අද දහවල් 10:30 ට පමණ විදුලි කාන්දුවක් හේතුවෙන් රාගල පොලිස් වසමේ රාගල වත්ත මැද කොටසේ වතු නිවාස පේළියක ගින්නක් හටගෙන තිබේ. මෙම ගින්න හේතුවෙන් නිවාස විස්සකට පමණ හානි සිදුවී ඇති අතර හැත්තෑවකට අධික ප්‍රමාණයක් තම දේපල උන්හිටි තැන් අහිමි වී අවතැන් වී සිටී. මේ දිනවල ඇද හැලෙන අධික වර්ෂාව හේතුවෙන් ඔවුන්ගේ නිවාස තුළ ඉතුරු වුණු දේවල් පවා විනාශ වී ගොස් තිබේ.
මේ ගින්න හදිසි විදුලි කාන්දුවක් හේතුවෙන් සිදු වන්නට ඇතැයි සැක කරන අතර අනතුරට පත් මිනිසුන් වෙනුවෙන් ඩිනම් සහන අවශ්‍යව තිබේ. මේ අවතැන් වූ පිරිස අතර පාසල් යන වයසේ දරුවන් පාලොස් දෙනෙක් පමණ සිටින බවත් ඔවුන්ගේ පාසල් උපකරණ ඇතුළු සියල්ලම ගින්නට හසුව දැවී ගොස් තිබේ.
