21
Sat, Apr

ලියනගේ අමරකීර්ති ඇදුරුතුමාට අනූව තැන්නේ හාමුදුරුවන්ගේ කවි, ''මැදිහත්වීම්වාදි කවි''. වැඩිදුරටත් ඒ අදහස තහවුරු කරන ඔහු පෙන්වා දෙනවා ඒ කවිවල තියෙන විශේෂත්වය කවිය නොකියා කවිය පාඨකයාට ම කියවගන්න ඉඩ ඇරලා බලාගෙන ඉඳිම,

ගල්බෝරේ... ගල්බෝරේ ...ගල්බෝරේ ...
හඬ ඇහුණා බණ්ඩාරෙගෙ ගල්කොරියේ
සංසාරේ දිග මදිවී වෙඩි නූලේ
පය පැටලී නුඹ වැටුනා හිටිඅඩියේ

අහවරයි ලමා දින වෙලඳ ප්‍රවර්ධන.
මාකට් නැත, වැඩිහිටි දිනය අසරන.....
වේලක් නැතත් වේලක් ඔහේ වලඳන...
අම්මා අදත් ආවා කීර විකුනන.

දින දින මිනිස් ගුන පිරිහෙන
ලොවකට වටිනවා එක එක දින.
පෙන්වා ලොවට නැති මනුසත් කම....
වෙස් මුහුනකට නව පන දෙන.

බොරුවෙන් බොරුව ගෙන අටවන.
අට්ටාලයක නැත දිගු ආයුෂ.
එනමුදු හුරේ දා ජය පැන් බොන.
සාදයක් තමයි මුලු ලෝකෙම..

ඉතිහාසය පුරා ඇසුවත් ගැඹුරු බන පද..
කනකින් ඇතුලු වී අනෙකින් පිටව යන.
ඉහමත තබාගෙන වංචා කුහක කම....
මනසින් උසස් යැයි නටමු උදම් අන අන....

කවිශාන්ත රයිගම

රෝහිණී නදිය රතුවන්
ගලා එයි
කාලත්‍රය මැදින්

මේ වතුරේ මිල කොපමණදැයි නොඅසන්න බුදුරදුනි.
මේ ලේවල මිල කොපමණදැයි නාසන්න හිමිසඳුනි

සිවුරු ලූ බමුණන්ට තරහ යයි
නාසන්න හිමිසඳුනි.
රෝහණ පුතුන්ට තරහා යයි.

රොහින්ගානුවන්ගේ ලෙයින් රත්පැහැව
රෝහිණී නම්වූ නදිය ගලා යයි
කාලත්‍රය අරා.
බුදුරදුනි හැකිනම් ඉල්ලා අස්කර ගන්න
ඔබ දෙසූ ඒ නිමල ධර්මය.

ඒ දහමේ නමින්
ගලා ගිය ලෙයයි මේ
අනවරතව ගලා එන්නේ සමිඳුනි.

චීවරයන් ලෙයින් නැහැවී තිබෙයි.
සිල් රෙදි ලෙයින් බරිතව තිබෙයි.
ඔබ ධාතු නිධන් කළ දාගැබ්
මළකුණු සුවඳ විහිදයි.
බෝමළු පුරා රුහිරුයි.
නීල- පීත- ලෝහිත- මාංජේශ්වර- ප්‍රභාශ්වර
රෙදිකඩ පුරා සුකුරුයි.
ධර්ම චක්‍රය මැද කුරුසියයි.
ඒ කුරුසිය මැද
ඇණ ගසා සිටිනුයේ ඔබමයි.

ඔබ එරෙහිවූ සියල්ල
ඔබට එරෙහිව හඬ නගයි.
ඔබේම වචන
ඔබට එරෙහිව මැතිරෙයි.

බුදුරදුනි ඉල්ලා අස්වනු මැනව
බුදු පදවියෙන්.
නිවැරදි කරනු මැන ඉතිහාසය.
කාලත්‍රයේ රුහිරු ගංගා මැදින්
යන්න අන්තප්පුරයට ආපසු.
යන්න සිරි යහන් ගැබට යළි
සනසන්න යසෝදරාවන් සිත.
කෙළිදෙලෙන් පසුවන්න
රාහුලයන් හා.
පියාණන් සිත සනසන්න
වාඩිවී සිහසුන
පළඳා කිරුළ.

බුදුරදුනි නිවැරදි කරනු මැන ඉතිහාසය
රෝහිණී ගංගාව වෙත පිය නොතබන්න
රෝහණ පුතුන් වියරුයි.

කේ. කේ. සමන් කුමාර

More Articles ...