2025 – 2029 දූෂණ විරෝධී ජාතික ක්‍රියාකාරී සැලැස්මට අනුව අධිකරණ සහ ජාතික ඒකාබද්ධතා අමාත්‍යාංශය වෙත පැවරී ඇති කාර්යභාරයන් ක්‍රියාත්මක කිරීම සඳහා නව අධිකරණ කිහිපයක් ස්ථාපිත කිරීම සඳහා ඉදිරිපත් කළ යෝජනාවක් ඔක්තෝම්බර් 27 වන දා පැවැති කැබිනට් හමුවේදී අනුමැතිය ලැබී තිබේ . කඩිනමින් නව මහාධිකරණ හතරක් ස්ථාපිත කිරීම සඳහා දැනට රාජ්‍ය පරිපාලන පළාත් සභා සහ පළාත් පාලන අමාත්‍යංශය භාරයේ පවතින පහත ලිපිනයන් සඳහන් ගොඩනැගිලි අධිකරණ සහ ජාතික ඒකාබද්ධතා අමාත්‍යංශය වෙත භාරදීමට නියමිතයි .
ඒ අනුව පහත සඳහන් ලිපිනයන් ඇති ස්ථාන හතර නව අධිකරණ ස්ථාපිත කිරීම සඳහා ඉදිරියේදී යොදා ගැනීමට නියමිත ය.
අංක B 88, ග්‍රෙගරි පාර, කොළඹ 07.
අංක C 76, බෞද්ධාලෝක මාවත, කොළඹ 07.
අංක B 108, විජේරාම පාර, කොළඹ 07.
අංක B 12, ස්ටැන්මෝර් චන්ද්‍රවංකය, කොළඹ 07.
