22
Sun, Oct

පසුගිය 26දා අත්අඩංගුවට ගත් ඛනිජ තෙල් සංස්ථා වෘත්තීය සමිති නායකයන් හා සාමාජිකයන් 16 දෙනා අත්අඩංගුවට ගන්නැයි අධිකරණය වරෙන්තු නිකුත් කර තිබේ

අත්‍යාවශ්‍ය සේවාවක් බවට පත්කර තිබියදීත් ඉන්ධන බෙදා හැරීමට බාධා කිරීම හේතුවෙන් මොවුන් අත්අඩංගුවට ගෙන පොලිස් ඇප මත මුදා හැරියේය.


ඒ අනුව අද දින කොළඹ අතිරේක මහේස්ත්‍රාත් අධිකරණයේ පෙනී සිටින ලෙසත් දන්වා තිබු බව වාර්තා වෙයි.
වර්ජනයේ නිරත තෙල් සංස්ථා සේවකයන් විසින්, ගුවන්තොටුපොළට ඉන්ධන ගෙනයෑමට පැමිණි දුම්රියකට සංස්ථා පරිශ්‍රයෙන් පිටව යාමට ඉඩ නොදෙමින් විරෝධයේ යෙදෙමින් සිටින අතර මෙම අත්අඩංගුවට ගැනීම සිදු වූයේය.


ඛනිජ තෙල් වෘත්තීය සමිති එකමුතුවේ මාධ්‍ය ප්‍රකාශක බන්ධුල සමන් කුමාර පොලීසිය විසින් අත්අඩංගුවට ගත්තේය. 
වෘත්තීය සමිති නියෝජිතයන් අත්අඩංගුවට ගන්න අවස්ථාවේ දැඩි උණුසුම් තත්ත්වයක් ද ඇති වුණි.

ඛනිජ තෙල් සංස්ථා දේපළ විකිණිමට එරෙහිව ඛනිජ තෙල් සේවකයන් විසින් ගෙන ගිය විරෝධය මැඩ පවත්වමින් හමුදාව හා විශේෂ කාර්ය බලකාය යොදවා ඒ අතරතුර ගිවිසුම අත්සන් කිරීම කල්තබන බවට සාකච්ඡාවලට පැමිණි තේල් සංස්ථා සේවකයන්ට ජනාධිපතිවරයා දුන් පොරොන්දුව පුස්සක් බව සනාථ කරමින් හම්බන්තොට ගිවිසුම අද අත්සන් කරන්නට නියමිතය.ඛනිජ තෙල් සංස්ථා දේපළ විකිණිමට එරෙහිව ඛනිජ තෙල් සේවකයන් විසින් ගෙන ගිය විරෝධය මැඩ පවත්වමින් හමුදාව හා විශේෂ කාර්ය බලකාය යොදවා ඒ අතරතුර ගිවිසුම අත්සන් කිරීම කල්තබන බවට සාකච්ඡාවලට පැමිණි තේල් සංස්ථා සේවකයන්ට ජනාධිපතිවරයා දුන් පොරොන්දුව පුස්සක් බව සනාථ කරමින් හම්බන්තොට ගිවිසුම අද අත්සන් කරන්නට නියමිතය.
චයිනා මර්චන්ට් පොර්ට් හෝල්ඩින්ග්ස් සාමාගම සහ ආණ්ඩුව අතර ඇතිවෙන ගිවිසුම මත වාරය සහ ඒහි ක්‍රියාකාරකම් සහ එයට අයත් භූමිය 70% වඩා වැඩි ප්‍රමාණයක් වසර 99කට චීන සමාගමට හිමිවන අතර මෙම ගිවිසුම රාජ්‍ය සහ පෞද්ගලික හවුල් ගිවිසුමක්(Public Private Partnership) ලෙස ක්‍රියාත්මක වන බව පවැසේ.


මේ අතර මෙස් පොරොන්දු කඩ කිරිම සම්බන්ධයෙන් වෘත්තිය සමිති විසින් වගකීම භාරගත යුතු බවට තෙල් සංස්තා සේවකයෝ ප්‍රකාහ කරති. සයිටම් අරගලය සම්බන්ධව ජනාදිපතිවරයා සමග රජයේ වෛද්‍ය නිධාරි සංගමය කළ සාකච්ඡාවේ ප්‍රතිඵලයද නිශ්ඵල වූ තත්වයකදී තෙල් සංස්ථා සේවකයන්ට බොරු පොරොන්දු දීම සම්බන්ධව ජනාදිපතිවරයා ලැජ්ජා වියයුතු බව සහ එම පොරොන්දු විහ්වාස කරන වෘත්තිය මිති නායකයන් වහාම වගකීමෙන් මැදිහත් වියයුතු බව ඔවුහ් පවසති.


හම්බන්තොට වරාය චීන පෞද්ගලික සමාගමක් වෙත පැවරීමට විරෝධය පළ කරමින් සමස්ත ලංකා වරාය ‍පොදු සේවක සමිතිය 28වැනිදා ක්‍රියාත්මක කිරිමට සියලු කටයුතු සූදානම් කර තිබූ වරාය සේවකයන්ගේ එක් දින වැඩ වර්ජනය තාවකාලිකව අත්හිටුවීමට තීරණය කරන ලදී. ශ්‍රී ලංකා වරාය අධිකාරිය හා චයිනා මර්චන්ට්ස් හෝල්ඩින් ලිමිටඩ් අතර එක්ව හම්බන්තොට වරාය සහන ගිවිසුම 29 වෙනිදා අත්සන් තැබිමට නියමිතව තිබු අතර එම ගිවිසුම අත්සන් නොකරන ලෙසට බලකරමින් වරාය සේවකයන් වර්ජන ක්‍රියා මාර්ගයක් තීන්දු කර තිබිණ. හම්බන්තොට වරාය මෙසේ පැවරිම සමස්ත වරාය පද්ධතියට විශාල හානියක් මෙන්ම රටේ ආරක්ෂාවට දැඩි ලෙස බල පාන බවත් මෙම තත්ත්වයන් සැලකිල්ලට ලක්කරමින් මෙසේ විරෝධය පළ කරන බව ද සමස්ත ලංකා වරාය ‍පොදු සේවක සමිතිය පෙන්වා දෙයි.
මෙම හම්බන්තොට වරාය සම්බන්ධයෙන් අත්සන් කිරිමට යෝජිත ගිවිසුමට එරෙහිව ඛනිජ තෙල් වෘත්තිය සමිති ගෙන ගිය අරගලයේ දි මේ සම්බන්ධව විශේෂ සාකච්ඡාවක් ජනාධිපතිවරයා විසින් 26 වැනිදා ලබා දී ඇති අතර, එහිදි අදාල ගිවිසුමේ සංශෝධනයන් සිදු කිරීමට ජනාධිපතිවරයා එකඟවීමත්, ඒඅනුව අද දිනයේ අත්සන් කිරිමට නියමිතව තිබු ගිවිසුම අත්සන් නොකරණ බවට පොරොන්දු දුන් නිසා වරාය වෘත්තිය ක්‍රියා මාර්ගය මෙසේ අත්හිටවු බව ද එම වෘත්තිය සංගමයේ ප්‍රධාන ‍ලේකම් චන්ද්‍රසිරි මහගමගේ ජනමාධ්‍ය වෙත ප්‍රකාශ නිකුත් කළේය.
ගිවිසුමට ගෙන එන සංශෝධන සම්බන්ධව  සාකච්චා කිරිමට අගෝස්තු 01 වෙනිදා නැවත සාකච්ඡාවක් තෙල් වෘත්තිය සමිති වෙත ලබා දී තිබෙන බව ද ප්‍රකාශ විය. අදාල සංශෝධනයන් සඳහා ජනාධිපතිවරයා සමඟ කෙරෙන එම සාකච්ඡාව හේතුවෙන් සමස්ත ලංකා වරාය ‍පොදු සේවක සමිතියේ විරෝධතා ක්‍රියා මාර්ග ද මෙසේ තාවකාලිකව නතර කරනු ලැබු බව එම සංගමයේ ප්‍රධාන ලේකම්වරයා වැඩිදුරටත් පැවසීය.

හම්බන්තොට වරාය චයිනා මර්චන්ට් සමාගමට බදු දීමට අදාළ ගිවිසුම එළඹෙන සෙනසුරාදා (29) අත්සන් කිරීම කල් දැමීමට ආණ්ඩුවට තීරණය කර තිබේ.

අද (26)  යුද හමුදාව විසින් කොලොන්නාව තෙල් සංකීර්ණයට ඇතුළු වී එහි කනාජ තෙල් බෙදා හැරීමේ කටයුතු නැවත ආරම්භ කිරිමට සමාන්තරව ඛනිජතෙල් වෘත්තීය සමිති එකමුතුවේ නියෝජිතයන් සහ ජනාධිපතිවරයා අතර පැවති සාකච්ඡාවේදි මෙම තිරණය ගෙන තිබේ. තෙල් සංස්ථා සේවක අරගලය හේතුවෙන් ලබන  29 වැනිදා  නියමිතව තිබූ  ගිවිසුම අත්සන් කිරීම කල් දමන්නට එකගතා ඇතිව තිබේ. එසේම ලබන අඟහරුවාදා (01) දින ඛනිජ තෙල් වෘත්තීය සමිති එකමුතුවේ නියෝජිතයන් සමග තවත් විශේෂ සාකච්ඡාවක් පැවැත්වීමට එකගතා ඇතිකර ගෙන තිබේ. ඒ සඳහා ආණ්ඩුව නියෝජනය කරමින් ඛනිජතෙල් සම්පත් ඇමතිවරයා, වරාය ඇමතිවරයා ඇතුළු පිරිසක් සහභාගී වීමට නියමිත ය. මේ තත්වය තුළ ඉදිරි සාකච්ඡාවලින් ආණ්ඩුවේ විසදුම කුමක්දැයි නිශ්චිතව ලබාගන්නා තුරු ඛනිජ තෙල් වෘත්තීය සමිති ආරම්භ කර තිබු වැඩවර්ජනය තාවකාලිකව නතර කිරීමටද තීරණය කර තිබේ.

අද රජයේ ප්‍රවෘත්ති සාකච්ඡාවට එක්වෙමින් රාජිත සේනාරත්න ඇමතිවරයා කීවේ හම්බන්තොට වරාය බදු දීමේ ගිවිසුම පිළිබද සිකුරාදා (28) පාර්ලිමේන්තු විවාදයෙන් පසුව සෙනසුරාදා  ගිවිසුම අත්සන් කරන බවයි. කෙසේවෙතත් ආණ්ඩුවේ ප්‍රකිචාරය අනුව ඉදිරි අරගලය තීරණය වන බව වෘත්තිය සමිති නායකයෝ පවසති.

වර්ජකයන් අත්අඩංගුවට…

විහේෂ කාර්ය බලකාය පැමිණීම

සේවක දඩයම

සයිටම් ආයතනය අහෝසි කරන ලෙසත් අධ්‍යාපන අයිතිය සුරක්ෂිත කරන ලෙසත් ඉල්ලා සයිටම් විරෝධී සිසු-ජන ව්‍යාපාරයේ දින පහේ විරෝධතා පාගමන මේ වනවිට ආරම්භ වී ඇත.සයිටම් ආයතනය අහෝසි කරන ලෙසත් අධ්‍යාපන අයිතිය සුරක්ෂිත කරන ලෙසත් ඉල්ලා සයිටම් විරෝධී සිසු-ජන ව්‍යාපාරයේ දින පහේ විරෝධතා පාගමන මේ වනවිට ආරම්භ වී ඇත.


පේරාදෙණිය විශ්වවිද්‍යාලයෙන් උදෑසන 11. 00ට ආරම්භ කළ එම පාගමනට වෘත්තීය සමිති, කලාකරුවන්, විශ්වවිද්‍යාල ආචාර්යයවරුන්, දේශපාලන පක්ෂ නියෝජිතයන් සම්බන්ධ වී සිටිති. මෙම පාගමනේ ඉල්ලීම් ලෙස පහත සටන්පාඨ ඉදිරිපත් කෙරේ.


■ මර්දනය නවතනු,

මාළඹේ සයිටම් හොර උපාධි කඩය අහෝසි කරනු.

■ විශ්‍රාම වැටුප් කප්පාදුව නවතනු.

■ රාජ්‍ය ආයතන විකිණීම නවතනු

.■ ශ්‍රම කොල්ලය තීව්‍ර කරන ඉන්දු – ලංකා වෙළඳ ගිවිසුම එපා.

හම්බන්තොට වාරය චීන සමාගමට විකිණීමට එරෙහිව එළබෙන 28වන දින සංකේත වැඩවර්ජනයක නිරත වීමට සමස්ත ලංකා වාරය පොදු සේවක සංගමය තීරණය කර ඇති බව පැවසේ.

මෙම විකිණීමට අදාළ කැබිනට් අනුමැතිය පසුගියදා හිමිවූ අතර ගිවිසුමට අදාළ පනත් කෙටුම්පත (26) දින පාර්ලිමේන්තුවට විෂය භාර අමාත්‍ය මහින්ද සමරසිංහ විසින් ඉදිරිපත් කරන ලදි.

ඇමති රිෂාක් බදුර්දීන් අමාත්‍යවරයාගේ බලපෑමෙන් තොරව ‘කොකේන් පරීක්ෂණ‘ පැවැත්වීමට ඉඩ හසර සැලසීම ‘ජනාධිපති - අගමැති‘ වගකීමකි.

මාළඹේ සයිටම් ආයතනය අහෝසි කිරීමට බලකරමින් සයිටම් විරෝධී සිසු ජන ව්‍යාපාරයේ මූලිකත්වයෙන් නුවර සිට කොළඹ දක්වා දිනපහක පාගමනක් සංවිධානය කර තිබේ.මාළඹේ සයිටම් ආයතනය අහෝසි කිරීමට බලකරමින් සයිටම් විරෝධී සිසු ජන ව්‍යාපාරයේ මූලිකත්වයෙන් නුවර සිට කොළඹ දක්වා දිනපහක පාගමනක් සංවිධානය කර තිබේ.


ජූලි 31 සිට අගෝස්තු 04 දක්වා පැවැත්වෙන මෙම විරෝධතා පාගමනට ඉල්ලීම් කිහිපයක් මුල්කරගෙන ඇති බව එම ව්‍යාපාරය වෙනුවෙන් නිවේදනයක් නිකුත් කළ අන්තර් විශ්වවිද්‍යාලයීය ශිෂ්‍ය බලමණ්ඩලය පවසයි.

එ් අනුව විරෝධතා පාගමනේ ප්‍රධාන ඉල්ලීම් මෙසේය.

■ මර්දනය නවතනු, මාළඹේ සයිටම් හොර උපාධි කඩය අහෝසි කරනු.

■ විශ්‍රාම වැටුප් කප්පාදුව නවතනු.

■ රාජ්‍ය ආයතන විකිණීම නවතනු.

■ ශ්‍රම කොල්ලය තීව්‍ර කරන ඉන්දු – ලංකා වෙළඳ ගිවිසුම එපා.

 

මෙම පාගමන හෙට (31) වන දින පේරාදෙණිය විශ්වවිද්‍යාලයෙන් උදෑසන 10. 00ට ආරම්භ කිරීමට සියලු කටයුතු සූදානම් කර ඇති බවත්  එම පාගමනට වෘත්තීය සමිති, කලාකරුවන්, විශ්වවිද්‍යාල හා වෛද්‍යපීඨ ආචාර්යයවරුන්, දේශපාලන පක්ෂ නියෝජිතයන් සම්බන්ධ වීමට නියමිත බවත් සංවිධායකයෝ ප්‍රකාශ කරති.

ඛනිජ තෙල් සේවක වෘත්තීය ක‍්‍රියාමාර්ගයට එරෙහිව ආණ්ඩුව ක‍්‍රියාත්මක කරන මර්දනය සම්බන්ධව ලාංකීය ශිෂ්‍ය ප්‍රජාව වෙනුවෙන් විරෝධය පළ කළ යුතු බව අන්තර් විශ්ව විද්‍යාලයීය හිෂ්‍ය බලමණ්ඩලය පවසයි.

අන්තර් විශ්වවිද්‍යාලයීය ශිෂ්‍ය බල මණ්ඩලය ෙවනුවෙන් එහි මාධ්‍ය එක්කකය අද(26) ජනමාධ්‍ය නිවේදනයක් නිකුත් කරමින් මේ බව ප්‍රකාශ කර ඇත. ඛනිජ තෙල් සේවකයන්ට එරෙහිව ආණ්ඩුව ක‍්‍රියාත්මක කරන මර්දනය සම්බන්ධව අ.වි.ශි.බ.ම.නිකුත් කළ නිවේදනය මෙසේය.


වාරයේ තෙල් ජැටිය චීන සමාගමකට විකිනීම නවතන ලෙස සහ තවත් ඉල්ලීම් කිහිපයක් මුල්කර ගනිමින් ඛණිජ තෙල් සේවකයන් ජුලි 24 වන දින අඛණ්ඩ වැඩවර්ජන ක‍්‍රියාමාර්ගයකට අවතීරණය වේ.එම අඛණ්ඩ වැඩ වර්ජනය අද(26)වන විටත් ක‍්‍රියාත්මක වන අතර එම වෘතීය ක‍්‍රියාමාර්ගය සම්බන්දයෙන් ආණ්ඩුව මර්දනකාරී පියවරයන් අනුගමනය කරමින් සිටී.

  • හම්බන්තොට වාරයේ තෙල් ටැංකි සංකීර්ණය චීන සමාගමකට විකිණීම
  • ත‍්‍රිකුණාමලයේ තෙල් ටැංකි පුද්ගලීකරණය කිරීම
  • සපුගස්කන්ද තෙල් පිරිපහදුව නවීකරණය නොකිරීම

යන කරුණු මුල්කරගෙන මෙම වෘතීය ක‍්‍රියාමාර්ගයට එළඹීමට ඛනිජ තෙල් වෘතීය සමිති එකමුතුව තීරණය කල අතර එම තීරණය ගැනීමට පෙරාතුව රජය සමග සාකච්චා කිහිපයක්ම පැවැත්වූ අතර ඒවා අසාර්ථක වී ඇත.එමෙන්ම අඛණ්ඩ වැඩවර්ජනයට පෙරාතුව උද්ඝෝෂණික ක‍්‍රියාමාර්ග සහ සංකේත වැඩවර්ජන ක‍්‍රියාමාර්ග ගනිමින් ආණ්ඩුවට අනතුරු ඇගවීම් කර තිබිණි. එහෙත් එම කිසිවක් සැලකිල්ලට නොගනිමින් ප‍්‍රශ්නය විසඳීමට කිසිදු උත්සහයක් නොගත් ආණ්ඩුව මෙම වැඩවර්ජන ක‍්‍රියාමාර්ගය හරහා ජනතාවට සිදුවන සියලූම ආකාරයේ පිඩාවන්ට වගකිව යුතුය.

සේවකයන්ගේ ඉල්ලීම් වලට කන් නොදී ගැටලූව උග‍්‍ර වන තෙක් කල්මරමින් සිටි ආණ්ඩුව දැන් එම බලවේග වෙත මර්දනය කැඳවා ඇත.ඉන්ධන සැපයීම අත්‍යවශ්‍ය සේවාවක් බවට ගැසට් නිවේදනයක් නිකුත් කිරීමට කටයුතු කරන අතර වර්ජනයේ නිරත සේවකයන් සේවයෙන් හැර ගියා සේ සලකමින් ඉන්ධන බෙදාහැරීම සඳහා හමුදාව යොදා ගැනීමට ආණ්ඩුව උත්සාහ ගනිමින් සිටී. මේ මොහොත වන විට වෘතීය සමිති නායකයන් ඇතුළු වර්ජනයේ නිරත සේවකයන් කිහිපදෙනෙකු සපුගස්කන්ද පොලිසිය විසින් අත්අඩංගුවට ගෙන තිබේ.
ආණ්ඩුවේ නවලිබරල් ප‍්‍රතිපත්ති ක‍්‍රියාත්මක කිරීමට අභියෝග කළ සෑම බලවේගයකටම එරෙහිව මර්දනය කැඳවීමට ආණ්ඩුව පසුබට වන්නේ නැත. මහින්ද රාජපක්ෂ ආණ්ඩුව තම ප‍්‍රතිපත්ති ක‍්‍රියාත්මක කිරීමට එරෙහිව අරගල කළ බලවේගවලට එරෙහිව දැවැන්ත මර්දනයක් ක‍්‍රියාත්මක කෙරිණි. රතුපස්වල පිරිසිදු පනිය ජලය ඉල්ලා කල අරගලයට මර්දනය කැඳවීම, ඉන්ධන සහනාධාර ඉල්ලා සටන් කල ධිවර උද්ඝෝෂණයට පහරදී ධිවට ඇන්ටනි ඝාතනය කිරීම, කටුනායකදී රොෂේන් චානක ඝාතනය කිරීම මෙන්ම ජනක බණ්ඩාර ඒකනායක,සිසිත ප‍්‍රියංකර යන ශිෂ්‍ය ක‍්‍රියාකාරීන් දෙදෙනා ඝාතනය කිරීමද ඒ සඳහා උදාහරණයි. එම ප‍්‍රජාතන්ත‍්‍ර විරෝධී තත්වය පාවිච්චි කරමින් ජනතාවට ප‍්‍රජාතන්ත‍්‍රවාදය දෙන බවට වේදිකාවල පොරොන්දු වෙමින් බලයට පැමිණුනු රනිල් මෛත‍්‍රී ආණ්ඩුවේද මර්දනිය ප‍්‍රතිපත්තිය වෙනසක් නැත.

සටන් කරන සියලූ බලවේග වෙත එම මර්දනය කිසිදු වෙනසක් නැත.තමන්ගේ ජිවිත කුණු ගොඩවල් වලට යට නොකරන ලෙස පවසමින් තම නිවෙස් අසලට කුණු බැහැර කිරීමට විරෝධය පලකල ජනතාවට ආණ්ඩුවේ ප‍්‍රතිචාරය ඉන්ධන සේවකයන්ට දැක්වූ ප‍්‍රතිචාරයට කිසිදු වෙනසක් නැත.කුණු බැහැර කිරීම අත්‍යවශ්‍ය සේවාවක් බවට සඳහන් ගැසට් නිවේදනයක් ජනපති අත්සනින් නිකුත් කර පසුව ඊට එරෙහිවන ජනතාව මර්දනය කිරීම ආරම්භ කළේය. ඉන්ධන සේවකයන්ගේ අරගලයටද ආණ්ඩුවේ ප‍්‍රතිචාරය ඉන් කිසිදු වෙනසක් නොවිය.
ශිෂ්‍ය ව්‍යාපාරය ඉලක්ක කරගනිමින් ආණ්ඩුව ක‍්‍රියාත්මක කරන මර්දනයට වගේම තම ඉල්ලීම් දිනාගැනීම වෙනුවෙන් අරගල කරන ඕනෑම පාර්ශවයකට එරෙහිව ආණ්ඩුව සිදුකෙරෙන මර්දනයන්ට එරෙහිව අන්තර් විශ්වවිද්‍යාලයිය ශිෂ්‍ය බලමණ්ඩලය කොන්දේසි විරහිතව මැදිහත්වන අතර ඛනිජ තෙල් සේවකයන්ගේ වෘතීය ක‍්‍රියාමාර්ගයට එරෙහිව දියත්කරන මර්දනය නවතා අදාල ගැටළු විසඳීමට වහාම මැදිහත්වන ලෙසට ආණ්ඩුවට අවධාරයන කරන අතර මෙම අත්අඩංගුවට ගැනීම් වලට සහ මර්දනයට එරෙහිව ඉදිරි දිනවල උද්ඝෝෂනික ක‍්‍රියාමාර්ග වලට අවතීර්ණ වීමටද අප සුදානමෙන් සිටින බවද දැනුම් දෙමු.

මාධ්‍ය ඒකකය – අන්තර් විශ්වවිද්‍යාලයිය ශිෂ්‍ය බලමණ්ඩලය

මම මගේ හදවතට තව තවත් පක්ෂපාතී වුනොත් එය පුන පුනා කියන්නෙ නීතිය යනු කිසිවිටකත් හදවතේ තත්වයක් නොවන බවමය. එය කිසි ලෙසකින්වත් එසේ නොවන බව මට ඉඳුරාම පැවැසිය හැක්කේ යුක්ති ගරුක මිනිසා හැම විටම යදින්නෙකු වන නිසාවෙනි.අප තුල ඇති තවමත් කීරී ගැහෙන, නිරාමිස ශක්ති ප්‍රබවය වූ මීලේච්ඡත්වයට එරෙහිව මුහුණ දීම පිණිස නීති ගරුක මිනිසාව නිපදවන ලදී.

 

මිලේච්ඡයෙකු මිනිසෙකු කිරීමට නම්, එනම් වචනයේ පරිසමාප්ත අර්ථයෙන් සමකාලීන මිනිසාව බිහි කර ගැනීමට නම් මීලේඡ්චයාගේ අලුත උපන් දරුවෙකු වහලෙකු කරගත යුතුය.ඒ දරුවාගේ පියාව ඝාතනය කර යුතුය. වහලෙකුට පමණි නීතිය පිලිපැදිය හැක්කේ .

 

ඊට හේතුවක් සොයන්නේ නම් හරිම සරල ලෙස නිරාවරණය වන්නෙ , තම දරුවාව මුල් පියවරුන්ට එරෙහිව පෙළ ගැස්වීමයි. ඉතින් නීතිය තවත් එක් ආකාරයක මිලේච්ඡත්වයක් නොවන්නේ කෙසේද ?

 

ඇත්තෙන්ම තවත් මම මගේ හදවත දෙසටම බර වුවහොත් නීතිය , මිලේච්ඡත්වයේ විසුළුකාරී ස්වරූපයයි.ඊට හේතුව වන්නේ යුක්තිය විනිශ්චය කිරීම තම පරම සත්‍යය කරගත් නිසාවෙනි.

 

මේ දෙස තව දුරටත් සමීප වුවහොත් මිලේඡ්චත්වය තුල නිදහස් ආධ්‍යාත්මයක් පවතින්නේ යැයි කීම අපහසු නොවන්නකි. ඇත්තෙන්ම ඔබට නිදහස ලබන්නට නම් සියලු විනිශ්චකරුවන් මරා දැමිය යුතුය.එහෙත් දිනෙන් දින මොහොතින් මොහොත යුක්තිය පිලිබඳ සටන, එනම් වඩ වඩාත් වහලුන් ලෙස සිටීමට, යදින්නන් ලෙස සිටීම ඇති කැමැත්ත නිසා මිනිසා විඳින සුව පහසුව, එය සැඟවුණු මතකයක් බවට පත් වී තිබේ.මේ දැන් මම එය ඔබට යළි මතක් කලෙමි.

 

නීතිය එසේත් නැතිනම් රාජ්‍යය තුල තිබෙන මිලේච්ඡත්වයේ ආකාරය මම ඔබට මෙලෙස පවසමි. එය මෙසේ ලයිස්තුගත කරමි. සැබවින්ම එය නිදහස් අධ්‍යාත්මයන්ගේ පරිහානිය ද වෙයි.තදින් අල්ලා ගන්න.. මේ පෙල ගස්වන්නේ ඔබේත් මගේත් ඉරණමයි..

 

පොලීසිය 
දණ්ඩ නීතිය 
පංතීය
වානිජ්‍යය 
පවුල 
යුද්ධ
ආක්‍රමණ
පලිගැනීම්

දැන් මේ හැම එකක්ම මිලේච්ඡ නොවන්නේ කෙසේද ? මගෙ හදවත එය ඔබෙන් අසයි. එබැවින් යලි යලිත් මගෙන්ම නැගෙයි.

මේ ඉරණම්කාරී ලයිස්තුවෙ තනි මිලේච්ඡයෙකුට,අනුමත කරන්නට බැරි බොහෝ දේ රාජ්‍ය විසින් ක්‍රියාවට නංවන ආකාරයන්ය. එමෙන්ම තනි මිනිහෙකුට උරුම නොකර මෙය හැම එකෙකුම අතේ බෙදා ඇත . අණ දීම , ඒවා ක්‍රියාත්මක කිරීම , දේශප්‍රේමිත්වය, පක්ෂපාතීත්වය ... ආදී වශයෙන් .. සොඳුරියනි...!! එය මේ තරම් මිලේඡ්ච වන්නේය .. මේ ලයිස්තුව එකිනෙකට බඳවා තබා ගන්නා සදාචාරමය හුයක් ඇත. එයට කියන්නෙ යහ ගුණ කියාය..ඇත්තෙන්ම යහ ගුණ යනු මිනිස් සහජාසයන්ට එරෙහි වත් පිලිවෙත් මිස අවිහිංසක දේ නම් නොවේය..

මේ වෙද්දි ඔබට කිසිම මිනිසෙකුට පහර දිය නොහැක. මිනී මැරිය නොහැක. ඒ අවශ්‍ය වූ ධෛර්ය ඔබ තුල හීන කර ඇත. අසරණ බිය ගුලූ කෙනෙකු බවට පත් කර ඇත. මේ අසරණ බවට හේතුව ඔබෙන් ඔවුන් උදුරා ගත් දෙයක් නිසා නොවේද ?

ඔබෙන් උදුරාගත් සියල්ලම උන් ඔබ වෙත සිය දහස් ගුණයක් පරිමාවෙන්, මහා මාර පරිමාවෙන්, ඔබ වෙතම යලි පෙරළා මුදා හරිමින් ඇත. රාජ්‍යයට , නීතියට හැර මිනීමරන්නට, දඬුවම් දෙන්නට ඇති ස්වර්ණමය අවසර ඇත්තේ වෙන කවරෙකුට ද ? මතක තබා ගන්න ඔවුන් එය නුඹගෙන් උදුරා ගත් දෙයක් මිස අන් කිසිවක් නොවන බව. ඔබගේම වූ දෙයක් ඔබ වෙත අවි අමෝරා ඇත.

ඉතිං මේ ලියැවීම නිසා ඔබ යන්තම්වත් ඩිංගිත්තක් මුහුකුරා ගියේ නම්, අවසාන වශයෙන් මෙසේ පැවැසිය යුතුය.මුහුකුරා ගිය මිනිසාට තම සියල්ලට ඉහලින් අවි ඇත්තේය . රාජ්‍යය කරවන්නේ මේ මුහුකුරා ගිය බාවයයි. හෙතෙම පහර දෙයි. දැන් අප මේ නිසා තව තවත් වන්දි ගෙවනවාද, නැති නම් වඩ වඩාත් මුහුකුරා ගිය මිනිසුන් ලෙස යුද්ධය අරඹනවාද ?

ජනතාව නම් සොඳුරියට මගෙ හදවත පවසන්නෙ එයයි ..!!

ශ්‍රීනාත්  චතුරංග