22
Sun, Oct

ශ්‍රීලංකා  ක්‍රිකට්  කණ්ඩායමේ  නායකත්වයෙන්  ඇන්ජලෝ  මැතිව්ස්  ඉවත්වීමට  තීරණය  කර  ඇති  බව  වාර්තා  වේ.ශ්‍රීලංකා  ක්‍රිකට් කණ්ඩායමේ  නායකත්වයෙන්  ඇන්ජලෝ  මැතිව්ස්  ඉවත්වීමට  තීරණය  කර  ඇති  බව  වාර්තා  වේ.දිගින්  දිගටම  ශ්‍රී  ලංකා  කණ්ඩායමට හිමි  වූ  පරාජිත  ඉරණම  හේතුවෙන්  නායකත්වයෙන්  ඔහු  ඉවත්වීමට  තීරණය  කර  ඇත.

පේදුරුතුඩුව පොලීසිය සිදුකළ වෙඩි පහරකින් 24 හැවිරිදි තරුණයෙකු ජිවිතක්ෂයට පත්වීමට විරුද්ධව අද(10) යාපනයේ නොසන්සුන්තාවයක් හටගෙන ඇත.පේදුරුතුඩුව පොලීසිය සිදුකළ වෙඩි පහරකින් 24 හැවිරිදි තරුණයෙකු ජිවිතක්ෂයට පත්වීමට විරුද්ධව අද(10) යාපනයේ නොසන්සුන්තාවයක් හටගෙන ඇත.

යුද්ධය අවසන් වුවද ජාතිවාදී ගැටළුව අවසන් වී නොමැති බව අග්‍රමාත්‍ය රනිල් වික්‍රමසිංහ පවසයි.
ඔහු පෙන්වා දෙන්නේ ඒ සඳහා දේශපාලන විසඳුමක් අවශ්‍ය බවයි.

මන්නාරම ප්‍රදේශයේ පැවති උත්සවයකදී අග්‍රමාත්‍ය රනිල් වික්‍රමසිංහ මේ බව කියා සිටියේය.
ව්‍යවස්ථා සංශෝධනයක් මඟින් මෙරට ජාතික ගැටළු වලට විසඳුම් සෙවීම සඳහා ජනතාව වත්මන් ආණ්ඩුව වෙත වරමක් ලබාදී ඇති බව අග්‍රමාත්‍යවරයා එහිදී අවධාරණය කළේය.

ඩෙංගු වසංගත තත්වය සහ ඩෙංගු මැඩලීමට කටයුතු කළ යුත්තේ කෙසේද කියන කාරණය පිළිබඳ අදහස් දැක්වීමට නිදහස් සෞඛ්‍ය සේවයක් සඳහා ජනතා ව්‍යාපාරය විසින් අද (11) කොළඹදී ජනමාධ්‍ය සාකච්ඡාවක් කැඳවනු ලැබිණි.ඩෙංගු වසංගත තත්වය සහ ඩෙංගු මැඩලීමට කටයුතු කළ යුත්තේ කෙසේද කියන කාරණය පිළිබඳ අදහස් දැක්වීමට නිදහස් සෞඛ්‍ය සේවයක් සඳහා ජනතා ව්‍යාපාරය විසින් අද (11) කොළඹදී ජනමාධ්‍ය සාකච්ඡාවක් කැඳවනු ලැබිණි.

සයිටම් විරෝධී ,සිසු මර්ධනයට එරෙහි උද්ගෝෂණයක් ඊයේ මිලානෝ සන්ත අගෝස්තීනෝ පොළ අසලදී පවත්වනු  ලැබුවා . පත්‍රිකා බෙදමින් ජනතාව දැනුවත්කිරීමේ කටයුතු සිදුවූ අතර මාවතින රාජ්‍ය මර්ධනයට එරෙහිව රෝමයේ ශ්‍රී ලංකා තානාපති කාර්යාලය වෙත සංදේශයක්‌ බාරදීම ලබන සතියේදී සිදු කිරීමට නියමිතයි .

රජයේ ඇතැම් අමාත්‍යවරුන් සිදු කරන අත්තනෝමතික ක්‍රියාකාරකම් සම්බන්ධයෙන් මෙරට සියලුම තානාපති කාර්යාල වෙත සන්දේශයක් බාරදීමට පියවර ගන්නා බව රජයේ වෛද්‍ය නිලධාරීන්ගේ සංගමය පවසයි.

එහි සංස්කාරක වෛද්‍ය නවීන් ද සොයිසා කොළඹ පැවැති මාධ්‍ය හමුවකට එක්වෙමින් කියා සිටියේ සයිටම් ගැටළුව මුල්කර ගනමින් ඉදිරියේදී ජාතික විරෝධතාවයක් සිදු කිරීමට ද සැලසුම් කර ඇති බවයි.

එහිදී වැඩිදුරටත් අදහස් දැක්වමින් වෛද්‍ය නවීන් ද සොයිසා කියා සිටියේ ඉදිරියේදී රජයේ වෛද්‍ය නිලධාරීන්ගේ සංගමය මඟින් ඩෙංගු මර්දන සතියක් ක්‍රියාත්මක කරන බවයි.

මේ අතර ඩෙංගු ව්‍යාප්තිය ඉහළ යාම සඳහා පොලිතීන් හා ප්ලාස්ටික් විශාල වශයෙන් බලපාන බව රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක සමන්ත ආනන්ද කියා සිටියේය.

දඹුලු ලෙන් විහාර සංකීර්ණය නැවත දැනුම් දෙන තුරු දෙස් විදෙස් සංචාරකයින් සඳහා තාවකාලිකව වසා තැබෙන බව පුරාවිද්‍යා උපදේශන සභාව පවසයි.දඹුලු ලෙන් විහාර සංකීර්ණය නැවත දැනුම් දෙන තුරු දෙස් විදෙස් සංචාරකයින් සඳහා තාවකාලිකව වසා තැබෙන බව පුරාවිද්‍යා උපදේශන සභාව පවසයි.

ගොනෝරියා බැක්ටීරියාවේ පාලනය කළ නොහැකි භයානක තත්ත්වයක් මුඛ සංසර්ගය හේතුවෙන් මතුවී ඇති අතර උපත් පාලන කොපු (condom) භාවිතයේ අඩුවක් පෙන්වීම එය පැතිර යාමට රුකුලක් වී ඇති බව ලෝක සෞඛ්‍ය සංවිධානය පවසයි.
එම සංවිධානය අනතුරු අඟවමින් පෙන්වාදෙන්නේ යම් අයෙකුට ගොනෝරියා වැළඳුනහොත් දැන් ඊට ප්‍රතිකාර කිරීම අසීරුවන අතරම ඇතැම්විට ප්‍රතිකාර කළ නොහැකි බවය.
ලිංගික සබදතාවලින් ආසාදනයවන මෙම බැක්ටීරියාව ප්‍රතිජීවකවලට ප්‍රතිරෝධය දැක්වීමේ වේගවත් වර්ධනයක් පෙන්නුම් කරයි.
මේ සඳහා නව ඖෂධ වර්ග කිහිපයක් නිකුත්වීමට නියමිතව තිබුනද දැනට පවතින්නේ 'එතරම් සතුටුදායක නොවන' තත්ත්වයක් බව විශේෂඥයෝ පෙන්වා දෙති.

වාර්ෂිකව ලොව පුරා මිලියන 78 ක පිරිසක් ලිංගාශ්‍රිත රෝගවලට ලක්වන අතර එය දරුඵල නොලැබීමට ද හේතුවකි.
ලෝක සෞඛ්‍ය සංවිධානය රටවල් 77 ක් ආශ්‍රයෙන් කරන ලද විශ්ලේෂණයකින් පෙන්වා දී තිබෙන්නේ ගොනෝරියා ප්‍රතිජීවකවලට ප්‍රතිරෝධය දැක්වීම පුළුල්ව පැතිර ඇති බවය.
ජපානය, ප්‍රංශය සහ ස්පාඤඤය යන රටවලින් වාර්තාවූ රෝග තත්ත්ව තුනකින් පෙන්වාදී තිබෙන්නේ ඒවා සම්පුර්ණයෙන් ම සුවකළ නොහැකි තත්ත්වයක් බව ලෝක සෞඛ්‍ය සංවිධානයේ වෛද්‍ය තියඩෝරා වි සඳහන් කළාය.
"ගොනෝරියා ඉතාමත් තීක්ෂණ රෝග බීජයක්. ඊට ප්‍රතිකාර සඳහා අලුත් වර්ගයේ ප්‍රතිජීවකයක් හඳුන්වා දෙන සෑම අවස්ථාවකම එම රෝග බීජය ප්‍රතිරෝධය දක්වන තත්ත්වයට පත්වෙනවා." යැයි ඇය කියා සිටියාය.
අති බහුතර ගොනෝරියා ආසාදන වාර්තාවන්නේ දුගී රටවලින් වන අතර එහි ප්‍රතිරෝධය හඳුනාගැනීම ඉතා අසීරු වී ඇති බව සඳහන් කරන වෛද්‍ය තියඩෝරා පෙන්වා දුන්නේ "මේ සිදුවීම් ඇතැම්විට පාවෙන විශාල අයිස් කුට්ටියක (iceburg) මතුපිටට පෙනෙන ප්‍රමාණය වැනි විය හැකියි" යනුවෙනි.

ජනනේන්ද්‍රිය, අධෝ මාර්ගය හා උගුර ආශ්‍රිතව ගොනෝරියා ආසාදනය විය හැකි අතර මෙයින් වෛද්‍ය වෘත්තිකයින්ගේ වැඩි අවධානයට ලක්ව ඇත්තේ උගුර සම්බන්ධ තත්ත්වය වේ.
වෛද්‍ය තියඩෝරා වි පෙන්වා දෙන ආකාරයට ගොනෝරියාවලට නෑකම් දක්වන බැක්ටීරයාද ඇතුළුව උගුර පසුපස ඇති බැක්ටීරියා ප්‍රතිජීවකවලට ප්‍රතිරෝධය දැක්වීමේ වර්ධනයක් පෙන්විය හැකි බවය.
"සාමාන්‍ය උගුරේ ආසාදනයකට භාවිත කරන ආකාරයේ ප්‍රතිජීවක දෙන විට එය ඔබේ උගුරේ ඇති නීසේරියා (Neisseria) විශේෂය හා මිශ්‍රවීමේ ප්‍රතිඵලය වන්නේ ප්‍රතිරෝධයක් ඇතිකිරීමයි" ඇය සඳහන් කළාය.
මුඛ සංසර්ගය මගින් උගුරට ඇතුළුවන ගොනෝරියා බැක්ටීරියාව, එතුළ ඇති පරිසරය හේතුවෙන් එය සුපිරි - ගොනෝරියාවක් බවට පත්වේ.

bbc

නව ව්‍යවස්ථාව සකස් කරමින් සිටින්නේ ගෙන එන්නට මිසක් බල බලා සිටින්නට නොවන බව සම කැබිනට් මාධ්‍ය ප්‍රකාශක, අමාත්‍ය රාජිත සේනාරත්න පවසයි.

මේ රජයට ලක්ෂ 62ක ජනතාවක් ලබාදුන් ජන වරමක් පවත්නා බවත්, රජය ක්‍රියා කරන්නේ එකී ජන වරම අනුව බවත් අමාත්‍යවරයා කියා සිටියේරජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදීය.
අස්ගිරි මහා විහාරයේ රැස්වුණු මහනාහිමිවරුන් විසින් යෝජනා ස්ථීර කරගත් පරිදි අලුත් ව්‍යවස්ථාවක් අනවශ්‍ය බවට උන්වහන්සේලා විසින් ප්‍රකාශයක් කරනු ලැබූ බවත්, එම ප්‍රකාශය සම්බන්ධයෙන් රජයේ ස්ථාවරය කුමක්ද යන්න පිළිබඳව මෙහිදී මාධ්‍යවේදියෙකු විසින් අසන ලද පැනයකට ප්‍රතිචාර දක්වමින් රාජිත සේනාරත්න මේ බව සඳහන් කළේය.

ලක්ෂ 62ක ජනවරම තුළ භික්ෂුන් වහන්සේලාද, අන්‍ය ආගමික පූජකතුමන්ලාද නියෝජනය වන බව පෙන්වා දුන් අමාත්‍යවරයා, පාර්ලිමේන්තුවේ නව ආණ්ඩුක්‍රම ව්‍යවස්ථාවක් සඳහා වන සභාවේ කටයුතු ඉදිරියට ගෙන යන බවත්, ඒ පිළිබඳ අවසන් තීරණය පාර්ලිමේන්තුව විසින් ගනු ඇති බවත් අවධාරණය කළේය.ජේ.ආර් ගේ ව්‍යවස්ථාව සම්මත කරගත් දිනයේ සිට එය අකුලා ගන්නා ලෙස බලකරමින් විරෝධතා පවත්වමින් එය පට්ට පතුරු ගැසූ අය දැන් දැන් එයම කර තියාගෙන යා යුතු බවට යෝජනා කරන්නේ මන්දැයි තමාට නොතේරෙන බව අමාත්‍යවරයා කියා සිටියේය.

ලෝකයේ පවත්නා සෑම ව්‍යවස්ථාවක්ම වෙනස්වන බවත්, ව්‍යවස්ථා කෙටුම්පත සකස් කිරීමෙන් පසුව පළමුව පාර්ලිමේන්තුවට ඉදිරිපත් කොට තුනෙන් දෙකක බලයකින් සම්මත කොට ජනමත විචාරණයක් පවත්වන බවත්, ව්‍යවස්ථානුකූලව, නීත්‍යනුකූලව එම කටයුත්ත ඉදිරියට යන බවත් අමාත්‍යවරයා සඳහන් කළේය.

72 පළමු ජනරජය ව්‍යවස්ථාව සම්මත කර ගැනීමේදීත්, 78 ව්‍යවස්ථාව ජේ.ආර් විසින් සම්මත කර ගැනීමේදීත්, මහින්ද රාජපක්ෂ ජනාධිපතිවරයා විසින් 18 වන සංශෝධනය සම්මත කර ගැනීමේදීත් මේ ආකාරයේ ප්‍රජාතන්ත්‍රීය ක්‍රියාදාමයක් සිදුනොවුණු බවත්, ඒ සෑම අවස්ථාවක්ම පාලකයාගේ බලය ශක්තිමක් කර ගැනීමක් පමණක් බවත් අමාත්‍යවරයා පෙන්වා දුන්නේය.

එහෙත් ඉතිහාසයේ පළමු වරට ජනාධිපතිවරයා ස්ව කැමැත්තෙන් තම බලය ප්‍රජාතන්ත්‍රීය ලෙස ජනතාව සමග බෙදාගැනීමට පවත්නා ව්‍යවස්ථානුකූල හා නීතිමත තත්ත්වයන්ට ගරු කරමින් කටයුතු කරන අවස්ථාවක එයට විරුද්ධ වන්නේ මන්දැයි තමන්ට නොතේරෙන බව සේනාරත්න සඳහන් කළේය.

මෙතැන පවත්නේ තම තමන්ගේ දේශපාලන බල ලෝභිත්වය මිසක වෙන කිසිවක් නොවන බවත්, මේ රටේ ලක්ෂ ගණනකට ජීවිත අහිමි කළ යුද්ධයට පළමුව වගකිව යුත්තේ මෙවන් දේශපාලනඥයින් වන අතරම දෙවනුවට වග කිව යුත්තේ මාධ්‍යවේදීන් බවත් අමාත්‍යවරයා වැඩිදුරටත් කියා සිටියේය.