ජාත්‍යන්තර මූල්‍ය අරමුදලේ පළමු වාරිකය ලෙස ඇමෙරිකා ඩොලර් මිලියන 330ක් ශ්‍රී ලංකාවට ලැබුණු බව රනිල් වික්‍රමසිංහ පාර්ලිමේන්තුවේදී පැවසීය.
ලෝක බැංකුව සහ වෙනත් ණය ආධාර ලබා දෙන ලෙස පාර්ශ්වයන් වෙතින් තවත් ඩොලර් බිලියන හතක පමණ කඩිනමින් ණය ආධාර බලාපොරොත්තු වන බවද ඔහු කීය.
ශ්‍රී ලංකාවේ රාජ්‍ය ආදායම මේ වන විට දළ දේශීය නිෂ්පාදිතයෙන් 8.3ක් වන බව ජනපති රනිල් වික්‍රමසිංහ පවසනවා.
ලෝකයේ අනෙක් රටවල් සමඟ සැසදීමේ දී ශ්‍රී ලංකාවේ රාජ්‍ය ආදායම පහළ මට්ටමක ඇති බව ඔහු පවසන අතර එය ඉදිරියේදී 15% දක්වා වැඩිකරගැනීමට බලාපොරොත්තු වන බව ඔහු පවසා තිබේ.
ඒ සඳහා රනිල් යෝජනා කරන්නේ තවත් බදු වර්ග දෙකක් හඳුන්වා දීමයි. ඒ අනුව 2025 දී දේපළ බද්ධක් වෙනුවට ධන බද්දක් හදුන්වාදීමටත්, තෑගි හා බූදල් බද්දක් හඳුන්වාදීමටත් පියවර ගන්නා බව රනිල් වික්‍රමසිංහ පවසා තිබේ.
