17
Sun, Dec

ඉදිරි පළාත් පාලන මැතිවරණය එක්‌සත් ජාතික පක්‍ෂය, එක්‌සත් ජනතා නිදහස්‌ සන්ධානය සහ ශ්‍රී ලංකා පොදු ජන පෙරමුණ අතර තුන්කොන් සටනක්‌ බවට පත්වනු ඇතැයි දේශපාලන ආරංචි මාර්ග ප්‍රකාශ කර සිටියේය.
 
 එක්‌සත් ජාතික පක්‍ෂය තවත් පක්‍ෂ කිහිපයක්‌ සමග අලියා ලකුණ යටතේ තරග කිරීමට දැනටමත් තීරණය කර ඇති අතර ශ්‍රී ලංකා නිදහස්‌ පක්‍ෂය ඒකාබද්ධ විපක්‍ෂය සමග පැවැති සාකච්ඡා අසාර්ථක වීම හේතුවෙන් එක්‌සත් ජනතා නිදස්‌ සන්ධානය යටතේ තවත් පක්‍ෂ කිහිපයක්‌ සමග එකතුව තරග කිරීමට පසුගියදා තීරණය කර ඇත.
 
 එමෙන්ම ශ්‍රී ලංකා පොදු ජන පෙරමුණ හා ඒකාබද්ධ විපක්‍ෂය තවත් පක්‍ෂ කිහිපයක්‌ සමග එක්‌ව පොදු සන්ධානයකින් තරග කිරිමට මේ වනවිට තීරණය කර තිබේ. 
 
 මේ නිසා ප්‍රධාන බලවේග තුනක්‌ ලෙස මෙම පක්‍ෂ අතර තියුණු තරගයක්‌ පළාත් පාලන මැතිවරණයේදී ඇතිවනු ඇතැයි වාර්තා වේ.
 
 මේ අතර ආණ්‌ඩුව නියෝaජන කරන එක්‌සත් ජාතික පක්‍ෂය සහ ශ්‍රී ලංකා නිදහස්‌ පක්‍ෂය තනි ලකුණක්‌ යටතේ තරග කළ යුතු බවට ආණ්‌ඩුවේ ප්‍රබලයන් කිහිපදෙනකුගේ මතය වී ඇති අතර මේ පිළිබඳව ඔවුන් සාකච්ඡා කරමින් සිටී.
 
 එහෙත් ශ්‍රී ලනිපයේ බහුතරයකගේ මතය වී ඇත්තේ එජාපය සමග එකතු නොවී එජනිස තනිව තරග කළ යුතු බවයි.

 

වෛද්‍ය නිලධාරි සංගමයේ ඇතැමුන් ආණ්ඩුවේ විසදුම පිළිගන්නා බව කීවත් රජයේ වෛද්‍ය නිලධාරින් එය පිළිගන්නට සූදානම් නැති බව සමස්ත ලංකා රජයේ වෛද්‍ය නිලධාරි සංගමය පවසයි. මුදලට වෛද්‍ය උපාධිය විකුණන සයිටම් ආයතනය සම්බන්ධව ආණ්ඩුව ඉදිරිපත්කළ විසඳුම සම්බන්ධව අදහස් දක්වමින් සමස්ත ලංකා රජයේ වෛද්‍ය නිලධාරින්ගේ සංගමයේ සභාපති වෛද්‍ය ගිෂාන්ත දසනායක මේ බව ප්‍රකාශ කළේය.
සමස්ත ලංකා රජයේ වෛද්‍ය නිලධාරින්ගේ සංගමයේ සභාපතිවරයා කළ ප‍්‍රකාශය කෙටියෙන් මෙසේය.

”අප සංගමය මුල සිටම සිටියේ අධ්‍යාපනය මුදලට අලවි කළ යුතු නැහැ කියන ස්ථාවරයෙ. ඒ විතරක් නෙවෙයි අධ්‍යාපනය වෙළඳ භාණ්ඩයක් බවට පත් කිරීම, නිදහස් අධ්‍යාපනයේ සහ නිදහස් සෞඛ්‍ය සේවයේ විනාශය දක්වා ගෙනයන කි‍්‍රයාමාර්ගයක්. ධනේශ්වර ආණ්ඩුවල නව ලිබරල් ආර්ථික ප‍්‍රතිපත්තියට එරෙහිව අපේ අරගලය පෙළ ගැහෙනවා. ඒ වගේම සියලූ වෛද්‍යපීඨවල ශිෂ්‍යයෝ මාස 10ක් පන්ති වර්ජනය කරමින් විරෝධය පළ කරමින් සිටියා.
වෛද්‍ය පීඨ පීඨාධිපතිවරුන් 8 දෙනා එකතුවෙලා අතරමැදි විසඳුමක් ඉදිරිපත් කළා. ඔවුන් කියන්නේ නැහැ වෙනත් පෞද්ගලික උපාධි ආයතන පටන් ගන්න එපා කියලා. අධ්‍යාපනය වෙළඳ භාණ්ඩයක් බවට පත්කරන්න එපා කියලා. ආණ්ඩුවට ඕන නම් මුදලට අලවි කරන ප‍්‍රමිතිගත ආයතනයක් හදන්න ඉඩ තියෙන යෝජනාවලියක් තමයි ඉදිරිපත් කරලා තියෙන්නේ. ඒක අපේ ස්ථාවරය නොවුනත් මේ සටන අවසානයක් කරන්න ඕන නිසා පාරට බැහැල සිටින වෛද්‍ය ශිෂයන්ගේ නැවත වෛද්‍ය පීඨවලට යවලා වෛද්‍ය අධ්‍යාපනය අඛණ්ඩව පව්වාගතයුතුයි. සීමාවාසික පුහුණුව සඳහා වෛද්‍යවරු සේවයට බඳවාගන්න උවමනායි. විශ‍්‍රාම යන වෛද්‍යවරුන්ගෙ පුරපාඩු පුරවන්න අලූත් වෛද්‍යවරු ඕන නිසා. අපි පීඨාධිපතිවරුන්ගේ කාරනාවට එකඟ වෙනවා. අපේ එකගතාවන් සහ යෝජනා විසඳුම් යෝජනාවලිය ජනාධිපතිවරයාට භාරදුන්නා. ඔහු ඒක භාරගත්තා. අපි බලාගෙන හිටිය මෙක යම්කිසි ආකාරයකට කි‍්‍රයාත්මක වෙයි කියලා. නමුත් ආණ්ඩුව කළේ සයිටම් ආයතනය රකින ආකාරයේ විසදුම් විටින් විට ඉදිරිපත් කිරීම.
ආණ්ඩුව ඉදිරිපත් කරපු හතරවෙනි විසඳුම පසුගිය 29 වෙනිදා ඉදිරිපත් කළේ. උද්ඝෝෂණවලින් ආපු බලපෑම් නිසා සයිටම් ආයතනයට ළමයි ඇතුලත් වෙන එක නතර කරන්න තීරණය වෙලා තියෙනවා. සම්මුඛ පරික්ෂණ පැවැත්වුවාට කව්රුවත් ඉදිරිපත් වෙලා නැහැ. ඉදිරිපත් වුණ අයත් මුදල් ගෙවලා තිබුණේ නැහැ. සයිටම් ආයතනයේ දෛනික මුදල් හුවමාරු වන අවස්ථාවේ ආණ්ඩුව විසදුමකුත් යෝජනා කරලා ගිවිසුමකුත් අත්සන් කරලා. සයිටම් අනුබද්ධ ව්‍යාජ රෝහල අණ්ඩුවට පවර ගන්නවා කියලා බොරු ගිවිසුමක් අත්සන් කරලා. ඒ හරහා වසරකට මිලියන 20 ගාණේ පොම්ප කරන්න පටන් ගත්තා.
දැන් සයිටම් ආයතනය තවත් ප‍්‍රශ්න කිහිපයකට මුහුණ දීලා තිබෙනවා. අලූත් ශිෂ්‍යයන් දැන් එන්නේ නැහැ. ඉන්න ශිෂ්‍යයන්ගේ අධ්‍යයන කටයුතු අවසන් වෙලත් නැහැ. අවසන් කළ අයට පත්වීම් ලැබිලත් නැහැ. එංගලන්තේ, ඕස්ටේ‍්‍රලියාවේ, ආදි රටවල් ගණනාවක සයිටම් උපාධිය පිළිගන්න නැහැ. අසාදු ලේඛනත් ඉදිරිපත් කරලා තියෙන්නේ. ලංකාව ඇතුලේ උපාධි ගත්තත් පිටරටවල්වල ගිහිල්ලා වෛද්‍ය වෘත්තීයේ නියලීම බාධාවක් තිබුණා. ඒ නිසා ඔවුන්ට උවමනා තිබුණා සයිටම් කියන නම ඉවත් කරලා වෙනත් නමක් හදා ගන්න.
සයිටම් නම ඉවත් කරලා තියෙනවා. ඒක වෙන කෙනෙකුට පවරා තියෙනවා. කොටස් දෙකක හවුල්කාරිත්වයත් ගැන කියනවා. මේ ආයතනය, එහි කළමනාකාරිත්වය, සේවකයන්, ශිෂ්‍යයන් සහ එහි ගොඩනැගිලි, භෞතික හා මානව සම්පත් සියල්ල පාවිච්චි කරලා වෙන නමකින් උපාධි හාදාගෙන පිටරට යන්න තමයි මේ සූදානම.
ආණ්ඩුව මේ අලූත් යෝජනාවලිය ඉදිරිපත් කළදාම නුගේගොඩ රජයේ වෛද්‍ය පීඨ ශිෂ්‍ය දෙමාපියන්ගේ සමුළුව තිබුණා. ඒ සමුළුවේ කතා කළ සියලූ දෙනාගේ අදහස වුණේ ආණ්ඩුවේ විසදුම බොරු ලියවිල්ලක් කියලා. ඒ වෙදිකාවෙදී වෛද්‍ය හරිත අලූත්ගේ මෙය ව්‍යාජ ලියවිල්ලක් කියන කාරණයත් මෙය දින නියමයක් නැති ලියවිල්ලක් කියන කාරණයත් මේක අත්සන් කරලා තියෙන්නෙ රජයේ ප‍්‍රවෘත්ති දෙපාර්තමේන්තුවේ අධ්‍යක්ෂවරයා කියන කාරණයත් යන කරුණු අනුව, මෙය භාරගන්න බැරි බවත් මෙහි අභ්‍යන්තරික හරයාත්මක කිසිදු දෙයක් නැති බවත් ප‍්‍රකාශ කළා.
රජයේ වෛද්‍ය නිලධාරීන්ගේ සංගමය ඊට පසුවදා මාධ්‍ය හමුවකදී ප‍්‍රකාශ කළා. මේ ලියවිල්ල රජයේ ප‍්‍රවෘත්ති දෙපාර්තමේන්තුවේ අධ්‍යක්ෂ ජනරාල් නීතිඥ සුදර්ශන ගුණවර්ධන අත්සන් කළ ලියවිල්ල අගය කළයුතු ලියවිල්ලක් ලෙස හුවා දක්වන්න උත්සාහ කළා. එහි තිබෙන කරුණු තුනක් සම්බන්ධව ඔවුන් කරුණු දක්වලා තියෙනවා. මේ සටන දෙකට බෙදිලා නැහැ. ඔවුන් මේ සටනේ් ඉවත්වෙලා නැහැ. අපිත් එක්ක සටන් බිමේ ඉන්නවා. ඒ වුණත් ඔවුන්ගේ සමහර නිලධාරීන්ගේ පැත්තෙන් ප‍්‍රකාශ වෙනවා ආණ්ඩුවේ යෝජනා සාධනීයයි සහ පිළිගැනීමට පුළුවන් කරුණු තිබෙනවා කියන කාරණය. ඒ වගේම නෙවිල් ප‍්‍රනාන්දු, වෛද්‍යනිලධාරීන්ගේ සංගමය බුද්ධිමත් තීරණයක් අරන් කියලා මුරුංගා අත්තේ තියමින් අගය කරලා තිබුණා. එකක්, වෛද්‍ය නිලධාරීන්ගේ සංගමය මේක අගය කිරීම බොළඳ කි‍්‍රයාවක් විදිහට අපි දකිනවා. ඔවුන් ඇගයීමට ලක්කරපු කාරණා තුනම සාධනීය නැහැ.
සයිටම් හිතවාදින්ගේ අඛණ්ඩ බලපෑමට යටත් නොවි සයිටම් අහෝසි කිරීම ගත් තිරීණය බෙහෙවින් අගය කළයුතුයි කියලා තිබුණා. නමුත් අපි කියනවා, මේකෙන් සයිටම් අහෝසි වෙන්නේ නැහැ. ඒ නිසා සාධනීය නැහැ. නෙවිල් ප‍්‍රනාදුන්ගේ හිමිකාරිත්වය අහෝසි කිරීම ප‍්‍රශංසනීයයි කියලා තිබුණා. අපි කාටවත් නෙවිල් ප‍්‍රනාන්දුගෙ බිස්නස් එක්කත් එක්ක ප‍්‍රශ්නය තිබුනේ නැහැ. මේක නෙවිල් ප‍්‍රනාන්දු කළත් විශ්වවිද්‍යාල කොමිසමේ ඉන්න මොහාන් ද සිල්වා කළත් දෙකම එකයි. අපිට ප‍්‍රශ්නයක් වුනේ වෛද්‍ය උපාධිය මුදලට අලවි කරන එකයි.
මේ ආයතනය දැන් කොටස් දෙකට බෙදලා කොටසක් ‘ස්ලිට්’ එකට දෙනවා අනෙක් කොටස හිමාලි ජයසිංහට දෙනවා. ඇය ඒ පවුලෙම කෙනෙක් නෙවිල් ප‍්‍රනාන්දු මහත්තයාගේ ලේලියක්. සයිටම් වෙනුවට හදන අලූත් ආයතනය තුළ රෝහලක් ඕන නැහැ. ඔවුන්ට සායනික පුහුණුව ලබා දෙන්නේ ආණ්ඩුවේ ඉස්පිරිතාලේ. අවම ප‍්‍රමිතිය ගැන සතුටු වුණා. අවම ප‍්‍රමිතියත් නීතිගත කරනවා කියලා. අවම ප‍්‍රමිතිය කොන්දෙසිවලින් තොරව පවත්වාගෙන යාමට තමයි මේ කොන්දෙසිය හදල තියෙන්නේ. අලූත් තත්වය කියන්නේ ආණ්ඩුවේ රෝහල්වල පුහුණුව ලබන එක. අවම ප‍්‍රමිතිය නීති ගත කළාට පස්සේ සාධනීය වෙන්නෙ නැහැ. නමුත් අවම ප‍්‍රමිතිය නීතිගත කළාම ඒක සාධනීය වෙන්නෙ නැහැ. අවම ප‍්‍රමිතියේ දි කියනවා පෞද්ගලික විශ්වවිද්‍යාලයක් ඕන නම් තමන්ට නිසිපරිදි සකස්කර ගත්ත ශික්ෂණ රෝහලක් තිබිය යුතුයි. රෝගීන් 700ට ඇඳන් තියෙන්න ඕන. මේකෙන් යොජනා කරන්නේ ආණ්ඩුවේ රෝහලේ පුහුණුව ලබාදෙන්න. දැනටත් මිලියන 20 ගාණෙ දෙනවා. ආණ්ඩුවේ වියදමෙන් රෝගින් පරික්ෂා කරන්න දීලා. රජයේ පහසුකම් දීලා. ඒ ආයතනයෙන් මුදල් ගන්නවා. ඊට පස්සේ කියනවා මුදල් ගන්නේ නැහැලූ. දැන් ලාභ ලබන්නේ නැහැලූ. හිමිවන ලාභය ආයතනය පුළුල් කිරීමට යොදා ගන්නවා කියලා සෞඛ්‍ය ඇමැති රාජිත මාධ්‍ය හමුවකදි කියලා තිබුණා. පාලකයෝ ආලවට්ටම් වචන පාවිච්චි කරනවා. ඒවට රැුවටිලා රජයේ වෛද්‍ය නිලධාරීන්ගේ සංගමයට සාධනීයයි කියලා පිළිගන්න පුළුන් කමක් නැහැ. ඔය වගේ සංකල්ප කොච්චර පාවිච්චි කළාද? ලංකාවේ ආශ්චර්ය කරනවා කිව්වා. කළාද? යහපාලනය කිව්වා. කලාද?
යම් හෝ සාධනීයයි කියලා පිළිඅරගෙන තියෙන්නේ රජයේ වෛද්‍ය නිලධාරින්ගේ සංගමය, නමුත් ඒක සමස්ථ වෛද්‍යවරුන්ගේ පිළිගැනීම නෙවෙයි, නිලධාරි සංගමෙයේ පහළ වෛද්‍යවරුන්ගේ පිළිගැනීම නෙවෙයි. වෛද්‍යවරුන්ගේ මතය සයිටම් අහෝසි වෙන්න ඕන. එහෙම කියලා ඒකම වෙන නමකින් පැවැතීම නෙවෙයි. වෙනකෙනෙකුට පැවරීමත් නෙවෙයි. සයිටම් විරෝධි අරගලය බෙදෙන්නෙ නැහැ.”
සමස්ථ ලංකා රජයේ වෛද්‍ය නිලධාරින්ගේ සංගමයේ ප‍්‍රධාන ලේකම්, වෛද්‍ය ධම්මික පතිරන, අදහස් දක්වමින්, උප ලේකම් ජයන්ත රාජපක්ෂ, භාණ්ඩාගාරික වෛද්‍ය කෞෂල්‍ය රාජපක්ෂ එම අවස්ථාවට සහභාගි වූහ.

උතුරේ ද්‍රවිඩ අරගලය විසඳීම සඳහා ඩයස්‌පෝරාවේ සහ තමිල්නාඩුවේ සහාය ලබාගෙන කටයුතු කළ යුතු බව උතුරු මහ ඇමැති සී. විග්නේෂ්වරන් මහතා යාපනයේදී ප්‍රකාශ කර ඇත.

එසේම උතුරු නැගෙනහිර උඩරට කඳුකරය සහ දකුණේ ද්‍රවිඩ ජනතාව එකට එක්‌වී ක්‍රියා කළ යුතු යෑයි ද ඔහු දක්‌වා තිබේ.

මේ හැර ද්‍රවිඩ ජනතාවට සහය දක්‌වන සිංහල ජනතාවගේ සහාය ද අනිවාර්යයෙන්ම අවශ්‍ය බව හෙතෙම ප්‍රකාශ කර ඇත.

සිංහල බෞද්ධ අන්තවාදීන් ඉතිහාසය ද විකෘති කර ඇතැයි පවසන උතුරු මහ ඇමැතිවරයා ද්‍රවිඩ ජනතාවගේ අරගලය දියත් කළ යුත්තේ නිවැරදි මාර්ගයේ බව ද සඳහන් කර තිබේ.

හම්බන්තොට වරායේ මෙහෙයුම් කටයුතු ලබන මාසයේදී චීන සමාගම් විසින් ආරම්භ කරන බව අග්‍රාමාත්‍ය රනිල් වික්‍රමසිංහ මහතා පවසයි.

ඒ තුළින් ලැබෙන මුදල් වලින් රටේ ණය බරින් නිදහස් වීම සඳහා කොටස් වශයෙන් ණය ගෙවීමට බලාපොරොත්තු වන බවද අග්‍රාමාත්‍යවරයා කියා සිටියේය.

එමෙන්ම වරායේ සංවර්ධන කටයුතුවලට සමගාමීව කර්මාන්තශාලා ඇති කිරීම සඳහාද හම්බන්තොට ප්‍රදේශයේ තවත් ඉඩම් චීනයට බදු පදනම යටතේ ලබා දීමට සිදු වන බව අග්‍රාමාත්‍යවරයා මෙහිදී වැඩිදුරටත් පැවසීය.

හම්බන්තොට චීන මිත්‍රත්ව කාර්යාලය විවෘත කිරීමේ අවස්ථාවට එක්වෙමින් අග්‍රාමාත්‍යවරයා මේ බව ප්‍රකාශ කර තිබේ.

දිවයිනේ සියලු රජයේ ඖෂධවේදීන් අද (01 දා) උදෑසන 8 සිට හෙට (02 දා) උදෑසන 8.00 දක්‌වා දීපව්‍යාප්ත එක්‌ දින සංකේත වැඩවර්ජනයක්‌ ක්‍රියාත්මක කිරීමට තීරණය කර ඇතැයි රජයේ ඖෂධවේදීන්ගේ සංගමය පවසයි.

කොළඹ පශ්චාත් වෛද්‍ය උපාධි ආයතනයේ පවත්වාගෙන ගිය සායනික ඖෂධ විද්‍යාව හා චිකිත්සාව පිළිබඳ පශ්චාත් උපාධි පාඨමාලාව කිසිදු හේතුවක්‌ නොමැතිව නතර කර දැමීමට එරෙහිව මෙම වර්ජනය ක්‍රියාත්මක කරන බව ඖෂධවේදීන්ගේ සංගමයේ සභාපති අජිත් පී. තිලකරත්න මහතා 'දිවයින' ට පැවසීය.

අද පැවැත්වෙන දීපව්‍යාප්ත ඖෂධවේදීන්ගේ වර්ජනය හේතුවෙන් රජයේ රෝහල්වල බාහිර රෝගී අංශ සායනවලින් රෝගීන්ට බෙහෙත් නිකුත් කිරීමේ කටයුතු හා රෝහල් තුළ වාට්‌ටුවල බෙහෙත් නිකුත් කිරීම සම්පූර්ණයෙන් ඇනහිටින බව හෙතෙම අවධාරණය කළේය.

කෙසේ වුවද රෝහල් තුළ අත්‍යාවශ්‍ය හා හදිසි ප්‍රතිකාර සඳහා අවශ්‍ය බෙහෙත් නිකුත් කිරීම සාමාන්‍ය පරිදි සිදුකෙරෙන බව තිලකරත්න මහතා සඳහන් කළේය.

රජයේ වෛද්‍ය නිලධාරීන්ගේ සංගමය දිගින් දිගටම නිදහස්‌ අධ්‍යාපනය හා ගුණාත්මක සෞඛ්‍ය සේවාවක්‌ පිළිබඳව කතා කරමින් ඖෂධවේදීන්ගේ අධ්‍යාපනයට හා ඒ හරහා ගුණාත්මක සෞඛ්‍ය සේවාවක්‌ රෝගීන්ට ලබාදීමට ඇති අවස්‌ථාව මඟඅහුරමින් සිටින බවට ඔහු චෝදනා කළේය.

මෙම වැඩවර්ජනය සඳහා මානුෂීය හේතූන් මත දිවයින පුරා ඇති ළමා රෝහල්, මාතෘ රෝහල්, පිළිකා රෝහල් හා මානසික රෝහල්වල ඖෂධවේදීන් සහභාගි නොවන බව රජයේ ඖෂධවේදීන්ගේ සංගමය පවසයි.

මේ පුංචි දුපත බෙදා වෙන් කිරීමක් ව්‍යස්ථා සම්පාදන කටයුතු වලින් සිදු නොවන බවත් මෙතෙක් රටේ තීරණාත්මක දේශපාලන මොහොතවල් වල රටට අවශ්‍ය ය බව බොහෝ දෙනෙක් ඉල්ලා සිටි ව්‍යවස්ථාමය වෙනස සිදු වන බව ඊයේ පාර්ලිමේන්තුවේදී රාජ්‍යය මුදල් අමාත්‍ය ඉරාන් වික්‍රමරත්න ඊයේ, 31 පාර්ලිමේන්තුවේදී ප්‍රකාශ කරන ලදී.

ඒකීය බව නැති වෙන බවත් රට බෙදී වෙන් වන බව ඇතැමෙක් බොරු බියක් ඇති කිරීමට උත්සහා කලද රටවල් බෙදා වෙන් කිරීම ට අවශ්‍යය අය කෙතරම් සිටිය හැකි මුත් මෙකී ව්‍යවස්ථාවෙන් රටට් හිතකර යෝජනා රැසකින් සමන්විත බවද ඇමති වරයා ප්‍රකාශ කරන ලදී.

විධායක ජනාධිපතිධුරය අවසන් කිරීමේ සිට මුදල් විනාශකරන මනාප ක්‍රමය අවසන් වන, කැබිනට් අමාත්‍යධුර අඩු කරන රටට හිතකර ව්‍යවස්ථා වෙනසක් බවද ප්‍රකාශ කරන ලදී.

ඉදිරි පළාත් පාලන මැතිවරනයට පෙර හදිසි කැබිනට් සංශෝධනයක් සිදු කිරීමට සූදානමක් ඇතැයි වාර්තා වෙයි.

ඒත් සමගම රජයේ ඉහළම තනතුරු කිහිපයක්ද වෙනස් වනු ඇති බව සදහන්ය.

ජනාධිපතිවරයා විසින් මෙම තීන්දුව ගෙන ඇත්තේ බැඳුම්කර කොමිසම හමුවේ හෙලිව ඇති කරුණු හා රට තුල ආර්ථිකයේ ඇතිව තිබෙන ගැටලුකාරී තත්වය සලකා බලමිනි.

එක්සත් ජාතික පක්‍ෂයටද මේ සම්බන්යෙධයෙන් දන්වා ඇති බව එකී ආරංිචා මාර්ග වැඩි දුරටත් කියා සිටී.

සයිටම් ආයතනය සම්බන්ධයෙන් වන රජයේ නවතම විසඳුම් යෝජනාවලිය ද පිළිගත නොහැකි බව වෛද්‍ය පීඨ ආචාර්යවරුන්ගේ සමිති සම්මේලනය පවසයි.
 
 වෛද්‍ය අධ්‍යාපනය ලබාදීමේ නිරත වී නොසිටින්නා වූ ලාභ අරමුණු කර නොගත් උසස්‌ අධ්‍යාපන සේවාදායකයන්ට මෙම ආයතනය භාරගැනීමට. ආරාධනා කිරීම ඉතා විනාශකාරී සහ භයානක ප්‍රතිඵල ගෙන ඒමට හැකියාවක්‌ ඇති ක්‍රීඩාවක්‌ යෑයි ද එම සම්මේලනය අවධාරණය කරයි.
 
 රජයේ යෝජනා අනුව අවශ්‍ය කරන ප්‍රමිතීන් සපුරන ලාභ අරමුණු කර නොගත් ආයතනයක්‌ ස්‌ථාපිත කිරීම හා සයිටම් ආයතනයේ වත්කම්, වගකීම්, කාර්ය මණ්‌ඩලය හා ශිෂ්‍යයන් එම ආයතනයට පැවරීම ප්‍රායෝගික හා නීතිමය ලෙස යෝග්‍ය නොවන බව ද ප්‍රකාශ කරන සම්මේලනය සකස්‌ කෙරෙන නව ව්‍යqහය සියලු පාර්ශ්වයන්ට පිළිගත හැකි විය යුතු යෑයි ද නීතිමය වශයෙන් පමණක්‌ පිළිගත හැකිවීම ප්‍රමාණවත් නොවන්නේ යෑයි ද පවසයි.
 
 මෙම ගැටලුවට විසඳුම් වශයෙන් පිහිටුවිය හැකි එකම අර්ථවත් ඒකකය ශ්‍රී ලංකා වෛද්‍ය සභාව හා විශ්වවිද්‍යාල ප්‍රතිපාදන කොමිෂන් සභාව යටතේ ක්‍රියාත්මක වන අතුරු ස්‌වාධීන අධිකාරි මණ්‌ඩලයක්‌ පමණක්‌ බවත් සම්මේලනය සඳහන් කරයි.
 
 රජයේ විසඳුම් යෝජනාවලිය මූලික වශයෙන්ම දෝෂ සහගත බව ද හොඳම විසඳුම වෛද්‍ය පීඨ ආචාර්යවරුන්ගේ සමිති සම්මේලනය ලෙස මේ වන විට වෛද්‍ය පීඨ පීඨාධිපතිවරුන් මගින් ඉදිරිපත් කර ඇති සාධාරණ විසඳුම් මාලාව හැකි ඉක්‌මනින් ක්‍රියාවට නැංවීම යෑයි ද එම සම්මේලනය තවදුරටත් සඳහන් කරයි.

රා ටිකක් පෙරාගෙන බීම එදා සිට ලංකාවේ ගැමි ජීවිත තුල අනිවාර්යකි. එය වෙළඳාමක් බවට පත් වුයේ සුළු වශයෙනි. දැන් ආණ්ඩුව රා සඳහා බලපත්‍රයක් නිකුත් කර ඇත,

පොල් හා තල්ගස්වලින් රා මැදීම සඳහා මින් මතුවට බලපත්‍රයක් ලබා ගැනීමට අමාත්‍ය මණ්ඩල අනුමැතිය හිමි වී තිබේ.
ඒ අනුව සුරාබදු ආඥා පනතේ 15 වන වගන්තිය සංශෝධනය සඳහා අවසර හිමිව ඇත.

පොල් හා තල්ගස්වලින් රා මැදීමට හෝ රා බෑමට සුරාබදු දෙපාර්තමේන්තුවෙන් හෝ අදාළ ප්‍රාදේශීය ලේකම් කාර්යාලයෙන් බලපත්‍රයක් ලබා ගැනීම අනිවාර්ය කර තිබේ.
එහෙත් කිතුල් ගස්වලින් රා මැදීම සඳහා බලපත්‍රයක් ලබා ගැනීම අවශ්‍ය නොවන බව මුදල් හා ජනමාධ්‍ය අමාත්‍යාංශය නිවේදනයක් නිකුත් කරමින් පවසයි.

සුරාබදු ආඥා පනත යටතේ රා මැදීම සඳහා බලපත්‍ර ලබා ගැනීම මීට පෙර අනිවාර්ය කර තිබු නමුදු රා මැදීම සඳහා බලපත්‍ර ලබා ගැනීමේ අවශ්‍යතාවයක් නොවන පරිදි 2013 වසරේදී මෙම පනත සංශෝධනය කර තිබේ.

මේ හේතුවෙන් මධ්‍යසාර නිපදවීම සඳහා ස්කාගාර වෙත ලැබෙන රා ප්‍රමාණය පිළිබඳ ගණනය කර බැලීමට සුරාබදු දෙපාර්තමේන්තුව සතුව ක්‍රමවේදයක් නොතිබුණ බවත් එහි ප්‍රතිඵලයක් ලෙස ලංකාවේ පවත්නා ස්කාගාර හරහා ලැබිය යුතු සුරාබදු ආදායම පිළිබඳව නිශ්චිතව අධීක්ෂණය කිරීමේ ක්‍රමවේදයක් නොතිබු හෙයින් රජයට ලැබිය යුතු සුරාබදු ආදායම නිසිලෙස තහවුරු කර ගැනීමට අපහසු විය.