23
Tue, Jan

සෙවනගල සීනි කම්හල විකුණා දැමීමට එරෙහිව එම කම්හලේ සේවකයින් ඊයේ දින පස්වරු 2.00 සිට අඛණ්ඩව වැඩවර්ජනයක නිරත වෙන බව සෙවනගල සීනි සමාගම් ඒකාබද්ධ වෘත්තීය සමිති සන්ධානය පවසයි.

ආණ්ඩුවේ ප්‍රධාන ආර්ථික උපායමාර්ගයක් ලෙස සිදු කෙරෙමින් පවතින පෞද්ගලීකරණ ප්‍රතිපත්තිය යටතේ ඉදිරියේදී මෙම කර්මාන්ත ශාලාව විකුණා දැමීමට ආණ්ඩුව තීරණය කර ඇති බවත් එම ක්‍රියාවලියට එරෙහිව කටයුතු කරන බවත් එම සන්ධානය වැඩිදුරටත් පෙන්වා දෙන ලදි.

ගාල්ල පොලිස් බල ප්‍රදේශයේ ග්‍රාම සේවා වසම් 06කට පනවා තිබූ ඇදිරි නීතිය ඉවත් කළ ද තවදුරටත් ආරක්ෂක හමුදා සාමාජිකයින් එම ප්‍රදේශයේ යෙදවීමට පියවර ගෙන තිබේ.

ගාල්ල පොලිස් වසමේ ඇති වූ නොසන්සුන්කාරී තත්ත්වය පාලනය කිරීම සඳහා ග්‍රාම සේවා වසම් 06කට ඊයේ පස්වරු 06.00 සිට පොලිස් ඇදිරි නීතිය යෙදවීමට පියවර ගත්තේය.

වැලිපිට මෝදර, මහහපුගල, රුක්වත්ත, ගිංතොට, පියදිගම සහ කුරුදුවත්ත යන ග්‍රාම සේවා වසම් 06ට පැන වූ ඇදිරි නීතිය අද උදෑසන 09.00ට ඉවත් කෙරුණි.

දෙපිරිසක් අතර ඇති වූ නොසන්සුන්කාරී තත්ත්වය හේතුවෙන් අදාළ ප්‍රදේශවල ආරක්ෂාව උදෙසා මෙම පියවර ගත් අතර කලහාකාරී ලෙස හැසිරුණු පුද්ගලයින් 19 දෙනෙකු පොලීසිය මඟින් අත්අඩංගුවට ගෙන තිබුණි.

අත්අඩංගුවට ගත් සැකකරුවන් අද දිනයේ ගාල්ල මහේස්ත්‍රාත්වරයා හමුවට ඉදිරිපත් කිරීමට පියවර ගන්නා බව පොලිස් මාධ්‍ය ප්‍රකාශක කාර්යාලය සඳහන් කළේය.

මේ අතර ප්‍රදේශයේ ආරක්ෂාව තහවුරු කිරීම සඳහා පොලිස්පති පූජිත් ජයසුන්දර මහතාගේ උපදෙස් පරිදි එම ප්‍රදේශ වල රාජකාරී සඳහා විශේෂ පොලිස් කණ්ඩායම් තවදුරටත් යොදවා ඇති බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා සඳහන් කළේය.

පොලිස් නිලධාරීන් 200ක් සහ පොලිස් විශේෂ කාර්ය බලකා නිලධාරීන් සියයකට අධික ප්‍රමාණයක් එම ප්‍රදේශයේ රාජකාරී සඳහා යොදවා තිබේ.

මිට අමතරව ආරක්ෂක හමුදා කණ්ඩායම් කිහිපයක් ද යොදාවා ඇති බව යුද හමුදා මාධ්‍ය ප්‍රකාශක මේජර් ජෙනරාල් රොෂාන් සෙනෙවිරත්න මහතා සඳහන් කළේය.

විප්ලවවාදී ව්‍යාපාරය තුළ තීරනාත්මක වගකීමක් දැරූ විමලරත්න හෙවත් ට්‍රින්කෝ බැටී සහෝරදයා අල්ලා ගන්නට වධකයෝ සමත් වූහ.
ස්ථීර ලෙසම ඔවුන්ගේ පළමු සිතුවිල්ල වූයේ මේ අඵත් ගොදුර හපකර හෝ වයාපාරය පිළිඹද වැදගත් කරුණු හැකි තරම් ප්‍රමාණයක් එකින් එක එළියට ගැනීමය. එසේ සිතීමට වධකයන් පෙළඹවු ප්‍රධානතම කාරණාව වූයේ තමන් කොටු කරගත්තේ කෙතරම් වටිනා පුද්ගලයෙකු ද යන්න ඔවුන් දැන සිටීමය.
පළමු තත්පරයේ සිට සැළසුම් සකස් කෙරුණේ ට්‍රින්කෝ බැටී සහෝදරයාගෙන් හැකිතාක් තොරතුරු හෙළිදරව් කරගැනීමය. සියඵ වධකයන් ඒ පිළිඹද දැනුවත් කර තැබීමට ද අදාළ ඒකකයේ ප්‍රධානියා අමතක කළේ නැත. ඒ අනුව මළ නොතළා රොන් ගන්නට පළමු උත්සාහය දියත් විය.
වරදාන වරප්‍රසාද කප්පරක් පිළිඹද පොරොන්දුවක් ට්‍රින්කෝ බැටී සහෝදරයා ඉදිරිපිට තබන ලදී. එය පෙන්වා ඉල්ලන ලද්දේ අන් යමක් නොව වයාපාරය පිළිඹද තොරතුරුය. අනෙකුත් නායකයන් පිළිඹද තොරතුරුය. පළමු වෑයම ට්‍රින්කෝ බැටී සහෝදරයාගේ උපහාසාත්මක සිනහවත් කෙටි, එහෙත් තියුණු පැහැදිලි කිරීමත් ඉදිරියේ ලත් තැනම ලොප් විය.
එකම ඉල්ලීම වාර කිහිපයක් කළද ප්‍රතිඵලයෙහි වෙනසක් වූයේ නැත. අවසන් ඉල්ලීම බලකිරීමක හැඩය ගත්තේ ඊළග වටය සිතන තරම් සුමට එකක් නොවන බව බැටී සහෝදරයාටම ඒත්තු ගන්වමිනි. එහෙත් ඔහු කෙළින් සිටියේය.

සිතූ පරිදිම ඊළග වටය ආරම්භ වූයේ දෙතිස් වධයේ එකේ ඉලක්කමෙනි. තමන්ගේ සහචරයන් ට්‍රින්කෝ බැටී හෙවත් විමලරත්නට වධ දෙන අයුරු වධක ඒකකයේ ප්‍රධානියා තොරතුරු පිපාසයෙන් යුතුව නිරීක්ෂණය කරමින් සිටියේය. සැබැවින්ම ඔහු අවාසනාවන්තයෙකි. මක්නිසාදයත්, ඔහුගේ දෑස් ඉදිරිපිට එල්ලී පහර කමින් සිටි ට්‍රින්කෝ බැටී පෙර කී පවස නිවන්නට කිසිදු සහායක් නොදුන් නිසාය.
ඒකකයේ ප්‍රධානියා තීන්දුවක් ගත්තේය. ඔහු වහාම වධය නතර කළේය. සහචරයන් තමා අසලට කැදවා කිසිවක් දැනුම් දුන්නේය. කෙතරම් වධ වේදනා වලට ලක්ව සිටිය ද ඊළගට සිදුවන්නේ කුමක්ද යන්න පිළිඹදව ට්‍රින්කෝ බැටී සහෝදරයා ද අවදියෙන් සිටියේය. සත්‍ය වශයෙන්ම ඊළගට සිදුවන්නේ කුමක්දැයි ඔහු නිවැරදිව අනුමාන කළේය.
මේ කියන වකවානුව, සටන්කරුවන්ගෙන් තොරතුරු දැනගැනීම සදහා අලුත් ක්‍රමවේදයක් සොයාගත් වකවානුවක් විය. එය නම් වධයට ලක්කළ සටන්කරුවාගේ ශරීරයට මෝෆීන් නමැති රසායනය අධික ලෙස එන්නත් කිරීමය. මෝෆීන් අධික ලෙස ශරීරගත කිරීමෙන් පසු අපූරු දෙයක් සිදුවෙයි. කිසියම් මත්භාවයකට පත්වන පුද්ගලයා එතැන් සිට තම තාවකාලික මතකය අවදිකරන්නට පටන් ගනී. මේ කතාවේ වධක ඒකකයේ ප්රවධානියා ගත් තීරණය අන් යමක් නොව ට්‍රින්කෝ බැටී හෙවත් විමලරත්න නමැති සටන්කරුවාට අධික ලෙස මෝෆීන් එන්නත් කිරීමය. ට්‍රින්කෝ බැටී සහෝදරයා නිවැරදිව අනුමාන කළ දෙය ද එයම විය. 
ඒ අනුමානයත් සමග ඔහු ද තීරණයක් ගත්තේය. තමන්ගේ තාවකාලික මතකය මත්භාවයකින් අවදිකරවන්නට වධකයන් සැරසෙන බව වටහාගත් ඔහු හද කම්පනය කරවන උපක්‍රමයක් තෝරාගත්තේය. එනම් තාවකාලික මතකය අත්‍යවශ්‍ය තොරතුරු නොවන වෙනත් දෙයකින් පුරවාගැනීමය. ඒ වෙනත් දෙය වූයේ විමුක්ති ගී ය.
වධකයන් දුන් තීරණාත්මක විරාමය ආරම්භ වූ තැන් සිට මහ හඩින් විමුක්ති ගී ගායනා කරන්නට ට්‍රින්කෝ බැටී සහෝොදරයා වග බලා ගත්තේය. අධික ලෙස වධයට පත්කිරීමෙන් පසු වූවද එකදු තොරතුරක් මුදා නොහැරි මේ මිනිසාගේ හදිසි ගායනාව වධකයන් අන්ද මන්ද කරවන සුලු විය.
මෝෆීන් එන්නත් කළයුතුය යන සාකච්ඡාව සිදුවන වේලාවේදිත් මෝෆීන් සූදානම් කරගන්නා වේලාවේදීත් ට්‍රින්කෝ බැටී සහෝදරයා දිගින් දිගටම විමුක්ති ගී ගායනා කළේය.
වධකයෝ පැමිණියහ. තිත්ත කුණුහරුපයෙන් බැණ වදිමින් එල්ලා සිටි සටන්කරුවා බිමට බාගනු ලැබීය. ඒ මොහොතේ පවා විමුක්ති ගී ගායනාව නතර නොවීය. බිම හෙඵෑ සටන්කරුවාට මෝෆීන් අධික ප්‍රමාණයක් කඩිමුඩියේ එන්නත් කෙරිණි. විමුක්ති ගී නතර නොවී තිබිණි. 
සුඵ වෙලාවකට පසු රසායනය ක්‍රියාකාරී වෙන්නට පටන්ගත්තේය. වධකයෝ අනේක විධ ප්‍රශ්ණ අසන්නට පටන් ගත්තෝය. ට්‍රින්කෝ බැටී හෙවත් විමලරත්න, තම තාවකාලික මතකයේ අඩංගුව පැවති වයාපාරය පිළිඹද තොරතුරු වමාරනු ඇත කියාය. එහෙත් ඔවුනට වැරදී තිබිණි. ට්‍රින්කෝ බැටී සහෝදරයා එක දිගට එක පෙලට කියන වචන පෙලක් වූ නමුත් ඒ වචන වයාපාරයේ තොරතුරු නම් නොවීය. ඒ වචන වෙන කිසිවක් නොව විමුක්ති ගී විය.

උපුටා ගැනීම ජනරළ පුවත්පතින්...

අධ්‍යයන පොදු සහතික පත්‍ර සාමාන්‍ය පෙළ විභාගය දෙසැම්බර් 12 සිට 21 දක්වා පැවැත්වීමට විභාග දෙපාර්තමේන්තුව තීරණය කොට ඇත.

මෙවර එම විභාගය සඳහා මධ්‍යස්ථාන 5116 දී අයදුම් කරුවන් හයලක්ෂ අසූඅටදාස් පන්සිය හැත්තෑ තුනක් පෙනී සිටිනු ඇත.

මහ බැංකුවේ හිටපු අධිපති අර්ජුන මහේන්ද්‍රන්, ඔහුගේ බෑනා වන පර්පෙචුවල් ට්‍රෙෂරීස්‌ සමාගමේ අයිතිකරු අර්ජුන් ඇලෝසියස්‌, හිටපු මුදල් ඇමැති රවි කරුණානායක, පර්පෙචුවල් ට්‍රෙෂරීස්‌ සමාගමේ ප්‍රධාන විධායක නිලධාරි කසුන් පලිසේන ඇතුළු කොමිසම හමුවේ නම් සඳහන් වූ පුද්ගලයන් කීප දෙනකු අතර හුවමාරු වූ දුරකථන පණිවුඩ අදාළ තොරතුරු රැසක්‌ ඇතුළත් කොට සකස්‌ කරන ලද වාර්තාවක්‌ රහස්‌ පොලිසියේ උප පොලිස්‌ පරීක්‌ෂක යසන්ත යෙහාන් ජයසිංහ මහතා ඊයේ (16 දා) බැඳුම්කර කොමිසමට ඉදිරිපත් කළේය.
 
 දුරකථන පණිවුඩ හුවමාරු කරගත් පුද්ගලයන්ගේ නම් දුරකථන අංක ගතවූ කාලසීමාව ඇතුළත් කොට එම වාර්තාව සකස්‌ කළේ රහස්‌ පොලිස්‌ අධ්‍යක්‌ෂවරයාට බැඳුම්කර ජනාධිපති කොමිසමෙන් ලැබුණු නියෝගයක්‌ උඩ බව ද උප පොලිස්‌ පරීක්‌ෂක ජයසිංහ මහතා ජ්‍යෙෂ්ඨ අතිරේක සොලිසිටර් ජනරාල් යසන්ත කෝදාගොඩ මහතාගේ මෙහෙයවීම යටතේ සාක්‌ෂි දෙමින් පැවසීය.
 

මෙවර අයවැයෙන් ඉලෙක්ට්‍රික් වාහන සඳහා 50ක බදු සහනයක් ලබාදුන් බව මුදල් අමාත්‍යවරයා ප්‍රකාශ කළද, වාහනයක් මිලදී ගැනීමට බලා‍පොරොත්තුවෙන් සිටින මෙරට පාරිභෝගිකයන්ට එයින් කිසිදු වාසියක් අත් නොවන බව ලංකා වාහන ආනයනකරුවන්ගේ සංගමය පවසයි.


මෙවර අයවැයෙන් 1300 සී.සී. සහ 1500 සී.සී. අතර කාණ්ඩයේ හයිබ්‍රිඩ් රථවල ඒකක බද්ද රුපියල් 2000 සිට 2500 දක්වා ඉහළ දමා තිබිම හේතුවෙන් මෙරට ඉතා ජනප්‍රිය ටොයෝටා ඇක්වා, ඇක්සියෝ, හොන්ඩා ග්‍රේස් වැනි මෝටර් රථ සඳහා වන බද්ද රුපියල් හත් ලක්ෂ පනස් දහසකින් (7,50000) ඉහළ යනු ඇතැයි ද ලංකා වාහන ආනයනකරුවන්ගේ සංගමය වැඩදුරටත් පවසයි.
ඉලෙක්ට්‍රික් වාහන සඳහා ලබාදී තිබෙන බදු සහන හිමිවන්නේ මෙරටට ගෙන්වනු ලබන ලියාපදිංචි නොකළ අලුත් වාහන සඳහා පමණක් බවත්, මේ වන විට ශ්‍රී ලංකාවට අලුත් ඉලෙක්ට්‍රික් රථ ගෙන්වීමක් සිදු නොවන බැවින් එම සහනය පාරිභෝගිකයන්ට කිසිසේත්ම ලබාගත නොහැකි එකක් බවත් එහිදී අදහස් දැක්වූ ලංකා වාහන ආනයනකරුවන්ගේ සංගමයේ සභාපති ඉන්දික සම්පත් මෙරෙංචිගේ පැවැසීය.

අග්‍රමාත්‍ය රනිල් වික්‍රමසිංහ මහතා බැඳුම්කර වංචාව පිළිබඳ සොයා බැලීමේ ජනාධිපති  විමර්ශන කොමිසන් සභාව වෙත අද  පැමිණියේ  ය.
කොමිසම විසින් ඉදිරිපත් කළ ප්‍රශ්න සම්බන්ධයෙන්  යොමු කළ ලිඛිත පිළිතුරුවලට අදාළව වැඩිදුර පැහැදිලි කිරීම් සඳහා අග්‍රමාත්‍යවරයා අද දිනයේ කොමිසම හමුවේ පෙනී සිටියේය.
අදාළ කොමිසම වෙත ප්‍රකාශයක් ලබාදීමට ස්වේච්ඡාවෙන් ඉදිරිපත් වන බව අග්‍රමාත්‍ය  රනිල් වික්‍රමසිංහ මහතා මීට පෙර දැනුම් දී තිබුණි.
මේ අතර බැඳුම්කර කොමිසමේ වාර්තාව ලබන මස 08 වනදා වන විට ජනාධිපතිවරයා වෙත බාරදීමට නියමිතය.
බැඳුම්කර ගනුදෙනුවට අදාළව ලිඛිත ප්‍රශ්නාවලියක් කොමිසම විසින් අග්‍රාමාත්‍යවරයා වෙත යොමු කර තිබිණි.
ඒ අනුව එම ප්‍රශ්නාවලියට ද අග්‍රාමාත්‍යවරයා පිළිතුරු යවා ඇති අතර මෙම පිළිතුරු සම්බන්ධයෙන් වැඩිදුර කරුණු විමසීම සඳහා අග්‍රාමාත්‍යවරයා මෙලෙස බැඳුම්කර කොමිසමට කැඳවා ඇති බව වාර්තා වේ.
කෙසේවෙතත් බැඳුම්කර ගනුදෙනුවට අදාළව පමණක් මෙහිදී ප්‍රශ්න කෙරෙන බව බැඳුම්කර කොමිසම අග්‍රාමාත්‍ය රනිල් වික්‍රමසිංහ මහතා වෙත දැනුම්දී තිබේ.
මේ අතර අද දිනයේ සාක්ෂි විමසනු ලැබුවේ නීතිපතිවරයා විසිනි.
නීතිපති ප්‍රකාශය ලබාදීමෙන් පසු මාධ්‍ය වෙත අදහස් දැක්වූ අග්‍රමාත්‍ය රනිල් වික්‍රමසිංහ මහතා සඳහන් කළේ ශ්‍රී ලංකාවේ අග්‍රමාත්‍යවරයෙකු තම පාලන කාලය තුළදී එවැනි ප්‍රකාශයක් ලබා දුන් පළමු අවස්ථාව මෙය බවයි.
මමත්; අපේ පක්ෂයේ සභාපති තුමාත්; ලේකම් තුමාත්; කිසිම පැකිලීමක් නැතිව බැඳුම්කර කොමිසම හමුවට ඉදිරිපත් වුණා. වැරදි වෙන්න පුළුවන්; අඩුපාඩු වෙන්න පුළුවන්; නමුත් අපි ඒවා හංගන්නේ නැහැ. අඩුපාඩු හදාගෙන යහ පාලනයට ඉදිරියටම  ගෙනියනවා.
අග්‍රාමාත්‍ය රනිල් වික්‍රමසිංහ මහතා මේ බව ප්‍රකාශකරන ලද්දේ අද (20) බැඳුම්කර කොමිසම හමුවේ සාක්ෂි දීමෙන් පසුව රැස්ව සිටි මාධ්‍යවේදීන් අමතමිනි. 

විදෙස්ගත ශ්‍රමිකයින් සදහා යෝජිත විශ්‍රාම වැටුප ලබන වසරේ අප්‍රේල් මාසය වන විට ලබාදිය හැකි වනු ඇති බව අධිකරණ හා විදේශ රැකියා අමාත්‍ය තලතා අතුකෝරාල මහත්මිය පැවැසීය.

විදෙස්ගතව සිටියදී විවිධ කරදරවලට ලක් වූ ශ්‍රමිකයින් 38 දෙනෙකු සදහා වන්දි ප්‍රදානය කිරීම වෙනුවෙන් විදේශ සේවා නියුක්ති කාර්යාංශයේ පැවැති උත්සවයකදී ඇය සදහන් කළේ මෙම වැඩපිළිවෙල ක්‍රියාත්මක කිරිම පහසු කාර්යයක් නොවන බවයි.

රටේ ඇති සියලුම වාහන 2040 වන විට දෙමුහුන් හෝ විදුලියෙන්  ධාවනය වන වාහන බවට පරිවර්තනය කර හරිත ප්‍රවාහන සේවයක් ඇති කරන බව මුදල් ඇමැති වරයා කියයි.

මේ අනුව දෙමුහුන් හා විදුලියෙන් ධාවනය වන වාහන මත පනවන බදු අඩු කරන අතර  ඛණිජමය ඉන්දන මත ධාවනය වන වාහන මත බදු යාවත් කාලීන කිරීමට තීරණය කර ඇත.

විදුලියෙන් ධාවනය වන මෝටර් කාර් රථයක බදු ලක්ෂ 10කින් අඩු කරන අතර  සුඛෝපභෝගී වාහන වල බදු  ලක්ෂ 25කින් වැඩි කිරීමට තීරණය කර ඇති බව මුදල් ඇමැති වරයා පැවසීය.

පරිසර හිතකාමී විදුලි ත්‍රිරෝද රථ භාවිතය දිරිමත් කරන අතර ඩීසල් ත්‍රි රෝද  බද්ද  රු. 50,000කින් ඉහල දමා ඇත.

විදුලි ත්‍රිරෝද රථ හා  විදුලි බස් භාවිතය දිරිමත් කිරීමට 10 යි 90 ක්‍රමවේදය භාවිතා කිරීමට පියවර ගෙන ඇත. එනම් පාරිභේගිකයා මුලු මුදලින් සියයට 10ක් යොදවන විට රජය සියයට 90ක් ලබා දෙනු ඇත.

දැනට පාවිච්චි කරන  ත්‍රි රෝද රථ බංගල දේශයට විකුණන්න අවස්තාව සලසා දීමටද කටයුතු කර ඇත.

ලංගම හරිත කරනය කිරීම සඳහා විදුලි බස් 50ක් ගෙන් වීමට  රැ බිලියන 500ක් වෙන් කර ඇත.

Ads Banners

Sign up via our free email subscription service to receive notifications when new information is available.