22
Sun, Oct


කැස්බෑව නව මාර්ගයේ අනතුරුදායක ලෙස යතුරුපැදි ධාවනය කළ යතුරුපැදිකරුවන් 18 දෙනෙකු පිළියන්දල පොලීසිය විසින් අත්අඩංගුවට ගෙන තිබේ.

අද අලුයම(24) මොවුන් අත්අඩංගුවට ගෙන ඇති බව පොලිස් මාධ්‍ය ප්‍රකාශක කාර්යාලය සඳහන් කරයි.

අදාළ යතුරුපැදිවලට අධික ශබ්දය සහිත සයිලන්සර් සවිකර ඇති අතර එම යතුරුපැදිකරුවන් අදාළ මාර්ගයේ යතුරුපැදි ධාවන තරගවල නිරත වී ඇත බව සඳහන්ය.

අත්අඩංගුවටගත් යතුරුපැදිකරුවන් මට්ටක්කුලිය ප්‍රදේශයේ පදිංචිකරුවන් බව පොලීසිය පවසයි.

ඔවුන් කැස්බෑව මහේස්ත්‍රාත් අධිකරණයට ඉදිරිපත් කිරීමට නියමිත අතර පිළියන්දල පොලීසිය වැඩිදුර විමර්ශන සිදුකරයි.

ඉස්‌සර පවුලක දරුවෝ හතර පස්‌ දෙනෙක්‌ ඉන්න එක සාමාන්‍ය දෙයක්‌. දරුවො දහ දොළොස්‌ දෙනෙක්‌ හිටියොත් තමයි ලොකු පවුලක්‌ කියලා කියන්නෙ. ඒත් දැන් පවුලක දරුවො හතර පස්‌ දෙනෙක්‌ හිටියොත් ඒක ලොකු පවුලක්‌ වෙනවා. පුංචි පුවල රත්තරන් කියලා කියපු නිසා දැන් පවුලක දරුවෝ දෙන්නෙකුට වැඩියෙන් හදන්න දෙමාපියන් උනන්දු වන්නේ නැහැ.

 

මේ තත්ත්වය දැන් තවත් අඩුවේගෙන යන්න පටන් අරගෙන තියෙනවා. ඒකට හේතුවෙලා තියෙන්නෙ පුංචි පවුල රත්තරන් කියලා හිතන නිසා නොවෙයි. තමුන්ගේ රූපේ වටිනාකම රත්තරන්වලටත් වඩා වැඩි වටිනාකමක්‌ ඇතිකරගන්න කියලා හිතාගෙන කරන කටයුතු නිසයි. ඇත්තටම තමුන්ගේ රූපේ වටිනාකම කාටවත් මිල කරන්න බැහැ.

 

කාගෙවත් රූපයකට සම කරන්නත් බැහැ. ඒත් වර්තමානයේ තියෙන ජනප්‍රිය රැල්ල නිසා දැන් ඔක්‌කොම කනපිට හැරෙන්න පටන් අරගෙන තියෙන්නේ. සිරුරේ නිරෝගී කමට වඩා පිට පොත්ත ගැන හිතන්න ගිහින් අද ගොඩක්‌ තරුණ තරුණියන් තමන්ගේ නිරෝගීකම නැතිකරගෙන තියෙන්නේ. ඒ හින්දා මේ වනවිට බොහෝ තරුණ තරුණියන් නොදැනීම ඔවුන්ගේ ප්‍රජනන ශක්‌තිය දුර්වලවීමට පටන්ගෙන තිබෙනවා. තවත් සරල කරලා කිව්වොත් වඳ භාවයට පත්වෙලා. ඒකෙ ප්‍රතිපලය වෙන්නේ විවාහ වූ විට ඔවුනට දරුඵල අහිමි වෙන එකයි.

 

කසාද බැඳලා දරුවන් නැතිව ලතැවෙන කොට බොහෝ පිරිමි අය චෝදනා කරන්නෙ බිරිඳට. දරුඵල නැත්තෙ මට නෙමෙයි ඔයාට කියලයි චෝදනා කරන්නෙ. නමුත් මේ වනවිට වෛද්‍යවරු සොයාගෙන තිබෙන තොරතුරුවලට අනුව ගැහැනු අය වගේම පිරිමි අයගෙත් ඉතා ශීඝ්‍රව පුරුෂ ශක්‌තිය දුර්වල වෙන්න පටන් අර ගෙන තියෙනවා. ඒකට බලපාන හේතු අතර තමන්ගේ කාය ශක්‌තිය වර්ධනය කරගන්න කියලා ගනු ලබන ශක්‌තිජනක පාන ප්‍රධාන තැනක්‌ ගන්නවා. මෙම ශක්‌තිජනක පානවල තියනේනේ ශරීර උත්තේජන ද්‍රව්‍යයන්ය. (Anabolic Steroids) ඉන් මාංශ පේෂි වර්ධනය කරනවා. නමුත් මෙම උත්තේජක මගින් සිදුකරන හානිය වන්නේ පිරිමින්ගේ ශුක්‍රාණු නිෂ්පාදනය අඩුකිරීමයි.

 

energy-drinks-8913.-1

 

පිරිමියකුගේ ශුක්‍රාණු නිපදවන්නේ ඔහුගේ වෘෂණ කෝෂ තුළයි. ඒ සඳහා ඔහුගේ FSH (Follicular Stimulating Hormone) සහ LH (Leutanising Hormone) යන හෝමෝනවල උත්තේජනය අවශ්‍යයි.

 

මෙම හෝමෝනවලින් ලබාදෙන උත්තේජනය මගින් වෘෂණ කෝෂවල තියෙන ටෙස්‌ටෙස්‌ටරෝන් නමැති හෝමෝනය උත්තේජනය වී ශුක්‍රාණු නිෂ්පාදනය වෙනවා.

 

ශක්‌තිජනක පානවර්ග බහුලව ගැනීම නිසා සිදුවන්නේ ඒවායේ ඇති උත්තේජන මගින් FSH සහ LH හෝමෝන නිපදවීම අඩුවීමයි.

 

FSH සහ LH හෝමෝන නිෂ්පාදනය සඳහා උත්තේජනය ලබා දෙන්නේ මොළයේ පිටියුටිරි ග්‍රන්ථිය මගිනි. ශක්‌තිජනක පානවලින් ශරීරයට ලැබෙන බාහිර උත්තේජනය මගින් සිදුවන්නේ පිටියුටරි ග්‍රන්ථියෙන් ඇතිකරන උත්තේජනය අඩුවීමයි. එහි ප්‍රතිඵල වන්නේ වෘෂණ කෝෂ මගින් ශුක්‍රාණු නිපදවීම අඩුවීමයි. ඉතිං. අනවශ්‍ය විදිහට කායවර්ධනය කරගන්න ගිහින් අවසානයේදී සිදුවන්නේ වඳ පිරිමියෙක්‌ බවට පත්වීමයි. එනිසා වෛද්‍ය උපදෙස්‌වලින් තොරව මෙවැනි කටයුතුවලට යොමුවීමෙන් වැළකිය යුතුයි.

 

ඒ වගේම තමයි අද ගොඩක්‌ තරුණයෝ අධික ලෙස වෙහෙස වෙනවා. නිදි මරනවා. අධික උෂ්ණත්වයක්‌ සහිත පරිසරවල කටයුතු කරනවා. පරිගණකය ළඟ පැය හත අටක්‌ කාලය ගතකරනවා. එකම තැන වැඩි කාලයක්‌ වාඩිවී සිටීම නිසා ඔවුන්ගේ වෘෂණ කෝෂවලට අධික උෂ්ණත්වයක්‌ ලැබෙනවා. එහි ප්‍රතිපලය වන්නේත් වෘෂණ කෝෂ මගින් ශුක්‍රාණු නිපදවීම අඩපනවීමයි.

 

වෘෂණ කෝෂ ශරීරයෙන් බාහිරව පිහිටා තිබෙන්නේත් ශරීර උෂ්ණත්වයෙන් ආරක්‌ෂා කරගන්නයි. අපගේ ශරීර උෂ්ණත්වය ෆරන්හයිට්‌ අංශක 98.4 ක්‌ වෙනවා. එම උෂ්ණත්වයේදී ශුක්‍රාණු විනාශ වෙනවා. එනිසා නිතරම ශරීර උෂ්ණත්වයට වඩා අඩු උෂ්ණත්වයක වෘෂණ කෝෂ පැවැතිය යුතුයි. එක තැන වැඩි කාලයක්‌ වාඩිවි සිටීම, ෆරන්හයිට්‌ අංශක 100 ක පමණ උෂ්ණත්වයක්‌ ඇති ස්‌ථානවල (බේකරි ආපන ශාලා) රැකියා කිරීම නිසාද ශුක්‍රාණු නිෂ්පාදනය අඩපන වෙනවා.

 

මේ අතර වර්තමානයේ බොහෝ තරුණයන් විවිධ උත්තේජන ගෙන දෙන ඖෂධ පානය කරන්න හුරුවෙලා තියෙනවා. ඉන් ඔවුන් බලාපොරොත්තු වන්නේ මත්වීමක්‌. මෙම ඖෂධ පානයට ඇබ්බැහිවීම නිසා සිදුවන්නේත් ශුක්‍රාණු නිෂ්පාදනය අඩපණවීමයි.

 

WomenSexDrive

 

සාමාන්‍යයෙන් නිරෝගී පිරිමියෙකුගේ වරකට පිටවන ශුක්‍රාණුවල නිරෝගී ශුක්‍රාණු දශ ලක්‌ෂ 60 ක්‌ පමණ තිබිය යුතුයි. එම ශුක්‍රාණු අතරින් එක්‌ ශුක්‍රාණුවක්‌ කාන්තාවකගේ යෝනි මාර්ගය ඔස්‌සේ පිහිනා ගොස්‌ ඩිම්බයක්‌ සමඟ එකතුවී කළලයක්‌ සාදනු ලබනවා. මේ ක්‍රියාවලිය නිසි ලෙස සිදුවෙන්න නම් පිරිමියා නිරෝගීව සිටිය යුතුයි. බාහිර පෙනුම හදාගන්න ගිහින්, අනවශ්‍ය ලෙස වෙහෙසකර ජීවිතයක්‌ ගතකරමින් හෝ විවිධ උත්තේජන අරගෙන තාවකාලික සතුටක්‌ ලබන්න ගිහින් අවසානයේදී සිද්ධවෙන්නේ පුරුෂ ශක්‌තිය නැති පිරිමියෙක්‌ බවට පත්වීමයි. ඉතිං එහෙම වෙනවද කියලා තරුණයින් ටිකක්‌ හිතා බැලිය යුතුයි.

 

මිනිසාගේ පරිණාමයෙන්ම පිරිමියාට ලැබී තිබෙන දායාදයක්‌ තමයි දරුවන් බෝ කිරීම සඳහා අවශ්‍ය ශක්‌තිය හිමිවීම වයස අවුරුදු 70 - 80 පමණ දක්‌වා පිරිමියකුට එම හැකියාව තියෙන්නෙ එනිසයි. ඉතිං පරිණාමයටත් එරෙහිව ගියොත් අවසානයේදී සිදුවන්නේ අපගේ පරම්පරාව හදන්න නළ දරුවන්ගේ පිහිට පතන්න සිදුවීමයි. එතකොට පුංචි පවුල රත්තරන් නෙමෙයි පුංචි පවුල නළ දරුවො නිසා කියලයි කියන්න සිදුවන්නේ.

 

 

ත්‍රෙනිකායික භික්‍ෂූන් වහන්සේලාගේ හැසිරීම හා විනය කරුණු පිළිබඳ විධිවිධාන පනවමින් ථෙරවාදී භික්‍ෂු කතිකාවක්‌ ලියාපදිංචි කිරීම සඳහා වන පනත් කෙටුම්පතක්‌ පාර්ලිමේන්තු ප්‍රතිසංස්‌කරණ හා ජනමාධ්‍ය ඇමැති, ආණ්‌ඩු පක්‍ෂයේ ප්‍රධාන සංවිධායක ගයන්ත කරුණාතිලක විසින් ඊයේ (12දා) පාර්ලිමේන්තුවට ඉදිරිපත් කරන ලදී.

 

මෙම පනත් කෙටුම්පතට අනුව ගුප්ත විද්‍යා කටයුතු හෝ ඊට සමාන කටයුතුවල නියෑළීම හෝ කරගෙන යැම සහ එම කටයුතුවලට ප්‍රචාරය ලබාදීම ද ෙත්‍රෙනිකායික භික්‍ෂූන් වහන්සේලාට දඬුවම් ලබා දිය හැකිය.

 

එමෙන්ම වෙළෙඳ හෝ ව්‍යාපාරික කටයුතුවලට සම්බන්ධ වී කටයුතු කිරීම, රියෑදුරු බලපත්‍රයක්‌ ලබා ගැනීම සහ වාහන පැදවීම භික්‍ෂූන් වහන්සේට කළ නොහැකිය. එමෙන්ම අධ්‍යාපනය, සමාජ සේවා හෝ ආගමික කටයුතු යන ක්‍ෂේත්‍රවල හැර රාජ්‍ය හෝ පෞද්ගලික අංශයේ යම් රැකියාවක නියුක්‌ත වීමට ෙත්‍රෙනිකායික භික්‍ෂූන් වහන්සේලාට හැකියාවක්‌ නොමැත.

 

ප්‍රසිද්ධ ස්‌ථානවල බෞද්ධ භික්‍ෂූන් වහන්සේ නමකට අකැප අයුරින්, භික්‍ෂු විනයට පටහැනි ක්‍රියාවන්හි නියෑළීමද දඬුවම් ලැබිය හැකි වරදකි.

 

එකී වැරදි සඳහා දඬුවමද අදාළ කතිකාවක ඇතුළත් කළ හැකි බව පනත් කෙටුම්පතේ දක්‌වා ඇත.

 

ඒ අනුව ඉහත වරදට ලැබෙන දඬුවම් මෙසේය.

 

වැඩ සිටින විහාරස්‌ථානයෙන් එම භීක්‍ෂූන් වහන්සේ තාවකාලිකව හෝ ස්‌ථීරව ඉවත් කිරීම, විහාරාධිපති ධුරයෙන් තාවකාලිකව හෝ ස්‌ථීරව ඉවත් කිරීම, ශිෂ්‍යභාවයෙන් ඉවත් කිරීම, අදාළ නිකායෙන් හෝ පාර්ශවයෙන් ඉවත් කිරීම සහ භික්‍ෂු ලියාපදිංචිය අවලංගු කිරීම අදාළ වරදට දඬුවම්ය.

 

මෙම පනත් කෙටුම්පතට අනුව එක්‌ එක්‌ ථෙරවාදී භික්‍ෂු නිකායේ හෝ පාර්ශවයේ කාරක සංඝ සභාව විසින් එම නිකායට හෝ පාර්ශවයට අදාළ කතිකාවක්‌ සකස්‌ කර සම්මත කර ගත යුතුය. ඉන් පසු එය එකී නිකායේ හෝ පාර්ශවයේ මහානායක හිමියන් විසින් අත්සන් කළ ප්‍රකාශයක්‌ සමඟ බෞද්ධ කටයුතු කොමසාරිස්‌වරයා වෙත ලියාපදිංචිය සඳහා යොමු කළ යුතුය.

 

බෞද්ධ කටයුතු කොමසාරිස්‌වරයා විසින් එය විශේෂඥ මණ්‌ඩලයත් වෙත ඉදිරිපත් කරනු ලබයි. මෙම විශේෂඥ මණ්‌ඩලය බෞද්ධ භික්‍ෂූන් වහන්සේලා තුන් නමකගෙන්, බෞද්ධ භික්‍ෂූන් වහන්සේට අදාළ විනය රීති පිළිබඳ දැනුම ඇති නීතිඥවරුන් දෙදෙනෙකුගෙන් සමන්විත විය යුතු බවද පනත් කෙටුම්පතේ දක්‌වා තිබේ.

 

විශේෂඥ මණ්‌ඩලයේ සහතිකය ලබා දුන් පසු බෞද්ධ කටයුතු කොමසාරිස්‌වරයා විසින් අදාළ කතිකාවත ලියාපදිංචි කළ යුතුය.

 

ඉන් පසු මෙම කතිකාවතේ විධිවිධාන එකී නිකායට හෝ පාර්ශවයට අයත් සෑම භික්‍ෂූන් වහන්සේ නමකටම අදාළ විය යුතුය. එකී කතිකාවතේ විධිවිධාන එම භික්‍ෂූන් වහන්සේ විසින් දැඩිව පිළිපැදිය යුතු බවද, ඊට අනුකූලව හැසිරිය යුතු බවද පනත් කෙටුම්පතේ සඳහන්ය.

 

මෙම කතිකාවතේ සඳහන් කලින් සඳහන් කළ විධිවිධාන භික්‍ෂූන් වහන්සේ නමක්‌ විසින් උල්ලංඝනය කළොත් අදාළ නිකායේ හෝ පාර්ශවයේ කාරක සංඝ සභාව විසින් පරීක්‍ෂණයක්‌ පැවැත්විය යුතුය. චෝදනා ලත් භික්‍ෂූන් වහන්සේටද කරුණු ඉදිරිපත් කිරීමට අවස්‌ථාව හිමි වේ.

 

චෝදනාවන්ට වරදකරු වන යම් භික්‍ෂූන් වහන්සේ නමකට කාරක සංඝ සභාව විසින් නියම කරන පෙරකී දඬුවම් පිළිපැදීම එම භික්‍ෂූන්වහන්සේ විසින් ප්‍රතික්‍ෂේප කරන්නේ නම් පනත යටතේද එම භික්‍ෂුව වරදකරු කර මහෙස්‌ත්‍රාත්වරයකු හමුවට ඉදිරිපත් කර රුපියල් පනස්‌ දහසකට නොඅඩු දඩයක්‌, හෝ මාස හයකට නොවැඩි සිර දඬුවමක්‌ හෝ එම දඬුවම් දෙකම හෝ ලබා දිය හැකිය.

 

යම් කිසි ලෙසකින් වරදකරුවකු වන භික්‍ෂූන් වහන්සේ නමක්‌ වෙනත් නිකායක්‌ හෝ පාර්ශවයක්‌ විසින් භාර ගැනීම හෝ භික්‍ෂුවක්‌ ලෙස ලියාපදිංචි කිරීම නොකළ යුතු බවද පනත් කෙටුම්පතේ දක්‌වා තිබේ.

 

පනත් කෙටුම්පතේ විධි විධාන ක්‍රියාත්මක කිරීමේදී හෝ එය බලාත්මක කිරීමේදී ෙත්‍රෙනිකායික මහ නාහිමියන්ගේ තීරණය පරිදි භික්‍ෂූන් වහන්සේලාගේ සිවුරේ වර්ණය නියමිතව දැක්‌වීම සඳහා ද බෞද්ධ විෂය ඇමැතිවරයාට නියෝග සැදිය හැකිය.

 

මෙම පනත් කෙටුම්පත ශ්‍යාමෝපාලි මහා නිකාය, ශ්‍රී ලංකා අමරපුර මහා නිකාය සහ ශ්‍රී ලංකා රාමඤ්ඤ මහා නිකාය යන ථෙරවාදී සම්ප්‍රදායට අනුකූල තුන් නිකාය සහ එම නිකායන් යටතේ පිහිටුවන ලද පාර්ශවයන්ට අදාළ වන බවද සඳහන්ය.

 

මෙම පනත් කෙටුම්පතට අදාළ විවාදය ඉදිරි දිනක පැවැත්වීමට නියමිතය.

 

සුදු වෑන් රියකින් පැමිණ මීට වසර දෙකකට පෙර පැහැර ගෙන ගිය සිය සැමියා සොයා දෙන මෙන් ඉල්ලා තරුණ මවක් අනුරාධපුර අධිකරණය ඉදිරිපිට සත්‍යග්‍රහයක නිරත වී තිබේ.

 

තම නිවුන් දරුවන් දෙදෙනා සමග සත්‍යග්‍රහයේ යෙදුණු මයුරි ඉනෝකා ජයසේන කියා සිටියේ සිය සැමියා වන මධුෂ්ක හරිස් ද සිල්වා සොයා දෙන මෙන් පසුගිය ආණ්ඩුව සමයේ ඉල්ලා සිටියත් ඉන් ඵලක් නොවූ බවයි.

 

‘මම කිසි වෙලාවක පිළිගන්නේ නැහැ එයා නෑ කියලා. මම තවත් මගේ මහත්තයා ගෙදරට එනකන් බලා ඉන්නවා’ ඇය පැවසුවාය.

මාධ්‍යවේදී ප්‍රගීත් එක්නැලිගොඩගේ අතුරුදහන් වීම සම්බන්ධයෙන් පරීක්ෂණ නැවත ආරම්භ කළාක් මෙන් තම සැමියාගේ අතුරුදහන් වීම සම්බන්ධයෙන්ද නැවත විමර්ශන ආරම්භ කරන ලෙස ඇය වර්තමාන ආණ්ඩුවෙන් ඉල්ලා සිටියි.

 

‘මගේ මහත්තයට වෙච්ච සිදුවීම ගැන කියන්න ඇසින් දුටු සාක්ෂි කියන්න කට්ටිය ඉදිරිපත් වෙලා ඉන්නවා. ඉහළ බලධාරීන් යටතේ මේක යට ගහනවා කියලා මට තේරෙනවා’ ඇය පැවසුවාය.

 

සිය දරුවන් දෙදෙනා සමග රට පුරා ගොස් උද්ඝෝෂණ පවත්වමින් සිය සැමියා සොයා දෙන ලෙස ඉල්ලා සිටියත් ඒ සම්බන්ධයෙන් කිසිවෙකුත් අවධානය යොමු නොකිරීම පිළිබඳ කනගාටු වන බවත් ඇය සඳහන් කළාය.

 

විජයදාස රාජපක්ෂ බලෙන් අල්ලාගෙන තිබෙන ඉඩම් සහ දේපල පිලිබදව අද මාධ්‍ය සාකච්චාවක් කැඳවමින් ෆීල්ඩ් මාර්ෂල් සරත් ෆොන්සේකා හෙළි කරන ලදී .

 

නීත්‍යානුකුල නොවන සේනාධිපති ගිවිසුම් පිළිබඳවත් විජයදාස රාජපක්ෂ සිදු කල මහා පරිමාණ වංචා පිළිබඳවත් මෙහිදී මාධ්‍ය වෙත කරුණු හෙළිකරන ලදී.

 

හිරු ටී වී ආයතනයේ සලකුණ වැඩසටහන මළකුණ ලෙස හැදුන්වූ සරත් ෆොන්සේකා තමන්ට මඩ ගැසීමට දුමින්දගේ නාලිකාව විජයදාසට අවස්තාව ලබා දුන්නද එකී බොරු වලට පිළිතුරු දීමට තමන් අවස්තාව ඉල්ලු විට ඒ සඳහා කිසිදු අවස්තාවක් ලබා නොදුන් බවත් ඉදිරියේදී දුමින්ද ප්‍රමුඛ මලකුනට පිළිතුරු ලබා දෙන බවත් ප්‍රකාශ කරන ලදී.

 

අප මාධ්‍ය ආයතනය විසින් මහින්ද රාජපක්ෂ කණ්ඩායම ආරක්ෂා කරන්නේ රනිල් වික්‍රමසිංහ විසින් නොවේදැයි ඇසු අවස්තාවෙත් ලලිත් කුගන් ඝාතනය වූ බව මහින්දානන්ද අලුත්ගමගේ පැවසුවත් කිසිදු නීතියක් ක්‍රියාත්මක නොවන්නේත් , මේ සියල්ල පිටු පස ජනාධිපතිවරයාගේ සහ අගමැතිවරයාගේ දේශපාලන අර්බුදය විද්‍යමාන වන බවත් මතු කල විට ෆීල්ඩ් මාර්ෂල් වරයා විසින් ඊට පිළිතුරු ලෙස ලබා දුන්නේ 

ආණ්ඩුව තුල දේශපාලන අර්බුදයක් පවතින බවත් අගමැතිවරයා මහින්ද රාජපක්ෂ ඛණ්ඩායම ආරක්ෂා කරන බව තමන් පිලි නොගන්නා බවයි.

1986 වසරේ දී ෆිෂිලියාගේ මවට තිබූ දැඩි ආර්ථික අපහසුතා නිසා ෆිලීෂියා හදා වඩා ගැනීමට භාර කෙරුණේ ශ්‍රී ලංකාවේ සංචාරය කළ ජර්මන් ජාතික යුවළකටයි.

 

වයස දින 21 ක් වූ ෆිලීෂියා දැරිය නීත්‍යනුකූලව තමන්ගේ භාරයට ගත් ඔවුන් ජර්මනියට ගොස් තම දරුවකු සේ ඇය හදා වඩා ගත් බවයි ඇය පවසන්නේ.

 

මේ වෙනකොට මව් පදවියට පත්වෙලා ඉන්න ෆිලීෂියා දෙදරු මවක්.

 

කොහොමහරි මාරවිල පැත්තේ අවුරුදු 30 කට වැඩි කාලයක් දුරස් වෙලා හිටපු මවක සහ දියණියකෙ යළි හමුවීමේ ඒ පුවත වාර්තාවුණා.

 

ජර්මනියේ වෙසෙන ශ්‍රී ලාංකිකයෙකු ගේ මැදිහත්වීමෙන් ජර්මනියේ සිට පැමිණි ෆිලීෂියා සුජාතා ස්මිත් ට තමා මෙලොවට බිහි කළ මව වන ස්වර්ණලතා මහත්මිය හමුවෙයි.

අවුදුරුදු 30 ක කාලයකට දුරස් වුණු සෙනෙහස අම්මට වගේම දියණියටත් දැනුනේ දෑස් වලට සතුටු කඳුලක් එක්කරමින්.

ඒ අවස්ථාව සංවේදී මොහොතක් වුණා.

 

මෙච්චර කාලයක් තම දියණියව දකින්නට නොලැබීමෙන් තමන් මහත්සේ සිතින් දුක් වින්දා කියලයි ෆිලීෂියා ගේ මව වන ස්වර්ණලතා මාගරට් ප්‍රකාශ කළේ.

 

ෆිලීෂියාගේ පැමිණීමෙන් සහෝදර සහෝදරියන්ගේද හිත් සතුටින් පිරී ඉතිරී ගියා.

 

මේක වාහන දහයක් පාරට දාපු ගමන් වාහන තද බදය වැඩි වෙන රටක්.. එහෙව් රටක නිමල් සිරිපාල ලොක්කයි යහපාලන ආණ්ඩුවයි පුදුමාකාර මෝඩ තීන්දුවක් අරගෙන.

 

 

ජනතාවට හොඳටම කෙලවපු අයවැයක් තමයි මෙවරත් සුපුරුදු ලෙස ඉදිරිපත් කරලා තියෙන්නේ.. කිරි පුස්සයි, පැගිරයි මාරුවෙන් මාරුවට කාලෙන් කාලට මාරු කලාට තේරුමක් වෙන්නේ නැහැ කියන එක නැවත නැවත ඔප්පු කරමින් මහින්ද රාජපක්ෂගේ අය වැයට නොදෙවෙනි අයවැයක් මේ අයියල ඉදිරිපත් කරලා තියෙන්නේ .

 

 

වාහනේක දුම් සහතිකේ ඉඳල බඩගින්නක් ආවම ආප්පයක් කාල ප්ලේන්ටියක් බොන්න තිබ්බ පුලුවන්කමත් මේ අයවැයෙන් කෙලවල තියෙන්නේ. ඒ අස්සේ තමයි වාහන තදබදය අඩුකරන්න මංතීරු පාවිච්චි කරන්න කියන්නේ. 

ප්‍රධාන ප්‍රශ්නේ එහෙම මංතීරු පාවිච්චි කරන්න මංතීරු කොහෙද තියෙන්නේ ? කොහෙවත් නැහැ.. බැංකු කඩනවට ෆුල් ෆේස් හෙල්මට් තහනම් කලා වගේම ආණ්ඩුව ගත්තු ගොන් තීරණයක් මේක..

 

 

මේ මෝඩ නීතියේ ප්‍රධාන ප්‍රශ්නේ එන්නේ බයිසිකල් වල යන අයට. කලින් අපි කිව්ව වගේම වාහන දහයක් එලියට දාපු ගමන් සියලු විශාල වාහන තදබදයක් තිබෙන රටක ඔෆිස් යන වෙලාවල් වලට සහ ඔෆිස් ඇරෙන වෙලාවට වැඩට යන මිනිස්සුන්ට ජීවිතේම එපා වෙනවා. ඒ පීඩාව පාවිච්චි කරලා ආණ්ඩුව කරන්නේ වැලේ වැල් නැතිව කඩා වැටෙන ආර්ථිකේ අහිංසක මිනිස්සුන්ගේ කර පිටින් යවල කීයක් හරි හොයා ගන්න .. ආණ්ඩුවට සල්ලි ඕනි නිසා මොන ගේම ගහල හරි අසික්කිත ලෙස සල්ලි හොයනවා.

 

 

ඉහත කිව්ව වාහන තද බද වෙලාවට බයිසිකල් වල යන අය එහෙන් මෙහෙන් දාල යන එකෙන් එකී තදබදය යම් ප්‍රමාණයකින් හෝ අඩු වෙනවා .. ඇත්තට මහපොළොව ගැන කිසිදු සංවේදී කමක් නැති වීදුරු කාමර වල ඉඳල තීන්දු ගන්න සමහර ලොක්කන්ට මේ ගැන කිසිම තේරුමක් නැහැ නෙවයි.. ඇත්තටම ජනතාව අදාළ නැහැ .. කොහෙන් හරි සල්ලි හොයාගන්නයි උවමනාව.

 

 

යම් විනයක් සහිතව මිනිස්සු පාරේ වාහන ගමන් කරවන්න පුරුදු කරවන එක ඉතාමත් හොඳ එකක් . නමුත් ඊට කලින් මිනිස්සුන්ට කෙලින්නේ නැතුව ඒ සඳහා අවශ්‍ය මාර්ග පහසුකම් සකස් කල යුතුම වෙනවා .

පෙරටුගාමි සමාජවාදී පක්ෂයේ සාමාජිකයින් පිරිසක් විසින් කුමාර් ගුණරත්නම් නිදහස් කරන ලෙස ඉල්ලා ආරම්භ කළ විරෝධතා පාගමනට පොලීසිය ජල ප්‍රහාරයක් එල්ල කර තිබේ.

 

එම පක්ෂයේ දේශපාලන මණ්ඩල සභික කුමාර් ගුණරත්නම් සිරගත කර අදට (19) දින 77ක් වන බැවින් ඔහු වහාම නිදහස් කරන ලෙස හා දේශපාලන අයිතිය ලබාදෙන දී ප්‍රජාතන්ත්‍රවාදය තහවුරු කරන ලෙස බලකරමින් මෙම විරෝධතා පාගමන කොළඹ ටෙක්නිකල් මංසන්දියෙන් ආරම්භ කර ජනාධිපති ලේකම් කාර්යාලය දක්වා ගියේය. ජනාධිපති ලේකම් කාර්යාලය ආසන්නයේ දී පොලිසිය විසින් ජල ප්‍රහාරයක් එල්ල කළේය.

 

පසුව පිරිස ඇමතූ පෙරටුගාමී සමාජවාදී පක්ෂයේ දේශපාලන මණ්ඩල සභික දුමින්ද නාගමුව මහතා පවසා සිටියේ, අයිතීන් ඉල්ලාගෙන එන අයට යහපාලන ආණ්ඩුව සලකන්නේ ජලප්‍රහාර, බැටන් ප්‍රහාර මගින් බවද ප්‍රජාතන්ත්‍රවාදය ස්ථාපිත කරන බව පවසා බලයට පත් වූ ආණ්ඩුව මේ සුළු කාලයට ප්‍රජාතන්ත්‍රවාදය විනාශ කර ඇති බවයි. ආණ්ඩුවේ බලහත්කාරයට යට නොවන බවද මේ රටේ සියලු බලවේග එකතු කරගෙන මෙම සටන මින් ඉදිරියටත් ගෙන යන බව ද වැඩිදුරටත් අවධාරණය කර සිටියේය.

 

මුම්බායේ කලාප 16 ක සෙල්ෆි ගැනීම තහනම් කර ඇති බව බී.බී.සී අඩවිය වාර්තා කරයි. මෙයට හේතු වී ඇත්තේ මුම්බායි නගරය තුළ සෙල්ෆි ගැනීම නිසා සිදු වූ මරණ සංඛ්‍යාව දින දින ඉහළ යාමයි.

 

සෙල්ෆි ගන්නා අතර සිදු වූ මරණවලින් වැඩි ම සංඛ්‍යාව වාර්තා වන්නේ ඉන්දියාවෙන් බව ඇමරිකානු දත්ත සමාගමක් ද පසු ගිය දා පවසා තිබිණි.

 

2014 වර්ෂයේ සිට සෙල්ෆි ගන්නා අතර සිදු වූ මරණ සංඛ්‍යාව 49 ක් වන අතර, ඉන් 19ක් ම සිදු වී ඇත්තේ ඉන්දියාවෙයි.