විවිධ හේතු නිසා මිය යන අලි ගණන දිනපතා වැඩිවෙන බව ඉන්දියානු වාර්තාවක් පෙන්වා දෙනවා. ඒ සඳහා බලපාන විවිධ හේතු තියෙනවා දඩයම් කිරීම, ස්වාභාවික වාසස්ථාන විනාශ කිරීම සහ වනාන්තර අසල ගම්මානවල ළිං වැනි අන්තරායන් මේ අලි මරණ වලට හේතු ලෙස දක්වනවා. 2017 දී ඉන්දීය පරිසර අමාත්යාංශය විසින් කරන ලද සංගණනයකින් හෙළිකරගෙන ඇත්තේ අලි ගහනය 27,312 ක් පමණ වන බවයි.
වනාන්තර ආශ්රිත වගාබිම් වලට අනවසරයෙන් කඩා පනින අලි පන්නා දැමීමට උගුල් ඇටවීම මත වාර්ෂිකව සැලකිය යුතු අලි ප්රමාණයක් මිය යන බවත් වගාබිම් ආශ්රිත වගා ළිංවලට වැටී බොහෝ අවස්ථාවල දී අලින් තුවාල ලබන අතර මිය යෑමද වාර්තා වී තියෙනවා.
නවතම දත්ත වලට අනුව, 2018 දී අලි 75 ක් මිය ගිහින් ඇති අතර 2015 සිට 2018 දක්වා කාලය තුළ මියගිය අලි ගණන 373 කි . 2014-2019 කාලය තුළ ඉන්දියාවේ පුද්ගලයන් 2,300 ක් අලි ඇතුන් විසින් ඝාතනය කර ඇති බව පරිසර අමාත්යාංශය වාර්තාව පෙන්වා දෙනවා.
