26
Thu, Apr

එක්සත් ජාතික පක්ෂයේ ප්‍රධාන තනතුරු සඳහා සාමාජිකයන් නම්කර තිබේ.

ඒ අනුව පක්ෂයේ මහලේකම් ධූරයට අමාත්‍ය අකිල විරාජ් කාරියවසම් මහතා පත් කර ඇත.

ජාතික සංවිධායක ධුරයට නවීන් දිසානායක මහතා පත්කර තිබේ.

සභාපති ධූරයට පත්කර ඇත්තේ අමාත්‍ය කබීර් හෂිම් මහතායි.

එමෙන්ම එක්සත් ජාතික පක්ෂයේ නියෝජ්‍ය නායක ලෙසට අමාත්‍ය සජිත් ප්‍රේමදාස මහතා පත්කර ඇති අතර උප නායක ධුරයට පත්කර ඇත්තේ රවී කරුණානායක මහතායි.

භාණ්ඩාගාරික තනතුරුට හර්ෂ ද සිල්වා මහතා පත්කර තිබේ.

අනෙක් තනතුරු පිළිබඳ හෙට පක්ෂ කෘත්‍යාධිකාරී මණ්ඩලයේදී ප්‍රකාශයට පත්කෙරෙනු ඇත.

තනතුරු සම්බන්ධයෙන් තීරණයක් ගැනීමට පක්ෂයේ ප්‍රතිසංවිධාන සඳහා පත් කළ දේශපාලන මණ්ඩලය අද පස්වරුවේ අරලියගහ මන්දිරයේදී රැස්වුණි.

එහිදී මෙම තනතුරු සඳහා පත්කිරීම් සිදුකර ඇත.

රජරට විශ්වවිද්‍යාලයේ අධ්‍යයන කටයුතු අද (23) සිට ආරම්භ කරන බව රජරට විශ්වවිද්‍යාලයේ උපකුලපති මහාචාර්ය රංජිත් විජේවර්ධන සඳහන් කරයි.

එමෙන් ම නේවාසික පහසුකම් සහිත සියලු ම සිසුන්ට 22දා සිට නේවාසිකාගාර විවෘත වන අතර එදින පස්වරු 4.00ට පෙර සිසුන් නේවාසිකාගාරවලට වාර්තා කළ යුතු බවත් දැනුම් දෙයි.

අලුත් අවුරුදු උත්සව සමය වෙනුවෙන් මගී ජනතාවගේ පහසුව සඳහා ශ්‍රි ලංකා දුම්රිය දෙපාර්තමේන්තුව විසින් විශේෂ දුම්රිය සේවාවක් පවත්වාගෙන යාමට කටයුතු යොදා ඇත.

ඒ අනුව අලුත් අවුරුදු විශේෂ සේවා වෙනුවෙන් ඉදිරි දිනවල ක්‍රියාත්මක කෙරෙන දුම්රිය ධාවන සැලසුම පහත දක්වා තිබේ.

දිනය

ආරම්භක ස්ථානය

අවසන් ස්ථානය

වේලාව

පහසුකම්

2018/04/15

කොළඹ කොටුව

බණ්ඩාරවෙල

ප.ව 07.20

වායු සමනය කල මැදිරියක් සහිතය


මාතර

මරදාන

ප.ව 7.00



මරදාන

මාතර

ප.ව 2.55



යාපනය

කොළඹ කොටුව

ප.ව 8.00


2018/04/16

බණ්ඩාරවෙල

කොළඹ කොටුව

පෙ.ව 08.05

වායු සමනය කල මැදිරියක් සහිතය


මාතර

මරදාන

ප.ව 7.00



කොළඹ කොටුව

ගාල්ල

ප.ව 6.50



මරදාන

මාතර

ප.ව 2.55


2018/04/17

මරදාන

ගාල්ල

පෙ.ව 9.20

පෙ.ව 11.50



ගාල්ල

මරදාන

පෙ.ව 07.05



ගාල්ල

කොළඹ කොටුව

ප.ව. 1.15

ප.ව. 05.55


අලුත් අවුරුදු සමය වෙනුවෙන් ඉදිරි දින කිහිපය තුළදීත් විශේෂ දුම්රිය සේවාවන් ක්‍රියාත්මක වන බව ශ්‍රී ලංකා දුම්රිය දෙපාර්තමේන්තුව දන්වා සිටියි.

එල්.පී.තිලකරත්න
අංශ ප්‍රධානී (ප්‍රචාරක)

රජයේ ප්‍රවෘත්ති අධ්‍යක්ෂ ජනරාල් වෙනුවට

ජනතා විමුක්ති පෙරමුණේ දේශපාලන මණ්ඩල සභික ලාල්කාන්ත සහෝදරයාගේ මෑණියන් වන එස්.එම්. සෝමවතී මහත්මිය අභාවප්‍රාප්ත වී තිබේ.

මිය යන විට 80 වැනි වියේ පසු වූ ඇයගේ දේහය පිළිබඳ අවසන් කටයුතු හෙට (26) පස්වරු 3.00ට අනුරාධපුර කලැත්තෑව පොදු සුසානභූමියේදී සිදු කිරීමට නියමිතය.

ඇය දූදරුවන් සිව්දෙනෙකුගේ මවකි.

මේ වනවිට එම දේහය අනුරාධපුර නුවර පාරේ කුරුන්දන්කුලම නිවසේ තැන්පත් කර ඇත.

ආණ්ඩුවේ අඩුපාඩු ඇති බව තමන් පිළිගන්නා බවත් නමුත් පෙර පැවති පාලනයම නැවත ගෙන ඒම එයට විසඳුම නොවන බව ප්‍රාදේශීය සංවර්ධන අමාත්‍ය සරත් ෆොන්සේකා මහතා පවසයි.

ජනතාවගේ අවශ්‍යතාවය අනුව ආණ්ඩුවේ ඇතැම් වෙනස්කම් සිදුකර ජනතාව අතරට යා යුතු බවත් එසේ නොවුන හොත් එක්සත් ජාතික පක්ෂයේ අපට කණගාටු වීමට සිදු වන බව අමාත්‍යවරයා පැවසීය.

ආණ්ඩුවෙන් ඉවත්වූ ශ්‍රී ලංකා නිදහස් පක්ෂයේ දහසය දෙනා කැබිනට්ටුව තුළත් ආණ්ඩුවටත් අපලයක් බව අමාත්‍ය සරත් ෆොන්සේකා මහතා ප්‍රකාශ කළේය.

විපක්ෂ නායක ආර්. සම්බන්ධන් මහතා සමඟ කිසිඳු ගිවිසුමක් නොමැති බවත් එතුමන් ඇතුළු දෙමළ දේශපාලඥයින් ප්‍රතිපත්ති මත දේශපාලනය සිදු කරන බවත් දකුණේ දේශපාලඥයින් එසේ නොවන බවද ප්‍රාදේශීය සංවර්ධන අමාත්‍ය සරත් ෆොන්සේකා මහතා වැඩිදුරටත් පැවසීය.

වව්නියාව නගරසභාවේ පාලන බලය දෙමළ ජාතික සන්ධානයට (TNA) අහිමි වූ අතර මෑතදී පිහිටුවන ලද දෙමළ ජාතික විමුක්තිකාමී පක්ෂය (ENLF) විසින් එහි බලය අත්පත් කර ගනු ලැබ ඇත.

දෙමළ ජාතික විමුක්තිකාමී පක්ෂය (ENLF) මෑතදී පිහිටුවා ගන්නා ලද්දේ වී. ආනන්දසංගරී නායකත්වය දෙන ද්‍රවිඩ එක්සත් විමුක්ති පෙරමුණ(TULF ) සහ සුරේෂ් ප්‍රේමචන්ද්‍රන් විසින් නායකත්වය දෙනු ලබන EPRLF සංවිධානය සන්ධානගත වීමෙනි.

වව්නියාව නගර සභාවේ අභිනව නගරාධිපතිවරයා තෝරා පත් කර ගැනීමේ දී එක්සත් ජාතික පක්ෂය,ශ්‍රී ලංකා නිදහස් පක්ෂය,සහ EPDP පක්ෂයේ සහයෝගය දෙමළ ජාතික විමුක්තිකාමී පක්ෂයට (ENLF) ලැබුණි.

ඒ අනුව එම පක්ෂය විසින් ඉදිරිපත් කරන ලද රාසලිංගම් ගෞතම්ට ඡන්ද එකොළහක් ලැබීමෙන් ඔහු අභිනව නගරාධිපතිවරයා හැටියට පත්විය.

දෙමළ ජාතික සන්ධානය විසින් නගරාධිපති පදවිය සඳහා ඉදිරිපත් කරන ලද අපේක්ෂකයාට එම සන්ධානයෙන් තේරී පත්ව සිටින නගර සභිකයන් අටදෙනාගේ සහ සමස්ත ලංකා දෙමළ කොංග්‍රසයේ නියෝජිතයාගේ සහයෝගය ලැබුණ අතර ඔහු ලද මුළු ඡන්ද සංඛ්‍යාව නවයකි.

 

දෙමළ ජාතික විමුක්තිකාමී පක්ෂයේ (ENLF) රාසලිංගම් ගෞතම් අභිනව නගරාධිපතිවරයා හැටියට පත්විය.
මේ අනුව තනි පක්ෂයක් ලෙස වැඩිම නගර සභික සංඛ්‍යාව හිමි දෙමළ ජාතික සන්ධානයට වව්නියාව නගර සභාවේ පාලන බලය මෙවර අහිමි විය.

මෙතෙක් දීර්ඝ කාලයක් වව්නියාව නගර සභාවේ පාලන බලය හිමිව තිබුණේ එම සන්ධානයටය.

නගර සභාවේ මෙම පළමු සභාවාරය පැවති අවස්ථාවට එම්.ඒ.සුමන්තිරන්, ශිවශක්ති ආනන්දන්, සහ කේ.කේ. මස්තාන් යන පාර්ලිමේන්තු මන්ත්‍රීවරු සහභාගී වූහ.

සුගන්දිකා විසින් සිදු කරන ලද ප්‍රකාශය පිලිබදව ගොඩනැගුනු සමාජ කතිකාවත තුල විවිධ ස්ථාවර ඉදිරිපත් වී ඇත.පිරිසක් දුෂිත අධිකරණ පද්දතිය සහ නීති වෘත්තිකයින්ගේ අචාර ධාර්මික අපගමනයන් පිලිබද සාධනීය හෙලිදරව්වක් ලෙස එය දකියි.තව පිරිසක් එම විවේචන පිලිගනිමින් නමුත් සමස්ථ අධිකරණ ක්‍රමය හෝ නීති වෘත්තිය එම ප්‍රකාශ මගින් මැනීම අසාධාරණ බව ප්‍රකාශ කරයි.තවත් සීමිත පිරිසක් එය ප්‍රකාශිකාවගේ පුද්ගලික යටි අරමුණක් උදෙසා කල ප්‍රකාශයකට ලඝු කරයි.

සුගන්ධිකා සහ විවේචකයින් සියලු දෙනා සංයුක්තව මෙම ගැටලුව නොදකින බව මා සිතමි.1796 සිට 1948 දක්වා අපගේ අධිකරණය සහ නීති පද්දතිය යනු යටත්විජිතවාදය නැමැති ධනපති අවධියේ පැවැත්ම නිස්චිත කල පාලක පන්තියේ අවියයි.අධිරාජ්‍යවාදින්ට සිය සුරාකෑම සදහා අභියෝගයක් වු ආසියාතික වැඩවසම් ක්‍රමය අවසන් කිරීමේ ප්‍රමුඛ කාර්‍යභාරය සිදුකලේ අධිකරණය සහ නීති පද්දතිය වේ.

1948 සිට 1970 දශකය දක්වා රැසියා -ඇමරිකා සීතල යුද්ධයේ බලපෑම මත නීති සහ නීති පද්දති කදවුරැ දෙකක් අතර දෝලනය වු අතර සමාජවාදි කදවුරේ බලපෑම මත නිදහස් අධ්‍යාපන සදහා වු නීති,ගෙවල් කුලි පනත,ඉඩම් ප්‍රතිසංස්කරණ පනත වැනි නීති පැනවිනි.

1978 න් පසු යුගය යනු ශුද්ධ වු සියල්ලට මිලක් නියම වන නව ලිබරල් ධනවාදයේ සුරක්ෂාව පිණිස නීතිය සහ අධිකරණ පද්දති සිය කාර්‍යභාරය ඉටු කිරිම භාරගෙන ඇති යුගයයි.ඒ අනුව බැංකු පනත්,සමාගම් නීති,බුද්ධිමය දේපල නීති වැනි නීති යනු සියල්ල විකුණන සමාජ ක්‍රමයක සුරක්ෂා කෝෂය නිර්මාණය කල නීති වේ.

නමුත් සමස්තයක් ලෙස මේ කුමන බලපෑමක් අභියස වුව පාලක පන්තිය අධිකරණය ස්වාධීන සහ පීඩිතයන්ගේ විමුක්තියේ දෙවොල බවට ඒත්තු ගැන්වීමට හැමවිටම උත්සාහ දරණ ලදි.ජස්ටීෂියා ග්‍රික දෙවොලෙන් බිමට බස්සවා දේවස්ථාන වැනි විශාල අධිකරණ ගොඩනගා සිලිදු වැනි පීඩකයින් හට ක්‍රම විරෝධය වෙනුවට අාගම මෙන්ම ක්‍රමයට අනුගත වීමේ අනිඡ්චානුගත පෙලඹවීමක් ඇතිකරන ලදි.

සුගන්ධිකා පවසන බීමත් විනිසුරන් හෝ දුෂිත නීතිඥයන් පිලිබද කතිකාවත වෛද්‍ය වෘත්තිය වැනි අනෙක් වෘත්තින් ,ආගමික ආයතන ආදි සැම ක්ෂේත්‍රයකම පොදු තත්ත්වයක් මිස එය සුවිශේෂි තත්ත්වයක් නොවේ.ඇය සහ අනෙක් විවේචකයින් සියල්ල මේ සංවාදය අභිමුව අමතක කරන හෝ සගවන ඇත්ත විවේචනය වන්නේ අධිකරණය විසින් හැමවිටම ක්‍රම විරෝධයෙන් ජනතාව විතැන් කර පාදඩ ධනවාදය ආරක්ෂා කරමින් ප⁣ාලකයාගේ හොදම අවිය ලෙස කරන භුමිකාව නොදැකීමයි.

පැය 16 ක් වැඩ කර පැය 5 ක වැටුප ගන්නා කම්කරැවාට,සහල් බුසල් 10ක් අස්වනු ගෙන බුසල් 3ක මිල ගන්නා ගොවියාට,දිනෙන් දින අධ්‍යායාපන අයිතිය අහිමි වන ශිෂ්‍යාට,සම අයිතිය වෙනුවෙන් අරගල කරන සුලු ජාතිකයාට යුක්තිය අවැසි හැම විටම අධිකරණය ගත්තේ කවරෙකුගේ පාර්ශ්වයද?.සිරගත කලේ පීඩිතයාව ⁣මිස පාලකයාව නොවේ.සොරෙකු සිරගත කරන විනිසුරැවරයා සොරකම නිර්මාණය කල සමාජ අසමානතාව නැමැති හේතුවට පිලිතුරැ නොදෙයි.සාමාන්‍ය මිනීමරැවකු එල්ලුම්ගස් යවන විනිසුරාට වකුගඩු රෝගි මරණ 25000 සක වගකිවයුත්තාට,මිනිසුන් කුණු කදු වලට යටකල මිනිමරැවන්ට,දශක 3 ක යුද්ධ නිර්මාණය කර 100000 ක් සිංහල තමිල් තරැණයන් ඝාතනය කල මිනිමරැවාට,71/89 තරැණ තරැණියන් ඝාතනය කල මිනිමරැවාට දඩුවම් දි නොහැක.⁣මන්ද ඇත්ත චුදිතයා වන පාලකයා සමග රාත්‍රි භෝජනය ගන්නා අය අතර විනිසුරාද වේ.

අපි කලු කබා ඇදගෙන කරන කාර්‍යය ජස්ටීෂියාගේ දෙවොලේ කපුකමක් වැනි කාර්යයක් පමනි.දෙවෙ⁣ාල තැනුවේ පාලකයා විසිනි.කපුවා දුරාචාරියෙක්ද,බේබද්දෙක්ද යන ද්විතිකය. ආතුරයා හැමවිටම පරාදය.පාලකයා සහ ක්‍රමය හැමවිටම යහතින්ය.සුගන්ධිකලා තව තවත් පහලවීම පාලකයාට යහපත්ය.මන්ද ඇය විසින් විවේචනය සකසන්නේ කපුවාට විරැද්ධය.දෙවොලේ නිර්මාපකයාට විරැද්ධව අරගල කරන වුන් එක්කෝ මිහිදන්ය නැතහොත් සිරගතය.

නුවන් බෝපගේ

මත්තල ජාත්‍යන්තර ගුවන් තොටුපොළේ දින දෙකක් නවතා තිබූ ලොව විශාලතම ගුවන් යානය වන අන්තනොෆ් ඒඑන් 225 - මිර්යා ගුවන් යානය අද (අප්‍රේල් 20) අලුයම 4.45 ට පමණ ඉන් නික්ම ගියේය.

පසුගිය 18 වෙනිදා මැලේසියාවේ සිට ගුවන් යානය ශ්‍රී ලංකාවට සේන්දු වුයේ පකිස්තානයේ කරච්චි නුවර බලා යන අතරේදීය.

යානයට අවශ්‍ය ඉන්ධන පුරවා ගැනීම හා 24 දෙනෙකුගෙන් සමන්විත එහි කාර්ය මණ්ඩලයට විවේකයක් ලබාගැනීම එය ශ්‍රී ලංකාවේ ගොඩ බෑමට හේතුව වූ බව මත්තල ගුවන් තොටුපොළ බලධාරීහු පැවසූහ.

 

එන්ජින් 6 කින් යුතු මෙම යානයේ පියාපත් විහිදුම මීටර 88.4 ක්
දින දෙකක් සඳහා යානය නවතා තැබීම හේතුවෙන් රුපියල් මිලියන 15 ට වැඩි අදායමක් ලැබී ඇති බව මත්තල ගුවන් තොටුපොළ කළමනාකාර උපුල් කලංසූරිය පැවසීය.

මේ සා විශාල ගුවන් යානයක් හැසිරවීම සඳහා හොඳින් ඉඩකට අවශ්‍ය බවත්, කාර්ය බහුල නොවූ මත්තල ගුවන් තොටුපොළ ඒ සඳහා වැදගත් වූ බව රුසියාවට අයත් එම ගුවන් යානයේ ප්‍රධාන නියමු අන්තනොෆ් දිමිත්‍රෝ සඳහන් කළේය.

තවත් තොරතුරු:

මත්තලට පැමිණි 'ගුවනේ දැවැන්තයා'
"වැඩකටම නැති ගුවන් තොටුපල" වෙත පැමිණි පළමු මගී යානය
ඔස්ට්‍රේලියා- ලන්ඩන් ගුවන් ගමනේ නව පිම්මක්
චීනයේ පළමු මගී ගුවන් යානය මංගල ගමනේ
චීනයේ ගුවන් විස්කම්; ශබ්දය මෙන් පස් ගුණයක් වේගවත් යානා
අවානි,භාවනා සහ මෝහනාගේ ගුවන් විස්කම්
එන්ජින් 6 කින් යුතු මෙම යානයේ පියාපත් විහිදුම මීටර 88.4 ක් වන එහි ගුවන් භාණ්ඩ රඳවන ඉඩකඩ මෝටර් රථ 80 ට පමණ සෑහේ.

මීටර 84ක දිගින් යුතු යානය රෝද 32කින් සමන්විතය.

 

රෝද 32 ක්
යුක්රේනයේ මෝටර් සිච් (Motor Sych) සමාගම හා එක්ව අන්තනොෆ් සමාගම විසින් නිර්මාණය කරන ලද මේ යානය සඳහා ඩොලර් මිලියන 20ක ඇස්තමේන්තුගත පිරිවැයක් දරා තිබේ.

 

(අන්තනොෆ් - ඒන් 225 මිර්යා)' නමවන ලොව විශාලතම ගුවන් යානය 2016 වර්ෂයේ මාර්තු මස ඕස්ට්‍රේලියාවේ පර්ත් නුවර ගුවන්තොටුපොළට ගොඩ බැස්සවූ අවස්ථාවේ එය නැරඹීම පිණිස විශාල පිරිසක් රැස් වී සිටියහ.

ඇප කොන්දේසි සපුරාලීමට නොහැකිවීම හේතුවෙන් පාර්ලිමේන්තු මන්ත්‍රී මහින්දානන්ද අලුත්ගමගේ මහතා හෙට(17) දිනය දක්වා රිමාන්ඩ් බන්ධනාගාර ගත කිරීමට පියවර ගෙන තිබේ.

රජයේ මුදල් රුපියල් මිලියන 39ක් සාවාද්‍ය ලෙස පරිහරණය කළේ යැයි සැකපිට අත්අඩංගුවට ගත් ඇප මත මුදා හැරීමට කොළඹ කොටුව මහේස්ත්‍රාත් අධිකරනය අද(16) නියෝග කළේය.

පොලිස් මූල්‍ය අපරාධ විමර්ශන කොට්ඨාශය විසින් අත්අඩංගුවට ගත් මහින්දානන්ද අලුත්ගමගේ මන්ත්‍රීවරයා අද පස්වරුවේ කොළඹ කොටුව මහේස්ත්‍රාත් ලංකා ජයරත්න මෙනෙවිය හමුවට ඉදිරිපත් කිරීමෙන් අනතුරුව රුපියල් 35,000ක මුදල් ඇප හා රුපියල් ලක්ෂ 05 බැගින් වූ ශරීර ඇප දෙකක් මත මුදා හැරීමට නියෝග කර තිබේ.

ඔහුගේ විදේශ ගමන් බලපත්‍රය තහනම් කිරීමට ද මහේස්ත්‍රාත්වරිය නියෝග කළේය.

එහෙත් මහින්දානන්ද අලුත්ගමගේ මන්ත්‍රීවරයාගේ විදේශ ගමන් බලපත්‍රය මේ වන විට මහාධිකරණය හමුවේ පවතින බැවින් ඒ බව ඔප්පු කිරීමට නොහැකිවීම හේතුවෙන් මන්ත්‍රීවරයාව හෙට දිනය දක්වා රිමාන්ඩ් කිරීමට බන්ධනාගාර නිළධාරීන් පියවර ගෙන තිබේ.

පසුගිය රජය සමයේ ක්‍රිඩා අමාත්‍යංශයට කැරම්බෝඩ් ඇතුළු ක්‍රිඩා ආම්පන්න මිල දී ගැනීමේදී රජයේ මුදල් සාවාද්‍ය ලෙස පරිහරණය කළේ යැයි සැකපිට පොලිස් මූල්‍ය අපරාධ විමර්ශන කොට්ඨාශය අද පෙරවරුවේ මන්ත්‍රිවරයා අත්අඩංගුවට ගනු ලැබීය.

සැකකාර මහින්දානන්ද අලුත්ගමගේ මහතා වෙනුවෙන් පෙනී සිටි නීතීඥවරුන් අධිකරණය හමුවේ කරුණු දක්වමින් සඳහන් කළේ චෝදනාවට භාජනය වී තිබෙන මුදල් පොදු දේපළ ගණයට අයත් නොවන බැවින් සැකකරුට ඇප ලබාදීමට අධිකරණයට බලයක් පවතින බවයි.

එම තර්කයට අනුව සැකකාර මන්ත්‍රීවරයා ඇප මත මුදාහැරීමට නියෝග කළ මහේස්ත්‍රාත්වරිය සැකකාර මන්ත්‍රීවරයාට මැයි මස 11 වන දින යළි අධිකරණය හමුවේ පෙනී සිටින ලෙස නියෝග කළේය.