සහනාධාරයට නම දාගෙන මාස හයකට අවුරුද්දකට පසු ඒ මුදල් පොලියට දෙන පිරිසකුත් ඉන්න බව ජනාධිපති වෘත්තීය සමිති අධ්‍යක්ෂ ජනරාල් සමන් රත්නප්‍රිය පවසා තිබේ.
සමෘද්ධි සහනාධාර ක්‍රමයේ විවිධ ප්‍රශ්න තිබූ බව හැමදෙනාම දන්නා බවත් ලක්ෂ දාහතක පිරිසක් සමෘද්ධි සහනාධාරය ලැබු අතර ඒ අතර සමෘද්ධි සහනාධාරය නොලැබිය යුතු පිරිසක් සිටින බවද ඔහු සඳහන් කර ඇත.
පසුගිය වසරේ ඇති වූ ආර්ථික අර්බුදය සමඟ දුප්පත් බවට පත්වූ ප්‍රතිශතය ඉහල ගිය බවද ලක්ෂ පහකට වැඩි පිරිසකගේ රැකියා අහිමි වූ අතර ඒ පිරිස එම තත්ත්වයෙන් මුදවා ගැනීමට අස්වැසුම යෝජනා ක්‍රමය ක්‍රියාත්මක කළ බව රත්නප්‍රිය පවසා තිබේ.
රත්නප්‍රිය පවසන ආකාරයට දුප්පතුන් වැඩිවී ඇත්නම් කළයුතු වන්නේ සහනාධාර කපා දැමීම නොව සහනාධාර වැඩිකිරීමයි.
අනිත් අතින් ජනාධිපති වෘත්තීය සමිති අධ්‍යක්ෂ ජනරාල් නමින් බොරු තනතුරු නිර්මාණය කර ජනතාවගේ මුදල් කාබාසිනියා කරමින් සිටින සමන් රත්නප්‍රියලා ජනතා අරමුදල් ගැන කිඹුල් කඳුළු හෙළීම නම් විහිළුවකි.
