Tag: covid 19

  • 21 වැනි කොරෝනා මරණය වාර්තා වෙද්දී  රෝහල් ගත කර ඇති පිරිස 6134 දක්වා ඉහළට

    21 වැනි කොරෝනා මරණය වාර්තා වෙද්දී රෝහල් ගත කර ඇති පිරිස 6134 දක්වා ඉහළට

    ලංකාවේදී මියගිය 21 වැනි කොරෝනා රෝගියා ඊයේ(31) වැලිසර ළය රෝහලේදී මිය ගිය 40 හැවිරිදි පුද්ගලයකු බව රජයේ ප්‍රවෘත්ති දෙපාර්තමේන්තුව අද රාත්‍රි නිවේදනය කළේය.

    කඩවත, මහර ප්‍රදේශයේ පදිංචිකරුවක් සහ අධි රුධිර පීඩනය සහිත ඔහු ශ්වසන ආබාධයක් හේතුවෙන් 23 වැනිදා රෝහල්ගතකර ඇත. රෝහලේදී සිදුකළ PCR පරික්ෂණයෙන් ඔහු ආසාදිත බවට තහවුරු වී නැති නමුත් 31 වැනිදා මිය ගිය පසුව කළ PCR පරික්ෂණයේදී කෝවිඩ් 19 ආසාදිත බවට සනාථ වී ඇති බව ප්‍රපවෘත්ති දෙපාර්තමේන්තුව පවසයි.

    මේ අතර අද දිනයේ දී මේ දක්වා ආසාදිතයින් 397ක් වාර්තා වී ඇති බව කොවිඩ් -19 පැතිරිම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කර සිටියි.

    මිනුවන්ගොඩ ඇඟලුම් කම්හලෙන් පළමු ආසාදිතයා වාර්තා වීමෙන් පසු ඇතිවූ කොරෝනා පොකුර අද වන විට 7582ක් දක්වා ඉහළ ගොස් ඇත.

    අද වන විට මෙරටින් වාර්තා වන සමස්ත කොරෝනා ආසාදිත සංඛ්‍යාව 11060ක් වන අතර ඉන් රෝහල් ගත කර ඇති පිරිස 6134කි.

  • වසංගතය හමුවේ ආණ්ඩුව නිදි වැදුණු හැටි හෙළිව තිබියදීත් ජනාධිපති ජනතාවට වරද පටවයි

    වසංගතය හමුවේ ආණ්ඩුව නිදි වැදුණු හැටි හෙළිව තිබියදීත් ජනාධිපති ජනතාවට වරද පටවයි

    ජනතාවට ලොකු වගකීමක් ඇති බවත් ජනතාව තම වගකීම් ඉෂ්ඨ නොකළ නිසා මෙම වසංගත තත්ත්වයට මුහුණ දීමට සිදුවූ බවත් ජනාධිපති ගෝඨාභය රාජපක්ෂ පවසා තිබේ.

    “මේක රජයෙන් දාපු වෛරසයක් නෙවෙයි. මේක ලෝකයටම බලපාන සෞඛ්‍ය ප්‍රශ්නයක්. ජනතාව වගකීම ඉෂ්ඨ නොකල නිසා තමයි මේ තත්ත්වෙට මුහුන දෙන්න වෙලා තියෙන්නෙ යැයි ජනපති ගෝඨාභය රාජපක්ෂ මහතා ප්‍රකාශ කර සිටිනවා.”

    දින 03 ක කාලයක් සඳහා ඇඳිරි නිතිය පැනවූ අවස්ථාවේදී බොහෝ පිරිස් ප්‍රදේශයෙන් පිටව ගොස් ඇති බවත් එලෙස වගකීම් විරහිත ලෙස ක්‍රියා නොකරන ලෙසට දැනුම් දිය යුතු බවද ජනාධිපතිවරයා කියා සිටියා.

    ජනාධිපතිවරයා මේ අදහස් පළකර ඇත්තේ කොවිඩ් මර්දන කාර්ය සාධන බලකාය සමඟ අද පැවති සාකච්ඡාවක් අතරතුරයි.

    ජනාධිපතිවරයා රටේ ජනතාවට දෙහි කැපුව නමුත් ආණ්ඩුවේ ප්‍රධානියා ලෙස සහ රටේ ජනාධිපතිවරයා ලෙස පැවරී ඇති වගකීම් ඔහු හරි හැටි ඉටු නොකළ ආකාරය අද මාධ්‍ය වාර්තා කර තිබුණි.

    ලංකාවේ පළමු කොරෝනා ආසාදිතයා වාර්තා වූ 2020 මාර්තු 11 වන දා සිට මේ දක්වාම, එකම එක ස්වසන ආධාරක යන්ත‍්‍රයක් වත් සෞඛ්‍ය සේවා පද්ධතියට අලුතින් මිලදී ගෙන නැති බව The Sunday Morning පුවත්පතේ ප්‍රධාන සිරස්තල පුවතින් හෙළිදරව් කර ඇත.

    එම වාර්තාවට අනුව ලංකාවේ මිලියන 22ක ජනගහනයක් සඳහා දැඩි සත්කාර ඇඳන් ඇත්තේ 630ක් පමණක් වන අතර ඒවායෙන් කොවිඩ් රෝගීන් වෙනුවෙන් වෙන් කළ හැක්කේ ඇඳන් 146ක් පමණි.

    ඊට අමතරව පසුගිය මේ දින කිහිපයේ දැනට පවතින PCR යන්ත්‍රය ක්‍රියාවිරහිත වී තිබීම නිසා විශාල පරීක්ෂණ ප්‍රමාණයක් සිරවී ඇති බව වාර්තා විය. පසුගිය මාර්තු මාසයේ අත්දැකීම් තිබියදී වුවත් වැඩිපුර PCR යන්ත්‍ර මිලදී ගැනීමට ආණ්ඩුව කටයුතු කර නොතිබුණි.

    දරුනු වසංගතයක් දිවයින පුරා ව්‍යාප්ත වෙමින් තිබියදී සෞඛ්‍ය සේවයට අවශ්‍ය ප්‍රතිපාදන වෙන් කිරීම හෝ අවශ්‍ය මිලදී ගැනීම්වලට ප්‍රමුකතා නොදී ආණ්ඩුව නිදාවැටුනු ආකාරය වරින්වර මෙරට සෞඛ්‍ය සේවා කාර්ය මණ්ඩල විසින් අනාවරණය කරන ලදී. මේ වනවිට සෞඛ්‍ය සේවයේ තොරතුරු අනුව, රෝහල්වල සේවක පුරප්පාඩු මෙන්ම උඵකරණ හිගයද උග්‍ර වන අතර අත්‍යවශ්‍ය ඖෂධ හිගයද වරින්වර අනාවරණය වේ. සෞඛ්‍ය කාර්යමණ්ඩල හිගය 30000ක් බව වෘත්තිය සමිති පෙන්වා දෙන අතර සෞඛ්‍ය බලධාරින්ගේ මට්ටමින් ඒ සම්බන්ධ කිසිදු වැඩපිළිවෙළක් ක්‍රියාත්මක කරන බවක් පෙනෙන්නට නැත.

    මෙවැනි විශාල අඩුපාඩු සෞඛ්‍ය සේවයේ තිබියදී 2021 විසර්ජන පනතින් සෞඛ්‍ය සේවයට වෙන් කර ඇත්තේ රුපියල් බිලියන 158ක් පමණි. 2019 වසරට සාපේක්ෂව සෞඛ්‍ය වැය ශීර්ෂය රුපියල් බිලියන 20කින් කප්පාදුවකි. එහෙත් ආරක්ෂක අමාත්‍යාංශයට රුපියල් බිලියන 335ක් හා මහාමාර්ග අමාත්‍යාංශයට රුපියල් බිලියන 330ක් වෙන් කර තිබේ. ජනතාවගේ මූලික අවශ්‍යතාවන්ට ප්‍රමුඛතාවය නොදී ජනතාව මර්දනය කිරීමේ කටයුතු හා අධික කොමිස් ගැසීමේ අවස්ථා ඇති කොන්ත්‍රාත් කටයුතු හරහා වැය කිරීම් සඳහා ප්‍රතිපාදන වැඩියෙන් වෙන්කර ඇති බව මෙයින් පැහැදිලි වේ.

     

  • PCR පරීක්ෂණ 20,000ක් හිරවෙලා, සතියකට කලින් ගත්තු සාම්පල්වල ප්‍රතිඵල තාම ඇවිල්ලා නෑ – GMOA

    PCR පරීක්ෂණ 20,000ක් හිරවෙලා, සතියකට කලින් ගත්තු සාම්පල්වල ප්‍රතිඵල තාම ඇවිල්ලා නෑ – GMOA

    PCR පරීක්ෂණ 20,000ක පමණ ප්‍රමාණයක් ප්‍රතිඵල නිකුත් කරගැනීමට නොහැකිව දැනට ගොඩගැසී ඇති බවත් ඇතැම් ප්‍රදේශවල සතියකට පෙර ලබාගත් සාම්පල වල පවා තවමත් ප්‍රතිඵල ලැබී නොමැති බවත් රජයේ වෛද්‍ය නිලධාරීන්ගේ සංගමයේ සංස්කාරක, වෛද්‍ය හරිත අලුත්ගේ පවසයි.

    “සමහර ප්‍රදේශවල සතියකට කලින් ගත්තු සාම්පල්වල ප්‍රතිඵල තාම ඇවිල්ලා නෑ. මේක ඉතාම කණගාටුදායක තත්වයක්. සාමාන්‍යයෙන් 100කට බැලුවොත් 2.5 – 3ක් වගේ පොසිටිව් වෙනවා. එතකොට මේ හිරවෙලා තියෙන 20000 ඇතුළෙත් අපි ඒ ගාණ උපකල්පනය කළොත් මේකෙ ප්‍රතිඵල එනකොට අඩුම ගාණ තව 500 – 600ක් පොසිටිව් වෙන්න ඕනෙ. මේක මේ අද නතර වෙන ප්‍රශ්නයක් නෙවෙයි.

    වයඹ පළාත තුළ – කුරුණෑගල දිස්ත්‍රික්කයේ තියෙන අවදානමත් එක්ක – සමාජ නියැදි කිසිවක් සිදුවෙන්නෙ නෑ. දවසකට කුරුණෑගල දිස්ත්‍රික්කයටම ලැබෙන්නෙ PCR පරීක්ෂණ කරන්න උපකරණ කට්ටල 50ක වගේ ප්‍රමාණයක්. ඒ 50න් කොහොමද සමාජ නියැදි කරන්නෙ ?

    මාතර අපට කතා කළා, මාතර මේ වෙනකොට ගත්ත සාම්පල් 3000 විතර ප්‍රතිඵල එන්න තියෙනවා. කුරුණෑගල දිස්ත්‍රික්කය ඇතුළෙ දවස් 5 – 6කට කලින් ගත්ත සාම්පල් ප්‍රතිඵල තාම ඇවිල්ලා නෑ.

    මරණ අපෙ ඉස්සරහ ඇවිල්ලා ගොඩ ගැහෙනකල් ඉන්නෙ නැතුව කරුණාකරලා මේ සම්බන්ධයෙන් අධ්‍යනය කරලා ඒකෙ තියෙන අවදානම ජනතාවට කියන්න” යනුවෙනුයි ඒ මහතා ඉල්ලා සිටියේ.

    වෛද්‍ය හරිත අලුත්ගේ මහතා මේ බව පැවසුවේ ඊයේ (30) මාධ්‍ය වෙත ප්‍රකාශයක් ලබා දෙමිනි.

  • අද 20 වැනි කොරෝනා මරණය වාර්තා වෙයි – නව ආසාදිතයින් 239ක්

    අද 20 වැනි කොරෝනා මරණය වාර්තා වෙයි – නව ආසාදිතයින් 239ක්

    මෙරට 20 වැනි කොරෝනා ආසාදිත මරණය කොළඹ ජාතික රෝහලෙන් වාර්තා වී ඇති බව සෞඛ්‍ය අමාත්‍යාංශය පවසයි.

    මෙලෙස මියගොස් ඇත්තේ කොළඹ 12 ප්‍රදේශයේ පදිංචි 54 හැවිරිදි කාන්තාවකි.

    මෙම කාන්තාව වමනය සහ දියවැඩියා රෝග තත්වයකට ප්‍රතිකාර ලබමින් සිටියදී ඊයේ (30) මියගොස් ඇති අතර අද ලැබුණු ඇයගේ පීසීආර් පරීක්ෂණ වාර්තාව අනුව ඇය කොරෝනා ආසාදිතයකු බව තහවුරු වූ බවයි වසංගත රෝග විද්‍යා ඒකකයේ ප්‍රධානී වෛද්‍ය සුදත් සමරවීර පවසයි.

    මේ අතර අද (31) රාත්‍රී 9.35 වනවිට නව ආසාදිතයන් 239 දෙනෙකු වාර්තා වී තිබේ.

    එයින් 59 දෙනෙකු නිරෝධායන මධ්‍යස්ථානවල සිටි අය වන අතර, 180 දෙනෙකු පෑලියගොඩ සහ ධීවර වරායන්හි ආශ්‍රිතයන් බව පැවසේ.

    මේ දක්වා එම පොකුරේ සමස්ත ආසාදිතයන් ගණන 6946 ක් වූ අතර අද හඳුනාගත් පිරිස සමඟ සමස්ත පොකුරෙහි අගය 7185 කි.

  • කොරෝනා ආසාදිතයින් සංඛ්‍යාව 10,000 ඉක්මවයි

    කොරෝනා ආසාදිතයින් සංඛ්‍යාව 10,000 ඉක්මවයි

    තවත් කොරෝනා වෛරස් ආසාදිතයින් 314 දෙනෙකු අද (30) දිනයේදී හඳුනාගෙන ඇති බව සෞඛ්‍ය අමාත්‍යාංශය පවසයි.

    ඔවුන් අතරින් 55 දෙනෙකු නිරෝධායන මධ්‍යස්ථාන තුළින් හඳුනාගෙන ඇති අතර සෙසු 259 දෙනා පෑලියගොඩ සහ ධීවර වරායන්ගේ ආසාදිතයින්ගේ ආශ්‍රිතයින් වශයෙන් පිටතින් හඳුනාගෙන ඇත.

    ඒ අනුව මෙරටින් මෙතෙක් හමුවූ සමස්ත කොරෝනා වෛරස් ආසාදිතයින් සංඛ්‍යාව 10105ක් දක්වා ඉහළ ගොස් තිබේ.

    දිවයිනේ දිස්ත්‍රික්ක විසිපහෙන් විසිහතරකම අද උදෑසන වනවිට කොවිඩ් ආසාදිතයින් හඳුනාගෙන ඇතැයි කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කළේය.ඊයේ (29) දිනය වනවිට ආසාදිතයින් වාර්තා නොවී තිබුණේ කිලිනොච්චිය සහ මුලතිව් දිස්ත්‍රික්ක දෙකෙන් පමණක් වුවද අද වනවිට මුලිතිව් දිස්ත්‍රික්කයෙන් ද නව ආසාදිතයින් දෙදෙනෙකු හඳුනාගෙන තිබුණි.

  • රුසියාව කොරෝනාවට එරෙහිව එන්නත මහා පරිමාණයෙන් නිපදවන්න සූදානම්

    රුසියාව කොරෝනාවට එරෙහිව එන්නත මහා පරිමාණයෙන් නිපදවන්න සූදානම්

    කොරෝනා වෛරසයට එරෙහිව ලොව පළමු එන්නත සෑදීමට සිය රට සමත්ව ඇති බව ශ්‍රී ලංකාවේ පිහිටි රුසියානු තානාපති කාර්යාලය ටුවිටර් පණිවිඩයක් තබමින් සදහන් කරයි. මෙම එන්නත ලබන සතිය තුළ ලියාපදිංචි කිරීමට නියමිත බවද රුසියාව සඳහන් කරයි.

    රුසියානු නියෝජ්‍ය සෞඛ්‍ය අමාත්‍ය ඔලෙග් ග්‍රිඩ්නෙව් ප්‍රකාශ කර සිටියේ මොස්කව් හි Gamelei මධ්‍යස්ථානයට නව කොරෝනා වෛරසයට එරෙහිව නිපදවූ ලොව පළමු එන්නත ඔක්තෝම්බර් මාසයේදී විශාල වශයෙන් නිෂ්පාදනය කිරීමට බලාපොරොත්තු වන බවයි.

    නිෂ්පාදනය කළ එම එන්නත රටේ සෞඛ්‍ය අංශ නිලධාරින් සහ වැඩිහිටියන් හට පළමුව ලබා දීමට අදහස් කර ඇති බවද නියෝජ්‍ය සෞඛ්‍ය අමාත්‍යවරයා සඳහන් කර ඇත.

    මෙම එන්නතේ පළමු සායනික පරික්ෂාව ඉකුත් ජුනි මස 18 වෙනිදා මොස්කව් සෙකෙනොව් විශ්ව විද්‍යාලයේදී ආරම්භ කෙරුණා. ඒ සඳහා ස්වෙච්ජාවෙන් පුද්ගලයින් 38 දෙනෙකු එක්වූ අතර ඔවුන් සියලු දෙනාම වෛරසයට එරෙහිව ප්‍රතිශක්තිකරණය වර්ධනය කළ බවයි රුසියානු බලධාරින් සඳහන් කරයි.

    රුසියාව ගතවු 20 වසරක කාලයේදී වෛරස් සම්ප්‍රේෂණය වන ආකාරය සම්බන්ධයෙන් හඳුනා ගැනීමේ අධ්‍යනයක නිරතවීම නිසා මෙහිදී වඩා පහසුවක් ඇතිවූ බව ජේෂ්ඨ විද්‍යාඥයෙකු වන වඩීම් ටාරසෝව් එරට මාධ්‍ය වෙත ප්‍රකාශ කර තිබේ.