24
Wed, Jan

මෛත්‍රීපාල සිරිසේන ජනාධිපතිවරයා කාන්තාවන්ට මත්පැන් මිලදී ගැනීමට සහ සුරාසැල්වල සේවය කිරීමට අවසර දෙන ලද නීතිය ආපසු හරවා මතින් තොර රටක් සංකල්පය ශක්තිමත් කොට ඇත. නමුත් ජනාධිපතිවරයා විසින් ගන්නා ලද මෙම තීන්දුව නිදහස, සමානාත්මතාවය හා යුක්තිය නොතකා හැරීමකි.

පළාත් පාලන ආයතන ඡන්ද විමසීමට අදාළව මේ දිනවල පැවැත්වෙන ජන හමුවලදී දේශපාලනඥයින් විවිධ අදහස් පළ කරයි.
එහිදී හිටපු ආරක්ෂක ලේකම් ගෝඨාභය රාජපක්ෂ ඉදිරි ජනාධිපතිවරණයේ ඒකාබද්ධ විපක්ෂයේ ජනාධිපති අපේක්ෂකයා බව පාර්ලිමේන්තු මන්ත්‍රී රොෂාන් රණසිංහ පවසයි.

රොෂාන් එසේ පැවසුවද මහින්ද රාජපක්ෂට අවශ්‍යය වී තිබෙන්නේ නාමල් රාජපක්ෂ ජනාධිපති අපේක්ෂකයා බවට පත් කිරීමටත් ඔහු ඒ සඳහා වැඩිවියට පත් වන තෙක් අගමැති රනිල් බලයේ තබාගෙන ඊළඟ වසර හය ගෙවුණු පසුව එක්සත් ජාතික පක්ෂ විරෝධය භාවිතා කරමින් තම පුතු ජනාධිපති බවට පත් කිරීමට ය.

ඒ වෙනුවෙන් මේ මැතිවරණයේ පොහොට්ටුවක් භාවිතා කරමින් නියත පරාජයක් ගෙන ඒමට කටයුතු කරමින් සිටින බව එකාබද්ධයේ හිතවතුන් පවසයි.

වනඅලි උවදුර හමුවේ ගස් යට ආහාර අනුභව කර ගස් උඩ නිදාගැනීමට සිදුව ඇති බව පවසන සේරුවිල වැසියෝ වන්දි ලබා ගැනීමේදී දුෂ්කරතාවන්ට මුහුණ දීමට සිදුව ඇති බව කියා සිටිති.

එක් පසෙකින් වන අලින්ගෙන් ද තවත් පසෙකින් වනජීවී ගැසට් පත්‍රයකින් ද බැටකන තමන්ට සහනයක් ඇත්තේම නැද්දැයි සේරුවිල ප්‍රාදේශීය ලේකම් කොට්ඨාසයේ ග්‍රාම නිලධාරී වසම් අටකට අයත් එම ජනතාව ප්‍රශ්න කරති.

සේරුවිල ප්‍රාදේශීය ලේකම් කොට්ඨාසයට අයත් සම්පුර්ණ වසම් සංඛාව දහසයකි.

1953 - 1962 කාලය තුළ එවක පැවති රජයන් විසින් තමන් ඉහත කී ප්‍රදේශ තුළ පදිංචි කරවන ලද බව සෙල්වනගර්, සුමේධංකරපුර, සේරුවිල, කාවන්තිස්සපුර, මහින්දපුර, මහවැලිගම, සේරුනුවර, සිරිමංගලපුර යන ග්‍රාම නිලධාරී වසම්වලට අයත් ජනතාව පවසති.

නමුත් 1971 වසරේ දී සිය ගම් වනජීවී කලාප තුනකට අයත් කරමින් ගැසට් පත්‍රයක් නිකුත් කර ඇති බැවින් වනඅලි හානි සම්බන්ධයෙන් වන්දි ලබා ගත නොහැකි තත්ත්වයක් නිර්මාණය වී ඇති බව ඔවුහු කියා සිටිති.

අද මට ඉතිරිවෙලා තියෙන්නේ ඇඳිවත විතරයි. උයාගෙන කන්නේ ගහක් යට
පී.ජී අයිරින් හේමලතා
"වනසතුන්ට අයිති ඉඩම්වල පදිංචි වුනාට අපට කරන්න දෙයක් නැහැ කියලා තමයි වනජීවී නිළධාරීන් චෝදනා කරන්නේ. ඉතින් මේ අවනඩුව කියන්නේ කාටද?" යනුවෙන් ගම්වැසියෝ ප්‍රශ්ණ කරති.

"ඔව් මෙතන ලොකු ප්‍රශ්ණයක් තියෙනවා. ජනතාව පදිංචි කළාට පසුව තමයි ගැසට් පත්‍රය නිතුත්කර තිබෙන්නේ" ඒ සම්බන්ධයෙන් කළ විමසීමකදී සේරුවිල ප්‍රාදේශීය ලේකම් පී.ආර් ජයරත්න පැවසීය.

සේරුවිල ප්‍රාදේශීය ලේකම්වරයා වැඩිදුරටත් පවසන පරිදී සෙල්වනගර්, සුමේධංකරපුර, සේරුවිල, කාවන්තිස්සපුර යන වසම් සම්පූර්ණ වශයෙන් ද මහින්දපුර, මහවැලිගම, සේරුනුවර, සිරිමංගලපුර යන වසම් අර්ධ වශයෙන් ද වනජීවී කලාපවලට අයත් වේ.

මුදල් අමාත්‍යංශය විසින් මත්පැන් අලෙවිසැල් විවෘතව තැබෙන වේලාවන් සම්බන්ධයෙන් සහ මත්පැන් අලෙවියට කාන්තාවන්ට ඉඩ ලබා දීම පිළිබඳව ගෙන ආ යෝජනා ඇතුළත් ගැසට් නිවේදනය ඉවත් කර ගැනීමට අමාත්‍ය මණ්ඩලයේ අනුමැතිය හිමිව තිබේ.

අද පෙරවරුවේ ජනාධිපති මෛත්‍රීපාල සිරිසේනගේ ප්‍රධානත්වයෙන් අමාත්‍ය මණ්ඩලය රැස්වූ අතර එහිදී මෙම තිරණය ගත් බව වරාය හා නාවික කටයුතු අමාත්‍ය මහින්ද සමරසිංහ සඳහන් කළේය.

මත්පැන් අලෙවිසැල් විවෘතව තැබෙන වේලාවෙන් උදෑසන 08.00 සිට රාත්‍රී 10.00 දක්වා සංශෝධනය කිරීමට මුදල් අමාත්‍යංශය පසුගියදා තීරණය කළේය.

පාර්ලිමේන්තුවේ දී පසුගිය 10 වන දින ඇති වූ ගැටුම්කාරී සිද්ධිය සැලසුම් සහගතව සිදුකර ඇති බවට අනාවරණය වී ඇති බව කතානායක කාර්යාලය පවසයි.නිවේදනයක් නිකුත් කරමින් කතානායක කාර්යාලය පෙන්වා දෙන්නේ එදින පාර්ලිමේන්තුවේ කටයුතු අවුල් කිරීම සඳහා සැලසුමක් තිබූ බවට රාහස්‍ය වාර්තා පාර්ලිමේන්තුවේ ආරක්ෂක අංශයට ලැබී ඇති බවයි.

එම රාහස්‍ය වාර්තා කතානායකවරයාට ද ලැබී ඇති බව කතානායක කාර්යාලය නිකුත් කළ නිවේදනයේ සඳහන් වෙයි.

බැඳුම්කර වාර්තාවේ පිටපත් එදින සභාවට නොලැබෙන බවට කතානායක කරු ජයසූරිය මහතා දැනුම්දුන් පසුවත් දිනේෂ් ගුණවර්ධන මන්ත‍්‍රීකවරයා විසින් දිගින් දිගටම කතානායකවරයා වාර්තාව ලබාදීමට පොරොන්දු වූ බව පවසමින් අශෝබන ලෙස පාර්ලිමේන්තුවේ වැඩකටයුතුවලට බාධා කළ බව කතානායක කාර්යාලය පෙන්වා දෙයි.

අදාළ වාර්තා පිටපත් ජනවාරි මස 17 වන දින ලබාදෙන බවට ජනාධිපති ලේකම්වරයා දැනුම් දී ඇති බවට කතානායකවරයා නිවේදන කළ ද දිනේෂ් ගුණවර්ධන මන්ත‍්‍රීවරයා ඇතුළු කිහිපදෙනෙකුගේ උසිගැන්වීම් තුළ සභා ඝර්භයට පැමිණි මන්ත්රීතවරුන් විසින් කළින් සැලසුම් කළ ආකාරයට අගමැතිවරයාගේ කතාවට බාධා කරමින් පාර්ලිමේන්තුවේ වැඩකටයුතු අවුල් කිරීමට පියවර ගත් බව අදාළ නිවේදනයේ සඳහන් වෙයි.

එම නිසා පසුගිය 10 වන දින පාර්ලිමේන්තු සභා ඝර්භය තුළ ඇති වූ සිද්ධිය පදනම් කරගනිමින් මේ වන විට සමාජ ගත වෙමින් පවතින පදනම් විරහිත ද්වේශ සහගත අසත්‍ය චෝදනා පිළිබදව සිය කණගාටුව ප‍්‍රකාශ කරන බව කතානායක කාර්යාලය නිකුත් කළ නිවේදනයේ වැඩිදුරටත් සඳහන් වෙයි.

විදුහල්පතිනියක දණ ගැස්වූ බවට ඌව පළාත් ජනතා විමුක්ති පෙරමුණු මන්ත්‍රී සමන්ත විද්‍යාරත්න මහතා සිදුකළ ප්‍රකාශයෙන් තම කීර්තිනාමයට හානි සිදුවු බව පවසමින් අධිකරණය හමුවේ නඩු පැවරීමට ඌව පළාත් ප්‍රධාන අමාත්‍ය චාමර සම්පත් දසනායක මහතා තීරණය කර තිබේ.
 
රුපියල් මිලියන 500 ක වන්දි ඉල්ලා සමන්ත විද්‍යාරත්න මහතාට එරෙහිව බදුල්ල දිසා අධිකරණයේ නඩු පැවරීමට පියවර ගන්නා බව ප්‍රධාන අමාත්‍යවරයා පවසයි.
 
බදුල්ල ප්‍රදේශයේ පාසලකට සිසුවෙකු ඇතුලත් කර ගැනීම සඳහා පළාත් ප්‍රධාන අමාත්‍යවරයා ලබාදුන් උපදෙස් මත කටයුතු නොකිරීම හේතුවෙන් එම පාසලේ විදුහල්පතිනිය පළාත් ප්‍රධාන අමාත්‍යවරයා විසින් සිය කාර්යාලයට කැඳවා දණ ගස්වා ඇති බවට සමන්ත විද්‍යාරත්න මහතා පසුගියදා චෝදනා කළේය.
 
කෙසේවෙතත් එම ප්‍රකාශය අසත්‍ය බව ඌව පළාත් ප්‍රධාන අමාත්‍ය  චාමර සම්පත් දසනායක මහතා කියා සිටියේය.
 
අදාල ප්‍රකාශය හේතුවෙන් තමාට මෙන්ම තම පවුලටද අපකීර්තියක් ඇතිවූ බව පවසන ප්‍රධාන අමාත්‍යවරයා එය තම මැතිවරණ සංවිධාන කටයුතුවලටද විශාල හානියක් වූ බව පෙන්වා දෙයි.

විමල් හැරගිය ප්‍රියන්ජිත්ට තානාපතිකමක්, පියසිරිට ආන්ඩුකාරකමක්.වීරකුමාරට නියෝජ්‍ය ඇමතිකමක් ලෙස සමාජ වෙබ් අඩවි තුල අද දින වාර්තා කර තිබිනි.විමල් විරවංස මැතිතුමාද ඊට සමාන කතාවක් පසුගිය දේශපාලන මන්ඩලය සැසිවාරයේ හා කොලබ දිසා කමිටුවේදී වේලාසනින්ම ප්‍රකාශ කල බව ආරංචි විය .එසේම කෝටි 15 ක මුදලක් අප තිදෙනා අතර බෙදා දී ඇති බවද ප්‍රකාශ කර තිබිනි.මා ජානීපෙ නායකත්වයෙන් ඉල්ලා සිට්න්නේ අපි මතු කරන දේශපාලන තර්ක වලට දේශපාලන තර්කවලින් උත්තර දෙන ලෙසය.දැන් බොරු බයිලා ගැසුවා හොදටම ඇති කියාය. මහින්ද රාජපක්ෂ මහතා ඉදිරියේ පසුගිය ඉතිහාසය පුරා ඔහු දනින් වැටුනු සේ මා තනතුරු වෙනුවෙන් කිසිවකු ඉදිරියේ දනින් නොවැටෙන බවයත්ය. මෛත්‍රීපාල සිරිසේන මහතා ඉදිරියේද එසේම බවයි.එය විමල් වීරවංශ මැතිතුමාද හොදින්ම දනි.අප එකට ගොස් ජනාධිපතිවරයා හමුවු අවස්ථාවල තමුන්ගේ පුද්ගලික ප්‍රස්න විසදාගත්තේ කවුදැයි ඔහුට හොදින් මතක ඇතැයි සිතමි.මා ඉල්ලා අස්වූ දේශපාලන මන්ඩලය සැසියට මැරයන් රැගෙන ආවේ කවුරුන්ද?විස්‍රාමික හමුදා නිලදාරී රිටිගහපොල ඇතුලු කන්ඩායම ගෙනාවේ කවුරුන්ද?ඔහුට අනුව නම් ඒ මැරයන් විය හැක.අපට අනුව නම් නිවට කවට රැලක් පමනි.නිවට රැලට බිය නොවී මා විරයා වීරවංශය සමගම දේශපාලන මන්ඩලය තුලම දේශපාලන වසයෙන් නිරුවත් කල සැටි මතක ඇතැයි සිතමි.එය අප දනින් නොවැටෙන බවට ඔහුට ඇති හොදම සාක්සියයි.br ගේ කුලීකරුවන් ලග පවා දන ගසන ඔහුට කොන්දක් කොහිද?බද්ද කලොත් පමනි.කොහොම උනත් රාජය දේපල විනාශ කල හා ජාතික ව්‍යසනයනට පාර කැපූ උන්ට යටත් වීම නොකර උන්ට දඩුවම් ලබාදීම ගැන සිතුවොත් නම් කාට කාටත් යහපත් වනු ඇත.පහුගියදා mr ගෙනුත් හොදින් අසාගත් ඔහු පසුබැස පලාගිසේ පියවරක් ඉදිරියට ඉතිරි සියල්ල පසුපසට යන ඔහුගේ නයායට අනුව විය හැක.එ නිසා මා අබියෝග කරනුයේ බොරු මඩ අවලාද නොකර පසුගිය දේශපාලන මන්ඩලයේදි කල ස්වංවිවේචනයට අනුව කටයුතු කරන ලෙසයි.අවසාන වසයෙන් මෙසේ කියමි මා සියල්ල දන්නා බවත් මඩ ගැසීම මගේ දේශපාලන අවිය නොවන බවත් මතක් කරමි.

..................................................................................................................................................................................................................

පොහොට්ටුවේ නායකත්වය විසින් ඒකාබද්ධ විපක්ෂයේ අනිකුත් පක්ෂවල නායකයන් නැවත වරක් මහ දවාලේම උස්සා පොලොවේ ගසා ඇත.පසුගියාදා අපේක්ෂක දූර නොලැබීමේ අමිහිරි අද්දැකීමෙන් පාක්ෂිකයන්ගේ මුහුන බැලීමට පවා නොහැකිවී සිටි ඔවුන් යන්තම් විලි වසා ගත්තේ අද දින පොහොටුව සන්ධානයක් වන බව පාක්ෂිකයන්ට කියාය.පක්ෂ නායකයින් අතර ඇතිවන ගිවිසුමක් මගින් එය සිදුවන බවත්,මහින්ද රාජපක්ෂ මහතා එම සන්ධානයේ නායකත්වය බාර ගන්නා බවත් ඒ හරහා සියලු සැක සංකා දුරුවී යනු ඇති බවත්‍ය.මා දිගටම පැවසුවේ මැතිවරනයක් ප්‍රකාශයට පත්කල පසු පොහොට්ටුව සන්ධානයක් වීම නීත්‍යානුකූල නොවන බවයි.නමුත් ඒකාබද්ධයේ අනෙකුත් පක්ෂවල නායකයින්ට නම් ජනතාව ඉදීරියේ ව්ලි වසාගැනීමට හෝ මද අස්වැසිල්ලක් වන බවය.එහෙත් ඔවුන්ගේ අවසන් සිහිනයද බොදව ගියේය.පොහොට්ටුව තුල හෝ ඒකාබද්ධ විපක්ෂය තුල ඔවුන්ට කිසිදු බලයක් නැති බවද දැන් ඔප්පු වී හමාරය.ඔවුන් සිහින දුටු ඒකාබද්ධ පොදු ජන පෙරමුණේ මහ සමුලුව පොදු ජන පෙරමුණේ ආරාධිත කතිකයෙකු වු මහින්ද රාජපක්ෂ මහතාගේ කතාවකින් හා සාමූහික දිවුරුමකින් අවසන් වීය.එසේම පොදු ජන පෙරමුණද එක් දෙයක් ඔප්පු කර පෙන්වුයේය.එනම් තවදුරටත් ඔවුන් පාර්ලිමේන්තු මන්ත්‍රීවරු නොමැති දේශපාලන පක්ෂයක් බවයි.මව්බිම බේරා ගැනීමට මරාගෙන මැරෙන බව පවසන කිසිදු මන්ත්‍රීවරයෙකු තම මන්ත්‍රී දූරය පරදුවට තබා සාමාජිකත්වයට නොඑන බවය.එනිසා අපට ඒකාබද්ධයේ අනිකුත් පක්ෂ නායකයන්ට පැවසීමට ඇත්තේ ඔබලාගේ සියලු නයායයන්,සියලු විග්‍රහයන් ඔලුවෙන් හිටවා මහින්ද රාජපක්ෂ මහතාද br තියරියට ඇප්ලයිවී ඇති බවයි.ඒවා වසා ගැනීමට ඩොලර් කතා.අසූච් කතා.අගුපිල් කතා.බකට් කතා,තානාපති කතා,ආන්ඩුකාර කතා,ඇමති කතාවලින් තව දුරටත් මුලු වැර යොදා අපහට පහර දෙන ලෙස කාරුනිකව ඉල්ලා සිටිමි.

..................................................................................................................................................................................................................

මහ බැංකු බැදුම්කර වංචාව සෙවීමට පත් කල විෂේස ජනාධිපති කොමිෂන් වාර්තාව පසුගියදා ජනාධිපතිවරයා වෙත බාර දෙනු ලැබිය.එතුමා ඒ සම්බන්ධව නිතිපති දෙපාර්තමේන්තුව සමග සාකච්චා කල බවටද ආර්ංචි පැතිර ගියේය.එයින්ද නොනැවතී අද දිනයේ ඊට අදාල විෂේස ප්‍රකාශයක්ද සිදු කරන බවටද මත පලවේ.බැදුම්කර වංචාවට අදාලව එදා ජනාධිපති කොමිසම පත් කරද්දී ඒකාබද්ධ විපක්ෂය හා ජවිපෙ විසින් කියා සිටියේ එය අනවශ්‍ය වැඩක් බවත් අගමැතිවරයා රැකීමට ගන්නා උත්සහයක් බවත්‍ය.කල යුත්තේ කෝප් කමිටු වාර්තාව පදනම් කරගෙන නඩු පැවරීම බවයි.නමුත් බැදුම්කර කොමිසම හරහා පසුගිය කාලය පුරාම හොරකමේ පෙලගැස්ම මහ මොලකරුවන් ගැන සියලු තොරතුරු ජනතාව ඉදිරියේ අනාවරණය විය.නෛතික රාමුවක් තුල දිග හැරුනු එම කරුනු නිසා ජනතා අදිකරනය තුල සමහරුන්හට තනතුරු හැරදා යන්නට පවා සිදුවිය.පොහොට්ටුවේ හා ඒකාබද්ධ විපක්ෂයේ නායකයින් දැන් ප්‍රකාශ කරන්නේ කොමිෂන් වාර්තාව පදනම් කරගෙන ඉදිරි ක්‍රියාමාර්ග වලට එලබී වැරදි කරුවන්ට දඩුවම් දිය යුතු බවයි.කොමිෂන් වාර්තාවේ පිටපතක් ලබාගැනීමට ජවිපෙද ලහිලහියේ ජනාධිපති ලේකම් කාර්‍යාලයටද දිවයනු දක්නා ලදී.අප දන්නා පරිදි ලංකා ඉතිහාසයේ විසාලතම හොරකමද මෙයයි.

වරදකරුවන්ට දඩුවම්දී එම මුදල් ඔවුන්ගෙන් අයකර නැවත ජාතික සතු කල යුතුයි.ඒ ගැන විවාදයක් නැත.නමුත් පොහොට්ටුවෙ හා ඒකාබද්ධයේ නායකයින් කටින් බතල දලු හිටවන ගමන් අනුගමනය කරන්නේ එජාප ගැති පිලිවෙතකි.කලයුතු වුයේ කඩුව අතැතිව සිටින ජනාධිපතිවරයා සක්තිමත් කිරීමය.ඊට ගත හැකි හොදම විකල්පය වූයේ මෙම මැතිවරණය එක්ව තරග කිරීමයි.එව්ට බැදුම්කර හොරුන්ට විරුද්ධ ක්‍රියාමාර්ග ඍජුව හා සකතිමත්ව ගැනීමට වඩාත් වැඩි අවස්ථාවක් විවරවනු ඇත.ලැබෙන ජනවරම හරහා බැදුම්කර වංචාවම පදනම් කරගෙන එජාපය පලවාහැර වමේ ආන්ඩුවක් නිර්මානය කර ගැනීමේ මහගු අවස්ථාවද උදාවනු ඇත.නමුත් ජාතියේ සියලු බලාපොරොත්තු වලට ඔවුන් පයින් ගැසුවේය. ඔවුන්ගේ කොන්දේසිය වුයේ එජනිසය ආන්ඩුවෙන් ඉවත් වියයුතුය යන අදේශපාලනික තර්කයයි. අපහට එය අදේශපාලනික වුවද br තියරියට අනුව නම් හොදම දේශපාලන තර්කය එයයි.එජනිසය තනිව මෙම මැතිවරණයට ඉදිරිපත් වීමෙන් br ගේ එම තර්කය දැන් බිදවැටී ඇත.රනිල් මෛත්‍රි ඈත් කිරීමට උපක්‍රම තේරූ අය එසේ සිදුවීම ආරම්භ වු පසු සටන්පාඨය ද ඉවතලා පලාගොස් බෙනතුල සැගවුනේය.ආන්ඩුවෙන් ඉවත්වීමේ තීරනය ගැනීමට පෙර ඒකාබද්ධය හා එජනිසය අතර විස්වාසය ගොඩනැගිය යුතුව තිබිනි.ඊට හොදම අවස්ථාව වුයේ මහින්ද රාජපක්ෂ මහතා සබාපතිත්වය දරන පොදු පෙරමුණේන් එක්ව තරගකිරීමේ යෝජනාවයි. විස්වාසය ගොඩනැගීමේ වගකීම පවරාගත යුතුව තිබුනේ එජනිසය එදා බැබලවූ ජනිපෙටය, මඑපෙටය, පිහෙඋටය. නමුත් ඔවුන් පහන් දැල්ලට වසීවී පනින හෝ වැටී අලුවනු පලගැටියන් සේ සියල්ලට පෙර තම දේශපාලන කේවල් කිරීමේ බලය සිදදා ගත්තේය. සමහරවිට ඔවුන් එය කලේ දේශපාලන වසයෙන් කැපීපෙනීමේ මෝඩ චේතනාවෙන් විය හැක.එසේම අසරණ කම නිසාම පහන් දැල්ලට බිලිවු අයද නොසිටියාම නොවේ.

මා තරයේ විස්වාස කරනුයේ වමේ එකතුව වැලැක්වුයේ එක් පුද්ගලයෙකුගේ තනි දේශපාලන උවමනාව වෙනුවෙන් බවයි.නැතහොත් එක් පවුලක දේශපාලන උවමනාව වෙනුවෙන් යැයි යමෙකුට තර්ක කල හැක.එම උවමනාව මල් පල ගැනීමට 2020 ජනාධිපතිවරණය තුන්කොන් සටනකට යැවිය යුතුමය.පලාත් පාලන මැතිවරණය එහි ආරම්භක පියවර ලෙස යොදා ගත හැක.ඔහුගේ සැලසුම වික්‍රමසිංහ මහතා ජනාධිපතිවරණය ජයග්‍රහණය කල පසු 2020 දී පලමුව නිදහස් පක්ෂයේ බලය අල්ලා ගැනීමයි.දෙවනුව 2025 දි රනීල් පරදා බලය ගැනීමයි.එම ඉලක්කයට යෑමට මෙම කාලය තුල කොන්දේසි සහිතව රනිල් රැකිය යුතුයි.බැදුම්කර කොමිසමෙන්ද රනිල් ගලවා ගත යුතුයි.රනිල්ට වදින බැදුම්කර කුලුගෙඩි පහර හැකි වැර යොදා වැලැක්විය යුතුයි. එජාපයේ උපදෙස් පිලිපැදිය යුතුයි.ඒ සදහා හොර රහසේ එජාප නායකයන් හමුවිය යුතුයි.අපට කීමට ඇත්තේ බැදුම්කර වංචාව ගැන කෑ මොර දෙන පොහොට්ටුවේ නායකයින් හොරු සමග හෙලුමෙන් කියා පමනි.

මගේ බිරිඳ බොනවාට මම කැමතිය. ඇය නොබොන කාන්තාවක් වනවාට වඩා "බොන ගැහැණියක්" වූවාට මම වඩාත් කැමතිය. විවේකී සවසක දෙදෙනා එක්ක හීනියට අඩියක් ගසා 'සාමාන්‍ය දවස්' වල අතෑරුනු දේවල් ගැන, ජීවිතේ ඉදිරි සැලසුම් ගැන වෙරි මරගාතේ සංවාද කරමින් ටිකක් වැඩිවූ පසු දෙදෙනා එක්ක සාමකාමී පිස්සුවක් නැටීමේ ආතල් එක මේ වැඩවසම් ශික්ෂණය තුළ ගොඩනැඟුනු බොහෝ දෙනෙකුට තේරුම් ගන්න බැරි වීම ගැන ඈත ගමකින් පැමිණි මට හොඳින් තේරුම්ගත හැකිය.

ඒ විතරක් නොවේ. මම යහළුවන් සමඟ සෙට් වන්නෙක්මි. ඉතින් ඇයද එසේ කරයි. මම එළියට ගොස් අඩියක් ගසා එන දවසට ඇය රාත්‍රී කෑම පිළියෙල කර ගෙදර කටයුතු තනියෙන් සිදුකරයි. ඒ වාගේම ඇය එසේ ගොස් පැමිණෙන දවසට මම ඒ දේවල් කරන්නෙමි. ඉඳහිට අපි දෙදෙනාගෙන් එකෙකුට හෝ වැඩිවුනුවිට පහුවදා සෑහෙන්න විනෝදකාමී දවසකි. වැඩිවූ කෙනා කිවූ දේවල්, කල දේවල් මතක් කරමින් අපි සෑහෙන්න විනෝද වන්නෙමු.

බොහෝ විට බයිට් හදන්නේ මමයි. ඒ ඇයට වඩා ඒ කාර්යයට මම දක්ෂ නිසාය. ඇයගේ යහළු යෙහෙළියන්ද එය නිතර කියන්නකි. මට වැඩ අධික දිනවල ඇය යහළුවන් හා සෙට් වන විට පවා ඇය එපා කියද්දීත් මම ගෙදරින් පිටත් වීමට පෙර ඇයට බයිට් එකක් සාදා දීමට කෙසේ හෝ වේලාවක් සොයා ගනිමි. වෙනත් කාරනා වලදී ඇයත් එසේය. මගේ හැඟීමනම් අපි දෙදෙනාගේ බැඳීම ඉන් තවත් ශක්තිමත් වන බවයි. ඉතින් අපි ඉතා සතුටින් ජීවත් වන්නෙමු. එහෙත් ජනාධිපතිගේ සිට ලංකාවේ පරිපාලන ක්ෂේත්‍රයේ සිටින සියවස් කීපයක් අතීතයේ ජීවත්වන බොහෝ ළිං ගෙම්බන්ට මෙවැනි සරල දේවල් පවා නොවැටහෙයි.

මට සිතෙන ආකාරයට අනුව වඩාත්ම වැදගත් කරුන නම්, මගේ බිරිඳට නොබී සිටීමට මගේ අනුමැතිය අවශ්‍ය නැතුවාක් මෙන්ම බීමටද මගේ අනුමැතිය, ආශීර්වාදය අවශ්‍ය නැතිය යන්නයි. බිරිඳක් බොන එක හරිද වැරදිද වගේ විවාදද තේරුමක් නැත. ඒ මා ඇතුළු අතිශය බහුතරයක් පිරිමි එවැනි දේ සිදුකරන්නේ බිරිඳගේ/පෙම්වතියගේ ආශීර්වාදයෙන් නොවන නිසාය. බිරිඳ කුමක් කිව්වද මම බොන බව මම දනිමි. ඉතින් මම කුමක් කිව්වත් ජීවිතයේ එවැනි තීරණ ගැනීමේ ස්වාධීනත්වය ඇයට ඇති බව මගේ අදහසයි. අපි දෙදෙනා එකට බොන එක වෙනම කතාවකි. එහෙත් ඇයගේ බීම හෝ නොබීම ඇයගේ තීරණයකි. අපි දෙදෙනාගේ බැඳීම, ගිවිසුම ඇත්තේ ඊට බොහෝ එපිටිනි. ඒ නිසා ඔවැනි සුළු කරුණු අපේ සබඳතාවයට අදාළ නැත.

සරලවම තේරෙන භාෂාවෙන් කිවුවොත්, මෙසේ ගොබ්බ විදියට සිතන ජනාධිපතියෙක් මෙන්ම වෙන්ඩ ජනාධිපතිලා, වෙන්ඩ අගමැතිලා, වෙච්ච ජනාධිපතිලා සහ උන්ව පත්කර විමුක්‍තිය උදා කරගැනීමට සිහින දකින බහුතර ජනතාවක් සිටින රටක මෙවුවා මෙසේ කතා උනාට මේවායේ කතා කරන්නවත් ඇති මඟුලක් නැත. හරිනම් මේ වෙද්දී මීට වඩා බොහෝ එහා ගිය දේවල් අපි කතා කරමින් සිටිය යුතුය.
.
.
ප.ලි. - මට බිරිඳක් නැත.

නජිත් ඉන්දික

අක්මාව අකර්මන්‍ය වීම හේතුවෙන් නවගත්තේගම ප්‍රදේශයේ දරුවන් දෙදෙනකු වහාම අක්මා බද්ධයන් සිදුකළ යුතු වුවුද මුදල් නැතිකම නිසා ඔවුහු අවදානම් තත්වයක පසුවන බව ජනමාධය වාර්තා පවසයි.

නවගත්තේගම මහ අන්දරවැව ප්‍රදේශයේ පදිංචි අඩුඅාදායම්ලාභී පවුලක දරුවන් වන 5 හැවිරිදි ජිනුලි ජින්තරා සහ ඇයගේ 3 හැවිරිදි සහෝදරයා වන චාමික හර්ෂණ මෙසේ ජීවිත අවදානමකට මුහුන පා සිටී. මෙම දරුවන්ගේ වැඩිමහල් සහෝදර සහෝදරියන් තිදෙනෙකු කුඩා කාලයේදීම අක්මාවේ රෝගී තත්ත්වයක් හේතුවෙන් මියගොස් ඇති බවද හෙළිවී අැත. ඒ හේතුවෙන් බාල දරුවන් දෙදෙනා ඉපදුණු වහාම වෛද්‍ය පරීක්ෂාවකට යොමු කළ මව්පියන්ට ඔුන්ද අක්මාව අකර්මන්‍ය වීමේ රෝගයෙන් පීඩා විදින බව දැනගන්නට ලැබී අැත. ලාබාල දරුවන් දෙදෙනා ජීවත් කරවීමට නම් අක්මා බද්ධ කිරීමක් සිදු කළ යුතු බවට වෛද්‍යවරුන් නිර්දේශ කළද යුද්ධයේදී ආබාධිත වූ සෙබලකු වන මොවුන්ගේ පියාට සහ මවට ඒ සදහා වත්කමක් නොමැත. වෛද්‍යවරුන් පවසන පරිදි වැඩිමල් දැරිය වන ජිනුලිට අවුරුදු එකහමාරක් ඇතුළත අක්මා බද්ධයක් සිදුකළ යුතු අතර අැගේ බාල සොයුරු චාමිකට අක්මාවක් බද්ධ කිරීම සදහා තවත් ඉතිරිව ඇත්තේ මාස 3ක් වැනි කෙටි කාලයක් පමණි.

දැන් මව්පියන්ට ඉතිරිව අැත්තේ ඒක්කෝ දරුවන් මියයන තුරු බලා සිටීමය. නැතිනම් දරුවන් වෙනුවෙන් මුදල් කොල්ලකෑම වැනි අපරාධකාරී ක්‍රියාවකින් විසදුම් සෙවීමය. ඒසේත් නැතිනම් පවුල පිටින් සියදිවි නසාගැනීමය. ජනතාවගේ ජීවත්වීමේ අයිතිය නිදහස් සෞඛ්‍ය සේවයත් සමග කොතරම් සම්බන්ධද යන්න පිළිබද මීටත් වඩා නිදසුන් අවශ්‍ය නැත. පාලකයන් මේ පුවතින් පසුව ඉදිරිපත් වී සුරක්ෂා ක්‍රමයෙන් අරමුදල් ලබා දෙන බව කියන්නට පවා ඉඩ අැත. ඒෙහත් සුරක්ෂා වැනි ව්‍යාජ වහන්තරා දමමින් පාලකයන් ගෙන යන ප්‍රචාරක කටයුතුවලට රැවටෙනවාට වඩා මෙවැනි සැබෑ පීඩිතයන්ගේ ජීවත්වීමේ අයිතිය වෙනුවෙන් නිදහස් සෞඛ්‍ය අයිතින් සුරැකීම අද දවසේ අවශ්‍යතාවක්ව තිබේ.

Ads Banners

Sign up via our free email subscription service to receive notifications when new information is available.