ස්ථර මත ස්ථර පිහිත වන වේගවත් වෙනස් වීම් ක්ෂණයකින් අල්ලා එය දෘෂ්‍යමාන ලෙස ප්‍රසාද් හෙට්ටිආරච්චි විසින් අප වෙත අභිමුඛ කරයි.
ඔහු ලංකාවේ සම්ප්‍රදායික විහාර චිත්‍ර කලා සංරක්ෂකයෙකු ලෙස එහි තාක්ෂණය සමීපව නිරීක්ෂණය කරමින් ඒවාට ඇලුම් කරන්නෙකු ලෙස එම රූපකයන් ආශ්‍රයෙන් නව රූපකයන් උපදවයි.
මහා පරිමාණව සිදුවන සංවර්ධන ව්‍යාපෘතීන් මෙන්ම වේගවත් පරිසර වෙනස් වීම් ඒ හා සබැඳුණු කලාපීය දේශපාලන පොර බැඳීම් මෙන්ම ආන්තිකරණය වූ ජනතාවන්ගේ ආත්මීයත්වයන් ආදී කාරණාවන්ගේ වියවුල පුරාණෝක්ති සමඟ ගලපමින් ප්‍රබන්ධයන් ගෙත්තම් කරයි.
විප්‍රවාසීව ජීවත් වන්නන් තුළ නිරායාසයෙන්ම පැරණි මතයන් වෙත ඇතිවන ආදරය සහ නිරන්තරයෙන් ජනප්‍රිය කලාව වෙත වන බැඳීම් නව මානයකට යොමු කරමින් චූල කතා වස්තුන් මතින් නව මතයක් නව බැඳීම් ගොඩනඟමින් මග නොහැරිය හැකි මහා සම්ප්‍රදායක් වෙත අපව කැඳවයි.
ඉතින් Brescia ජීවත්වන ශ්‍රී ලාංකීය ඔබ සැමට අපි ආරාධනා කරමු. ප්‍රසාද් හෙට්ටිආරච්චිගේ නිර්මාණ එකතුව රසවිඳින්නට . ජුනි 27 වන දා සිට ජූලි 5 වනදා දක්වා මෙය විවෘතව පවතී .
ප්‍රදර්ශනය විවෘත කිරීම ජුනි 27 වනදා සවස 18.00 ට
ස්ථානය – CARME
Via delle Battaglie 61/1
Brescia
