මන්නාරම් දූපත කියන්නේ සංචාරක කුරුල්ලන්ගේ පාරාදීසයක්! අවුරුද්දකට රටවල් 30කින් විතර විශේෂ 150කටත් වැඩියෙන් කුරුල්ලෝ මිලියනයක් විතර මන්නාරමට ළඟා වෙනවා!
පහත රූප වල මුලින් ම තියෙන්නේ කොළඹ විශ්ව විද්යාලයේ මහාචාර්ය සම්පත් සෙනෙවිරත්නයන් ප්රධාන පර්යේෂක කණ්ඩායම GPS-GSM තාක්ෂණය යොදාගෙන (ඒ කියන්නේ කුරුල්ලන්ගේ පිටේ සවිකරන කුඩා තාක්ෂණික උපාංගයක් භාවිතා කරලා ලබාගන්න දත්ත) වලින් හොයාගත්තු ලංකාවට අතිශයින් වැදගත් කුරුලු විශේෂ 11කට අයිති කුරුල්ලො 21ක් දෙනෙක් මන්නාරම් දූපත ඇතුළෙ එදිනෙදා ගමන් කරන මාර්ග දැක්වෙන සිතියම. මේ කුරුල්ලො 21ක් දෙනෙක් විතරයි. මේකෙ ඇත්ත scale එක අවබෝධ කරගන්න නම් හිතන්න කුරුල්ලො මිලියනයක් මේ මාර්ග ඔස්සේ පියාඹද්දි කොහොම වෙයිද කියලා.
පහත දෙවෙනි රූපයෙන් මන්නාරම, තෙත්බිම් පක්ෂීන්ට අතිශයින්ම වැදගත් Palk Bay – Gulf of Mannar කලාපයත් එක්ක සම්බන්ධ වෙන්නෙ කොහොමද කියලා පෙන්නනවා. ඒ අතරෙදි පහත තෙවෙනි රූපය පෙන්නන්නෙ, ලංකාවෙ කෙළවරක තනි වෙලා වගේ තියෙන, සමහරෙක් නිකම්ම නිකම් මුඩු බිමක් ගානට දකින, මන්නාරම් දූපත, ලෝකයේ ප්රධානම සංක්රමණික පක්ෂි මාර්ගයක් වෙන මධ්යම ආසියානු සංක්රමණික පක්ෂි මාර්ගයෙ (Central Asian Flyway) කේන්ද්රාස්ථානයක් වෙන ආකාරය.
මේ හැම සිතියමක් ම හිතලා ඇඳපුවා නෙමෙයි. ඇත්තම කුරුල්ලෝ real-time දෙන දත්ත වලින් ඇඳපු සිතියම්.
හැබැයි, තව ටික දවසකින් අපිට අයිති මේ ස්වාභාවික උරුමය අපිට නැති වෙන්න ඉතාමත් ආසන්න තීරණයක් තීන්දු වෙනවා. ඒ තමයි ඉන්දියාවේ ආදානි ගේ මූලිකත්වයෙන් මුළු මන්නාරම් දූපත පුරාම ඉදිවෙන, මෙගා වොට් 250ක දැවැන්ත සුළං විදුලි බලාගාරය.
අපිට, අපේ රටට තිරසාර සංවර්ධනයක්, පුනර්ජනනීය බලශක්ති භාවිතයක් සිදු වෙන්න ම ඕනි. ඒත් ඒ පරිසරය විනාශ කරගෙන තියෙන ස්වාභාවික සම්පත් විනාශ කරගෙන නෙමෙයි, ඒකට ගැලපෙන විදියේ තැනක, පරිසරයට අවම හානියක් වෙන විදියට.
පරිසරවේදියෝ එක්ක රටවල් දියුණු කරන්න බෑ කියලා හිතන, ඔක්සිජන් කන්න ද අහන, විල්පත්තුව කොටස් කරලා ජනපද හදන දේශපාලකයෝ එක්ක මේවගේ දේවල් කතා කරන එක හරි ම අමාරු වැඩක්. ඒත් සාමාන්ය මිනිස්සු විදියට අපිට මේවගේ ලාභය ම විතරක් අරමුණු කරගන්න, අපේ රට, අපේ රටේ සම්පත් විනාශ කරන ව්යාපෘති වලට එරෙහි වෙන්න පුළුවන්. මේ ඔබේත් මගේත් වාරය!
උපුටා ගැනීම – Say NO to Mannar Wind Power
