17
Sun, Dec

ඉකුත් 10වන දා SAITM අහෝසි කරන ලෙස ආණ්ඩුවට බල කරමින් සයිටම් විරෝධී සිසු ජන ව්‍යාපාරය විසින් සංවිධානය කරන ලද සාමකාමී විරෝධතා පා ගමනට එල්ල කරන ලද ම්ලේච්ඡ පොලිස් පහර දීමෙන් තුවාල ලැබූ පෙරටුගාමී සමාජවාදී පක්ෂයේ ප්‍රචාරක ලේකම් දුමින්ද නාගමුව අද(11) දින සැත්කමකට භාජනය කිරීමට නියමිතව ඇත.

රනිල් මෛත්‍රී හවුල් ආණ්ඩුවේ වුවමනාව මත පොලිසිය විසින් ජාත්‍යන්තර අවම නීතීන් පවා උල්ලංගනය කරමින් විරෝධතාකරුවන් ඉලක්කකර සෘජුව කදුළු ගෑස් උණ්ඩ වලින් පහර දීම් හේතුවෙන් බරපතල තුවල සිදුව තිබූ ලේකම්වරයා ඇතුළු 10 දෙනෙකු පමණ කොළඹ ජාතික රෝහල වෙත යොමු කර තිබුණි.

දුමින්ද නාගමුවගේ මුහුණට වැදුණු ගෑස් කැනිස්ටරයක් හේතුවෙන් එම ප්‍රදේශයේ අස්ථි බීදීමක් සිදුව ඇති බවත් ඒ හේතුවෙන් මෙම සැත්කම සිදු කරන බවත් වෛද්‍යවරුන් පවසයි.

අදාළ විරෝධතාවය විසුරුවාහැරීමට බව පවසමින් පොලිසිය විසින් විරෝධතාකරුවන්ට එල්ල කරන ලද කඳුළු ගෑස් බාවිතයට කිසිසේත් සුදුසු නොවන අධික විෂ සහිත කල් ඉකුත් වූ කාණ්ඩයක් බවද හෙළිව තිබුණි. මින් පෙර අවස්ථා ගණනාවකදීම මෙලෙස කල් ඉකුත් වූ කඳුළු ගෑස් වලින් විරෝධතාකරුවන්ට පොලිසිය පහර දී තිබුණි.

පසුගිය 10වන දා පහර දීමට බාවිත කළ කල් ඉකුත් වූ ගෑස් කැනිස්ටරයක්.

"දෙමළ දේශපාලන සිරකරුවන්" නිදහස් කරන ලෙස ඉල්ලා සඳුදා (ඔක් 09) යාපනයේදී යළි විරෝධතාවක් සංවිධානය කර තිබිණි.
ඒ සඳහා යාපනයේ දේශපාලන නායකයෝ, සිවිල් ක්‍රියාධරයෝ හා සිරකරුවන්ගේ ඥාතීහු ද එක්ව සිටියහ.

මේ වන විට අනුරාධපුර බන්ධනාගාරයේ සිටින දෙමළ සිරකරුවන් තිදෙනෙකු තමන් සම්බන්ධයෙන් පවතින නීතිමය කටයුතු කඩිනම් කරන ලෙස ඉල්ලා මාරාන්තික උපවාසයක් ආරම්භ කර තිබේ.

දැනට සති දෙකක පමණ සිට උපවාසයේ යෙදුණ ද තවමත් ඊට බලධාරීන්ගෙන් යහපත් ප්‍රතිචාරයක් ලැබී නොමැති බව ඉරිදා (ඔක් 08) එම සිරකරුවන් මුණ ගැසුණු උතුරු පළාත් සභා මන්ත්‍රී එම්. කේ සිවාජිලිංගම් මාධ්‍යයට පැවසීය.

වව්නියාව අධිකරණයේ විභාග කෙරුණු තම නඩු අනුරාධපුර අධිකරණයට මාරු කිරීමට උත්සාහයක් පවතින බවත් ඊට තමන් විරෝධය පල කරන බවත් උපවාසයේ නිරත සිරකරුවෝ පවසයි.

1971 සහ 1988 - 89 කාල වකවානුවේ ජනතා විමුක්ති පෙරමුණේ සාමාජිකයන්ට පොදු සමාව ලබා දුන්නා සේම මේ වන විට වසර ගණනාවක් අත්අඩංගුවේ පසුවන "දෙමළ දේශපාලන සිරකරුවන්" 160 දෙනාට ද පොදු සමාව දිය යුතු බවත් විරෝධතා කරුවන් පවසයි

අම්පාර උහන මාර්ගයේ අධික වේගයෙන් ගමන්ගත් විමලවීර දිසානායක දිසානායක මන්ත්‍රිවරයාගේ ජීප් රථය අද(29) උදෑසන යතුරුපැදියක ගැටීමෙන් යතුරුපැදිකරු මිය ගොස් තිබේ.

කරන්ගාව නම් ස්ථානයේදී මෙම අනතුර සිදුවනවිට යතුරුපැදිය මෙන්ම අම්පාර දෙසට ගමන්ගත් ජීප් රිය අධික වේගයෙන් ගමන්කර ඇති බව පොලිසිය පවසයි. උහන ප්‍රදේශවාසියකු වන 36 හැවිරිදි යතුරුපැදිකරු මියගිය අතර ඔහුසමග ගමන්ගත් පුද්ගලයකු බරපතල තුවාල සහිතව රෝහල්ගතකර ඇත.

ජ්‍යෙෂ්ඨ ගායන ශිල්පී වික්ටර් රත්නායකයන්ට අපහාස වන අයුරින් නිපදවූ බව කියන ඉරාජ්ගේ අලුත්ම වීඩියෝ රංගනයට දාකය වුණු චරිතය තමයි විල්සන් කරුණාරත්න.
ඔහුට මෙම වීඩියෝවෙන් පස්සේ දැඩි දෝෂාරෝපනයන්ට ලක්වන්නට සිදුවුණා.
කොහොම වුණත් සිංහල සිනමාවේ දුෂ්ඨයාගේ චරිතවලට පණ පෙවූ ඒ කලාකරුවා මේ සිදුවීම ගැන සතිඅන්ත පුවත්පතකට මේ විදිහට කියලා තිබුණා.

ඇත්තටම ඔය වීඩියෝ එක ප‍්‍රචාරය වෙනකම් මම ඔහොම දෙයක් දැනගෙන හිටියේ නැහැ.
ඉරාජ් මාස ගාණක්ම ඕකට නළුවෙක් සොයලා තියෙනවා. ඉරාජ්ම තමයි ගායකයට කියලා තියෙන්නේ අපි මේකට කරු අයියව ගමු කියලා.
මට කතාකළාම එතනට යනකම් මේක ඉරාජ් කරන වීඩියෝ එකක් කියලා මම දැනගෙන හිටියේ නැහැ.
රූගතකිරීම් කරන කොට මමත්මොකද්ද මේ වෙන්නේ කියලා බලාගෙන හිටියා. මම එතකොටත් කිව්වා අර කේස් එකනේ මේ යන්නේ මට නරක නාමයක් ඒවිද දන්නේ නැහැ කියලා.
ඉරාජ් කිව්වා කාගෙවත් නමක් සඳහන් වෙන්නේ නැහැ බය නැතුව කරු අයියා රඟපාන්නකෝ කියලා.,

නැහැ. තවම කතා කළේ නැහැ. මාත් ඉන්නේ කතා කරනකම් ‘මොකද්ද යෝධයෝ උඹ මට මේ කළේ’ කියලා අහන්න.
වුණේ වැරැද්දක් ඒකට මම දැන් කණගාටු වෙනවා.

ඊයේ අලුයම ඇමෙරිකා එක්සත් ඡනපදයේ ලාස් වෙගාස් නගරයේ පැවැති සංගීත සංදර්ශනයට 64 හැවිරිදි ස්ටීවන් පැඩොක් නැමැත්තා එල්ල කල බිහිසුණු වෙඩි ප්‍රහාරයෙන් 52 ක් මියගොස් තවත් 404 ක් තුවාල ලබා ඇත. ඔහු ලාස් වෙගාස්හි පදිංචි ඇමෙරිකානු පුරවැසියෙකි.
සංගීත සංදර්ශනය පැවති ස්ථානයට නුදුරින් ඇති හෝටලයේ 34 වැනි තටටිුවෙි සිට ඔහු මෙම ප්‍රහාරය දියත් කර ඇත. එය මෑත කාලයේ තනි පුද්ගලයෙකු කල බිහිසුනුම ප්‍රහාරය හා ඝාතනය බව එක්සත් ඡනපදය කියයි.
පොලිසිය ඔහු සිටි කාමරයට කඩා වැදී ඔහු මරා දැමිය . කාමරය තුල රයිෆල් 10 ක් පොලිසිය සොයාගෙන ඇත .

හවානා අගනුවර පිහිටි සිය තානාපති කාර්යාලයේ නිලධාරීන් 'ශබ්ද ප්‍රහාර' (sonic attacks) මගින් පීඩාවට පත් වීමෙන් අනතුරුව ඔවුන්ගෙන් වැඩි දෙනෙක් ඉවත් කර ගැනීමට කටයුතු කරන බව එක්සත් ජනපද බලධාරීන් පියවර ගත් බව ඇමෙරිකානු මාධ්‍ය වාර්තා මගින් පැවසෙයි.

'ශබ්ද ප්‍රහාර' (sonic attacks) සම්බන්ධයෙන් ප්‍රතිචාරය පළ කරමින් සිය රාජ්‍ය තාන්ත්‍රික නිලධාරීන්ගෙන් 60%ක් පමණ ඉවත් කර ගන්නා බව නම සඳහන් නොකළ ජ්‍යෙෂ්ඨ නිලධාරියකු කියාසිටි බව එම නිලධාරියා උපුටා දක්වන මාධ්‍ය වාර්තාවන්හි දැක්වෙයි.

ශබ්ද ප්‍රහාරයක් (sonic attacks) යනු යම් ප්‍රදේශයක් හෝ පුද්ගලයන් ඉලක්ක කර ගනිමින් අති ධ්වනි ශබ්ද තරංග (ultrasound)මුදා හරිනු ලැබීමයි.

'ශබ්ද ප්‍රහාර' (sonic attacks) වලට ගොදුරු වූ පුද්ගලයකු මස්තිෂ්කයේ ඇතිවෙන බරපතළ නොවන කම්පන ,කණ ඇසීම පිළිබඳ ගැටළු ,කරකැවිල්ල සහ වමනය වැනි ආබාධ රාශියකට ගොදුරු වීමට ඉඩකඩ ඇත.

ජනාධිපති ඔබාමාගේ ඓතිහාසික කියුබානු සංචාරය

ව්‍යාධීන්ට ගොදුරු වීම හැරුන විට පුද්ගල මරණයකට පවා එවැනි ශබ්ද ප්‍රහාරයක් හේතුවිය හැකි බව විද්‍යාඥයෝ පෙන්වා දෙති.

ඇමෙරිකානු මූලාශ්‍ර මගින් ප්‍රකාශ වෙන ආකාරයට හෝටල් වැනි ස්ථාන වලත් එවැනි ප්‍රහාර වාර්තා වී ඇති හෙයින් කියුබාවේ සංචාරය කිරීමෙන් වළකින මෙන් බලධාරීන් සිය ජනතාවට දැනුම් දී ඇත.

කියුබාවේ දී 'ශබ්ද ප්‍රහාර' (sonic attacks) වලට ගොදුරු වූ ඇමෙරිකානු තානාපති නිලධාරීන් විසි දෙනකු පමණ සෞඛ්‍ය ගැටලුවලට මුහුණ දී සිටිති.

එහෙත් එවැනි ප්‍රහාරයක් සම්බන්ධයෙන් තමන්ගේ කිසිදු සම්බන්ධයක් නොමැති බව කියුබාවේ බලධාරීහු පවසති.

හවානා නගරයේ පිහිටි සිය තානාපති කාර්යාලය වසා දැමිය යුතුද? නැද්ද? යන්න දිගටම සැලකිල්ලට ගනිමින් පවතින බව ඇමෙරිකානු රාජ්‍ය ලේකම් රෙක්ස් ටිලර්සන් (Rex Tillerson ) පසුගිය සතියේ ප්‍රකාශ කර තිබුණි.

කැනඩා ජාතිකයන් දෙදෙනකුත් එවැනි ආබාධවලට ගොදුරු වී ඇතිබව වාර්තා වෙයි.

ට්‍රම්ප් ඔබාමාගේ කියුබානු පිළිවෙතට එකඟ නැත

'අත්‍යවශ්‍ය කාර්ය මණ්ඩලය හැර සෙසු නිලධාරීන් ඔවුන්ගේ පවුල්වල සාමාජිකයන් ද කැටුව හවානා නගරයෙන් පිටවිය යුතු යයි එක්සත් ජනපද බලධාරීන් උපදෙස් දී ඇතැයි නිලධාරීන් උපුටා දක්වන Associated Press මාධ්‍ය ආයතනය වාර්තා කරයි.

එවැනි ප්‍රහාර පිටුපස කියුබානු ආණ්ඩුව නොමැති බවට ජනාධිපති රාවුල් කස්ත්‍රෝ හවානා නගරයේ ඇමෙරිකානු තානාපති කාර්යාලයේ කාර්යභාර ප්‍රධානියාට කලින් පෞද්ගලික සහතික වීමක් සිදු කර තිබුණ බවක් ද වාර්තා වෙයි.

දශක ගණනාවක් රාජ්‍ය තාන්ත්‍රික සබඳතා නොපැවති කියුබාව සහ එක්සත් ජනපදය අතර තානාපති සබඳතා ඇතිකර ගන්නා ලද්දේ බරක් ඔබාමා පාලන සමය තුළයි.

පසුගිය ජුනි මාසයේ ප්‍රකාශයක් කළ ජනාධිපති ඩොනල්ඩ් ට්‍රම්ප් හිටපු ජනාධිපති ඔබාමාගේ කියුබානු පිළිවෙතට පහර දුන් නමුත් හවානා නගරයේ සිය තානාපති කාර්යාලය වසා නොදමන බව කියා සිටියේය.

 

BBC

කල්පිටිය නොරොච්චෝලේ ලක්විජය ගල්අගුරු විදුලි බලාගාරය සඳහා මේ වසරේ පරිසර බලපත්‍රය නිකුත් කර නොමැති බව වයඹ පළාත් පරිසර අධිකාරිය ප්‍රකාශ කරයි.
වයඹ පළාත් පරිසර අධිකාරියේ සහකාර අධ්‍යක්ෂ එස්.කේ.ඒ වන්නිආරච්චි ඒ සම්බන්ධයෙන් පවසන්නේ අධිකරණයේ නඩුවක් විභාග වන බැවින් ඒ පිළිබඳ වැඩි දුර යමක් ප්‍රකාශ කළ නොහැකි බවයි.

වයඹ පළාත් පරිසර අධිකාරියේ සහකාර අධ්‍යක්ෂ එස් .කේ.ඒ. වන්නිආරච්චි, වයඹ පළාත් පරිසර අධිකාරියේ තොරතුරු ලබා දීමේ නිලධාරියා ද වන අතර තොරතුරු දැන ගැනීමේ පනත යටතේ ද ඒ සම්බන්ධයෙන් තොරතුරු ලබා දිය නොහැකි බව දඔහු පවසයි.

කල්පිටිය නොරොච්චෝලේ ලක්විජය ගල්අගුරු විදුලි බලාගාරය නිසා ඒ අවට ප්‍රදේශයේ විශාල පරිසර හානියක් සිදු වන බවට ජනතාව මැසිවිලි නගන්නේ දීර්ඝ කාලයක සිට ය.
බලාගාරය ඉදිකිරීමට පෙර සිටම ප්‍රදේශයේ ජනතාවගෙන් මෙන්ම පරිසරවේදීන්ගෙන් ද ඊට දැඩි විරෝධයක් එල්ල විය.
එහිදී පරිසරවේදීන් මෙන්ම ජනතාව ද පෙන්වා දුන් ප්‍රධාන කරුණක් වූයේ බලාගාරයෙන් ඉවත ලන අපද්‍රව්‍ය බැහැර කෙරෙන ආකාරය ගැටලු සහගත විය හැකි බවය.

අද වන විට අපද්‍රව්‍ය බැහැර කිරීමට අමතරව බලාගාරය ක්‍රියාත්මක කිරීම සඳහා අවශ්‍ය මූලික අමුද්‍රව්‍ය වන ගල් අඟුරු ගබඩා කිරීම හා එහි තත්ත්වය පිළිබදව ද බරපතළ ගැටලු මතුව ඇති බව ඔවුහු පෙන්වා දෙති.
ප්‍රදේශයේ ජනතාවට බරපතළ සෞඛ්‍ය ගැටලු කීපයකට මුහුණ දීමට සිදු වීම ඒ අතර ප්‍රධාන වේ.

බලාගාරය අවට ජිවත් වන ළමුන් පිරිසකට චර්ම රෝග වැළඳී තිබේ.
නොරොච්චෝලේ බලාගාරය ආසන්නයේ උතුරු දෙසින් පිහිටි නිවසේ ජිවත් වන දැරියකගේ දෑත්වල, බලාගාරයට දකුණු දෙසින් පිහිටි නිවසේ ජිවත් වන දැරියකගේ පාද වල ද, බලාගාරයට නැගෙනහිරින් පිහිටි නිවාස දෙකක ජිවත් වන දරුවන් දෙදෙනෙකුගේ පාදයේ හා හිසේ ද එම රෝගී තත්ත්වයන් දැක ගත හැක.

බොහෝ සොයුරන් සිය මතවාදී ස්ථාවර ඉදිරිපත් කළ කරුණක් බවට ,රෝහින්යා සිද්ධිය පත්විය.ඉන් යම් පිරිසක් අහම්භයකින් ජිවිතය ගලවාගත් එක්සත් ජාතින් විසන් රටක් ලබාදෙනතුරැ රදවා සිටි දරැවන් 17ක් ඇතුලු 30 දෙනෙකු ඔවුන් මුස්ලිම් ජාතිකයින් වීම මත හිංසනයට ලක්කිරිම සාධාරණිකරණය කර ඇත.ඊට වඩා බහුතර පිරිසක් එම සිද්ධිය හෙලා දැක ඇත.තවත් පිරිසක් සංවාදය විතන්ඩවාදයකට රැගෙනගොස් ස්වයං නිර්ණය හෝ විශ්ව විද්‍යාල දේශපාලනය වැනි මාතෘකාද ඉදිරියට ගන්නා ලදි..


බිලියන 6000 ක ණය බරක් සහිත,ලොව වැඩිම මත්පැන් පරිභෝජනය කරන,වැඩිම සියදිවි නසාගැනිම් සහිත,අන්තර්ජාලය sex වචනය වැඩිස search කල මේ කේතුමති බෞද්ධ රාජ්‍යය විනාශ කිරිමට පැමිණි දරැවන් 17 දෙනා අවසන් වශයෙන් අමතමි.


හය හතර නොදන්නා නුඹලාට ත්‍රස්තවාදින් වන්නට බල කරන රටක හිද ජිවිතය බේරාගෙන තවත් රටකට ඒමට හැකි විය.නමුත් එම රටේද සුලු පිරිසක් නුඹලාට ත්‍රස්තවාදින් විමට බල කර ඇත.නමුත් දරැවනේ ඒ රටේම සිංහල මුස්ලිම් දෙමල මිනිස්සු 32 දෙදෙනෙකුගේ කුණු කන්දකට යටවුනු මලකදන් මා දුටුවෙමි.එදා මට ඔවුන් සමග සටන් කරද්දි ඔවුන් සියලු දෙනා මිනිසුන් මිස බෙදුනු ජාතිකත්වයන් ලෙස නොසිතුනි.මන්ද දේශසිමාක හිරවුනු එක් ජාතිකත්වයක් වෙනුවෙන් නොව මේ පුංචි ග්‍රහලෝකයේ සැම අස්සක මුල්ලකම සිටින මිනිසුන්ගේ විමුක්තිය වෙනුවෙන් අරගල කල යුතු බවට වු දර්ශනයක් අකුරැ කර ඇති බැවිනි.


කෙසේ නමුත් බුස්ස බන්ධනාගාරයේ සිට හෙටදින නුඹලාව විදෙස් රටකට යවනු ඇත.නුඹලාට දැනුම් තේරැම් ඇති දවසක මේ ලෝකයට වෛර නොකරනු පිනිස ත්‍රස්තවාදින් නොවනු පිනිස එක් කරැණක් අවසන් වශයෙන් සටහන් කර තබමි.


ජනප්‍රිය නොවුනත්,කොතරම් අසිරැ තත්වයන් මත වුවත් නුඹලාගේ ජිවිත වෙනුවෙන් සටන් කල මිනිසුන් පිරිසක්ද ලංකාව නැමැති කේතුමති බෞද්ධ රාජ්‍යයේ සිටින ලදි....

මිරිහාන සංක්‍රමණික රැඳවුම් කඳවුරේ රඳවා සිටින රෝහින්ග්‍යා මුස්ලිම් තරුණියක් දූෂණය කළ බවට චෝදනා එල්ල වූ පොලිස් කොස්තාපල්වරයෙකු රිමාන්ඩ් බන්ධනාගාරගත කරන මෙන් අධිකරණය නියෝග කර තිබේ.
කඳවුරේ සිටින 21 හැවිරිදි දැරියක් අසනීප වී කළුබෝවිල රෝහලට ඇතුළත් කළ අවස්ථාවේ සැකකාර කොස්තාපල්වරයා රෝහලට පැමිණ ඇය රැගෙනගොස් තිබෙන බව පැමිණිලිකාරියගේ නීතිවේදියා වන ෂිරාස් නූර්දීන් ප්‍රකාශ කර ඇත.
නීතිවේදියා පවසන පරිදි ඉන් අනතුරුව සැකකරු එම තරුණිය බොරලැස්ගමුවේ හෝටලයකට රැගෙන ගොස් දූෂණය කර තිබේ.

සැකකරුට ඇප ලබාදීම සම්බන්ධයෙන් ඇය වෙනුවෙන් පෙනී සිටි නීතිවේදී සුනන්ද දේශප්‍රිය විරෝධය පළකිරීමෙන් අනතුරුව ලබන බ්‍රහස්පතින්දා (ජුනි 29) හඳුනා ගැනීමේ පෙරෙට්ටුවකට ඉදිරිපත් කරන තුරු ඔහු රිමාන්ඩ් බන්ධනාගාරගත කරන මෙන් නුගේගොඩ වැඩ බලන මහේස්ත්‍රාත්වරයා නියෝග කළ බව ද නීතිවේදී ෂිරාස් නූර්දීන් පැවසීය.

'කඳවුරේ ආරක්ෂකයෙක්'
සැකකරු මිරිහාන රැඳවුම් කඳවුරේ සේවය කරන පොලිස් නිලධාරියෙකි.
එවැනි පැමිණිල්ලක් ලැබී තිබෙන බව සනාථ කළ පොලිස් ප්‍රකාශක පොලිස් අධිකාරී රුවන් ගුණසේකර, ඒ සම්බන්ධයෙන් පරීක්ෂණ පැවැත්වෙන බවත් සඳහන් කළේය.
නොදැනුවත්ව ශ්‍රී ලංකාවේ මුහුදු තීරයට ඇතුළු වූ රෝහින්ග්‍යා මුස්ලිම් ජාතිකයන් 30 දෙනෙකු පසුගිය අප්‍රේල් 30 වෙනි දින කන්කසන්තුරේ ආසන්න මුහුදේදී ශ්‍රී ලංකා නාවික හමුදාව විසින් අත්අඩංගුවට ගනු ලැබිණ.
කාන්තාවන් හත් දෙනෙකු සහ දරුවන් 16 දෙනෙකු ද ඒ අතර සිටින අතර, ඔවුන් දැන් මිරිහාන සංක්‍රමණික කඳවුරේ රඳවා සිටිති.
කඳවුරේ ආරක්ෂාව භාරව සිටි පොලිස් කොස්තාපල්වරයෙකු විසින් තමන් දූෂණය කළ බවට පැමිණිලි කර තිබෙන්නේ ඒ අතර සිටින එක් තරුණියකි.
වසර පහක් ඉන්දියාවේ දිල්ලි අගනුවර අනාථයන් පිළිබඳ එක්සත් ජාතීන්ගේ (UNHCR) ආයතනයේ රැකවරණ ලබා සිට පසුව තමිල්නාඩුවට පැමිණ තිබෙන මේ කණ්ඩායම ඕස්ට්‍රේලියාව බලා යාමට උත්සාහ කළ අවස්ථාවේ ශ්‍රී ලංකා මුහුදු තීරයට ඇතුළු වී තිබේ.