Tag: teachers

  • විදුලි බිල ගෙවන්න පාසල් ඉස්සරහා පිං කැටයක් තියන්න වෙයි – ඒකාබද්ධ ගුරුසේවා සංගමය

    විදුලි බිල ගෙවන්න පාසල් ඉස්සරහා පිං කැටයක් තියන්න වෙයි – ඒකාබද්ධ ගුරුසේවා සංගමය

    විදුලි බිල 66%න් වැඩිවූ බව පට්ටපල් බොරුවක් බවත් විදුලි බිල සියයට 200 ගණනකින් වැඩිවී ඇති බවත් ඒකාබද්ධ ගුරුසේවා සංගමය පවසයි. මෙම තත්ත්වය හමුවේ පාසල්වල විදුලි බිල ගෙවීම සම්බන්ධව විශාල ගැටළුවක් මතුවන බව එම සංගමය විසින් ඊයේ(19) කොළඹදී පැවැත්වූ මාධ්‍ය හමුවකදී පෙන්වා දෙනු ලැබුණි. එසේම පාසල්වල විදුලි බිල ගෙවීමට ආණ්ඩුව ලබාදෙන්නේ රු 1500ක මුදලක් පමණක් බැවින් පිං කැටයක් හරහා මුදල් එකතු කර විදුලි බිල ගෙවන්නද යන ප්‍රශ්නය මතුවන බව ඒකාබද්ධ ගුරුසේව සංගමය පෙන්වා දෙනු ලැබීය.

    එම සංගමය වැඩිදුරටත් පැවසුවේ,

    “දරුවන්ට පාසල් එවනවද නැද්ද කියලා ඉන්න දෙමව්පියන්ට ගහෙන් වැටුණු මිනිහට ගොනා ඇන්න වගේ ප්‍රශ්නයක් ඇතිවෙලා තියෙන්නේ. ඒ වගේම පාසල් පද්ධතියට බලපාන විදිහ ගැන ගැටළුවක් තියෙනවා. මෙච්චර කල් පාසල් තිබුනේ සුබසාධනයක් ලබන ආයතන විදිහට. නමුත් පසුගිය කාලයේ සිට පාසල් ව්‍යාපාරික පන්තියට දැම්මා. මතුගම ප්‍රදේශයේ තියෙන කුඩා පාසලක විදුලි බිල වැඩිවෙන්න කලින් 14000යි තිබුනේ. ඒක පහුගිය කාලෙ 24000ක් වුණා. මේ පාර ඒක 34000ට වැඩිවෙලා තියෙනවා. රුපියල් 14000 අමාරුවෙන් ගෙවපු ඉස්කෝලවලට දැන් 34000ක් ගෙවන්න වෙලා තියෙනවා. සමහර ඉස්කෝල ගත්තම ස්මාර්ට් පන්ති කාමර, විද්‍යාගාර, පුස්තකාල, පරිගණක විද්‍යාගාර තියෙනවා. මේ සියලු ස්ථාන විදුලිය අවශ්‍ය වෙන තැන්. මේවට ගෙවන්නේ කොහොමද? අඩුවෙන් මේවට අවශ්‍ය විදුලි බිල් ගෙවන්නේ නැත්තම් වහන්නයි වෙන්නේ. ආණ්ඩුවෙන් පාසලක් සඳහා විදුලි බිල ගෙවීමට දෙන්නේ රුපියල් 1500යි. නගරේ පාසලක විදුලි බිල ලක්ෂ ගණනක් වෙනවා. ඒත් 1500යි දෙන්නේ. ජනප්‍රිය පාසල් කොහොම හරි ගෙව්වා කියලා හිතමු. නමුත් ජනප්‍රිය නොවන ග්‍රාමීය පාසල් මේවා ගෙවන්නේ කොහොමද?

    දෙමව්පියන්ගෙන් ගන්න පහසුකම් ගාස්තුවලට මේ විදුලි බිල, ජල බිල, දුරකථන බිල එකතු වෙමින් තියෙනවා. දැන් මේක වැඩි වෙනවා. දෙමව්පියන්ට මේක දරන්න පුළුවන් කමක් නැහැ. දැන් ඉස්කෝලවලට සිද්ධවෙනවා ඉස්කෝලේ ඉස්සරහ පිං කැටයක් තියලා ආධාර එකතු කරන්න වෙනවා.එහෙම නැත්තම් පරණ විදිහට කළු ලෑල්ලයි හුණු කූරයි තියාගෙන උගන්න වෙනවා. විදුලිය නැතුව ඉස්කෝල දුවන්න පුළුවන් වාතාවරණයක් නැහැ. ජනාධිපතිවරයාගෙන් ඇමතිවරයාගෙන් අහන්න තියෙන්නේ අපි පිං කට ලෑස්ති කරගන්නද කියලා තමයි.

  • පාසල් ළමයින්ගේ බෑග් පරික්ෂා කරන්න ගුරුවරු දැම්මම උගන්වන්නේ පොලිසියෙන්ද?

    පාසල් ළමයින්ගේ බෑග් පරික්ෂා කරන්න ගුරුවරු දැම්මම උගන්වන්නේ පොලිසියෙන්ද?

    ළමයින් අතර මත්ද්‍රව්‍ය උවදුර ව්‍යාප්ත වීම වැළැක්වීම සඳහා ගන්නා ඉදිරි ක්‍රියාමාර්ග පිළිබඳ සාකච්ඡාවක් අධ්‍යාපන අමාත්‍ය ආචාර්ය සුසිල් ප්‍රේමජයන්තගේ ප්‍රධානත්වයෙන් පවත්වා තිබෙනවා.

    එම සාකච්ඡාවේදී අමාත්‍යවරය සඳහන් කර ඇත්තේ පාසලට ඇතුළු වන අය සහ සිසුන්ගෙන් පොත් බෑග් පරික්ෂා කිරීමට අවශ්‍ය වන්නේ නම් පාසල් ගුරුවරුන්, ශිෂ්‍ය නායකයන් සහ පාසල් සංවර්ධන සමිති නියෝජිතයින්ගෙන් යුත් කමිටුවක් මඟින් එම කාර්ය සිදුකළ යුතු බවයි.

    ඊට අමතරව අධ්‍යාපන ආයතන පරිශ්‍රයන් දුම්කොළ ආශ්‍රිත නිෂ්පාදන, මධ්‍යසාර සහ අනෙකුත් මත්ද්‍රව්‍ය භාවිතය ප්‍රවර්ධන සහ වෙළඳාමෙන් තොර කලාපයක් බවට පත් කිරීම යන උද්ධෘතයෙන් නිකුත් කළ චක්‍රලේඛය කෙරෙහි යළි විශේෂ අවධානය යොමු කළ යුතු බවට විදුහල්පතිවරුන් වෙත නැවත වරක් දන්වා යැවීමට ද මෙහිදී තීරණය තිබෙනවා.

    පසුගියදා මාධ්‍ය වෙත අදහස් දක්වමින් සුසිල් ප්‍රේමජයන්ත ඇමතිවරයා මාධ්‍ය වෙත අදහස් දක්වමින් පැවසුවේ මත්ද්‍රවය තිබේද යන්න පරික්ෂා කිරීමේ කාර්ය සඳහා ගුරුවරු පුහුණු කිරීමට බලාපොරොත්තු වෙන බවයි.

    ඒ අනුව මෙම මස 21, 22, 23 යන තෙදින කොළඹ දිස්ත්‍රික් නියෝජ්‍ය පොලිස්පති කාර්යාලයේදී ඒ සඳහා පුහුණු වැඩසටහනක් ක්‍රියාත්මක කිරීමට සැලසුම් කර ඇති බවද වාර්තා වේ.

    මත්ද්‍රවය ඇල්ලීමට ගුරුවරුන් පුහුණු කරන්නේ මෙරට ආරක්ෂක වියදම් ලෙස වැඩිම මුදලක් පසුගිය අයවැයෙන් වෙන්කර ඇති තත්ත්වයක්දියි. එසේම ජාවාරම්කරුවන් සහ මත්ද්‍රවය රට තුළට පැමිණෙන තැන් මගහැර පාසල් පරික්ෂා කිරීම ගැන බොහෝදෙනෙකුගේ විවේචන එල්ලමින් පවතියි.

    අනිත් අතින් විවිධ වසංගත තත්ත්වය, ආර්ථික අර්බුද වැනි විවිධ හේතු නිසා පාසල් අධ්‍යාපනය කඩාකප්පල් වී ඇති තත්ත්වයකදී ගුරුවරුන් මෙවැනි වැඩකටයුතු සඳහා යෙදවීමෙන් තවදුරටත් පාසල් කටයුතුවලට බාධා පැමිණීම වැළක්විය නොහැක.

  • දරුවන්ට එරෙහිව කෙවිට අතට ගන්නා පොලීසි සහ ගුරුවරු

    දරුවන්ට එරෙහිව කෙවිට අතට ගන්නා පොලීසි සහ ගුරුවරු

    විදුහල්පතිනියක සහ ගුරුවරුන් කිහිප දෙනෙකු විසින්, මුදල් පසුම්බියක් සොරකම් කරන ලදැයි චෝදනා ලැබූ අවුරුදු දහයක් පමණ වයසැති දරුවන් කිහිප දෙනෙකුට පහර දී විවිධ අඩන්තේට්ටම් කර පසුව ඔවුන් පොලිසියට බාර දී ඇති බවත්, පොලිසියේදී ද මෙම දරුවන් විවිධ හිංසනයන්ට ගොදුරුව ඇති බවත් දැක්වෙන ප්‍රවෘත්තිය නිසා මෙය ලියන්නට සිදු විය. මුලින්ම කිව යුත්තේ මෙය එක හෙලාම නීතිවිරෝධී ක්‍රියාවක් බවයි. මෙහි සදාචාර විරෝධී බවත් අමානුෂික බවත් ගැන නම් අමුතුවෙන් ලියන්නට දෙයක් ද නැත.

    අපරාධ නීතිය අනුව යම් අයෙක් අපරාධයක් කළේද යන්න තීරණය කිරීමේදී ඔහු තුළ “සාපරාධී චේතනාව” (criminal intention ) පැවතියේද යන්න පරීක්ෂා කරනු ලැබේ. අපරාධයක වගකීමක් පැවරිය හැකි අවම වයස (minimum age of criminal liability) යන්න අපරාධ නීතිය තුළ බෙහෙවින් වැදගත් සංකල්පකි. එම වයස, ඒ ඒ රටවල සමාජ සංස්කෘතික සාධක මත පදනම්ව එරටවල නීති ක්‍රමය මගින් ස්ථාපනය කරනු ලබයි. අපගේ නීතියෙහි එම අවම වයස අවුරුදු දොළහකි.එනම් ඊට වඩා අඩු වයසක දරුවකු තුළ අපරාධ වරදක් කිරීමේ චේතනාවක් ඇති විය නොහැකි බව නීතිය පූර්ව නිගමනය කරන බවයි.

    ඒ අනුව මේ දරුවන් අත්අඩංගුවට ගැනීම නීති විරෝධී ය. ඊට සම්බන්ධ සියල්ලන්ට නීතිය ක්‍රියාත්මක විය යුතුය. ලංකාව 1989 සිට ළමා අයිතිවාසිකම් සම්මුතියේ (Convention on Rights of Child) පාර්ශවකාර රටකි. එහි සඳහන් කරුණු අනුව ළමයකු, එනම් අවුරුදු දහ අටට අඩු අයකු අත්අඩංගුවට ගත හැක්කේ අදාළ රටේ නීතියට අනුව, අත් අඩංගුවට ගැනීම හැරුණු කොට වෙනත් විකල්පයක් නොමැත්තේ නම් පමණකි. එසේම ළමයකු පොලිස් ස්ථානයක රඳවා තබා ගැනීම හැකිතාක් කෙටිම කාලයකට පමණක් සීමා විය යුතුය. ළමයකු අත් අඩංගුවට ගැනීමේදී මාංචු දැමීම හෝ ශාරීරික පීඩා සිදු නොකළ යුතුය. ළමයාට තේරුම් ගත හැකි අයුරින් ඔහු අත් අඩංගුවට ගැනීමට හේතුව පැහැදිලි කිරීමටත්, ළමයාගේ දෙමව්පියන් හට වහාම ඒ පිළිබඳ දැනුම් දීමටත් පොලිසිය බැඳී සිටී. ළමයා අධිකරණ ක්‍රියාවලියකට යොමු නොකර සමථය වැනි විකල්ප ක්‍රියාමාර්ගයක් ගැනීමට හැකිතාක් උත්සුක විය යුතුය. කොටින්ම ළමයකු අත් අඩංගුවට ගන්නේ නම් එතැන් සිට ළමයාගේ නඩු කටයුතු අවසන් වන තුරු සියලු ක්‍රියා සිදුවිය යුත්තේ ළමයාගේ උපරිම යහපත සැලසෙන පරිදි හා ඔහුගේ අනාගතය අදාළ සිදුවීම නිසා විනාශ නොවන පරිදිය.

    කෙසේ වුවත් ළමා ආරක්ෂණ සම්මුතිය අත්සන් කළද එය දේශීය නීතියේ කොටසක් බවට පත් කෙරෙන ආකාරයේ නීති සම්මත කර නැති නිසා එම සම්මුතිය අප අධිකරණ හමුවේ බලාත්මක කළ නොහැක. එහෙත් ළමයින් යම් අපරාධයක් සඳහා චෝදනා ලැබූ විට අදාළ කරගත හැකි නීතියක් 1930 දශකය තරම් ඈත කාලයක සිට අපගේ නීති පද්ධතිය තුළ ක්‍රියාත්මක වන බව බොහෝ දෙනෙක් නොදනී. ළමයින් හා යෞවන තැනැත්තන් පිළිබඳ ආඥා පනත (Children and Young Persons Ordinance) එම ඉපැරණි නීතියයි. අපරාධ නීතිය හමුවට චුදිතයකු ලෙස පැමිණෙන ළමයෙකුගේ ආරක්ෂාව සහ සුභසාධනය සඳහා මෙම පනතෙහි අඩංගු බොහෝ ප්‍රතිපාදන ක්‍රියාත්මක නොවීම සාමාන්‍ය තත්වය වී තිබේ. පොලිස් ස්ථානවලදී ළමයින් වැඩිහිටි අපරාධකරුවන් ගෙන් වෙන් කොට තැබිය යුතු බව, අත් අඩංගුවට පත් ළමයෙකුට පරිවාස නිළධාරියකුගේ සහාය ලැබිය යුතු බව, ළමයින් සම්බන්ධ අධිකරණ කටයුතු රහසිගතව ළමයාගේ පෞද්ගලිකත්වය ආරක්ෂා වන ආකාරයෙන් සිදු කළ යුතු බව, ළමයාගේ කිසිදු තොරතුරක් මාධ්‍යවල පළ නොකළ යුතු බව ආදී වැදගත් ප්‍රතිපාදන එම පනතේ තිබේ. එහෙත් අධිකරණ පද්ධතියේ බොහෝ වගකිව යුතු නිළධාරීන් හැසිරෙන්නේ මෙවැනි නීති ගැන අසාවත් නොමැති පරිද්දෙනි.

    නීතිය පසෙක තිබියදී, වැදගත්ම දේ, ළමයින් ශික්ෂණය කිරීම පිළිබඳව, පසුගිය සියවසේ අදහස් දරන පාසල් ප්‍රධානීන් සහ ගුරුවරුන් තවමත් සිටින බව පෙනී යාමයි. යාර හයේ සාරි බන්ධනයෙන් මිදීමට ආගමික සංස්ථා සමග අරගල කරන්නට සිදු වන අතරම, ස්වකීය ප්‍රජාවේ සීමිත පිරිසක් තුළ හෝ අදටත් තුරන් වී නොමැති මෙබඳු පසුගාමීත්වයන් පරාජය කරන්නටද ගුරුවරුන්ට විශාල වගකීමක් තිබේ. “වේවැල් කෝටු නාරං සියඹලා අතු”වලට වඩා පන්ති කාමරය තුළදී ආදරය සහ අවධානය වැඩ කරන බව බොහෝ ගුරුවරු දනිති. මඩොල්දූවේ උපාලිලා වැදි සන්නිය නැටූ පසු ගම්මු කීවා සේ “මුන්ගේ ඔලුගෙඩි තියන තැනට උරහිස් උස ගිය පසු ගමේ කෙල්ලකට පාරේ බැහැලා යන්න බැරි වේවි” යන හැඟීමෙන් ළමයකු වැරැද්දක් කළ කල්හි ඔවුන් කෝටුමස් කරන්නට සිතන්නේ නම් ඔහු හෝ ඇය ගුරුවරයකු වන්නේ කවර අරුතින්ද? ගුරුවරයා යනු, වරදක් කරන්නට ළමයකු පෙළඹුණු හේතු සොයා බලා ඊට පිළියම් කරන අතර, වැරදිකාර දරුවා දයාවෙන් පිළිගෙන ඔහු නිවැරදි කරන්නාය. සංකීර්ණ අධ්‍යාපනික ගැටළු සේම ජීවන ගැටළු ද මැද අසීරුවෙන් ස්වකීය වෘත්තියේ වගකීම් ඉටු කරන ලංකාවේ ගුරුවරු බහුතරයකට අදාළ නොවෙතත්, ඔවුන් අතරින් සීමිත පිරිසකට, රැයිපියෙල් තෙන්නකෝන් ලියූ මේ කවිය ආදර්ශ පාඨයක් කර ගැනීම පාඩුවක් නොවනු ඇත.

    “නිසිදේ ඉගෙන ගන්නට මට කියා නොදී
    බැට දේ එහෙත් කළ කළ දේ යයි වැරදී
    කෙවිටේ බලෙන් එනවා නම් නුවණ ඇදී
    මෙරටේ ගොනුන් පඬිදුන් වනු ඇත ළඟදී..”

  • මර්දනයට පරාජය කළ නොහැකිවූ ස්ටාලින්

    මර්දනයට පරාජය කළ නොහැකිවූ ස්ටාලින්

    රක්ෂිත බන්ධනාගාර ගතකර සිටි ලංකා ගුරු සංගමයේ ලේකම් ජෝසෆ් ස්ටාලින් රුපියල් ලක්ෂ පහ බැගින් වූ ශරීර ඇප දෙකක් මත මුදා හරින ලෙස කොළඹ කොටුව මහෙස්ත්‍රාත් අධිකරණය නියම කර තිබෙනවා.

    ඇප නියමවූ ජෝශප් ස්ටාලින් උසාවියේ සිට කෙලින්ම කොළඹ ලිප්ටන් වටරවුමේ පැවැත්වෙමින් තිබූ ගුරු විදුහල්පති වෘත්තීය සමිති සන්ධානයේ උද්ඝෝෂණයකට පැමිණ තිබුණි. එම උද්ගෝෂණය පැවතුනේ දැනට ක්‍රියත්මක අරගලකරුවන් මර්දනය කිරීමට එරෙහිවයි.

    පසුගියදා අධිකරණ නියෝග උල්ලංඝනය කරමින් කොළඹ, කොටුව පොලිස් බලප්‍රදේශය තුළ පිහිටි බැංකු මාවත ප්‍රදේශයේ උද්ඝෝෂණයක නිරතවීම ඇතුළු චෝදනා සම්බන්ධයෙන් පොලීසිය මඟින් අත්අඩංගුවට ගෙන ජෝශෆ් ස්ටාලින් රක්ෂිත බන්ධනාගාර ගතකර තිබුණි. ඔහුට අද දිනයේ ඇප ලබාගනු ලැබුවේ මෝසමක් හරහායි. රනිල් වික්‍රමසිංහ අරගලකරුවන් වෙත මර්දනය කැඳවමින් සිටින්නේ ඔවුන් ඇතුළු සමස්ත ජනතාව බියගැන්වීමටයි. නමුත් ජෝශප් ස්ටාලින්ලා වැනි අරගලයේ නියමුවන් විසින් පෙන්නමින් සිටින්නේ රනිල්ගේ මර්දනය හමුවේ ඔවුන් සතු ධෛර්ය බිඳකුදු අඩුව නොමැති බවයි.

     

  • අර්බුදය හමුවේ පාසල් අධ්‍යාපනය පවත්වාගෙන යාමට අදාළව ගුරු සංගම්වලින් යෝජනාවලියක්

    අර්බුදය හමුවේ පාසල් අධ්‍යාපනය පවත්වාගෙන යාමට අදාළව ගුරු සංගම්වලින් යෝජනාවලියක්

    පවතින අර්බුදකාරී තත්ත්වය තුළ පාසල් අධ්‍යාපනය පවත්වාගෙන යාමට අදාළව ඒකාබද්ධ ගුරුසේවා සංගමය මගින් යෝජනා මාලාවක් ඉදිරිපත් කර තිබේ. අධ්‍යාපන ඇමති සුසිල් ප්‍රේමජයන්ත වෙත ලිපියක් යොමුකරමින් එම සංගමය පවසන්නේ බලශක්ති අර්බුදය, උද්ධමනය ඉහළ යාම දරුවන්ගේ පෝෂණ මට්ටම් බිඳ වැටීමේ සිට සමස්ත අධ්‍යාපන පද්ධතියම කඩා වැටීමේ අවදානමකට හෙලා ඇති බවයි.

    ඒ අනුව ඒකාබද්ධ ගුරු සේවා සංගමය විසින් පාසල් පද්ධතිය ප්‍රශස්ත මට්ටමින් පවත්වාගෙන යාමට අදාළව යෝජනාවලියක් අධ්‍යාපන ඇමතිවරයා වෙත ඉදිරිපත් කර ඇත.

    එම යෝජනාවල සංක්ෂිප්ත අදහස වන්නේ,

    පාසල් දරුවන්ගේ සහ ගුරුවරුන්ගේ ප්‍රවාහන ගැටළු විසඳීමට අදාළව සිසු සැරිය බස් රථ ප්‍රමාණය වැඩි කිරීම.

    ගුරුවරුන්ගේ සථිර පදිංචිය සැළකිල්ලට ගෙන ආසන්න පාසලට ගුරුවරු අනුයුක්ත කිරීමේ වැඩපිළිවෙලක් හැදීම.

    දැනට පෝෂණ වැඩසටහන් ක්‍රියාත්මක පාසල් ගණන වැඩිකිරීම සහ ඒ සඳහා ලබාදෙන පෝෂණ දීමනාව වැඩි කිරීම.

    පාසල් නඩත්තුවට දෙමව්පියන්ගෙන් මුදල් අයකිරීම නැවත්වීම සහ ඒ සඳහා රාජ්‍ය ප්‍රතිපාදන වැඩිකිරීම.

    පාසල් පෙළපොත් නොමිලේ ලබාදීම සහ පාසල් ලිපි ද්‍රවය සහන මිලට ලබාගැනීම සඳහා පාසල් සමූපකාර ක්‍රමය ශක්තිමත් කිරීම.

    ගුරුවරුන්ගේ මැදිහත්වීම ප්‍රශස්ත මට්ටමින් ලබාගැනීම සඳහා අනවශ්‍ය කොළ පිරවිලිවලින් ගුරුවරුන් නිදහස් කිරීම.

    අධ්‍යාපනය සඳහා වෙන්කරන ප්‍රතිපාදන ඉහළ නැංවීම.

     

     

     

     

     

     

     

     

     

     

     

     

     

     

     

     

     

     

     

     

     

     

  • ඉතාලියේ ශ්‍රී ලංකා තානාපති,කොන්සියුලර් සේවා නිසි ක්‍රම වේදයක් නොමැති කමින් දුෂ්කරතාවයට

    ඉතාලියේ ශ්‍රී ලංකා තානාපති,කොන්සියුලර් සේවා නිසි ක්‍රම වේදයක් නොමැති කමින් දුෂ්කරතාවයට

    ඉතාලියේ රෝම් හි ශ්‍රී ලංකා තානාපති කාර්යාලය සහ මිලානෝ හි කොන්සියුලර් කාර්යාලයේ අකාර්යක්ෂමතාවය හේතු කරගෙන මේ වන විට ලාංකිකයන් බොහෝ දුෂ්කරතාවයන් වලට පත් වෙමින් සිටී . මෙම ආයතන දෙක තුළ සේවා සැපයීම සඳහ විධිමත් වැඩපිළිවෙළක් නොමැතිකම හේතුවෙන් දිනෙන් දින ඉන් සේවා ලබා ගන්නා ශ්‍රී ලාංකිකයන් හට මුහුණ දීමට සිදුවන දුෂ්කරතාවයන් තීව්‍ර වෙමින් පවතී .යම් තොරතුරක් ලබා ගැනීමට තානාපති කාර්යාලයේ හෝ කොන්සියුලර් කාර්යාලයේ සේවකයෙකු සම්බන්ධ කර කරගැනීම ඉතාම දුෂ්කර කටයුත්තක් බවට පත් වී තිබේ .මේ හේතුවෙන් විශාල පරිශ්‍රමයක් දැරීමට සිදුවන අතර ඔවුන් ජනතාව වෙත යොමුකර තිබෙන කිසිදු දුරකථන අංකයකට පිළිතුරු සපයන්නේ නැති හෙයින් දවස් ගණන් කෙනකු සම්බන්ධ කර ගැනීමට වෙහෙස දරන්නට සිදුවෙයි .

    තානාපති සේවය තුළ නිර්මාණය වෙන මෙම දුෂ්කරතාවයන් මඟහරවා ගැනීම සඳහා ශ්‍රී ලාංකිකයන් ලෙස ඒකරාශි වීමේ අවශ්‍යතාවය දැන් වැඩි වැඩියෙන් දැනීමට පටන් ගෙන තිබේ .

  • ගුරු – විදුහල්පති වැටුප් ගැටලු විසඳීමට අයවැයෙන් යෝජනා

    ගුරු – විදුහල්පති වැටුප් ගැටලු විසඳීමට අයවැයෙන් යෝජනා

    ගුරු විදුහල්පති වැටුප් ගැටලුව විසඳීම සඳහා පසුගිය දා පාර්ලිමේන්තුවේදී අගමැතිවරයාගේ ප්‍රදානත්වයෙන් පැවති සාකච්ජාවේදී මුදල් අමාත්‍යවරයා ලෙස බැසිල් රාජපක්ෂ  පොරොන්දු වූ ආකාරයට අයවැයෙන් විසඳුම් ලබා දීමට යෝජනා කර ඇත.

    ඒ අනුව 2021 .08.31 දින අමාත්‍ය මණ්ඩල තීරණය කඩිනමින් හා එකවර ක්‍රියාත්මක කිරීම සඳහා රු.මිලියන 30,000ක් වෙන් කරන බවට බැසිල් රාජපක්ෂ සඳහන් කර තිබේ.

  • ගුරු – විදුහල්පති අරගලයේ පියවරක් ඉදිරියට – තුනෙන් එකක කොටස එකවර දෙන්න එකඟ වෙයි

    ගුරු – විදුහල්පති අරගලයේ පියවරක් ඉදිරියට – තුනෙන් එකක කොටස එකවර දෙන්න එකඟ වෙයි

    ගුරු විදුහල්පති වැටුප් ගැටලුව සම්බන්ධයෙන් අද (10) අගමැතිවරයාගේ සහ මුදල් ඇමතිවරයාගේ සහභාගීත්වයන් පාර්ලිමේන්තුවේදී පැවති සාකච්ජාවේදී වැටුප් විෂමතාවයෙන් තුනෙන් එකක කොටස එකවර ගෙවීමට එකඟ වී තිබේ.

    මෙවර අයවැය මගින් මෙම තුනෙන් එකක කොටස ලබාදීමට ආණ්ඩුව පොරොන්දු වී ඇත.

    එම සාකච්ජාව සඳහා අගමැතිවරයා, මුදල් ඇමතිවරයා සහ තවත් ඇමතිවරු කිහිප දෙනෙක් මෙන්ම ගුරු විදුහල්පති ඒකාබද්ධ වෘත්තීය සමිති සන්ධානය නියෝජනය කරමින් වෘත්තීය සමිති නායකයින්ද සහභාගී වී ඇත.

    ගුරු – විදුහල්පති සංගම් පවසන ආකාරයට මෙම එකඟවීම හරහා දින 120කට වැඩි කාලයක් ගෙනගිය අරගලයේ ආරම්භක ජයග්‍රහණයක් ලබා ගැනීමට සමත් වී තිබේ.

    ගුරු – විදුහල්පති අරගලය ආරම්භ වීමත් සමඟ ආණ්ඩුව විවිධ අභූත චෝදනා නගමින් අපහාස කරමින් එය මර්දනය කිරීමට උත්සාහ ගනු දක්නට ලැබුණි. එයින් අරගලය මැඩපැවැත්වීමට නොහැකිවූ තැන ආණ්ඩුවේ ඊළඟ පියවර වූවේ ඍජු මර්දනයක් කැඳවීමයි. එහිදී වසංගතය දඩමීමා කරගනිමින් අරගල සඳහා සම්බන්ධ ගුරුවරු අත්අඩංගුවට ගැනීම, ගුරුවරු අපරාධ පරීක්ෂණ දෙපාර්තමේන්තුවට ගෙන්වීම, ගුරුවරුන්ට එරෙහි ව්‍යාජ පැමිණිලි ඉදිරිපත් කිරීම වැනි පියවර දැකිය හැකිවිය.

    ආණ්ඩුව පාර්ශවයෙන් ගුරු සංගම් වෙත සාකච්ඡා ලබාදීමට සිදුවූවේ මෙම අඛණ්ඩ අරගලයේ ප්‍රථිපලයක් ලෙසයි. එසේ නොමැතිව ආණ්ඩුවට මේ ඉල්ලීම් ලබාදීමට කිසිදු වුවමනාවක් තිබුණේ නැත.

    කෙසේවෙතත් දැනට ආණ්ඩුව ලබාදීමට එකඟ වී ඇත්තේ වැටුප් විෂමතාවයෙන් 1/3ක් පමණි. ගුරු සංගම් පවසන ආකාරයට වැටුප් විෂමතාවය අවසන් කිරීම වෙනුවෙන් ඉදිරි ක්‍රියාමාර්ග ගැනීමට නියමිතව තිබේ.

    දැනට ආණ්ඩුව ලබාදී ඇති පොරොන්දුව අයවැයේදී නිල වශයෙන් ප්‍රකාශ කරන්නේද යන්න ගැන අවධානයෙන් සිටින බව ගුරු – විදුහල්පති සංගම් පවසයි.

    ඒ අනුව ගුරු – විදුහල්පති සන්ධානය ලෙස ලබන 12 වෙනිදා විහාරමහා දේවි උද්‍යානයට විරෝධතා රැළියක් පැවැත්වීමටද නියමිතව ඇති බව වාර්තා වේ.

  • සුජීව අමරසේකරට එරෙහිව රුහුණ සරසවි ආදී විද්‍යාර්ථයින්

    සුජීව අමරසේකරට එරෙහිව රුහුණ සරසවි ආදී විද්‍යාර්ථයින්

    මර්දනය නවතනු! රුහුණ සරසවි ප්‍රජාවගේ නිදහස වෙනුවෙන් පෙළගැසෙමු!

    පසුගිය වසර තුනක පමණ කාලයක සිට රුහුණ විශ්වවිද්‍යාලය තුළ සුජීව අමරසේන උපකුලපතිවරයා විසින් ගෙන යනු ලබන අත්තනෝමතික ප්‍රජාතන්ත්‍ර විරෝධී මිලිටරිමය පරිපාලන ආකෘතිය සහ උපකුලපති නිළවරණය සමඟ විශ්වවිද්‍යාලය තුල උද්ගත වී ඇති අර්බුදකාරී තත්වය සම්බන්ඳව රුහුණ විශ්වවිද්‍යාලයේ ආදිවිද්‍යාර්ථයින් විසින් අද දින (07) මාධ්‍ය සාකච්ඡාවක් පවත්වනු ලැබීය.

    සුජීව අමරසේන මහතා රුහුණ විශ්වවිද්‍යාලයේ උපකුලපති ධුරයට පත්වී මේ වන විට වසර තුනකට ආසන්න වෙමින් ඇත. එම වසර තුනකට ආසන්න කාලය තුළ ඔහු විසින් සුවිශාල ප්‍රජාතන්ත්‍ර විරෝධී මර්දන යාන්ත්‍රණයක් ක්‍රියාත්මක කරන ලදී. ශිෂ්‍යයන්ට පමණක් නොව ආචාර්යවරුන් සහ අනධ්‍යයන සේවකයන්ටද අත්තනෝමතිකත්වයට මුහුණදීමට මේ වනවිට සිදුව ඇත. විරුද්ධ මත දැඩි ලෙස මර්දනය කළ ඔහු තම ඕනෑම අදහසකට එකඟවන එහෙයියන් පිරිසක් සමග පමණක් එකතුව විශ්වවිද්‍යාල පරිපාලනය ගෙනයමින් ඇත. වත්මන් නියෝජ්‍ය උපකුලපතිවරයා සහ විනය පාලක වරයා උපකුලපතිවරයාගේ පදයට නටන රූකඩ පරිපාලකයන් ලෙස පෙරමුණෙනම සිටී. මෙවැනි තත්වයක් තුළ විශ්වවිද්‍යාල ප්‍රජාව ලෙස සිසුන්, ආචාර්යවරුන්,අනධ්‍යන සේවකයන් අතර දැවැන්ත විරෝධයක් සුජීව අමරසේන උපකුලපතිවරයාගේ පරිපාලනයට එරෙහිව ගොඩනැගී ඇත.

    විශ්වවිද්‍යාලයක් තුල නිදහසේ ඉගනීමට හැකි එය සියලු ජන ප්‍රජාවන්ට විවෘත, ඉබි යතුරු දමා වසා නැති භූමියක් බවට රුහුණ පත් විය යුතුය. විද්‍යාලයාලය තුළ අධ්‍යයන නිදහස මෙන්ම දේශන ශාලාවෙන් බැහැරව සිදුකරන ක්‍රියාකාරකම් සඳහා ද නිදහස තිබිය යුතුය. එසේම සංවිධානය වීමේ සහ අදහස් ප්‍රකාශ කිරීමේ නිදහස විශ්වවිද්‍යාලය තුළ තිබිය යුතුය.”විශ්වවිද්‍යාලය”යන වචනයට සැබැවින්ම එහි අර්ථය එකතු වන්නේ එවිටයි. සමාජ විරෝධී සහ සදාචාර විරෝධී නොවන ක්‍රියාවන් සඳහා විශ්වවිද්‍යාලය තුළ සීමා පැනවෙන්නේ නම් එය විශ්වවිද්‍යාල අධ්‍යාපනය මොට කිරීමකි. විශ්වවිද්‍යාල පාලකයන්ට අවශ්‍යය වන්දිභට්ටයින් තනන අවකාශයක් නම් අප සමාජයක් ලෙස තවදුරටත් ඛේදවාචකයටම තල්ලු වීම වළකාලිය නොහැක. කණගාටුවට කරුණ නම් රුහුණ විශ්වවිද්‍යාලය පාලනාධිකාරිය විසින් එවැනි විචාරශීලී සබුද්ධික ශිෂ්‍ය ප්‍රජාවක් බිහි වීමට ඇති ඉඩකඩ අවුරා දමමින් තිබීමයි. ඒ සඳහා සුජීව අමරසේන උපකුලපතිවරයා ඇතුළු පිරිස ගත හැකි සියලුම නන්විද උත්සාහයන් ගනිමින් ඇත.

    විශ්වවිද්‍යාලය තුළ සිසුන් ඒකරාශි වන ස්වාධීන සිසු ක්‍රියාකාරකම් තහනම් කර ඇත. සාමූහික අධ්‍යයන කටයුතු සිදු කිරීම පවා තහනම්ය. හැඳුනුම්පත පෙන්වා ගේට්ටුවෙන් ඇතුල් වී සවස හයෙන් පසුව විශ්වවිද්‍යාලයෙන් ඉවත් විය යුතුය. දේශන නොමැති විට විශ්වවිද්‍යාලය තුළ සිටීමද දඬුවම් ලැබිය හැකි වරදක් වනු ඇත. සිසුන් නේවාසිකාගරයට සවස හය වනවිට වාර්තා කළ යුතුය. නේවාසිකාගාර වල පවා CCTV කැමරා සවි කර ඇත්තේ ශබ්ද පටිගත කිරීමේ තාක්ෂණයද සමඟය. විශ්වවිද්‍යාලය තුල ද CCTV කැමරා සවි කර ඇත. බැනර් හෝ පෝස්ටර් විශ්වවිද්‍යාලය තුළ ප්‍රදර්ශනය කර අදහස් ප්‍රකාශ කිරීම තහනම්ය. විශ්වවිද්‍යාල තුල පවතින ඇතැම් පසුගාමී සංස්කෘතිකාංග පලිහක් ලෙස ගෙන සිසුන් මර්දනය සඳහා කටයුතු කිරීම සුජීව අමරසේන උපකුලපතිවරයාගේ සැලසුම වී ඇත. පසුගිය කාලය තුල රුහුණ විශ්වවිද්‍යාල පරිපාලනයේ ක්‍රියාකලාපය සම්බන්ඳව ස්වාධීන කොමිෂන් සභාවක් පත් කර සිසුන්, ආචාර්‍යවරුන් හා සේවකයන්ගෙන් සාක්ෂි විමසා සුජීව අමරසේන උපකුලපතිවරයා ට එරෙහිව විනය ක්‍රියාමාර්ග ගන්නා ලෙසත්, අප රජයට බලකර සිටිමු. රුහුණ විශ්වවිද්‍යාලයේ පවතින මෙම මර්දනකාරි වැඩපිලිවෙලට එරෙහිව සාමුහික බලයක් නිර්මාණය කරමින් ඉදිරි ක්‍රියාමාර්ග ගැනීම වෙනුවෙන් රුහුණ විශ්වවිද්‍යාලයීය ආදී විද්‍යාර්ථයින් ලෙස මැදිහත්වීම ඓතිහාසික වගකීමක් ලෙස අප හඳුනා ගනිමු.

    රුහුණ සරසවි ආදී විද්‍යාර්ථයින්

  • ගුරු , විදුහල්පති අරගලයට දෙමව්පියන්ගේත් සහය – දිවයින පුරා පාසල් ඉදිරිපිට විරෝධතා

    ගුරු , විදුහල්පති අරගලයට දෙමව්පියන්ගේත් සහය – දිවයින පුරා පාසල් ඉදිරිපිට විරෝධතා

    විදුහල්පතිවරුන් සහ ගුරුවරුන් සිදුකරනු ලබන ගුරු වැටුප් විෂමතා අරගලයට සහය පළ කරමින් අද දිනයේ දිවයින පුරා පාසල් රැසක දෙමව්පියන් විරෝධතාවක නිරත වී තිබේ.

    මේ අනුව පාසල් ගේට්ටුව ඉදිරිපිට විරෝධතා බැනර ප්‍රදර්ශනය කරමින් ඔවුන් විරෝධතාවල නිරත වී ඇත. මෙම දෙමව්පියන් ඉල්ලා සිටින්නේ පාසල් දරුවන්ගේ අධ්‍යාපනය කඩාකප්පල් නොකර ගුරු විදුහල්පති වැටුප් විෂමතාවය විසදනු, අධ්‍යාපනයට 6%ක් වෙන් කරනු, පාසල් නඩත්තුවට දෙමව්පියන්ගෙන් මුදල් අයකිරීම නවතනු, නිදහස් අධ්‍යාපන අයිතිය සුරකිනු යන්නයි.

    මෙම විරෝධතා මාලාවේ ප්‍රධාන උද්ඝෝෂණය කොළඹ ආමර් වීදියේ පැවැත්වුණු අතර එයට ගුරු විදුහල්පති වෘත්තීය සමිති නියෝජිතයින්ද සහභාගී විය.

    පාසල් තුළ ඉගැන්වීම් කටයුතු සිදුකෙරෙන අතර තුර ගුරු විදුහල්පතිවරු වෙනුවෙන් දෙමව්පියන් මෙලෙස උද්ඝෝෂණ සංවිධානය කර තිබුණු අතර මෙහිදී මාධ්‍ය වෙත අදහස් දක්වමින් වෘත්තීය සමිති නායකයින් පැවසුවේ ලබන 12 වැනිදා ඉදිරිපත් කිරීමට නියමිත අයවැයට පෙර ගුරු විදුහල්පති වැටුප් ගැටලුවට විසඳුම් ලැබිය යුතු බවයි.

    එසේ නොවන්නේ නම් තවදුරටත් මෙම අරගලට තීව්‍ර වනු ඇති බව ඔවුන් පවසයි.