විවර සතියේ දේශපාලන කතාබහ වෙන්වන්නේ ණ්ඩුව පසුගිය සතිය තුළ ගත් ක්රියාමාර්ග කිහිපයක් පිළිබඳව කතාබහ කිරීමටයි. මැයි පළවෙනිදා කම්කරු දින තහනම සහ භාෂණයේ නිදහස කප්පාදු කිරීම සඳහා ගෙන ඒමට නියමිත දැනටමත් කැබිනට් මණ්ඩලයේ අනුමැතිය ලැබී තිබෙන සමාජ මාධ්ය පාලනයට නීති සම්පාදනය කිරීමට ආණ්ඩුවේ සැලසුම පිළිබඳවයි .මේ සාකච්ඡාවට අද අප සමග එකතු වන්නේ පෙරටුගාමී සමාජවාදී පක්ෂයේ අධ්යාපන ලේකම් පුබුදු ජයගොඩ සහෝදරයා.
Tag: 2021
-
උතුරේ මිනිමරුවන් දකුණේ මිනීමරුවන් සමානය වෙනසකට ඇත්තේ මරණ සිදුවූ වර්ෂයේය
අද 2021 අප්රියෙල් මාසයේ විසි එක් වෙනිදා , ම්ලේච්ඡ අන්තවාදී මෙන්ම දේශපාලන උවමනාවන් වෙනුවෙන් අහිංසක ජීවිත තුන්සියකට ආසන්න ප්රමාණයක් බිලි අරගෙන අද දිනයට වසර දෙකක් සම්පූර්ණ වෙනවා. මේ අපුල අත්දැකීමට මැදිහත් වුණු අනුබල දුන්, මේ මිනිස් ජීවිත අහිමි වීමේ ඛේදවාචකය ලැජ්ජා විරහිතව තමන්ගේ දේශපාලන බල වුවමනාවන් වෙනුවෙන් පාවිච්චි කළ ඒ නරුම මිනිස් කැල අදටත් යහතින් එකට සහයෝගයෙන් මළවුන් වෙනුවෙන් යුක්තිය ඉල්ලන ජීවතුන් අතර ඉන්න මිනිසුන්ව නොමඟ යවමින් සිටී.
මේ ගෙවුණු දෙවසර තුළ ඒ ම්ලේච්ඡ ප්රහාරයේ සැලසුම් කරුවන් හෙළිදරව් කරන්නට නිවැරදි ශක්තිමත් බලවේගයක් නිර්මාණය කරනවා වෙනුවට මල අහිංසක මිනිසුන්ගේ උරුමය තමන්ගේ අතේ තබාගෙන එය පාරට්ටු කරන කාදිනල් ඇතුළු පිරිස කළේ මෙහි සැබෑ වගඋත්තරකරුවන්ට ගැලවී යෑමට අවශ්ය කරන මග නිර්මාණය කිරීමයි. ඒ මල උන්ගේ ජීවිත මතින් දේශපාලන උවමනාවන් ඉෂ්ට කර ගැනීමට දේශපාලකයන්ට අතහිත ලබා දීමයි. සැබෑ ජනතා විරෝධය ව්යාජ විරෝධයන් මත ගොනු කර දියාරු කර හැරීමයි. අවසාන දින තුන තුළ එය වඩා හොඳින් කැපී පෙනිණි .මෙම සැලසුම් සහගත ත්රස්ත ක්රියාවට එරෙහිව ඊට අනුබල දුන් දේශපාලන අන්තවාදී මතවාද නිර්මාණය කළ උන් ඇතුළු සියලු බලවේග, නීතිය හමුවට ගෙන ඒමට පැවති, පවතින ආණ්ඩුවට බලපෑම් කිරීමට කළ යුතුව තිබුණේ සමස්ත රටවැසියා ඒකරාශී කරගත් බලපෑමක් එල්ල කරන්නට සංවිධානගත වී වැඩ කිරීමයි. මේ දෙවසරක් ගෙවන අද දිනයේදී සිදුවෙමින් පවතින්නේ යුක්තිය වෙනුවට සාධාරණය වෙනුවට වැරදිකරුවන්ට දඬුවම් දීම වෙනුවට මෙලෙච්ඡ ප්රහාරය ජනතාවගේ මතකයෙන් ගිලිහී යන තෙක් ජනතාව මං මුලා කරන දේශපාලන ව්යාපෘති ක්රියාවට නැංවීමයි.
2022 අප්රියෙල් මාසේ විසි එක් වෙනිදා මේ අකාලයේ මිය ගිය ජීවිතවලට සාධාරණය ඉෂ්ට කළා යැයි කියමින් එදින ඉටිපහනක් දල්වන්නට කෙනෙකු සිතන්නේ නම් මේ දිනපතා සංවිධානාත්මකව නිර්මාණය කරන දියාරු බලවේගයන් වලට යටත් නොවී නිවැරදි නායකත්වයක් තෝරාගෙන ම්ලේච්ඡ ප්රහාරයෙ වගඋත්තරකරුවන්ට දඩුවම් ලැබෙන තෙක් සටන් කිරීමට අවශ්ය කරන සංවිධාන ශක්තියක් ගොඩනඟා ගැනීමයි. එය කළ හැකි වන්නේ පාස්කු ප්රහාරයෙන් මියගිය අයට තනිව විමුක්තිය අත්පත් කර දීමට තනි සටනක් නිර්මාණය කිරීමෙන් නොව. සමස්ත රටේම තැන් තැන් වල දේශපාලන උවමනාවන් වෙනුවෙන් තමන්ගේ සමීපතමයන් සහෝදරයන් දරුවන් අහිමි වී හඬන මව්වරු පියවරු එකට ඒකරාශී කරගෙන නගන සාමූහික හඬකිනි.
උතුරේදී දේශපාලන සිරකරුවන් ලෙස අත්අඩංගුවට ගෙන මරා දැමූ මිනිසුන්ගේද, කිසිදු චෝදනාවක් එල්ල නොකර රඳවා සිටින ඒ දෙමළ ජනතාවගේ ද, කිසිදු හේතුවක් නොදක්වා අතුරුදහන් කළ සියලු මිනිසුන්ගේ ද, දකුණේ දී පැහැර ගෙන ගොස් මරා දැමූ මිනිසුන්ගේද, විවිධ දේශපාලන උවමනාවන් වෙනුවෙන් මහමග තැන තැන මරා දැමූ සියලු පුද්ගලයන්ගේ ද, යුක්තිය වෙනුවෙන් කඳුළු සලන සැම මේ අරගලය වෙනුවෙන් එක් විය යුතුය. මේවා සම කළ නොහැකි අසමානකම් තියෙන දේශපාලන අන්තවාදී ම්ලේච්ඡ මිනීමැරුම් වුවද, අතුරුදන් කිරීම් වුවද, පැහැරගැනීම් වුවද , සිරගත කිරීම් වුවද, රටේ මිනිසුන්ගේ නෙත්වල කඳුළු හොල්ලන දේශපාලන අපරාධය .ජාතිය ආගම වෙනස් වුවද, ජිවත්වන ප්රදේශය වෙනස් වුවද, මරණයට පත් වූ ස්වභාවය වෙනස් වුවද , මේ හැම කෙනෙක්ගේම ගහලයා සමානය. මේ හැම කෙනෙක් වෙනුවෙන්ම ඔවුන්ගේ දෙමව්පියන්ගෙන් ඥාතීන්ගෙන් සහෝදරයින්ගෙන් හිතමිත්රාදීන්ගෙන් වැටෙන කඳුළු බිංදු සමානය. එපමණක්ද නොව මොවුන් යුක්තිය වෙනුවෙන් හඬ ගන්නෝය. යුක්තිය ඉල්ලා හඬා වැටෙන්නෝය. එහෙයින් අප කාටත් ඇත්තේ එකම අරමුණක් වෙනුවෙන් විවිධ තැන්වලින් පැන නගින අරගලයකි. එය ඒකරාශී කර නිර්මාණය කරන බලවේගය තුළ යුක්තිය ඉටු නොකර කිසිවෙකුට මග හැර යෑමට නොහැකි වේ .
-
මේ වසරේ පොරොන්දු ඉටු කරන බව පැවසීමම පොරොන්දු ඉටු නොකළ බව පිළිගැනීමක්
අද හැමෝම නව වසරට සුබ පැතුවා.වාසනාවන්ත 2021 අපේක්ෂාවන් සුබ පැතුම් වල ගැබ් වෙලා තිබුණා. ජනාධිපතිවරයා ඇතුළු අණ්ඩුවේ ප්රධානීන් විපක්ෂ නායක දේශපාලන පක්ෂ නායකවරු ලැබුවාවු මේ වසර තම තමන්ගේ දේශපාලන ව්යාපෘතිවලට අනුව වාසනාවන්ත වෙන හැටි සහ කරගන්නා හැටි පිළිබඳව අදහස් පළ කරමින් සුබ පැතුම් ජනතාව වෙත ඉදිරිපත් කරලා තියනවා.
ඒ අතරම දේශපාලන පක්ෂ නායකයන් සුභ පැතුවත් වසර වාසනාවන්ත කරගැනීමේ වගකීම වැඩිම පංගුව තිබෙන්නේ රටේ ජනතාව මත .අවසානයේදී නැවත හැරී බලද්දී අපි වාසනාවන්ත ඉදිරි ගමනක් ඇවිත් තියෙනවද නැද්ද කියලා තීරණය වෙන්නේ රටේ ජනතාව ගන්නා තීන්දු තීරණ මත.ඉතින් ජනතාවාදී තීන්දු තීරණ ජනතාව නොගත්තොත් මේ වර්ෂයක් පෙර වර්ෂ සේම ජනතාවට විවිධ අපහසුතාවයන් වලට පත්වෙන්නට සිදුවෙන පාරට බසින ඉඩකඩ නිර්මාණය වෙන වසරක් බවට පත්වේවි.
පෙරටුගාමී සමාජවාදී පක්ෂය අද රටේ අනාගතය කරා ගෙන යමින් 2021 වසර සිතුම් පැතුම් සාර්ථක වන වසරක් ලෙස නිර්මාණය කර ගන්නේ කෙසේද යන්න පිළිබඳව ඔවුන්ගේ අදහස ජනතාව හමුවට අරගෙන ආවා.
-
දිස්ත්රික්ක 25ටම හමුදා නිලධාරීන් පත්කරයි
කොවිඩ්-19 වසංගත පාලන කටයුතු ශක්තිමත් කිරීමට බව පවසමින් දිවයින පුරා සියලුම පරිපාලන දිස්ත්රික් සඳහා හමුදා නිලධාරීන් 25 දෙනෙකු දිස්ත්රික් සම්බන්ධිකාරක නිලධාරීන් ලෙස පත්කර තිබේ.
ජනාධිපති ලේකම් කාර්යාලය විසින් එම පත්කිරීම් සිදුකර ඇති අතර යුද්ධ හමුදාධිපතිවරයා ඒ සඳහා නිර්දේශ ඉදිරිපත් කර තිබේ.
නව පත්වීම් ලද හමුදා නිලධාරීන් කොවිඩ් 19 රෝග ව්යාප්තිය පාලනය, නිරෝධායන කටයුතු කිරීම, ඒ සඳහා අවශ්ය ප්රවාහන පහසුකම් සැපයීම, මෙන්ම වෙනත් හදිසි අවස්ථා හා අවශ්යතා කළමණාකාරනය පිණිස ජනාධිපති කාර්යාලය, ආර්ථික පුනර්ජිවනය හා දිලිදුකම තුරන් කිරීමේ ජනාධිපති කාර්යසාධක බලකාය, සෞඛ්ය අමාත්යාංශය, ආපදා කළමනාකරණ රාජ්ය අමාත්යාංශය ආදී ආයතනයන්හි සම්බන්ධිකරණ කටයුතු සිදුකිරීම සඳහා ජනාධිපති ලේකම් කාර්යාලය මගින් වගකීම් පවරා ඇත.
දිවයිනපුරා සියලුම දිස්ත්රික්කයන්හි ප්රධාන සම්බන්ධිකාරක නිලධාරීන් ලෙස පත්කර ඇති යුද්ධ හමුදා ජ්යෙෂ්ඨ නිලධාරීන් පහතින් දැක්වේ.
උතුරු පළාත
මේජර් ජෙනරල් ඩබ්ලිව් ජි එච් ඒ එස් බණ්ඩාර – යාපනය
මේජර් ජෙනරල් කේ එන් එස් කොටුවේගොඩ – කිලිනොච්චිය
මේජර් ජෙනරල් ආර් එම් පී ජි රත්නායක – මුලතිව්
මේජර් ජෙනරල් ඩබ්ලිව් එල් පී ඩබ්ලිව් පෙරේරා – වවුනියාව
මේජර් ජෙනරල් ඒ ඒ අයි ජේ බණ්ඩාර ආර්ඩබ්ලිව්පි ආර්එස්පී යුඑස්පී එන්ඩියු – මන්නාරමඋතුරු මැද පළාත
මේජර් ජෙනරල් ජේ සී ගමගේ එන්ඩිසි පිඑස්සි – පොළොන්නරුව
මේජර් ජෙනරල් එච් එල් වී එම් ලියනගේ ආර්ඩබ්ලිව්පී ආර්එස්පී එන්ඩියු – අනුරාධපුරවයඹ පළාත
මේජර් ජෙනරල් ඒ පී අයි ප්රනාන්දු – පුත්තලම
බ්රිගේඩියර් පී එම් ආර් එච් එස් කේ හේරත් – කුරුණෑගලබස්නාහිර පළාත
මේජර් ජෙනරල් කේ ඩබ්ලිව් ආර් ද ආබෲ – කොළඹ
මේජර් ජෙනරල් එන් ආර් ලමාහේවා – ගම්පහ
බ්රිගේඩියර් කේ එන් ඩි කරුණාපාල – කළුතරමධ්යම පළාත
මේජර් ජෙනරල් එච් පී එන් කේ ජයපතිරණ – නුවරඑළිය
මේජර් ජෙනරල් එස් එම් එස් පි බි සමරකෝන් – මහනුවර
මේජර් ජෙනරල් එස් යු එම් එන් මානගේ – මාතලේසබරගමුව පළාත
බ්රිගේඩියර් ජේ එම් ආර් එන් කේ ජයමාන්න – රත්නපුර
බ්රිගේඩියර් එල් ඒ ජේ එල් බී උදෝවිය – කෑගල්ලනැගෙනහිර පළාත
මේජර් ජෙනරල් සී ඩි වීරසුරිය – ත්රිකුණාමලය
මේජර් ජෙනරල් ටි ඩි වීරකෝන් – අම්පාර
මේජර් ජෙනරල් සී ඩි රණසිංහ – මඩකලපුවඌව පළාත
බ්රිගේඩියර් ඊ ඒ පී එදිරිවිර – බදුල්ල
කර්නල් ඩි යු එන් සේරසිංහ – මොණරාගලදණුණු පළාත
මේජර් ජෙනරල් ඩි එම් එච් ඩි බණ්ඩාර – හම්බන්තොට
මේජර් ජෙනරල් ඩබ්ලිව් ඒ එස් එස් වනසිංහ – ගාල්ල
කර්නල් කේ ඒ යු කොඩිතුවක්කු – මාතර -
වසරක අවසන් සහ අරම්භක තත්පර අතර
ආචාරශීලී ගෞරවයෙන්
ශෝකය පිරි හදින්
සමු දෙමි ඔබටබොහෝ ශෝකාන්ත
අතීතය කරා ගෙනයන
මගේ ජීවිතේ කොටසක් ද
රැගෙන නික්ම යන ඔබට
කෝපයෙන් තොරව සමුදෙමිමේ රාත්රිය
මා සමඟ ඔබ ගෙවන
අවසන් තත්පරයයි
තව මොහොතකින්
ඔබ මිය ගිය අතීතයයි
මා සුබපැතුම් ලත් අනාගතයයි -
පුරවැසිභාවය වසර දෙකකින්
වසර දෙකකින් ඉතාලි පුරවැසිභාවය සහ පෙර්මෙස්සෝදි සර්ජෝර්නෝ මාරු කර ගැනීමට අවස්ථාව.
සල්වීනි ගෙනා සංක්රමණික සහ ආරක්ෂිත නීතිය සම්පුර්ණයෙන්ම අහෝසි කරමින් දෙසැම්බර් 18 සම්මත වූ නව නීතිය 2020 දෙසැම්බර් 20 වන දින සිට ක්රියාත්මක තලයට පැමිණ ඇත.සල්වීනි නීතිය තුල පුරවැසිභාවය ලබාදීමේ කාල සීමාව වසර 4ක් දක්වා දීර්ඝ කර තිබූ අතර විශේෂිත හා මානුෂීය හේතු සඳහා නිකුත්කල පෙර්මෙස්සෝ දි සර්ජෝර්නෝ හිමියන්ට රැකියා කිරීමේ අවස්ථාව සීමාකර තිබුනි.
පුරවැසිභාවය ලබාදීමේ කාල සීමාව
ඒ අනුව 2020 දෙසැම්බර් 20 දිනෙන් පසු පුරවැසිභාවය සඳහා ඉල්ලූම් කරන්නන් සඳහා එය ලබාදීමේ කාල සීමාව වසර දෙකක් වන අතර ඊට පෙර ඉල්ලූම් කරුවන්ට වසර 4ක් බලා සිටීමට සිදුවනු ඇත. ඒ වගේම ඉතාලි භාෂා දැනුම් B1 මට්ටම විය යුතු අතර ඒ සඳහා යුරෝ 250ක් ගෙවිය යුතුවේ. පෙර්මෙස්සෝදි සර්ජෝර්නෝ මාරු කර ගැනීමේ අවස්ථාව.
විශේෂිත හා මානුෂීය හේතු සඳහා නිකුත්කල පෙර්මෙස්සෝ දි සර්ජෝර්නෝ රැකියා කිරීමේ සර්ජෝර්නෝ බවට හරවා ගැනීමේ අවස්ථාව නව පනතින් හිමිවේ.
ඒ අනුව පහත සඳහන් වර්ගයේ පෙර්මෙස්සෝ දි සර්ජෝර්නෝ රැකියා කිරීමේ සර්ජෝර්නෝ බවට පරිවර්ථනය කර ගැනීමට පුලූවන.
Protezione Speciale, Calamità, Residenza Elettiva, Stato di Apolide, Attività Sportiva, Attività Artistico, Motivi Religiosi, Assistenza Minori, Cura Mediche
එම කාර්යය සඳහා රැකියා කොන්ත්රාත්තුවක් ඉදිරිපත් කල යුතුවේ.
තීමස් විජිත්