27
Fri, Apr

චීනය සහ ඇමෙරිකාව අතර පවතින වෙළෙඳ අර්බුදය උග්‍ර වෙමින් තිබෙන බව වාර්තා වනවා.දෙපාර්ශ්වයම එකිනෙකාට ආර්ථික සම්බාධක පැනවීම ඊට හේතුවයි. ඇමෙරිකාව ප්‍රථමයෙන්ම චීනයෙන් ආනයනය කරන වානේවලට බදු පැනවීම සිදුකළා.

පසුව චීන ආයෝජනයන්ට ද බාධාවන ලෙස නීති හඳුන්වා දුන්නා. ඇමෙරිකානු භාණ්ඩ වලටද බදු පැනවීමට සැලසුම්කර ඇති බවයි චීනය ප්‍රකාශ කළේ. ඇමෙරිකාව ආර්ථික යුද්ධයකට මුල පුරන්නේ නම් තමන්ද එහි අවසානය දක්වා සටන් කරන බව ඔවුන් කියාසිටිනවා. මෙම ආර්ථික ගැටුමත් සමඟ ඇමෙරිකාවේ කොටස් වෙළඳපොල විශාල ලෙස පහළ යාමක් පෙන්නුම් කළ බවයි විදෙස් මාධ්‍ය වාර්තා කරන්නේ.

"HIV බියක්" හේතුවෙන් සිය දියණියගේ අධ්‍යාපන කටයුතු අඩාල වී ඇති බව ගම්පහ ගනේමුල්ල ප්‍රදේශයයේ වෙසෙන දැරියකගේ භාරකරුවෝ පවසති.

අදාළ පාසල් දැරියගේ මව HIV ආසාදිත කාන්තාවක වන බැවින් ඇයට විදුහල්පතිවරයාගෙන් කෙනහිලිකම් සිදුවන බවට භාරකරුවෝ චෝදනා කරති.

මානව හිමිකම් මාමලා අම්මට එන්න කියල තිබුණා මට ආයත් ඉස්කෝලේ යන්න හදල දෙන්නම් කියලා . ඒත් වැඩක් වුනේ නැහැ
පාසල් ගමන අඩාල වූ දැරිය
දැරියගේ භාරකරුවන් වන ඇයගේ මවගේ සහෝදරයා සහ ඔහුගේ බිරිඳ පවසන්නේ මෙවර ශිෂ්‍යත්ව විභාගයට පෙනී සිටීමට නියමිත දැරිය විදුහල්පතිවරයාගෙන් එල්ල වන කෙනහිලිකම් හේතුවෙන් දැඩි මානසික පීඩනයකට ලක්ව ඇති බවය.

කෙසේ නමුත් අදාළ විදුහල්පතිවරයා එම චෝදනා ප්‍රතික්ෂේප කරයි.

"මම පන්තියේ පළමුවෙනියා, ඒත් මට විදුහල්පතිතුමා බනිනවා"
ඉහත කී දැරිය පාසලෙන් අස්කර වෙනත් පාසලකට රැගෙන යන මෙන් ගනේමුල්ල ප්‍රදේශයේ ඇය ඉගනුම ලබන කනිෂ්ඨ පාසලේ බලධාරීන් තමන් පාසලට කැඳවා පැවැසූ බව දැරියගේ භාරකරුවෝ පසුගිය වසරේදී ද චෝදනා කළහ.

2017 මාර්තු 20 වෙනිදා පාසල ඉදිරිපිටට රැස්වූ දෙමව්පියන් පිරිසක් දැරිය පාසලට ඇතුළුවීම වැළැක්වීමට ද උත්සාහ කර තිබිණි.

ඒ හේතුවෙන් දැරියගේ අධ්‍යාපන කටයුතු කඩාකප්පල් වී මසකට අධික කාලයක් නිවසේ නතර වී සිටීමට සිදුවිය.

මවට HIV නිසා දැරියකගේ අධ්‍යාපනයට බාධා
කෙසේ නමුත් මානව හිමිකම් කොමිසමේ මැදිහත්වීම මත ඇයට යළි පාසල වෙත ගොස් අධ්‍යාපනය ලැබීමේ අවස්ථාව හිමි විය.

මානව හිමිකම් කොමිසමේ වැඩබලන අධ්‍යක්ෂ නිහාල් චන්ද්‍රසිරිගේ නියෝගයක් පරිදි එවර දැරිය පාසලට භාර ගැනීමට විදුහල්පතිවරයා කැමැත්ත පළ කර තිබු අතර ඉදිරියේදී දැරියට කිසිදු වෙනස්කමක් සිදු නොවීමට වගබලාගත යුතු බවට ද අවවාද කර තිබිණි.

ජනපතිට ලියුමක්
මේ අතර පසුගිය පෙබරවාරි 19 වෙනිදා සෙසු දරුදැරියන්ගේ දෙමව්පියන් පාසලට කැඳවා ඇති විදුහල්පතිවරයා දැරිය සම්බන්ධයෙන් එවක පළ වූ මාධ්‍ය වාර්තා ප්‍රක්ෂේපණ යන්ත්‍රයක් මගින් ප්‍රසිද්ධියේ පෙන්වීමට කටයුතු කළ බව දැරිය සහ ඇයගේ භාරකරුවෝ පවසති.

"ලොකු සර්, ලොකු ටිවී එකක් ගෙනත් ගිය අවුරුද්දේ වුණු දේවල් පෙන්නුවා. ළමයි එතකොට කිව්වා අන්න ඔයාගේ ඒඩ්ස් කතාව කියල. මට ඇඬුනා. මම ඉස්කෝලේ යන්න ආසයි නමුත් ලොකු සර් මට හෙණ ගහන්න ඕනෑ කියලා කියනවා," දැරිය ඇඬු කඳුලින් සිය අත්දැකීම විස්තර කළාය.

"මට හැම තිස්සෙම බනිනවා. ළමයි මේ නිසා මාත් එක්ක සෙල්ලම් කරන්නවත් එන්නේ නැහැ . මට ඉස්කෝලේ යන්න, ශිෂ්‍යත්වය සමත් වෙන්න ආසයි ඒත් ......" යනුවෙන් පවසා ඇය නිහඬ විය.

"මානව හිමිකම් මාමලා අම්මට එන්න කියල තිබුණා මට ආයත් ඉස්කෝලේ යන්න හදල දෙන්නම් කියලා. ඒත් වැඩක් වුනේ නැහැ."

"HIV මර්දන වැඩසටහනක් නිසා.."
දැරියගේ මව HIV මර්දන වැඩසටහන් සඳහා සම්පත් දායිකාවක ලෙස ස්වේච්ඡාවෙන් සම්බන්ධ වී ඇති අතර ඒ සමග දැරියටත් HIV ආසාදනය වී ඇති බවට ගමේ ප්‍රචාරයක් පැතිර යාම වත්මන් තත්ත්වයට හේතු වී ඇත.

"සාමාන්‍ය ජනතාව අපිට මෙහෙම කළාට දුක නැහැ .නමුත් උගත් බුද්ධිමත් රාජ්‍ය සේවකයන් මේ විදිහට මිනිස්සුන්ගේ මුලික මිනිස් අයිතිවාසිකම් උල්ලංඝනය කිරීම සාධාරණද?" දැරියගේ මව ප්‍රශ්න කරන්නීය.

"නියෝජ්‍ය විදුහල්පතිනිය කියල තියනවා මේ ළමය ඉස්කොලේ එනවා නම් අනික් ළමයි ගෙවල්වලට එක්කන් යන්න කියලා,"

"මේ ගැටලුව විසඳන්න මාධ්‍යවේදීන්, නියෝජ්‍ය අමාත්‍ය රන්ජන් රාමනායක, මානව හිමිකම් කොමිසමේ නිලධාරීන් දැඩි පරිශ්‍රමයක් ගත්තා. කොහොම හරි අන්තිමට දුවට ආයේ කිසිම ගැටලුවක් ඇතිවෙන්න දෙන්නේ නැහැ කියල මේ සියලු අය ඉදිරියේ පොරොන්දු වුණාට පස්සේ දුව ස්කොලේ යන්න කැමති වුනා. දුවට ආයේ ගැටලුවක් ඇති වෙන එකක් නැහැ කියල අපිටත් ලොකු විශ්වාසයක් තිබුණා, නමුත්...."

"සාධාරණ පරීක්ෂණයක්"

මවට HIV නිසා දැරියකගේ අධ්‍යාපනයට බාධා
දැරිය සම්බන්ධයෙන් පළ වූ මාධ්‍ය වාර්තා යළි ප්‍රසිද්ධියේ පෙන්වීම විදුහලේ ඇතැම් ගුරුවරුන්ගේ දෝෂාදර්ශනයට ලක්ව ඇති බව ඇයගේ භාරකරුවෝ පවසති.

විදුහල්පතිවරයාගේ ක්‍රියාකලාපය ලංකා ගුරු සංගමය ද මේ වනවිට හෙලා දැක තිබේ.

ඒ සම්බන්ධයෙන් අදහස් දක්වමින් එහි ලේකම් ජෝසෆ් ස්ටාලින් කියා සිටියේ අදාළ චෝදනා සම්බන්ධයෙන් සාධාරණ පරීක්ෂණයක් පවත්වන ලෙස අධ්‍යාපන ඇමතිවරයාගෙන් ඉල්ලා සිටින බවය.

අදාළ චෝදනා සම්බන්ධයෙන් විමසීමේදී විදුහල්පතිවරයා කියා සිටියේ දැරිය සම්බන්ධයෙන් පළ වූ මාධ්‍ය වාර්තා සෙසු දෙමව්පියන් ඉදිරියේ පෙන්වීමට තමන් කටයුතු නොකළ බවය.

මීට අමතරව මානව හිමිකම් කොමිසම ඉදිරියේදී ද විදුහල්පතිවරයාගෙන් කළ විමසීමකදී ඔහු ඒ සම්බන්ධයෙන් කිසිත් නොපැවසුවේය.

HIV ආසාදිතයන් සමාජයෙන් කොන්කිරීම වැළකීමට නීති?
අවට වාතය හරහා හෝ ස්පර්ශය හරහා HIV වයිරසය ආසාදනය නොවේ.

2016 වසරේදී කුලියාපිටිය ප්‍රදේශයෙන් ද මෙවැනිම සිදුවීමක් වාර්තා වූ අතර පසුව එම දරුවාට අධ්‍යාපනය ලබා දීම සඳහා මහනුවර ප්‍රමුඛ පෙළ පාසලක් ඉදිරිපත් විය.

HIV ආසාදිත හෝ ආසාදිත යැයි සැක කෙරෙන පුද්ගලයන් සමාජයෙන් කොන් කරන අයට එරෙහිව පියවර ගතහැකි නීති සම්පාදනය කෙරෙහි අවධානය යොමුව ඇති බව ජාතික ලිංගාශ්‍රිත රෝග සහ ඒඩ්ස් මර්දන ව්‍යාපාරයේ අධ්‍යක්ෂ වෛද්‍ය සිසිර ලියනගේ පසුගිය වසරේදී පැවසීය.

ඔහු ඒ බව කියා සිටියේ පසුගිය වසරේදී ඉහත කී දැරියගේ අධ්‍යාපන කටයුතුවලට බාධා එල්ලවූ අවස්ථාවේදීය.

bbc

සයිටම් ආයතනය අනුබද්ධ කිරීම නැමැති වචන පාච්චි කරමින් නැවත නැවතත් සයිටම් ශිෂ්‍යයන්ව රවටමින් අධ්‍යාපනය පුද්ගලීකරණය කිරීමේ ප‍්‍රතිපත්තිය වහාම අහෝසි කළ යුතු බවද මෙම වංචනික ආයතනය නිල වශ්‍යයෙන් අහෝසි කළ යුතු බවද පෙරටුගාමී සමාජවාදී පක්ෂයේ ප‍්‍රචාරක ලේකම්, පුබුදු ජයගොඩ සහෝදරය අද (20 දා) එම පක්ෂයේ ප‍්‍රධාන කාර්යාලයේ පැවැති මධ්‍ය හමුවේදී ප‍්‍රකාශ කළේය.
තවදුරටත් කරුණු දක්වමින් ඔහු මෙසේ කියා සිටියේය.

“සයිටම් ආයතනයේ ඉගෙනුම ලබන ශිෂ්‍යයන් සඳහා ලබාදෙන විසදුම සම්ඒබන්ධව සාකච්ඡුාවේදී ශිෂ්‍ය ව්‍යාපාරය ඇතුළු වෘත්තීය සමිති, දේශපාලන පක්ෂ වෙනක් සංවිධාන කි‍්‍රයාකාරින් හැම දෙනක්ම කියා සිටියේ සයිටම් ආයතනය අහෝසි කර එම ශිෂ්‍යයන් රාජ්‍ය වෛද්‍ය පීඨවලට බඳවාගෙන සාධාරණයක් ඉෂ්ඨකර ද්‍ය අධ්‍යාපනය පුද්ගලීකරණය කිරීම නතර කරන්න කියලා. මුල ඉඳලම සයිටම් එකේ ශිෂ්‍යයන් ගැන කිඹුල් කඳුළු හෙළමින් සිටීට ආණ්ඩුව ඒ ශිෂ්‍යයන්ට හොඳම සාධාරණයක් වෙනන තිබු යෝජනාව පැත්තකින් තියාලා පුද්ගලික වෛද්‍ය විද්‍යාල ආරම්භ කිරීම සඳහා සයිටම් ශිෂ්‍යන්ව පාවිච්චි කරන්න හැදුවා. එකට තමයි මාලඹේ ස්ලිට් ආයතනයට අනුබද්ධ කරන්න ආණ්ඩුව උත්සාහ කළේ. තාවකාලික සංග‍්‍රමණික ආයතනයක් ලෙස මෙම ශිෂ්‍යයන්ව ඒකට අරගෙන නැවත ස්ලිට් එක වෛද්‍ය විද්‍යාලයක් පටන්න. එතකොට එක අර ‘එකක් කඩතොලූ මකා ගන්නට ගිහින් මට උනු කාරියා, දෙකක් කඩතොලූ හදා දුන්නයි ඉඳුරුවේ ආචාර්යා’ පරණ කියමනක් තියෙනවා. ඒවාගෙම තමයි පුද්ගලික වෛද්‍ය විද්‍යාලය අහෝසි කරන්නදාපු උත්තරය තමයි තවත් පුද්ගලික වෛද්‍ය විද්‍යාලයක් ආරම්ක කරන එක. එකටත් බරපතළ විරෝධයක් ආවම එතකොට තමයි හර්ෂ සිල්වාගේ වාර්තාව ගෙනාවේ. එම වාර්තාවේ තියෙන යෝජනාවක් තමයි කොතලාවල ආරක්ෂක විශ්ව විද්‍යාලය සයිටම් සිසුන් ඇතුලත් කළ යුතුයි කියලා. එම යෝජනාවක් පැත්තකින් තියලා.

2018.03.06. අමාත්‍ය මණ්ඩල සංදේශයේ 1.5 වගන්තිය යටතේ එම්.බී.බී.එස්. කේ.ඞී.යු. සයිටම් කියන උපාධියක්. දැන් මේ ශිෂ්‍යන්ට අසාධාරණයක් වෙනවා. උපාධියේ සයිටම් කියලා ලියන නිසා. එහෙම කිව්වාම ලෝකේ කිසිතැනක පිළිගන්නේ නැහැ. බි‍්‍රතාන්‍ය, වෛi සභාව මේක අසාදු ලේඛන ගත කරලා තියෙනවා. ඕස්ටෙලියාව මුළුමනින්ම පිළිගන්නෙ නැහැ. ඒ දෙක අනුව යමින් ලෝකයේ කිසිම රටක් මේ උපාධිය පිළිගන්නේ නැහැ.

මේ ලේඛනයට ආරක්ෂක ඇමැති ලෙස ජනාධිපතිවරයාමයි අත්සන් කරලා තියෙන්නේ. දැන් කො සයිටම් ශිෂ්‍යන්ට සාධාරනයක් වෙන්න ඕන කියලා අඩපු කිඹුල් කඳුළු කෝ? මේ ඕන වෙලා තියෙන්නේ සයිටම් එකේ ශිෂ්‍යයන්ට සාධාරණයක් කරන්නවත් දේමාපියන්ට සාධාරණයක් කරන්නවත් රජයේ වෛද්‍ය විද්‍යාල ශිෂ්‍යයන්ට සාධාරණයක් කරන්න වත් නොවේ අධ්‍යාපනය පුද්ගලීකරණය කිරීමේ කි‍්‍රයාවලිය ඉදිරියට ගෙනියන්න. “

ඊ.පී.ආර්.එල්.එෆ් පක්ෂයේ ආත්මාර්ථකාමී ප්‍රතිපත්ති විරෝධී ක්‍රියාකලාපය මත දෙමළ විමුක්ති සන්ධානයෙන් ඉවත් වීමට පුනරුත්තාපනය කළ එල්ටීටීඊ සාමාජිකයින්ගෙන් සමන්චිත පක්ෂය තීරණය කොට ඇති බව වාර්තා වේ.

පළාත් පාලන මැතිවරණයට පෙරාතුව දෙමළ විමුක්ති සන්ධානයේ දේශපාලන පක්ෂ 06 අතර අත්සන් කළ අබබෝධතා ගිවිසුමට පටහැනිව ඊ.පී.ආර්.එල්.එෆ් පක්ෂය කටයුතු කිරීමත් මෙය දැක දැක නොදැක්ක සේ සන්ධානයේ නායකත්වය කටයුතු කිරිමත් මත මෙම තීරණයට පැමිණි බව මෙම පක්ෂය විසින් මාධ්‍ය වෙත නිකුත් කරන ලද නිවේදනයක සදහන් වේ.

පළාත් පාලන මැතිවරණය අවසන් වීමෙන් පසු ඊ.පී.ආර්.එල්.එෆ් පක්ෂය පළාත් පාලන ආසන ලබාගැනීමේදී ආත්මාර්ථකාමීව කටයුතු කල බවත් මෙහිදී පළාත් පාලන ආසන සමසේ බෙදා නොදුන් බවත් මෙය දැක දැක නොදැක්ක ගානට සිටින දෙමළ විමුක්ති සන්ධානයේ නායන ආනන්ද සංගරි මහතාගේ ක්‍රියාකලාපයද අනුමත කල නොහැකි බවත් මේ හේතුව මත තමන් තවදුරටත් එම සන්ධානයේ රැදී නොසිටින බවත් එම පක්ෂය අවසන් වශයෙන් සදහන් කර සිටියි.

ඉදිරි මැතිවරණවලදී දෙමළ විමුක්ති කොටි සාමාජිකයින්ගේ පක්ෂය තනිව තරග කරන බවද මෙමගින් අවධාරණය කර තිබේ.

දැනට තිබෙන තොරතුරු අනුව උපාධිධාරීන් 20000 කට රුපියල් 20000 ක් දීමනාවක් ලබාදී අවුරුදු 2 ක පුහුණුවක් ලබා දෙන බවටත්, සම්මුඛ පරීක්ෂණ අප්‍රේල් 16 - 31 අතර සිදු කෙරෙන බවටත් විශ්වාස ලෙස තොරතුරු ලැබී ඇත.

සම්මුඛ පරීක්ෂණ සදහා do අයදුම් කළ සියලුදෙනා කැදවන බව අමාත්‍යාංශ ලේකම්වරයා මාර්තු 14 දින පැවසුවද එය තවමත් නිරවුල් නැත. වයස 35 ට වැඩි උපාධිධාරීන්ට සම්මුඛ පරීක්ෂණය සදහා කැදවන්නේද යන්න තවම නිරවුල් නැත. Etf, Epf කැපෙන උපාධිධාරීන් සම්මුඛ පරීක්ෂණ සදහා කදවන්නේද යන්න නිරවුල් නැත.

කෙසේ වෙතත් මහත් අසීරුවෙන් දිස්ත්‍රික් , පළාත් හා ජාතික මට්ටමින් රැකියා විරහිත උපාධිධාරීන් සංවිධානය කරමින් කරන ලද අඛණ්ඩ අරගලයේ ජයග්‍රහණය ලැබෙමින් පවතී.
අනිවාර්යයෙන් දැනට සිටින සෑම රැකියා විරහිත උපාධිධාරී සොයුරියකටම හා සොයුරෙකුටම රැකියාවක් ලැබෙන තුරු අඛණ්ඩව සටන් වදින්නෙමු.

@. රැකියාව අයිතියක් 
@. කොන්දේසි විරහිතව සියලු උපාධිධාරීන්ට රැකියා ලබාදෙනු!
@. බදවා ගන්න අවම වයස් සීමාව (35) ඉහළ දමනු!
@. සියලු පළාත් ගුරු විභාග සමත් උපාධිධාරීන්ට ගුරු පත්වීම් වහා ලබාදෙනු!
@. ඉතිරි සියලු උපාධිධාරීන්ට සංවර්ධන නිලධාරී පත්වීම් වහා ලබාදෙනු!
@. දේශපාලන ලිස්ට් හරහා බදවා ගැනීමේ උත්සාහය නවතනු!
@. වාර්ෂිකව රැකියා ලබාදෙන ජාතික ප්‍රතිපත්තියක් සකසනු!

විශේෂයෙන් මේ කාලය තුළ හතු පිපෙන්නක් මෙන් විවිධ උපාධිධාරී සංගම් බිහිවීමට ඉඩ ඇත. ඔවුන් බොරු ප්‍රචාර යවමින් උපාධිධාරීන් භේද භින්න කිරීමට උත්සාහ කරනු ඇත. ඒවාට හසුනොවී තවදුරටත් ඒකාබද්ධ රැකියා විරහිත උපාධිධාරී සංගමය හා එක්ව සැමට රැකියාවක් ලැබෙන් තෙක් එක්ව ගමන් කරන මෙන් ඉල්ලමු.

අයිතීන් දිනාගැනීමට සංවිධානය වෙමු! සටන් වදිමු!

- ඒකාබද්ධ රැකියා විරහිත උපාධිධාරී සංගමය -

ඔස්ට්‍රේලියානු කෝටිපති ජේම්ස් පැකර් (James Packer) සිය කැසිනෝ ව්‍යාපාර ලෝකයේ පාලක මණ්ඩලයෙන් ඉල්ලා අස්වීම ප්‍රකාශයට පත් කරනු ලැබ ඇත.

'කැසිනෝ රජු' මානසික ව්‍යාධියකට ගොදුරුවීම එම ඉල්ලා අස්වීමට හේතුව හැටියට දක්වා තිබේ.

ජේම්ස් පැකර්ගේ ප්‍රකාශකයෙක් අදහස් දක්වමින් සිය සමාගමේ සියලු වගකීම්වලින් ඉවත්වීමට 'පැකර්' අදහස් කරන බව සඳහන් කළේය.

චීනයෙන් පිටත ක්‍රියාත්මක වෙන විශාලතම කැසිනෝ ව්‍යාපාරය ලෙස ලැයිස්තුගත කරනු ලැබ ඇති 'ක්‍රවුන් රිසෝර්ට්ස්' (Crown Resorts) ව්‍යාපාරයේ කොටස්වලින් 50% කට මඳකට අඩු ප්‍රමාණයක් ජේම්ස් පැකර් (James Packer) සතු වෙයි.

ජේම්ස් පැකර් (James Packer) දෙවතාවක් දික්කසාද වූ තැනැත්තෙකි.

 

සූදු ව්‍යාපාරයේ ධන කුවේරයකු වන ඕස්ට්‍රේලියානු ජාතික ජේම්ස් පැකර් ගේ 'ක්‍රවුන් රිසෝර්ට්ස්' සමාගම කොළඹ නගරයේත් කැසිනෝ ව්‍යාපාරයක් ආරම්භ කිරීමට සැලසුම් කර තිබුණ අතර, වත්මන් ශ්‍රී ලංකා ආණ්ඩුව බලයට පත්වීමෙන් අනතුරුව එය අවලංගු කළ බව එම සමාගම 2015 වසරේ ජනවාරි මාසයේ ප්‍රකාශයට පත් කළේය.

සුඛෝපභෝගී කාමර 450 කින් යුත් හෝටලයක් ඇතුළත් සංචාරක කලාපයක් ඉදි කරමින් කොළඹ නගරය කලාපීය 'කැසිනෝ මධ්‍යස්ථානයක්' බවට පත් කෙරෙන එම ව්‍යාපෘතියට කලින් පැවති එක්සත් ජනතා නිදහස් සන්ධාන රජය විසින් බදු සහන ලබා දී තිබුණ බවට එකල වාර්තා පළවෙමින් තිබුණි.

අග්‍රාමාත්‍ය රනිල් වික්‍රමසිංහ 2015 ජනවාරි 29 දින පාර්ලිමේන්තුවේදී ප්‍රකාශයක් කරමින් එම ව්‍යාපෘතියට කලින් රජය ලබා දී ඇති බදු සහන සංශෝධනය කරමින් 'ක්‍රවුන් රිසෝර්ට්ස්' (Crown Resorts) කැසිනෝ ව්‍යාපාරය සඳහා දී තිබුණ අනුමැතිය අවලංගු කළ බව කියා සිටියේය.

ජේම්ස් පැකර් 2016 වසරේ දී ඇමෙරිකානු ගායිකා Mariah Carey සමඟ විවාහ විවාහ ගිවිස ගත්තේය
එම ව්‍යාපෘතිය අවලංගු කරන ලෙස ඉල්ලමින් බෞද්ධ භික්ෂූන් වහන්සේ ඇතුළු විශාල පිරිසක් එම අවධියේ විරෝධතා ව්‍යාපාර දියත් කළහ.

ඒ අනුව වත්මන් පාලනය බලයට පත්වීමත් සමඟ ගත් තීරණයක් අනුව ව්‍යාපෘතිය නතර කරන බව 'ක්‍රවුන් රිසෝර්ට්ස්' සමාගමේ ප්‍රකාශකයෙක් විද්‍යුත් තැපෑලෙන් තහවුරු කළ බව ඒඑෆ්පී පුවත් සේවය වාර්තා කළේය.

රට ස්ථාවරව පවත්වාගෙන යාම සඳහා විශ්වාසභංග යෝජනාව විවාදයට ගැනීමට පෙර අගමැති ධුරයෙන් ඉල්ලා අස්වන ලෙස එජාප නායක අගමැති රනිල් වික්‍රමසිංහට තානාපති අංශ ඇතුළු ජාත්‍යන්තරයෙන් බලපෑම් එල්ල වෙමින් තිබෙන බව දේශපාලන ආරංචි මාර්ග සඳහන් කරයි.

එසේ ඉල්ලා අස්වී එජාපයේ වෙනත් අයෙකු අගමැති ධුරයට පත්කරගෙන ජනපතිවරණයාගේ නිල කාලය අවසන් වනතුරු රට ස්ථාවරව පවත්වාගෙන යාමට කටයුතු කරන ලෙසද අගමැතිවරයාට තානාපති අංශ දැනුම් දී ඇති බවද සඳහන්ය.
යම් හෙයකින් විශ්වාසභංග යෝජනාවෙන් අගමැතිවරයා පරාජයට පත් වුවහොත් ඔහුට විපක්ෂයට යාමට සිද්ධ වනු ඇති බවත් එසේ වුවහොත් දැනට විපක්ෂ නායක ධුරය දරමින් දෙමළ ජාතික සන්ධානය වාර්ගික සමගිය වෙනුවෙන් කරනු ලබන වැඩපිළිවෙල අවුල් වී යළිදු වරක් රටේ බෙදීමක් ඇති වනු ඇති බවද තානාපති අංශ අනතුරු හඟවා තිබේ.

මේ නිසා තනි පුද්ගලයෙකු වශයෙන් තමාගේ තනතුර ගැන පමණක් නොසිතා රටේ ඉදිරි අනාගතය ගැන සිතා මේ මොහොතේ අගමැතිවරයා ඉවත්විය යුතු බව තානාපති අංශවල මතය වී ඇත.
ඉන්දියාව, ඇමෙරිකා එක්සත් ජනපදය ඇතුළු එක්සත් ජාතීන්ගේ සංවිධානයට අයත් රටවල් රැසක තානාපතිවරුන්ද අගමැතිවරයා විශ්වාසභංගයේදී කටයුතු කරමින් සිටින ආකාරය අධ්‍යයයන කිරීමෙන් පසු ඉහත සඳහන් කරුණ ඔහුට දැනුම් දී ඇති බවද සඳහන්ය.

මහනුවර දිස්ත්‍රික්කයේ ඇතැම් ප්‍රදේශ තුළ හටගත් ජාතිවාදී ගැටුම් මැඩපැවැත්වීමේදී පොලිසියෙන් හා පොලිස් නිලධාරීන්ගෙන් සිදුවූ දෝෂ සොයාබැලීමට පොලිසියේ විශේෂ විමර්ශන ඒකකයෙන් හා අතිරේක ලේකම්වරයෙකුගේ ප්‍රධානත්වයෙන් පරීක්ෂණයක් පැවැත්වෙන බව රජය පවසයි.

නීතිය හා සාමය පිළිබඳ අමාත්‍ය රංජිත් මද්දුම බණ්ඩාර ඒ බව කියා සිටියේ බදාදා (මාර්තු 21) කොළඹ පැවති අමාත්‍ය මණ්ඩල තීරණ දැනුම්දීමේ මාධ්‍ය හමුවේදී මහනුවර ගැටුම් සම්බන්ධයෙන් පොලිසියට එල්ලවෙන චෝදනා ගැන බීබීසී සිංහල සේවය නැගූ ප්‍රශ්නයකට පිළිතුරැ දෙමිනි.

"මේකට පොලිස් නිලධාරීන්ට චෝදනා කළාට පොලිස් නිලධාරීන් වැඩි කොටසක් හොඳට වැඩ කරලා තියෙනවා. අපි බලනවා කාගේ හරි ප්‍රශ්නයක් තියෙනවද කියලා," යනුවෙන් අමාත්‍යවරයා එහිදී පැවසුවේය.

නිවාසවලට, වෙළඳසැල් හා ආගමික ස්ථානවලට ප්‍රහාර එල්ලවෙද්දී පොලිස් විශේෂ කාර්ය බලකායේ නිලධාරීන් බලා සිටින ආකරයේ CCTV දර්ශන මේ දිනවල සමාජ මාධ්‍යවල සංසරණය වෙමින් පවතී.

"අපි අත්අඩංගුවට ගත්ත සැකකරුවන් අතරේ ඉන්නවා ඒ මොහොතේම ප්‍රහාර එල්ලකරන්න ආපුවම අත්අඩංගුවට ගත් අය. ප්‍රාදේශීය සභා මන්ත්‍රීවරයෙක් අත්අඩංගුවට ගත්තේ පල්ලියක් ගිනිතියද්දි. කෙසේ නමුත් යම් යම් පොලිස් නිලධාරීන්ගේ දෝෂ තියෙනවද කියල බලන්න විමර්ශන සිදුවෙනවා," යනුවෙන් ඒ සම්බන්ධයෙන් අදහස් දැක්වූ පොලිස් මාධ්‍ය ප්‍රකාශක රුවන් ගුණසේකර පැවසීය.

ආරක්ෂක අංශවලට චෝදනා
මෙහිදී අදහස් දැක්වූ අමාත්‍ය රාජිත සේනාරත්න කියා සිටියේ, ආරක්ෂක අංශවල යම් පිරිසක් ඊට සම්බන්ධ බවට ඇති තොරතුරු නිසා ඒ ගැන ද වෙනම පරීක්ෂණයක් සිදුවන බවය.

ඊට අමතරව විපක්ෂයට සම්බන්ධ පාර්ලිමේන්තු මන්ත්‍රීවරයෙකු ගැන ද පරීක්ෂණ කණ්ඩායම්වලට තොරතුරු ලැබී ඇති බව පැවසූ ඇමතිවරයා අදාළ මන්ත්‍රීවරයාගේ නම පසුව එළිකරන බව සඳහන් කළේය.

"සනාථ වෙලා තියෙනවා ඒ මන්ත්‍රීවරයා පොලිසියට බලපෑම් කරපු හැටි, ඒ ගැන පරීක්ෂණ කෙරෙනවා."

දැනට ශ්‍රී ලංකා පොදුජන පෙරමුණට සම්බන්ධ පළාත් පාලන මන්ත්‍රීවරුන් 5 දෙනෙකු මෙම ගැටුම්වලට සසම්බන්ධ බවට තොරතුරු හෙළිවී ඇති බව කී රාජිත සේනාරත්න අමාත්‍යවරයා එයින් කීපදෙනෙකු අත්අඩංගුවේ පසුවන බව ද පැවසීය.

ගැටුම්වලට සම්බන්ධ අත්අඩංගුවේ පසුවන සැකකරුවන් අතර සිංහල සැකකරුවන් 264, මුස්ලිම් 41 හා වෙනත් 9 දෙනෙකු සිටින බව මාධ්‍ය හමුවේදී ප්‍රකාශ විය.

සමාජ මාධ්‍යවල වෛරී ප්‍රකාශ සිදුකිරීම හේතුවෙන් පාසල් ළමුන් 4 දෙනෙකු ඇතුළු 6 දෙනෙකු ද අත්අඩංගුවේ පසුවේ.

අමාත්‍ය පාඨලී චම්පික රණවක ගැටුම් පිටුපස සිටින බවට පළ වන වාර්තා පිළිබඳ මාධ්‍යවේදියෙකු ප්‍රශ්න කිරීමත් සමග රාජිත සේනාරත්න ඇමතිවරයා සහ එම මාධ්‍යවේදියා අතර උණුසුම් වාදයක් ද ඇතිවිය.

අග්‍රාමාත්‍ය රනිල් වික්‍රමසිංහට එරෙහි විශ්වාසභංග යෝජනාව අද(21) කථානායකවරයාට වෙත බාරදුන් බව එකාබද්ධ විපක්ෂය පවසයි.

මන්ත්‍රීවරුන් 55 දෙනෙකු විසින් අත්සන් තබන ලද විශ්වාසභංග යෝජනාවක් පස්වරු 2.30 ට පාර්ලිමේන්තු මන්ත්‍රී දිනේෂ් ගුණවර්ධන විසින් කථානායකතුමන් වෙත බාර දී තිබේ.

මෙම අවස්ථාවට හිටපු ජනාධිපති මහින්ද රාජපක්ෂ ඇතුළු මන්ත්‍රී කණ්ඩායමක් සහභාගී වී ඇත.

මෙම විශ්වාසභංග යෝජනාව සඳහා එකාබද්ධ විපක්ෂයේ මන්ත්‍රීවරුන් 51ක් හා ශ්‍රී ලංකා නිදහස් පක්ෂ මන්ත්‍රීවරුන් 4 දෙනෙක් අත්සන් කළ ඇති බව වාර්තා වෙයි.

මෙම යෝජනාව සඳහා ශ්‍රී ලංකා නිදහස් පක්ෂයේ රාජ්‍ය අමාත්‍යවරුන් වන ටී. බී ඒකනායක, නිශාන්ත මුතුහෙට්ටිගම යන අය හා වවුනියාව දිස්ත්‍රික් පාර්ලිමේන්තු මන්ත්‍රී කාදර් මස්තාන් සහ සුසන්ත පුංචිනිලමේ යන අයද අත්සන් තබා ඇති බව සඳහන් වෙයි.

Ads Banners

Sign up via our free email subscription service to receive notifications when new information is available.