“රට විරුවන්” ලෙස හුවා දක්වමින් නොයෙකුත් අපහසුතා ගොන්නක් මැද විදෙස් රට වල රැකියාවන් වල කටයුතු කරන මෙරට පුරවැසියන් මෑත කාලයේ ගැටළු රාශියකට මුහුණ දෙන ලදී. ඒවා විසදීමට හෝ සොයා බැලීමට ආණ්ඩු පාර්ශවයෙහිලා සාධනීය මැදිහත් වීමක් සිදු වන ආකරයද දක්නට තිබුණේ නැත. එනිසා විදෙස් ලාංකිකයින් මුහුණ දෙන මූලික ගැටලු කීපයක් අද දින(16) ජන අරගල ව්‍යාපාරය විසින් රාජ්‍ය ඇමතිවරයා සමග සාකච්ඡා කරන ලදී.. ඒ අතර, ඉතාලි ලාංකිකයින් මුහුණ දී ඇති රියදුරු බලපත්‍ර සම්බන්ද ගැටලුව මියන්මාර ත්‍රස්ථ කදවුරක රදවා වහල් සේවයේ යොදවන ලාංකික ගැටලුව මැදපෙරදිග ඇතුළු අනෙකුත් රටවල ගෘහ සේවයේ යෙදෙන කාන්තා ගැටලු පිළිබඳව මූලික වශයෙන් සාකච්ඡා කරන ලදී.