න පුළුවන් වෙන්නෙ පරිභෝජනවාදී ෆැන්ටසියෙන් එළියට එන්න තරුණ පරම්පරාවට පුළුවන් උනොත් විතරයි.

    හැබැයි මේ ආණ්ඩුවේ උන්දැලා නම් මේ කියන්නෙ තක්කඩි කතාවක්. එක ඇමතිවරයෙක්ගෙ ගමනකට වාහන විස්සක් විතර යන ගමන් , පොදු ප්‍රවහන සේවය විනාශ කරලා ජනතාවට වාහනවල යන්න එපා කියන්න මේ ආණ්ඩුවේ තක්කඩියන්ට කිසිම අයිතියක් නෑ.