22
Sun, Oct

අද වනවිට පාසල් වයසේ පසුවෙන්නන්ද අසභ්‍ය දර්ශන ලගතබා ගැනීම සාමාණ්‍ය සිදුවිමක් වි තිබේ, පරිඝණකයේ , සීඩි පිටපත් , පෙන් ඩ්‍රයිව් තුල GB ගානේ සිට TB ගනන් දක්වා අසභ්‍ය දර්ශන නැතහොත් ( Porn .. ඔව් ඔව් වැලහතමා ලඟ තබාගන්නා පිරිස සුලභයි. අනෙක් රටවල් තුලදී (Legal Porn) නීති ගත වු අසභ්‍ය දර්ශන සහ එවා ලඟ තබාගැනීමට අවසර ලැබී ඇතත් ලංකාව තුලදි එයට ලැබි ඇති නීතිමය පසුබිම පිලිබද ඔබ දැනුවත්ව සිටිය යුතුයි .

අසභ්‍ය දර්ශන හා නීතිය පිලිබද මුලික කරුණු කිපයක් වේ. එනම්

1.අසභ්‍ය දර්ශන ලගතබා ගැනීම සදහා දැනට පවතින නීතිය

2.අත්අඩංගුවට ගැනිම් , සොදිසි කිරීම සහ වරෙන්තු නිකුත් කිරිම

3.ලමා අසභ්‍ය දර්ශන (Child Porn) ලගතබා ගැනිම

4.පෞද්ගලික අසභ්‍ය දර්ශන සොරකම් කර අන්තර්ජාලයට මුදා හැරිම

5.අසභ්‍ය දර්ශන වලට පෙනි සිටිම සහ රුගත කිරිම (බාලවයස් කාර / වැඩිහිටි)

6.සිරභාරයට ගැනිම් / දඩ ගෙවිම් සහ දේපල රාජසන්තක කිරිම

7.සැලකිලිමත් විය කරුණු සහ FAQ (නිතර ඇසෙන ප්‍රශ්න)

(1) අසභ්‍ය දර්ශන ලගතබා ගැනිම සදහා වන දැනට පවතින නීතිය

ලාංකිය අසභ්‍ය දර්ශන පිටපත් පිලිබදව 2009 කොළඹ අළුත්කඩේ හිටපු ප්‍රධාන මහේස්ත්‍රාත් නිශාන්ත හපුආරච්චි මහතා විසින් ලබාදුන් නඩු තීන්දුවකින් පසුව ලාංකිය දර්ශන අඩංගු වෙබ් අඩවි 12ක් පමණ වාරණය වුනි. එමනිසා බොහො දෙනා අතර කතාවට ලක්වුයේ ලාංකිය දර්ශන පමනක් නීතිවිරෝධි බවයි. එහෙත් දණ්ඩ නීති සංග්‍රහයේ 285 සහ 286 වගන්තිවල සදහන් වන අන්දමටහ් ඔබට කිසිම අසභ්‍ය දර්ශනයක් ලග තබාගැනිමට නීතියෙන් අවස්ථාවක් නොමැත. ඔව්.. ඔබ කිනම් වයස් කාන්ඩයක වුවත් කිනම් තරාතිරමක පුද්ගලයෙක් වුවත් ඔබට අසභ්‍ය දර්ශන ලග තබාගත නොහැක. එය දන්ඩ නිති සංග්‍රහයට අනුව නිති විරොධි ක්‍රියාවකි. අසභ්‍ය දර්ශන ලග තබාගෙන අත්අඩංගුවට පත්වූ අවස්ථා එදිනෙදා ජිවිතයේදි නිතර ඇසෙන්නට නොලැබුනත් මෙය නිහඩව ක්‍රියාත්මක වන දැඩි නිතියකි. මෙහිදි ඔබ වැරදි කාරයෙකු වුවහොත් සිරගත කිරිම්(මෙය පිලිබද ලිපියේ විස්තරාතමකව කතා කිරිමට බලාපොරොත්තු වේ) හො දඩ ගෙවිම් හා දේපල රාජසන්තක කිරිම් වලට ලක්විය හැක.

(2) අත්අඩංගුවට ගැනිම් , සොදිසි කිරිම සහ වරෙන්තු නිකුත් කිරිම

1.හොඩුවාවක් මගින් අත්අඩංගුවට ගැනිම්

අසභ්‍ය දර්ශන අඩංගු නිශ්චිත ස්ථානයක පරිඝණකයක , දෘඩාංගයක , සිඩි-ඩිවිඩි පතක් පිළිබදව හෝඩුවාවක් මත පොලිසියට වරෙන්තුවක් නොමැතිව එබ භාන්ඩද , පුද්ගලයාවද අත්අඩංගුවට ගැනීමට අවසර ඇත. ඔනැම අයෙකුට පොලිස් හදිසි ඇමතුම් අංශයට 119 හෝ ආසන්නම පොලිස් ස්ථානටය අසභ්‍ය දර්ශන ලග තබාගන්නා පුද්ගලයෙක් හෝ පරිඝණකයක් , සිඩි / ඩිවිඩි පතක් ගැන නිස්චිත හෝඩුවාවක් ලබා දිය හැක.මෙහිදි ප්‍රශ්න කිරිම් හා සොදිසි කිරිම් වලින් අනතුරුව වැරදි කරුවෙකු වුවහොත් උසාවියට ඉදිරිපත් කර දඩුවම් ලබාදිමක් සිදුකරයි.

2.අහඹු ලෙස ජංගම දුරකථන පරික්ශාව

පොලිස් නිලධාරියෙකුට ඔබ ගමන් ගන්නා විටදි ඔබගේ ජංගම දුරකථනයේ අසභ්‍ය දර්ශන තිබේදැයි වරෙන්තුවක් නොමැතිව පරික්ශා කල නොහැක. එසේ කිරිමට හැකියාව ඇත්තේ හෝඩුවාවක් ලැබි හෝ විවෘත වරෙන්තුවක් මතය (Open Warrant). එහෙත් ඔබව වෙනයම් ක්‍රියාවකට අත්අඩංගුව ගැනිමකදි ඔබගේ ජංගම දුරකථනය සෝදිසි කිරිමට පොලිසියට අවසර ඇත. පොලීසිය විසින් ඔබගේ ජංගම දුරකථනය පරික්ශාවට විමසිමේදි එය සදහා ඇති වරෙන්තුව පිලිබදව ප්‍රශ්ණ කිරිමට ඔබට අයිතියක් ඇත. වරෙන්තුවක් හෝ නිස්චිත හොඩුවාවක් නොමැතිනම් ඔබගේ ජංගම දුරකථනය ලබාදිමෙන් වැලකිය හැකිය. අද වන විට සමාජයේ නොදැනුවත් කම නිසා බොහො පොලිස් නිලධාරින් වරෙන්තු නොමැතිව ජංගම දුරකථන පරික්ශාව සිදුකරණු ලබයි.

3.අසභ්‍ය දර්ශන සොදිසි කිරිම සදහා ගනු ලබන විවෘත වරෙන්තු (Open Warrant)

විවෘත වරෙන්තුවක් යනු නිස්චිත නිවසක් , රැකියා ස්තානයක් , දෙපලක් හෝ පුද්ගලයෙක් ඉලක්ක නොකර උසාවියෙන් ලබාගන්නා සොදිසි කිරිම් වරෙන්තුවකි . උදාහරණයක් ලෙස මෙම නගරය තුල අන්තර්ජාල ශාලා(Internet Cafe) , සිඩි / ඩිවිඩි වෙලද සැල් සොදිසි කිරිමට විවෘත වරෙන්තුවක් ලබාගත හැක.මෙහිදි පොලීසියට අහඹු ලෙස තොරාගත් ස්ථාන පරික්ශා කිරිමට හැකියාව ඇත. ජංගම දුරකථන පරික්ශාව සදහා ඔනැම ප්‍රිසිද්ධ / මිනිසුන් නිතර ගැවසෙන උද්‍යාන , සුපිරි වෙලද සංකිර්ණ , පාසලක් අවට තොරාගැනීමට පොලීසියට මෙම වරෙන්තුව යටතේ හැකියාව ඇත.

2014 මැයි මස පොලීසිය ලබාගත් විවෘත වරෙන්තුවක් මගින් මහනුවර නගර මධ්‍යයේ පිහිටි ජෝර්ජ් ඊද සිල්වා උද්‍යානය තුලදි ජංගම දුරකථන පරික්ශාවක් සිදුකලේය. මෙහිදි අසභ්‍ය දර්ශන අඩංගු ජංගම දුරකථන හිමියන් 39 දෙනෙකු මහනුවර කොට්ඨාස දූෂණ මර්දන ඒකකය මගින් අත්අඩංගුවට ගනු ලැබිනි.දඩ මුදලකටද යටත්ව ඔවුන් භාවිතා කළ ජංගම දුරකතන රාජසන්තක කිරීමට මහේස්ත්‍රාත්වරයා නියෝග කළේය. (දිණමින 2014-5-21)

4.නරබමින් සිටින විටදි අත්අඩංගුවට ගැනිම්

මගි ප්‍රවාහන බස්රථයකදි / දුම්රිය පොලකදි හෝ අන්තර්ජාල ශාලාවක් තුලදි ඔනැම ප්‍රසිද්ධ ස්ථානයකදි අසභ්‍ය දර්ශන නරබමින් අසුවුවහොත් වරෙන්තුවකින් තොරව ඔබව අත්අඩංගුවට ගැනීමට පොලිසියට අවසර ඇත. මෙහිදි ප්‍රශ්න කිරිම් හා සොදිසි කිරිම් වලින් පසුව උසාවියට ඉදිරිපත් කරනු ලබයි.

5.පෞද්ගලික ස්ථානයක්(නිවසක් / වෙලද සැලක්) ඉල්ලක්ක කර සැකපිට සෝදිසි කිරිම් මගින් අත්අඩංගුවට ගැනිම

හොඩුවාවක් නොමැතිව නිස්චිත නිවසක් / ව්‍යාපාරික ස්ථානයක් ඉලක්ක කරගනිමින් සොදිසි කිරිමට උසාවියෙන් වරෙන්තුවක් ලබාගත යුතුය. මෙහිදි සොදිසි කිරිම් කරන අවස්තාවේදි අසභ්‍ය දර්ශන හමුවුවහොත් එම පරිගනකය , ජංගම දුරකථනය , සිඩි / ඩිවිඩි පත් හා එහි අයිතිකාර පුද්ගලයා අත්අඩංගුවට ගනු ලබයි. යම් හෙයකින් එම අවස්ථාවේ අසභ්‍ය දර්ශන සන්තකයේ නොතිබුනේනම් (තිබි ඩිලිට් කර ඇත්නම්) එය නැවත ස්ථාපනය (රිකවරි) කිරිමක් කර නඩු පැවරිය නොහැක.

2015 පෙබරවාරි මස මාතලේ නගරය අවට පාසල් සිසුන් ඉලක්ක කර අසභ්‍ය DVD අලෙවි කරන ලබන බවට සැකකෙරෙන වෙළඳසැලක් වැටලා සොදිසි කිරිමට මාතලේ පොලිසිය විසින් වරෙන්තුවක් ලබාගත්තේය. එම වැටලිමෙන් පසුව DVD 50 ක් පමණ හා අසභ්‍ය විඩියෝ දර්ශන 500 ක් පමණ ගබඩා කර තිබු පරිගණක යන්ත්‍රයක් සමඟ එක් සැකකරුවෙක් අත්තඩංගුවට ගනු ලැබුවේය. (හිරු 2015-2-5)

(3) ලමා අසභ්‍ය දර්ශන (Child Porn) ලගතබා ගැනිම

ලමා අසභ්‍ය දර්ශන සදහා අනෙක් රටවල් තුල දැඩි නීති පනවා ඇත. නිත්‍යානුකුල අසභ්‍ය දර්ශන(Legal Porn) ලගතබා ගත් හැකි වුවත් ලමා දර්ශන ලග තබාගැනීමකදි දඩ / දෙපල රාජසන්තක කිරිම් හා අවුරුදු කිපයක සිරගත කිරිමකටද ලක්විය හැක. එහෙත් ලංකාව තුලදි විදේශික ලමා අසභ්‍ය දර්ශන වැටෙනුයේ සාමාන්‍ය අසභ්‍ය දර්ශන ඝණයට වේ. එහෙත් ලාංකීය ලමුන්ගේ(අවු 16 අඩු) අසභ්‍ය දර්ශන ලග තබාගැනීම අපරාධ ක්‍රියා ඝණයට වැටෙන අතර ළමා ආරක්ෂණ අධිකාරියෙන් නඩු පැවරිමක් සිදු කරයි.මෙහිදි නිත්‍ය වශයෙන්ම සිරදඩුවම්ද ලැබිමට ඉඩ ඇත.

(4) පෞද්ගලික අසභ්‍ය දර්ශන සොරකම් කර අන්තර්ජාලයට මුදා හැරිම

අන් අයෙක්ගේ පෞද්ගලික අසභ්‍ය දර්ශන සොරකම් කර අවසරයක් නොමැතිව අන්තර්ජාලයට මුදා හැරීම අපරාධ ඝණයට අයත් වන ක්‍රියාවකි. පොලිස් අපරාධ අංශයට මේ පිලිබදව පැමිනිල්ලක් ලැබුනහොත් පරිඝණක අංශයේ සහය ඇතුව පුළුල් පරික්ශනයක් සිදුකරනු ලබයි . මෙහිදි එම පුද්ගලයා නිතියට අසුවුවහොත් මහේස්ත්‍රාත් වරයාට ඉදිරිපත් කර දවස් 14 ක් පමණ රක්ෂිත බන්ධනාගාර ගත කිරීමෙන් පසුව නඩු මාර්ගයට යොමුවි දඩුවම් ලබාදිමක් සිදුකරයි. තවද එම දර්ශනයේ සිටින පුද්ගලයාටද ඔහුට විරුද්ධව සිව්ල් නඩුවක්ද ගොනුකල හැක මෙහිදි ඔහුට වන්දි ගෙවිමටද සිදුවෙනු ඇත

(5) අසභ්‍ය දර්ශන වලට පෙනිසිටිම සහ රුගත කිරිම (බාලවයස් කාර / වැඩිහිටි)

බොහෝ ලාංකිය පෞද්ගලික අසභ්‍ය දර්ශන අන්තර්ජාලයට අනවසරයෙන් හා දැනුවත්ව පිට වි ඇත . එහි පෙනිසිටින්නන් අවුරුදු 16 ට වැඩිනම් ඔවුන්ට නිතිමය වශයෙන් ප්‍රශ්ණයක් සිදුවන්නේ නැත. යම්හෙයකින් එහි 16 ට අඩු ගැහැනු දැරිවියක් සිටීනම් පොලිස් කාන්තා හා ළමා කාර්‍යංශය එය පිලිබදව පරික්ශන පවත්වනු ලබයි. දෙදෙනාගේ කැමැත්තෙන් එම ක්‍රියාව සිදුවුවද ගැහැනු දැරිවිය අවු 18ට දක්වා පරිවාස භාරයට ලක් කර එම පුද්ගලයාට බාලවයස්කාර /ස්ත්‍රි දුශන නඩුවක් ගොනු කරනු ලබයි.ඉහත කි ආකාරයට අවු 16ට අඩු බාලවයස්කාර අසභ්‍ය දර්ශන ලග තබාගැනීමද පොලිස් කාන්තා හා ළමා කාර්‍යංශය මගින් නඩු පවරා සිරදඩුවම් ලැබිය හැකි වරදකි.

දැනුවත් කිරිමක් ලෙස : 2010 වසරේදි ලාංකිය අසභ්‍ය දර්ශන වල පෙනිසිටි තරුණියන්ගේ චායාරුප මාධ්‍ය ඔස්සේ ප්‍රසිද්ධ කර ඔවුන් සොයා අත්අඩංගුවට ගැනීමට පොලිස් කාන්තා හා ළමා කාර්‍යංශය කටයුතු කලේය . එහෙත් ඔවුන්ගේ අනන්‍යතාව තහවුරු කරගැනිම හා ඇතිවු වෙනත් ගැටලු හෙතුවෙන් එය නිශ්පල ක්‍රියාවක් වුනි.මෙහිදි තරුණියන් කිපදෙනෙකු සොයාගනු ලැබුවත් ඔවුනට නඩු පැවරිමක් සිදු නොවුනි.

(6) සිරභාරයට ගැනිම් / දඩ ගෙවිම් සහ දේපල රාජසන්තක කිරිම

දැනට පවතින නීතිය අනුව අසභ්‍ය දර්ශන ලගතබාගැනිමේ වරදට මාස 3ක සිරදඩුවමක් ලබාදිය හැක. එහෙත් අදවනවිට එය දඩගෙවිමට පමනක් සිමා වි ඇත. මෙහිදි නිස්චිත දඩ මුදලක් නොමැති අතර එය 2500 , 5000, 7500 හා රුපියල් ලක්ශය දක්වා වැඩි වුන අවස්ථාද ඇත. එම මුදල තිරණය කරනුයේ මහේස්ත්‍රාත්වරයා විසින් එම වරදේ බරපතලකම අනුවය. තවද එම අසභ්‍ය දර්ශන සහිත පරිඝණයකද , ජංගම දුරකථනයද සිඩි / ඩිවිඩි පත් , ජංගම දෘඩාංග , ලැප්ටොප් පරිඝණක රාජසන්තක කරනු ලබයි.

සිරභාරයක ලක්විය හැකි කරුණු ලෙස පෙන්වා දිය හැක්කේ ලාංකීය ලමා අසභ්‍ය දර්ශන ලගතබා ගැනිම හා පෞද්ගලික දර්ශන සොරකම් කර අන්තර්ජාලයට මුදාහැරිම වේ. මෙවා අපරාධ ඝණයට ඇතුලුවන ක්‍රියාවන් වේ. මෙහිදි දවස් 14 ක් පමණ රක්ෂිත බන්ධනාගාර ගත කිරීමෙන් පසුව නඩු මාර්ගයට යොමුවි දඩුවම් ලබාදිමක් සිදුකරයි

(7) සැලකිලිමත් විය කරුණු සහ FAQ (නිතර ඇසෙන ප්‍රශ්න)

සැලකිලිමත් විය යුතු කරුණු වනුයේ කිනම් ආකාරයකින් වත් ජංගම උපකරණ තුල අසභ්‍ය දර්ශන ලගතබා නොගැනිමයි (ලැප්ටොප් පරිඝණක , පෙන් ඩ්‍රයිව් , සිඩි- ඩිවිඩි පිටපත් , මෙමරි කාර්ඩ් , ජංගම දෘඩාංග(Portable Hard Disk) , ජංගම දුරකථන ). නොසිතු වෙලාවක ඔබට දඩ ගෙවිමටද ඔබගේ එම උපකරණද රාජ‍සන්තක විමටද ඉඩකඩ ඇත.ප්‍රසිද්ධ ස්ථාන , අන්තර්ජාල ශාලා තුලදි අසභ්‍ය දර්ශන නැරබිමෙන් ඔබව නිතියට හසුවීමට ඇති ඉඩකඩ වැඩිය.

පාස්වර්ඩ් දාලා හංගලා තියෙන්නේ . අත්අඩංගුවට ගන්න පුලුවන්ද ?

වරෙන්තුවක් පිට ඔබගේ පරිඝණකය සොදිසි කිරිමකදි එය සගවා හෝ මුරපදයක් දමා තිබුනහොත් පොලීසිය වැඩිදුර ප්‍රශ්න කිරිම් හා සොදිසි කිරිම් සදහා රඳවාගැනීමේ නියෝගයක් ලබාගනී. මෙහිදි ඔබට මුර පදය / සගවා ඇති ස්ථානය අනිවාර්යයෙන් ලබාදිමට සිදුවේ (කිව්වේ නැති උනාට අවුලක් නැහ් දෙකක් වදිනහ් කොටහ් නිකම්ම පිටවෙයි :v )

බාගතනොකර බැලුවට ප්‍රශ්ණයක් නැද්ද ?(නිවසක් තුලදි)

පෞද්ගලික නිවසක් තුලදිනම් ප්‍රශ්නයක් සිදුවිමට ඇති ඉඩකඩ බොහෝ අඩුය. එහෙත් වරෙන්තුවක් පිට සොදිසි කිරිමකට පැමිනෙන අවස්ථාවකදි ඔබ නිවස තුල නරබමින් සිටියොත් එම අවස්ථාවේම සොදිසි කිරිමකින් තොරව අත්අඩංගුවට ගැනිමට පොලීසියට අවසර ඇත. මෙහිදි අසභ්‍ය දර්ශන සදහා නිවසක් සොදිසිකිරිමට නිතියෙන් හැකි නමුත් එය නිවසක් ඉලක්ක කරගනිමින් බොහොදුරට සිදුනොවන / ඉතා කලාතුරකින් සිදුවන ක්‍රියාවකි

අසභ්‍ය දර්ශන ලගතබාගත්තා. එත් එවා ඩිලිට් කරා ප්‍රශ්ණයක් වෙයිද ?

වරෙන්තුවක් හෝ හොඩුවාවක් මගින් සොදිසි කිරිමකදි ඔබ සන්තකයේ එම දර්ශන නොමැතිනම් රිකවරි(දෘඩාංග) කර බලා නඩුදැමිමට හැකියාවක් නොමැත.

ලග තබාගත් අසභ්‍ය සිඩි-ඩිවිඩි පත් ගනනට අනුව දඩ මුදල වැඩිවනවාද ?

දඩමුදල තිරණය කරනුයේ මහේස්ත්‍රාත්වරයා විසිනි. එක් සිඩි / ඩිවිඩි පතක් සදහා නියමිත දඩමුදලක් නොමැති නමුත් ඔහුගේ වරද මත එම දඩමුදල ඉතා ඉගල අගයක් විමට ඉඩ ඇත.

ස්වකැමැත්තෙන් තමන්ගේ නිරුවත් දර්ශන / චායාරුප අන්තරජාලයට මුදාහැරිම නිතිවිරෝධිද ?

දැනට පවතින නිතිය අනුව ඔවුන්ට නඩු පැවරිමක් හෝ අත්අඩංගුවට ගැනිමක් සිදු කරන්නේ නැත. එහෙත් වයස අවුරු 16ට අඩු නම් නිතියෙන් ප්‍රශ්ණ ඇතිවිය හැක.

නිතිමය කරුනූ සොයාගැනිමට සහයදුන් තනුජක සොහොයුරාට විශේශ ස්තුතියක් ලැබිය යුතුය

 

උපුටා  ගැනීම. මනුෂගේ  බ්ලොග්  සටහන 

අත්‍යවශ්‍ය හදිසි විදුලි සේවාවන් සැපයීම සඳහා අවශ්‍ය වන ලංකා විදුලිබල මණ්ඩලයේ අනියම් පදනම මත සහ පරිවාස සේවාකාලය තුළ සිටින සියලූම සේවකයින් හෙට දින පෙ.ව 08.30ට පෙර තම සේවා ස්ථානය වෙත අනිවාර්යෙන් වාර්ථා කළ යුතු බව විදුලිබල හා පුනර්ජනනීය බලශක්ති අමාත්‍යාංශය නිවේදනය කරයි.

එසේ සේවයට වාර්තා නොකරන ලංකා විදුලිබල මණ්ඩලයේ සියලූම අනියම් පදනම මත සහ පරිවාස කාලය තුළ සිටින සියළුම සේවකයින් සේවය අතහැර ගියා සේ සළකා කටයුතු කරනු ලබන බව මාධ්‍ය වෙත නිවෙද්නයක් නිකුත් කරමින් අමාත්‍යාංශ මාධ්‍ය ප‍්‍රකාශක සුලක්ෂණ ජයවර්ධන පවසයි.

බැදුම්කර වෙන්දේසිවලදී ලංසු තැබිය යුතු මිල ගණන් සහ අනුපාත සම්බන්ධයෙන් මහබැංකුවේ සහ තවත් රාජ්‍ය ආයතන සතු සංවේදී රහසිගත තොරතුරු පර්පෙචුවල් ට්‍රෙෂරීස් සමාගමේ හිමිකරු අර්ජුන් ඇලොෂියස් ට ලැබී ඇති බව අද(06) බැදුම්කර කොමිසම හමුවේ අනාවරණ විය.

එමෙන්ම අද කොමිසමට ඉදිරිපත් වුණ දුරකථන සංවාද හරහා තහවුරු වු‍ණේ මහබැංකු අධිපතිවරයෙකු විසින් අවසන් තීරණය ගනු ලබන භාණ්ඩාගාර බැදුම්කර වෙන්දේසියක කඩඉම් අනුපාතය සම්බන්ධයෙන්ද අර්ජුන් ඇලොෂියස් දැනුවත්ව සිටි බවයි.

මේ අතර අර්ජුන් ඇලෝෂියස්ට බැදුම්කර කොමිසම හමුවේ පෙනී සිටින ලෙස අද කොමිසම නිකුත් කළ නොතීසිය භාරදීම සඳහා අපරාධ පරීක්ෂණ දෙපාර්තමේන්තු නිළධාරීන් ඔහුගේ නිවස වෙත ගියද ඇලොෂියස් සම්බන්ධ කර ගැනීමට නිළධාරීන්ට හැකියාව ලැබී නොමැති බව නීතිපති දෙපාර්තමේන්තුව කොමිසමට දැනුම් දී තිබේ.

පර්පෙචුඅල් ට්‍රෙෂරීස් සමාගම සිය පද්ධතියෙන් මකා දමා තිබූ දුරකථන සංවාදවලට නීතිපති දෙපාර්තමේන්තු නිළධාරීන් ඊයේ(05) සවන් දී තිබූ අතර එම සංවාද අතරින් කිහිපයක් සම්බන්ධයෙන් පර්පෙචුඅල් ට්‍රෙෂරීස් සමාගමේ ප්‍රධාන අලෙවිකරු නුවන් සල්ගාදුගෙන් අද ප්‍රශ්න කරනු ලැබීය.

ඒ අතර එක් දුරකථන ඇමතුමක් තුළින්,7 වන පාර්ලිමේන්තුවේ කෝප් කමිටුවට කසුන් පළිසේන ලබා දුන් ප්‍රකාශය එම කෝප් කමිටුව නියෝජනය කළ පාර්ලිමේන්තු මන්ත්‍රිවරියකගේ පුත්‍රයෙකු විසින් අර්ජුන් ඇලෝෂියස් ට ලබාදී ඇති බව අණාවරණ විය.

කසුන් පළිසේන සහ නුවන් සල්ගාදු අතර සිදුවන එම සංවාදයේදී එම දුරකථන සංවාදයේදී කසුන් පළිසේන නුවන් සල්ගාදු මහතාට පවසන්නේ අදාළ පාර්ලිමේන්තු මන්ත්‍රිවරියගේ පුත්‍රයා විසින් අර්ජුන් ඇලෝෂියස්ට ලබා දී ඇති කොප් කමිටු ප්‍රකාශය සහිත ලියවිල්ල එවකට මහබැංකු අධිපති අර්ජුන් මහේන්ද්‍රන්ට ලබාදිය යුතු බවයි.

මේ අතර 2016 ‍මාර්තු 29 වන දා පැවති භාණ්ඩාගාර වෙන්දේසිය පැවැත්වෙන අතරතුර පර්පෙචුඅල් ට්‍රෙෂරීස් ප්‍රධාන විධායක කසුන් පලිසේන සහ ඒ මොහොත වන විට සිංගප්පූරුවේ රැදී සිටි අර්ජුන් ඇලෝෂියස් අතර සිදුවන දුරකථන සංවාද දෙකකට කොමිසමේ වැඩි අවධානයක් යොමු විය.

ඒ අනුව එම වෙන්දේසියේදී සේවක අර්ථසාධක අරමුදල සහ ජාතික ඉතිරිකිරීමේ බැංකුව ලංසු තබන අනුපාතයන් සම්බන්ධයෙන් සංවාදය අතරතුරදී අර්ජුන් ඇලෝෂියස් කසුන් පළිසේනට තොරතුරු ලබාදෙන අතර වෙන්දේසියේ ලංසු භාරගන්නා කඩඉම් අනුපාතය සම්බන්ධයෙන්ද තොරතුරු ලබාදෙන බව කොමිසමට අනාවරණ විය.

කෙසේ ‍වෙතත් වෙන්දේසියකදී ලන්සු භාරගන්නා කඩඉම් අනුපාතය සම්බන්ධයෙන් අවසන් තීරණය ගනු ලබන්නේ මහබැංකු අධිපතිවරයා විසින් නොවන්නේ දැයි කොමිසම සාක්ෂිකරුගෙන් ප්‍රශ්න කළ අතර ඔහු පැවසුවේ තමා දැනුවත් ආකාරයට අධිපතිවරයා එම තීරණය ගන්නා බවයි.

එමෙන්ම පර්පෙචුඅල් ට්‍රෙෂරීස් සමාගමේ හිමිකරු අර්ජුන් අලෝෂියස් කසුන් පලිසේනට ලබාදුන්නේ නීතිවිරෝධි තොරතුරු බව තබා දැනසිටියේ යැයිද එම සමාගමේ ප්‍රධාන අලෙවිකරු නුවන් සල්ගාද මහතා බැඳුම්කර කොමිසමට පැවසීය.
එමෙන්ම ඔහු වැඩිදුරටත් පැවසුවේ ඇලෝෂියස්ට අභ්‍යන්තර තොරතුරු ලබාදීම සඳහා සේවක අර්ථසාදක අරමුදලේ මෙන්ම රාජ්‍ය ආයතනවලද නිලධාරීන් කටයුතු කළ බව තමා දැන සිටි බවයි.

කෙසේවෙතත් 2016 ‍මාර්තු 29 වන දා වෙන්දේසියේදී බිලියන 77ක ලංසු භාරගැනීමට මහබැංකුව කටයුතු කළ අතර ඉන් බිලියන 40ක්ම පර්පෙචුඅල් ට්‍රෙෂරීස් සමාගමේ ලන්සු වෙයි.

එය බාරගත් මුළු ලන්සු ප්‍රමාණයෙන් ප්‍රතිශතයක් ලෙස 52%ක් වීමද විශේෂත්වයක්.

මෙහිදී අතිරේක සොලිසිටර් ජනරාල් යසන්ත කෝදාගොඩ මහතා සාක්ෂිකරුට යෝජනා කළේ 2015 සිට වසර 2ක් ඇතුළතදී පර්පෙචුඅල් ට්‍රෙෂරීස් සමාගම අසාමාන්‍ය ලාභයක් උපයා ගනු ලැබුවේ එහි හිමිකරු අර්ජුන් ඇලෝෂියස්ට මහබැංකුවේ සහ රාජ්‍ය ආයතනවල රහසිගත තොරතුරු ලැබුණු නිසා සහ එම තොරතුරුවලට අනුකූලව බැඳුම්කර වෙන්දේසි වලදී ලන්සු තබා ඇති නිසා බවයි.

එහිදී සාක්ෂිකරු එම ප්‍රකාශය පිළිගනු ලැබු අතර සාක්ෂි ලබාදීම අතර තර තමන් දේශපාලනඥයින්ගේ නම් හෙළිකර නිසාවෙන් තම ආරක්ෂාව සම්බන්ධයෙන් තමා තුළ බියක් පවතින බව කොමිසමට පැවසීය.

එහිදී කොමිසම සඳහන් කළේ සාක්ෂිකරුගේ ආරක්ෂාව සම්බන්ධයෙන් කොමිසම අවශ්‍ය නියෝගයන් ඉදිරියේදී සිදුකරන බවයි.

මේ අතර අර්ජුන් ඇලෝෂියස්ට බැදුම්කර කොමිසම හමුවේ පෙනී සිටින ලෙස අද කොමිසම නිකුත් කළ නොතීසිය භාරදීම සඳහා අපරාධ පරීක්ෂණ දෙපාර්තමේන්තු නිළධාරීන් ඔහුගේ නිවස වෙත ගියද ඇලොෂියස් මහතා සම්බන්ධ කර ගැනීමට නිළධාරීන්ට හැකියාව ලැබී නොමැති බව නීතිපති දෙපාර්තමේන්තුව කොමිසමට දැනුම් දුන්නා.

ඒ අනුව කොමිසමේ සමාජිකයින් ඇලෝෂියස් මහතාගේ නීතිඥයින්ට දැනුම් දුන්නේ සිය සේවා දායකයාට කොමිසම නොතීසි නිකුත් කර ඇති බැවින් වහාම කොමිසම හමුවේ පෙනී සිටින ලෙස දැනුම් දෙන ලෙසයි.

එමෙන්ම අර්ජුන් ඇලෝෂියස් සතුව නෛතික විදේශ ගමන් බලපත්‍ර ද්විත්යක් පවතින අතර ඒවායේ බලපත්‍ර අංක කොමිසමට භාරදෙන ලෙසද බැඳුම්කර කොමිසම අද නියෝග කළේය.

බණ්ඩාරවෙල අඹදණ්ඩේගම ප්‍රදේශය ඔස්සේ ගලා යන කිරිඳිඔයෙහි ජලය එකවරම සිඳී ගොස් තිබෙන බවත් එසේ සිදුවන්නේ උමා ඔය ව්‍යාපෘතියේ බලපෑම නිසාදැයි සැකයක් මතුව තිබේ.

ඊයේ උදයේ කිරිදි ඔය අසළින් ගමන්ගත් බොහෝ දෙනා ගඟෙහි ජලය සිදීයන ආකාරයක් නිරීක්ෂනය කර ඇත. ගොවීන් සහ ප්‍රදේශවාසීන් විසින් මේ බව දැක ඇති අතර ගගේ ජලකද පොළව අභ්‍යන්තරයට ගලා යන අයුරු ඔවුන් දැක තිබුණි. 2015 පමණ ගලනගම ගම්මානයේ නිවසක කොටසක් හා අවට ඇති ගස්වැල් පොළව තුළට ගිලා බැස තිබූ අතර මෙම ගගදිය අතුරුදන්වී යාමද උමා ඔය ව්‍යාපෘතියේ අනිටු ප්‍රතිවිපාකයක් යැයි ප්‍රදේශවාසීහු අනුමාන කරති.

මේ වසරේ පෙබරවාරි මස 24වැනි දා අඹදණ්ඩේගමදී කිරිදි ඔයේ අතු ගංගාවක් ගිලා බැස නිසා සිදීගිය බවක් වාර්තා විය. මේ නිසා එකවරම කිරිඳිඔයේ ජලය සිඳී යෑම නිසා ප්‍රදේශවාසී ජනතාව මේවන විටද දැඩි බියකින් පසු වෙති.

හින්දු බැතිමතුන් වන්දනා කරන ගනේෂ දෙවියන් බැටළු මස් බුදින ආකාරය දැක්වෙන වෙළෙඳ දැන්වීමක් පිළිබඳව ඉන්දීය ආණ්ඩුව ඕස්ට්‍රේලියාවට සිය විරෝධය පළ කර තිබේ.
විවිධ ආගම් අදහන පිරිසක් එකම මේසයක වාඩි වී භෝජනයක් රස විඳින ආකාරය ඕස්ට්‍රේලියාවේ මස් කර්මාන්තය ප්‍රවර්ධනය කරන සංවිධානයක් විසින් සකස් කරන ලද එම වෙළෙඳ දැන්වීමේ දැක්වේ.
එහෙත් ගනේෂ දෙවියන් මස් බුදින බවක් මීට ඉහතදී කිසිදු තැනක සඳහන් වී නොමැති බැවින් එම වෙළෙඳ දැන්වීම ඕස්ට්‍රේලියාවේ හින්දු බැතිමතුන්ගේ දැඩි විරෝධයට ලක්විය.
එබැවින් එම දැන්වීමට එරෙහිව සිය විරෝධය ඕස්ට්‍රේලියානු ආණ්ඩුවේ ආයතන තුනකට දැනුම් දුන් බව කැන්බරා අගනුවර පිහිටි ඉන්දීය මහ කොමසාරිස් කාර්යාලය පවසයි.

එමෙන්ම එම වෙළෙඳ දැන්වීම "අපහාසාත්මක සහ තමන්ගේ ආගමික විශ්වාසයන්ට රිදවන්නක්" ලෙස බොහෝ දෙනා විශ්වාස කරන බැවින් එය ඉවත් කරන මෙන් ඕස්ට්‍රේලියාවේ අදාළ දෙපාර්තමේන්තුවෙන් (Meat & Livestock Australia - MLA) ඉල්ලීමක් කළ බව ද මහ කොමසාරිස් කාර්යාලය පවසයි. ඒ හැරුණු විට ඉන්දීය ප්‍රජා සංවිධාන ගණනාවක් ඕස්ට්‍රේලියානු ආණ්ඩුවට සිය විරෝධය පළ කර ඇති බව ද මහ කොමසාරිස් කාර්යාලය නිකුත් කළ නිවේදනයක සඳහන් වේ.

බුදුන් වහන්සේ, යේසුස් වහන්සේ සහ සයන්ටෝලොජි නිකායේ නිර්මාතෘවරයා ඇතුළු ආගමික නායකයන් එකම මේසයක අසුන් ගෙන භෝජනයක් භුක්ති විඳින ආකාරය එම රූපවාහිනී වෙළෙඳ දැන්වීමට ඇතුළත් වේ.
මහමත් නබි තුමන්ට භෝජන සංග්‍රහයට "සහභාගි විය නොහැකි වූ" බව ද දැන්වීම අතරතුර සඳහන් වේ.

2014 දී බුදු රුවක් අතේ පච්ච කොටා ගෙන සිටි බ්‍රිතාන්‍ය කාන්තාවක ශ්‍රී ලංකාවෙන් පිටුවහල් කිරීම සංවාදයට බඳුන් විය,

එයට එරෙහිව "විවිධ ආගම් භක්තිකයන්ගෙන්" 30 කට අධික පැමිණිලි ලැබී තිබෙන බව වෙළෙඳ දැන්වීම් පිළිබඳ ප්‍රමිති කාර්යාංශය (Advertising Standards Bureau) පවසයි.

බැටළු මස් බුදීම ප්‍රවර්ධනය පිණිස ගනේෂ දෙවියන්ගේ රූපය යොදාගත් "හෙළා දැකිය යුතු උත්සාහයක්" ලෙසින් ඕස්ට්‍රේලියාවේ හින්දු සභාව පවසන අතර, එම වෙළඳ දැන්වීම තහනම් කරන මෙන් ඉල්ලා ආරම්භ කරන ලද අන්තර්ජාල පෙත්සමකට මේ වන විට 4400 කට වැඩි පිරිසක් අත්සන් තබා තිබේ.

එහෙත් ඕස්ට්‍රේලියාවේ විවිධත්වය සහ එකමුතු බව ප්‍රවර්ධනය කිරීමේ අරමුණින් එය නිර්මාණය කරන ලද පවසමින් MLA ආයතනය පසුගිය සතියේ එය ආරක්ෂා කර තිබුණි.
බුදු රුවක් අතේ පච්ච කොටා ගෙන සිටි බ්‍රිතාන්‍ය කාන්තාවක ශ්‍රී ලංකාවෙන් පිටුවහල් කරන්නැයි මහේස්ත්‍රාත්වරයකු නියෝග කිරීම මීට වසර කිහිපයකට ඉහතදී ආන්දෝලනයකට ලක් විය.
නෙලුම් මලක වැඩ සිටින බුදු රුවක් අතේ පච්ච කොටා ගෙන සිටි නයෝමි කෝල්මන් අත් අඩංගුවට ගත් පොලිසිය අධිකරණයට කියා සිටියේ, එය මහජනතාව කුපිත කිරීමට හේතුවක් විය හැකි බැවින් ඇය අත් අඩංගුවට ගත් බවයි.
පොලිසියේ කරුණු දැක්වීමට සවන් දුන් මහේස්ත්‍රාත්වරයා තමන් පිටුවහල් කරන මෙන් නියෝග කළේ තමන්ගෙන් කිසිදු කරුණු විමසීමක් පවා නොකර බව නයෝමි කෝල්මන් ප්‍රකාශ කර තිබුණි.

තමන් ශ්‍රද්ධාවන්ත බෞද්ධයකු බව ද ඇය සඳහන් කළාය.
කෙසේ නමුත් පිටුවහල් කිරීමේ නියෝගය පමණක් නොව ඇය අත් අඩංගුවට ගැනීම පවා නීති විරෝධී බව මානව හිමිකම් නීතිවේදී චන්ද්‍රපාල කුමාරගේ ඒ අවස්ථාවේ පවසා ඇත.

බැංකු නිළධාරීන් ලෙස පෙනි සිටිමින් ඒ ටී එම් යන්ත‍්‍ර මගින් මුදල් වංචාකරන කල්ලියක් පිළිබඳ නාඋල රාජ්‍ය බැංකුවක් මහජනතාව දැනුවත් කරයි.

බැංකු පරිශ‍්‍රයේ ඇති දැන්වීම් පුවරු මගින් සඳහන් කර ඇත්තේ බැංකු නිළධාරීන් යැයි සඳහන් කරමින් ටයි පටි පැළද මුදල් ලබා ගැනීමට උදව් කරන මුවාවෙන් මොවුන් මුදල් සොරකම් කරන බවට තොරතුරු ලැබී ඇත බවයි.

ඒ ටී එම් යන්ත‍්‍ර මගින් මුදල් ලබාගැනීමට නොහැකි පිරිස් බොහෝ අවස්ථාවල දී බැංකු ආරක්ෂක අංශයේ හෝ නිළධාරීන්ගේ සහාය අපේක්ෂා කරති.
මෙම තත්ත්වය අවබෝධ කරගත් කිසියම් පිරිසක් සංවිධානාත්මකව මුදල් වංචා කරන බවට බැංකු කළමණාකාරිත්වයට තොරතුරු අනාවරණය වී තිබේ.

බැංකුවල පවතින ඒ ටී එම් යන්ත‍්‍ර මගින් මුදල් ලබාගැනීමට උපකාර කරන මුවාවෙන් ක‍්‍රියාත්මක මෙම කල්ලිය ඉතා සුක්ෂම ලෙස ඒ ටි එම් කාඞ්පතේ රහස් අංකය ලබාගනිමින් ගිණුම් හිමිකරුට නොදැනෙන ලෙස මුදල් වංචා කරන බවට තොරතු වාර්තා වී තිබේ.

සයිටම් ආයතනය වසා දැමීම ඇතුළු කරුණු කිහිපයක් මුල් කරගනිමින් අද(21) පෙරවරු 8.00 සිට දීප ව්‍යාප්ත වැඩ වර්ජනයක නිරත වීමට වෛද්‍ය සහ අධ්‍යාපන ක්ශේෂ්ත්‍රයට සම්බන්ධ වෘත්තීය සමිති කිහිපයක් සැලසුම් කර තිබේ.

රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය සමන්ත ආනන්ද ප්‍රකාශ කළේ රෝගීන්ගේ අයිතිවාසිකම් ආරක්ෂා කිරීම සදහා වර්ජනය ක්‍රියාත්මක කරන බවයි.

මේ අතර ලංකා ගුරු සේවා සංගමයේ ප්‍රධාන ලේකම් මහින්ද ජයසිංහ ප්‍රකාශ කළේ ගුරුවරුන් සහ විදුහල්පතිවරුන් ද වර්ජනයට සහභාගී වන බවයි.

හෙද සේවාව ඇතුළු වෘත්තීය සංගම් කිහිපයක් වර්ජනයට සහභාගී නොවන බව ප්‍රකාශයට පත් කර තිබේ.

මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ ප්‍රකාශ කළේ වැඩ වර්ජනයට සහභාගී නොවන බවයි.

යාපනය බලකොටුව ඓතිහාසික නටබුන් සහිත ස්ථානයක් බැවින් යාපනය කොටුව තුළ යුධ හමුදා කඳවුරු ස්ථාපිත කිරීමට සුදානම් වීම අනුමත නොකරන බව ඊ.පි.ඩි.පි. නායක ඩග්ලස් දේවානන්ද පැවැසීය.
යාපනය සිවිල් ජනතාවගේ ඉඩම් තුළ පවතින ආරක්ෂක අංශ කඳවුරු ඉවත් කොට අක්කර 45 කින් පමණ සමන්විත යාපනය කොටුව තුළ යුධ හමුදා කඳවුරු ස්ථාපිත කිරීම අසාධාරණ නොවන බව උතුරු පළාත් ආණ්ඩුකාර රෙජිනෝල්ඩ් කුරේ පසුගියදා පැවැසීය.

අදාළ ප‍්‍රකාශයට පිළිතුරු දෙමින් දේවානන්දා මහතා සඳහන් කළේ යාපනය බලකොටුව තුළ පෞරාණික නටබුන් රැසක් පවතින අතර, යාපනය කොටුව පුරාවිද්‍යා සංරක්ෂිත ප‍්‍රදේශයක් වන බවයි.
එබැවින් ඒ තුළ යුධ හමුදා කඳවුරු ස්ථාපිත කිරීම තුළින් ඓතිහාසික නටබුන් විනාශවීමේ අවධානමක් පවතින බවද හෙතෙම සඳහන් කරයි.

යාපනය යුධ හමුදා කඳවුරු සිවිල් ජනතාවගේ ඉඩම් තුළින් ඉවත් කොට යාපනය ප‍්‍රදේශයේ පවතින වෙනත් රජයේ ස්ථානයක ස්ථාපිත කිරීම සිදු කළ යුතු වුවත් යාපනය කොටුව තුළ යුධ හමුදා කඳවුරු ස්ථාපිත කිරීම සුදුසු නොවන බව ඔහු වැඩි දුරටත් පැවැසීය.

සියලුම පළාත් සභා මැතිවරණ එකම දිනයකදී පැවැත්විමට අදාල ආණ්ඩුක්‍රම ව්‍යවස්ථාවේ 20 වන සංශෝධනය අද උතුරු පළාත් සභාවට ඉදිරිපත් කිරිමට නියමිතවේ.

මීට අදාල විවාදය අද පැවැත්වෙන බව උතුරු පළාත් සභාවේ සභාපති සී.වි.කේ. සිවඥානම් සදහන් කළේය.

20 වන ආණ්ඩුක්‍රම ව්‍යවස්ථා සංශෝධනය සම්බන්ධයෙන් උතුරු පළාත් සභාවේ සහයෝගය ලබාදීමට හැකියාවක් නොමැති බව උතුරු පළාත් ප්‍රධාන අමාත්‍ය සී.වී. විග්නේෂ්වරන් මීට පෙර සදහන් කළේය.