26
Mon, Feb

පුවත්

මිනිසා සහ සුනඛයා අතර පවතින මිතුදම මානව ඉතිහාසයේ ඈතට දිව යන්නකි.

එසේ වූ මිනිසාගේ හොඳම මිතුරා වෙනුවෙන් කැපවුණු ශ්‍රී ලාංකිකයෙකු පිළිබඳ බත්තරමුල්ල පැලවත්ත ප්‍රදේශයෙන් වාර්තා වේ.

සුනඛයන් වෙනුවෙන් කැප වුණු නිහාල් ද සිල්වා අතින් කුසගිනි නිවා ගනු ලබන සුනඛයන් සංඛ්‍යාව 120 -150 අතර වෙති.

පැලවත්ත, කොස්වත්ත, පාර්ලිමේන්තු ක්‍රීඩාංගනය, බත්තරමුල්ල සහ මාලඹේ යන ප්‍රදේශවල සැරිසරන සුනඛයන් වෙත ඔහු දිනපතා ආහාර සපයයි.

හිර ගෙවල් තියෙන්නේ සත්තුන්ව පාලනය කරන්න නෙවෙයි, මිනිස්සුන්ව පාලනය කරන්න

නිහාල් ද සිල්වා පවසන පරිදි ඔහු සුනඛයන් වෙත ආහාර සැපයීම ආරම්භ කර ඇත්තේ මීට වසර දහඅටකට ඉහතදීය.

අදාළ කාලය තුළ දී තමන්ට එම කාර්යය ඉටුකළ නොහැකි වූයේ අවස්ථා හයක දී පමණක් බව ඔහු සිහිපත් කළේය.

සහල්, කුකුළු මස්, පීකුදු සහ සත්ව ආහාර යොදා ගනිමින් සුනඛයන්ට ආහාර පිසීම සඳහා දිනකට රුපියල් 6,000 ක් වැය වන බව කී ඔහු උදෑසන 7 වන විට ආහාර පිසීම ආරම්භ කරයි.

"හෝන් එක ගහනකොට ඒගොල්ලෝ දන්නවා මම ඇවිත් ඉන්න බව. ඒගොල්ලෝ දෙන කෑම එක කනවා මිසක් විවේචනය කරන්නේ නැහැ, අඩුපාඩු හොයන්නෙත් නැහැ. හැබැයි මම දෙන කෑම එකත් හොඳටම දෙනවා" යනුවෙන් නිහාල් ද සිල්වා බීබීසී සිංහල සේවය වෙත අදහස් දක්වමින් කියා සිටියේය.

ඉන් අනතුරුව දහවල් 1.30 ට පමණ ආහාර බෙදා දීම ආරම්භ කරන ඔහු රාත්‍රී 8 පමණ වන තෙක් එම කටයුත්තේ නියැලෙයි.

සුනඛයන් තුළ "මිනිස් ගුණ"

සුනඛයන් වෙනුවෙන් කැප වූ නිහාල්
කලක් විදෙස්ගතව සිටි නිහාල් යළි සියරට පැමිණීමෙන් අනතුරුව සිය ජීවිතයම සුනඛයන් වෙනුවෙන් කැප කර තිබේ.

මනුෂ්‍යයන්ට වඩා "මිනිස් ගුණ" සුනඛයන් තුළ දැකිය හැකි බව පවසන නිහාල් පෙන්වා දෙන පරිදි පසුගිය කාලය පුරාවටම ඔහු කොළඹින් බැහැරව ගොස් ඇත්තේ අවස්ථා දෙකකදී පමණි.

bbc

Add comment


Security code
Refresh