17
Sun, Dec

මහ බැංකුවේ හිටපු අධිපති අර්ජුන මහේන්ද්‍රන්, ඔහුගේ බෑනා වන පර්පෙචුවල් ට්‍රෙෂරීස්‌ සමාගමේ අයිතිකරු අර්ජුන් ඇලෝසියස්‌, හිටපු මුදල් ඇමැති රවි කරුණානායක, පර්පෙචුවල් ට්‍රෙෂරීස්‌ සමාගමේ ප්‍රධාන විධායක නිලධාරි කසුන් පලිසේන ඇතුළු කොමිසම හමුවේ නම් සඳහන් වූ පුද්ගලයන් කීප දෙනකු අතර හුවමාරු වූ දුරකථන පණිවුඩ අදාළ තොරතුරු රැසක්‌ ඇතුළත් කොට සකස්‌ කරන ලද වාර්තාවක්‌ රහස්‌ පොලිසියේ උප පොලිස්‌ පරීක්‌ෂක යසන්ත යෙහාන් ජයසිංහ මහතා ඊයේ (16 දා) බැඳුම්කර කොමිසමට ඉදිරිපත් කළේය.
 
 දුරකථන පණිවුඩ හුවමාරු කරගත් පුද්ගලයන්ගේ නම් දුරකථන අංක ගතවූ කාලසීමාව ඇතුළත් කොට එම වාර්තාව සකස්‌ කළේ රහස්‌ පොලිස්‌ අධ්‍යක්‌ෂවරයාට බැඳුම්කර ජනාධිපති කොමිසමෙන් ලැබුණු නියෝගයක්‌ උඩ බව ද උප පොලිස්‌ පරීක්‌ෂක ජයසිංහ මහතා ජ්‍යෙෂ්ඨ අතිරේක සොලිසිටර් ජනරාල් යසන්ත කෝදාගොඩ මහතාගේ මෙහෙයවීම යටතේ සාක්‌ෂි දෙමින් පැවසීය.
 

මෙවර අයවැයෙන් ඉලෙක්ට්‍රික් වාහන සඳහා 50ක බදු සහනයක් ලබාදුන් බව මුදල් අමාත්‍යවරයා ප්‍රකාශ කළද, වාහනයක් මිලදී ගැනීමට බලා‍පොරොත්තුවෙන් සිටින මෙරට පාරිභෝගිකයන්ට එයින් කිසිදු වාසියක් අත් නොවන බව ලංකා වාහන ආනයනකරුවන්ගේ සංගමය පවසයි.


මෙවර අයවැයෙන් 1300 සී.සී. සහ 1500 සී.සී. අතර කාණ්ඩයේ හයිබ්‍රිඩ් රථවල ඒකක බද්ද රුපියල් 2000 සිට 2500 දක්වා ඉහළ දමා තිබිම හේතුවෙන් මෙරට ඉතා ජනප්‍රිය ටොයෝටා ඇක්වා, ඇක්සියෝ, හොන්ඩා ග්‍රේස් වැනි මෝටර් රථ සඳහා වන බද්ද රුපියල් හත් ලක්ෂ පනස් දහසකින් (7,50000) ඉහළ යනු ඇතැයි ද ලංකා වාහන ආනයනකරුවන්ගේ සංගමය වැඩදුරටත් පවසයි.
ඉලෙක්ට්‍රික් වාහන සඳහා ලබාදී තිබෙන බදු සහන හිමිවන්නේ මෙරටට ගෙන්වනු ලබන ලියාපදිංචි නොකළ අලුත් වාහන සඳහා පමණක් බවත්, මේ වන විට ශ්‍රී ලංකාවට අලුත් ඉලෙක්ට්‍රික් රථ ගෙන්වීමක් සිදු නොවන බැවින් එම සහනය පාරිභෝගිකයන්ට කිසිසේත්ම ලබාගත නොහැකි එකක් බවත් එහිදී අදහස් දැක්වූ ලංකා වාහන ආනයනකරුවන්ගේ සංගමයේ සභාපති ඉන්දික සම්පත් මෙරෙංචිගේ පැවැසීය.

මුදල් ඇමැති මංගල සමරවීර ලබන 9 වැනිදා පාර්ලිමේන්තුවට ඉදිරිපත් කරන අය වැය ලේඛනය මගින් එංජින් ධාරිතාව 1000 ට අඩු වාහනවල මිල අඩු කෙරෙනු ඇතැයි වාර්තා වේ.

කුඩා ව්‍යාපාරිකයන්ට සහන සැලසීම මූලික කරගනිමින් මෙවර අයවැය යෝජනාවලිය ඉදිරිපත් කෙ​ෙරන අතර ඒ යටතේ සුළු හා මධ්‍ය පරිමාණ ව්‍යාපාරිකයන් දිරිමත් කිරීමට ප්‍රමුඛතාවය ලබාදෙනු ඇතැයි ආරංචි මාර්ග සඳහන් කරයි.

මීට අමතරව වර්ෂ 2019 වෙන විට ඇමෙරිකානු ඩොලර් මිලියන 4000 ක් විදේශ ණය ගෙවීමට ඇති බැවින් රාජ්‍ය ආදායම වැඩිකර ගැනීම පිළිබඳ විශේෂ යෝජනා ඇතුළත් කරනු ඇතැයි ද කියති.

විදෙස්ගත ශ්‍රමිකයින් සදහා යෝජිත විශ්‍රාම වැටුප ලබන වසරේ අප්‍රේල් මාසය වන විට ලබාදිය හැකි වනු ඇති බව අධිකරණ හා විදේශ රැකියා අමාත්‍ය තලතා අතුකෝරාල මහත්මිය පැවැසීය.

විදෙස්ගතව සිටියදී විවිධ කරදරවලට ලක් වූ ශ්‍රමිකයින් 38 දෙනෙකු සදහා වන්දි ප්‍රදානය කිරීම වෙනුවෙන් විදේශ සේවා නියුක්ති කාර්යාංශයේ පැවැති උත්සවයකදී ඇය සදහන් කළේ මෙම වැඩපිළිවෙල ක්‍රියාත්මක කිරිම පහසු කාර්යයක් නොවන බවයි.

රටේ ඇති සියලුම වාහන 2040 වන විට දෙමුහුන් හෝ විදුලියෙන්  ධාවනය වන වාහන බවට පරිවර්තනය කර හරිත ප්‍රවාහන සේවයක් ඇති කරන බව මුදල් ඇමැති වරයා කියයි.

මේ අනුව දෙමුහුන් හා විදුලියෙන් ධාවනය වන වාහන මත පනවන බදු අඩු කරන අතර  ඛණිජමය ඉන්දන මත ධාවනය වන වාහන මත බදු යාවත් කාලීන කිරීමට තීරණය කර ඇත.

විදුලියෙන් ධාවනය වන මෝටර් කාර් රථයක බදු ලක්ෂ 10කින් අඩු කරන අතර  සුඛෝපභෝගී වාහන වල බදු  ලක්ෂ 25කින් වැඩි කිරීමට තීරණය කර ඇති බව මුදල් ඇමැති වරයා පැවසීය.

පරිසර හිතකාමී විදුලි ත්‍රිරෝද රථ භාවිතය දිරිමත් කරන අතර ඩීසල් ත්‍රි රෝද  බද්ද  රු. 50,000කින් ඉහල දමා ඇත.

විදුලි ත්‍රිරෝද රථ හා  විදුලි බස් භාවිතය දිරිමත් කිරීමට 10 යි 90 ක්‍රමවේදය භාවිතා කිරීමට පියවර ගෙන ඇත. එනම් පාරිභේගිකයා මුලු මුදලින් සියයට 10ක් යොදවන විට රජය සියයට 90ක් ලබා දෙනු ඇත.

දැනට පාවිච්චි කරන  ත්‍රි රෝද රථ බංගල දේශයට විකුණන්න අවස්තාව සලසා දීමටද කටයුතු කර ඇත.

ලංගම හරිත කරනය කිරීම සඳහා විදුලි බස් 50ක් ගෙන් වීමට  රැ බිලියන 500ක් වෙන් කර ඇත.

ජෙහාන් ශ්‍රී කාන්ත ගේ නාට්‍ය ය නිර්මාණයක් වුනු ,සූකර අසපුව, මේ සෙනසුරාද නැතිනම් නොවෙම්බර් එකලොස් වෙනිදා සවස හතට මහල්වරාව බේකරියේ පුංචි වලේ වේදිකා ගත කරනවා .

ජෙහාන් , පාලි , ප්‍රියන්ත මේ සියළු දෙනාගේ සාමුහික උත්සාහයක් සමඟ ජෙහාන්ගේ මේ නාට්‍ය ය බේකරියේ කාට්ටියගේ සංවිධාන මෙහෙය වීමත් සමඟ බේකරියේ පුංචි වලේ වේදිකා ගත වෙනවා.

ජෙහාන් ඇතුළු බේකරියේ කට්ටිය, මේ උත්සහාය විඳගන්න මේ මාසයේ එකලොස් වෙනිදා සවස 7 ට මහල්වාරව බේකරිය පරිශ්‍රයට පැමිණෙන ලෙස ආරාධනා කරනවා.

විප්ලවවාදී ව්‍යාපාරය තුළ තීරනාත්මක වගකීමක් දැරූ විමලරත්න හෙවත් ට්‍රින්කෝ බැටී සහෝරදයා අල්ලා ගන්නට වධකයෝ සමත් වූහ.
ස්ථීර ලෙසම ඔවුන්ගේ පළමු සිතුවිල්ල වූයේ මේ අඵත් ගොදුර හපකර හෝ වයාපාරය පිළිඹද වැදගත් කරුණු හැකි තරම් ප්‍රමාණයක් එකින් එක එළියට ගැනීමය. එසේ සිතීමට වධකයන් පෙළඹවු ප්‍රධානතම කාරණාව වූයේ තමන් කොටු කරගත්තේ කෙතරම් වටිනා පුද්ගලයෙකු ද යන්න ඔවුන් දැන සිටීමය.
පළමු තත්පරයේ සිට සැළසුම් සකස් කෙරුණේ ට්‍රින්කෝ බැටී සහෝදරයාගෙන් හැකිතාක් තොරතුරු හෙළිදරව් කරගැනීමය. සියඵ වධකයන් ඒ පිළිඹද දැනුවත් කර තැබීමට ද අදාළ ඒකකයේ ප්‍රධානියා අමතක කළේ නැත. ඒ අනුව මළ නොතළා රොන් ගන්නට පළමු උත්සාහය දියත් විය.
වරදාන වරප්‍රසාද කප්පරක් පිළිඹද පොරොන්දුවක් ට්‍රින්කෝ බැටී සහෝදරයා ඉදිරිපිට තබන ලදී. එය පෙන්වා ඉල්ලන ලද්දේ අන් යමක් නොව වයාපාරය පිළිඹද තොරතුරුය. අනෙකුත් නායකයන් පිළිඹද තොරතුරුය. පළමු වෑයම ට්‍රින්කෝ බැටී සහෝදරයාගේ උපහාසාත්මක සිනහවත් කෙටි, එහෙත් තියුණු පැහැදිලි කිරීමත් ඉදිරියේ ලත් තැනම ලොප් විය.
එකම ඉල්ලීම වාර කිහිපයක් කළද ප්‍රතිඵලයෙහි වෙනසක් වූයේ නැත. අවසන් ඉල්ලීම බලකිරීමක හැඩය ගත්තේ ඊළග වටය සිතන තරම් සුමට එකක් නොවන බව බැටී සහෝදරයාටම ඒත්තු ගන්වමිනි. එහෙත් ඔහු කෙළින් සිටියේය.

සිතූ පරිදිම ඊළග වටය ආරම්භ වූයේ දෙතිස් වධයේ එකේ ඉලක්කමෙනි. තමන්ගේ සහචරයන් ට්‍රින්කෝ බැටී හෙවත් විමලරත්නට වධ දෙන අයුරු වධක ඒකකයේ ප්‍රධානියා තොරතුරු පිපාසයෙන් යුතුව නිරීක්ෂණය කරමින් සිටියේය. සැබැවින්ම ඔහු අවාසනාවන්තයෙකි. මක්නිසාදයත්, ඔහුගේ දෑස් ඉදිරිපිට එල්ලී පහර කමින් සිටි ට්‍රින්කෝ බැටී පෙර කී පවස නිවන්නට කිසිදු සහායක් නොදුන් නිසාය.
ඒකකයේ ප්‍රධානියා තීන්දුවක් ගත්තේය. ඔහු වහාම වධය නතර කළේය. සහචරයන් තමා අසලට කැදවා කිසිවක් දැනුම් දුන්නේය. කෙතරම් වධ වේදනා වලට ලක්ව සිටිය ද ඊළගට සිදුවන්නේ කුමක්ද යන්න පිළිඹදව ට්‍රින්කෝ බැටී සහෝදරයා ද අවදියෙන් සිටියේය. සත්‍ය වශයෙන්ම ඊළගට සිදුවන්නේ කුමක්දැයි ඔහු නිවැරදිව අනුමාන කළේය.
මේ කියන වකවානුව, සටන්කරුවන්ගෙන් තොරතුරු දැනගැනීම සදහා අලුත් ක්‍රමවේදයක් සොයාගත් වකවානුවක් විය. එය නම් වධයට ලක්කළ සටන්කරුවාගේ ශරීරයට මෝෆීන් නමැති රසායනය අධික ලෙස එන්නත් කිරීමය. මෝෆීන් අධික ලෙස ශරීරගත කිරීමෙන් පසු අපූරු දෙයක් සිදුවෙයි. කිසියම් මත්භාවයකට පත්වන පුද්ගලයා එතැන් සිට තම තාවකාලික මතකය අවදිකරන්නට පටන් ගනී. මේ කතාවේ වධක ඒකකයේ ප්රවධානියා ගත් තීරණය අන් යමක් නොව ට්‍රින්කෝ බැටී හෙවත් විමලරත්න නමැති සටන්කරුවාට අධික ලෙස මෝෆීන් එන්නත් කිරීමය. ට්‍රින්කෝ බැටී සහෝදරයා නිවැරදිව අනුමාන කළ දෙය ද එයම විය. 
ඒ අනුමානයත් සමග ඔහු ද තීරණයක් ගත්තේය. තමන්ගේ තාවකාලික මතකය මත්භාවයකින් අවදිකරවන්නට වධකයන් සැරසෙන බව වටහාගත් ඔහු හද කම්පනය කරවන උපක්‍රමයක් තෝරාගත්තේය. එනම් තාවකාලික මතකය අත්‍යවශ්‍ය තොරතුරු නොවන වෙනත් දෙයකින් පුරවාගැනීමය. ඒ වෙනත් දෙය වූයේ විමුක්ති ගී ය.
වධකයන් දුන් තීරණාත්මක විරාමය ආරම්භ වූ තැන් සිට මහ හඩින් විමුක්ති ගී ගායනා කරන්නට ට්‍රින්කෝ බැටී සහෝොදරයා වග බලා ගත්තේය. අධික ලෙස වධයට පත්කිරීමෙන් පසු වූවද එකදු තොරතුරක් මුදා නොහැරි මේ මිනිසාගේ හදිසි ගායනාව වධකයන් අන්ද මන්ද කරවන සුලු විය.
මෝෆීන් එන්නත් කළයුතුය යන සාකච්ඡාව සිදුවන වේලාවේදිත් මෝෆීන් සූදානම් කරගන්නා වේලාවේදීත් ට්‍රින්කෝ බැටී සහෝදරයා දිගින් දිගටම විමුක්ති ගී ගායනා කළේය.
වධකයෝ පැමිණියහ. තිත්ත කුණුහරුපයෙන් බැණ වදිමින් එල්ලා සිටි සටන්කරුවා බිමට බාගනු ලැබීය. ඒ මොහොතේ පවා විමුක්ති ගී ගායනාව නතර නොවීය. බිම හෙඵෑ සටන්කරුවාට මෝෆීන් අධික ප්‍රමාණයක් කඩිමුඩියේ එන්නත් කෙරිණි. විමුක්ති ගී නතර නොවී තිබිණි. 
සුඵ වෙලාවකට පසු රසායනය ක්‍රියාකාරී වෙන්නට පටන්ගත්තේය. වධකයෝ අනේක විධ ප්‍රශ්ණ අසන්නට පටන් ගත්තෝය. ට්‍රින්කෝ බැටී හෙවත් විමලරත්න, තම තාවකාලික මතකයේ අඩංගුව පැවති වයාපාරය පිළිඹද තොරතුරු වමාරනු ඇත කියාය. එහෙත් ඔවුනට වැරදී තිබිණි. ට්‍රින්කෝ බැටී සහෝදරයා එක දිගට එක පෙලට කියන වචන පෙලක් වූ නමුත් ඒ වචන වයාපාරයේ තොරතුරු නම් නොවීය. ඒ වචන වෙන කිසිවක් නොව විමුක්ති ගී විය.

උපුටා ගැනීම ජනරළ පුවත්පතින්...

තම වැටුප් විසමතා ඇතුළු වෘත්තීය ප්‍රශ්නවලට රජය පොරොන්දු වූ පරිදි විසඳුම් ලබානොදීම නිසා දුම්රිය රියැදුරු සංගමය, දුම්රිය ස්ථානාධිපති සංගමය, දුම්රිය නියාමකවරුන්ගේ සංගමය හා දුම්රිය පාලක මැදිරි නිලධාරීන් ඒකාබද්ධව අද (08දා) මධ්‍යම රාත්‍රියේ සිට අඛණ්ඩ වැඩ වර්ජනයක් ආරම්භ කිරීමට තීරණය කර තිබේ.

මීට දෙසතියකට පෙර තම වෘත්තීය ඉල්ලීම් ඉටුනොවීම හේතුවෙන් වැඩ වර්ජනයක් ආරම්භ කිරීමට වෘත්තීය සමිති සූදානම් වූ අවස්ථාවේ සති දෙකක් තුළ එම ඉල්ලීම් ඉටුකර දෙන බවට ප්‍රවාහන හා සිවිල් ගුවන් සේවා නියෝජ්‍ය අමාත්‍ය අශෝක් අබේසිංහ මහතා ලබාදුන් ප්‍රතිඥාවක් අනුව එය අත්හිටුවූ බව එම වෘත්තීය සමිති ප්‍රකාශකයෙක් "මව්බිම"ට පැවැසුවේය.

තම ඉල්ලීම් ඉටුවන තුරු අද රාත්‍රි අරඹන වැඩ වර්ජනය අත්නොහරින බවත් ඒ අනුව හෙට අලුයම සිට දුම්රිය ධාවනය සම්පූර්ණයෙන්ම පාහේ අඩපණ විය හැකි බවත් එම ප්‍රකාශකයා සඳහන් කළේය.

මේ පිළිබඳව දුම්රිය සාමාන්‍යාධිකාරි එස්.එම්. අබේවික්‍රම මහතාගෙන් "මව්බිම" කළ විමසුමකදී ඔහු පැවැසුවේ අද මධ්‍යම රාත්‍රියේ සිට ක්‍රියාත්මක කිරීමට යෝජිත දුම්රිය වැඩ වර්ජනය සම්බන්ධයෙන් අදාළ වෘත්තීය සමිති විසින් තමන්ව දැනුවත් කර ඇති බවයි.

කෙසේ වුවද ඔවුන්ගේ වැටුප් විසමතා සම්බන්ධයෙන් කටයුතු කරන්නේ ප්‍රවාහන හා මුදල් අමාත්‍යාංශයන් බවත් වර්ජනය හේතුවෙන් දුම්රිය මගීන්ට සිදුවිය හැකි පීඩාවන් අවම කිරීම සඳහා උපරිම පියවර ගන්නා බවත් හෙතෙම සඳහන් කළේය

ඉවසීමේ සීමාවද ඉක්මවා ගොස් ඇති බැවින් තවදුරටත් කිසිදු දේශපාලනමය කැපකිරීමක් සිදු කිරීමට තමන්ගේ සූදානමක් නැතැයි දෙමළ ජාතික සන්ධානය අවධාරණය කරයි.

එම සන්ධානයේ නායක විපක්‍ෂ නායක ආර්. සම්පන්දන් මහතා සඳහන් කර ඇත්තේ තම සන්ධානය දැනටමත් දේශපාලන කැපකිරීම් රැසක් සිදුකොට ඇති බවයි.

මෙරට සංචාරයක නිරත දකුණු අප්‍රිකානු රෝෆිනා මාරක්ස් මහත්මිය පසුගියදා පාර්ලිමේන්තුවේ විපක්‍ෂ නායක කාර්යාලයේදී සම්පන්දන් මහතා හමුවූ අවස්ථාවේ දී ඔහු මේ අදහස් දක්වා ඇත.

මෙරට ජාතික ගැටලුව වෙනුවෙන් විසඳුමක් ලැබීම අත්‍යවශ්‍ය බවත් දකුණු අප්‍රිකානු රජය විසින් ශ්‍රී ලංකා රජයේ දැඩි අවධානය ඒ කෙරෙහි යොමු කළ යුතුව තිබෙන බවත් ඒ මහතා මාරක්ස් මහත්මියට අවධාරණය කර ඇත.

මෙහිදී නව ආණ්ඩුක්‍රම ව්‍යවස්ථා සම්පාදනය, සංහිඳියා ක්‍රියාවලිය, වගවීමේ ක්‍රියාවලිය හා මෙරට වත්මන් දේශපාලන වාතාවරණය සම්බන්ධයෙන් සාකච්ඡා කොට තිබේ.